الموضوع: عطوني رايكم في جدول السفر الي ماليزيا

جدولك جدا حلو حبيبي بالنسبة للصن واي لاجون مايحتاج تغيير
فندق لانكاوي لو تقدر تغير من لانكاوي لاجون للويستن او البلانجي بيتش حسب ميزانيتك يكون افضل
لو تسحب يوم من لانكاوي وتضيفوه في كوالا يكون افضل عشين تقدر تروح لجنتنج من الصباح للمساء

حياك الله أخ إف 15نورت المنتدى
اتفق مع أخي طارق بخصوص تنقيص يوم من لنكاوي وإضافته إلى كوالا
لنكاوي حدها 4 أيام كحد أقصى وكوالا تحتاج إيام زيادة لأن منها زيارة جنتنق وفيها تسوق وآخر يوم لاتحسبه لأنه يعتبر يوم سفر ماحتقدر تسوي فيه شيء


بالنسبة للتوزيع الأمثل الآن يكون كالتالي
2 سلانقور
4 لنكاوي
3 بينانج
4 كوالا
--------------
المجموع = 13 ليلة


لكن قبل ماننتقل للفنادق أنا عندي سؤال
يوم 18 نوفمبر متي مسافر؟ هل بعد منتصف الليل؟ إذا بعد منتصف الليلة مافيه مشكلة لأنك راح توصل في نفس اليوم
لكن لو سفرك قبل متصف الليل معانته راح توصل اليوم الثاني يوم 19 نوفمبر وبالتالي المدة راح تنقص يوم


بالنسبة للفنادق
سلانقور
أنت أخترت فيلا
فعلاً فلل الصن وي غير متوفرة في مواقع الحجز
هي فقط موجودة في موقع الفندق وتقدر تحجزها من نفس الموقع
http://www.sunwayhotels.com/
من القائمة المنسدلة أختر
The Villas
سعرها 1180 رنقت +16% ضريبة وخدمة = 1369 رنقت
ليلتين = 2738 رنقت
وبالريال = 3353 ريال


لنكاوي
أكواخ القرية البحرية حلوة لأن فيها نوع من التغيير كونك تسكن وسط البحر والماء تحتك شيء جميل
لكن لو تبغى فخامة وشغل على مستوى عندك فندق ويستن لنكاوي خذ لك غرفة ديلوكس مطة على البحر
ولو تبغى أكواخ مواجهة للبحر وفندق نظيف وراقي على أفضل شاطيء عندك منتدع بلانجي بيتش


بينانج
فندق قولدن ساندس ممتاز لا تغيره


كوالا
فندق بارك رويال هذا سكنه حبيبنا وافي ويوصي عليه كثير
بس ترا فيه فندق وفيه شقق أنت إخترت أي واحد فيهم؟


والسؤال الأخير
أنا شايف أنك مختار ستوديو في كل فنادقك هل معك أطفال؟ أو أنت عريس؟
إذا عريس مايحتاج تأخذ ستوديو خذ غرفة ديلوكس كفاية عليكم
وإذا معك أطفال خذ بالك ترا فلل الصن وي لاقون مايسمحون بالأطفال إطلاقاً


تمنياتي لك بالتوفيق ورحلة سعيدة إن شاء الله

هلا طارق منور انا ابغى تغيير في ستايل الفنادق يعني
1_ اسكن في فيلا مع مسبح خاص
2- اسكن في اكواخ فوق البحر
3-اطلاله على البحر
4_ وسط المدينه
ماابغى ستايل الفنادق والاطلاله متشابها
للويستن او البلانجي بيتش حسب ميزانيتك يكون افضل
هل فيها اكواخ لاني راح اخذ في بينانج جولن ساندس واحس انه يشبهم
وين الافضل واسعارها اذا تعرفها
ودمت بصحه وعافيه

هلا بك المغادرون2007 شرفتنابخصوص الرحله الاقلاع يوم السبت 17 الساعه 12 في الليل الوصول يوم 18 الساعه 3 العصر بتوقيت ماليزيا
وتنقيص الايام راح ننقص يوم من لنكاوي الي كوالا في فندق باك رويال ليس الشقق
لايوجد اطفال بس لنكاوي لاجون في القريه البحريه مافيه الاستديو
بالنسبه الي فلل الصن وي لقيتها على البوكنق باسم فندق The Villas
فندق لحاله ماهو مكتوب الصن وي مكتوب فندق The Villas مدري هو والا
لقيتها 2933 بدون رسوم 16 في الميه
ترتيب الايام بعد التعديل
يومين سلانجور الصن وي فلل
اربع ايام لنكاوي لنكاوي لاجون القريه البحريه
ثلاث ايام بينانج جولدن ساندس
اربع ايام كوالا فندق باك رويال

ستايلك في جميع الفنادق ممتاز في لنكاوي عندك بلانجي بيتش والبرجايا والافضل البلانجي بس شيك على الفندقين وشوف المناسب لك في السعر في مواقع البوكينج واقودا واسيا ترافل
وفندق البارك رويال ممتاز كموقع وخدمة احجز ولا تنتظر
اما الصن واي لاجون فاأحجز من موقعهم افضل زي ماذكر لك المغادرون
وبالتوفيق ان شاء الله

فندق لحاله ماهو مكتوب الصن وي مكتوب فندق The Villas مدري هو والا
ايه هي اللي تبحث عنها مايسمحوا بدخول الاطفال للعلم فقط

غاليه بس شي راقي

شكرا اخوي طارق على نصايحك ومرورك لكن عندي استفسار في سلانجور فندق
Villa Samadhi

نظام فلل حصلته على البوكنق مع مسبح خاص وشكله حلو
سعره 1858 ليلتين
اتمنى الرد من الجميع الي يعرف الفندق
وهل يصلح ابدله بدل فلل الصن وي
سعره ارخص والخدمات متشابها تقريبا

شكرا لك اخويal3dni

جاري الانتظار

وينكم ياشباب !!!!!!!

بما أنك أنت وزوجتك فقط فما فيه داعي تأخذ سويت في فندق قولدن ساندس خذ غرفة ديلوكس مطلة عالبح
روفي لنكاوي أو فندق لنكاوي لأقون القرية البحرية كلها سويتات زي ماقلت
لكن فندق بارك رويال ليه سويت؟ خذ غرفة ديلوكس أوفر لك الفرق الوحيد هو في السعة فقط
الفلل التي ذكرتها غير معروفة عندنا وأخاف ان الصور خداعة وقد تكون ممتازة لكن ما أنصحك بالمغامرة
خذ المضمون أحسن لك

شــــــــــــــــــكراقائمه اسعار الفنادق (بوكنق)
سلانجو من 18 الي 20 فلل الصن وي 3403
لنكاوي من 20 الي 24 لنكاوي لاجون ستديو القريه البحريه 3076
بينانج من 24الي 27 جولن ساندس غرفه ديلوكس مطله على البحر 2411
كوالا من 27 الي 1 فندق بارك رويال غرفه ديلوكس 1427
مجموع اسعار الفنادق 10317
بس حاب عرف كم المصروف اليومي تقريبا مع الموصلات
وكيف طريقه الموصلات سواق او تاكسي اوالمونوريل او لكل منطقه طريقه في الموصلات ارخص واحسن
والطيران الداخلي ماعرف احجز عن طريق النت احجز من مكتب هنا في السعوديه

يختلف المصروف اليومي من شخص الى اخر

وتقريبا المتوسط والكافي لشخصين باليوم من غير الفنادق 450 ريال قد تزيد او تنقص


والافضل الحجز من موقع طيران اير اسيا


هذا شرح المبدع الصديق العدني


http://www.arabtravelersforum.com/travel772659/

اسعد الله مسائك يالغالي ويارب تكون بصحة وسلامة انت ومن تحب

بالنسبة للمصروف اليومي نقول كمتوسط يومي تقريبا 500 ريال

لكن في النهاية انت من يتحكم بالمصرووف

اما المواصلات طال عمر فهناك الجوي والبحري والبري

والحجز وانا اخوك سهل جدا ما يبيله شي

وحنا هنا معك خطوة بخطوة تحت امرك انت امر بس

الله يعطيكم العافيه بعدين الحجز صعب شوي كله انقليزي

حبيب قلبي جورج والله ماش وش رايك تحجزلي انت

ابشر من عيوني

ما يحتاج احد يحجز لك لانها فيها خصوصية بطاقة الفيزا


ونا اوقف معك خطوة بخطوة ما يهمك