المشاركة الأصلية كتبت بواسطة أبـوناصر
http://www.arabtravelersforum.com/tr...0/#post5086194
كل الشكر و جزيل الامتنان لك يا خبيرنا العزيز
. . .
اخوي ابو رايان ..
انا اخترت الطبيعه اولاً علشان الراحه في اول السفر والتسوق في الآخر
خبرك التسوق في روما وميلان يحتم عليك صرف الكثير من الاموال
وفوق هذا كله راح تكثر الجناط عندي وعلى قولتهم ... غثه ... في التنقل
زيورخ اخترت 3 ليالي عشان اول يوم الوصول لها والاستقرار فيها وثاني يوم الذهاب الى يوروب بارك وثالث يوم للتمشي و بعض التسوق الخفيف والمغادره منها الى انترلاكن ...
ولكن اعجبتني فكرتك واحتمال اخليها يومين بس .
وايضاً ميلان وروما حلو التقسيمه بينهم ولكن انا ما ادري هل روما تستاهل 3 ليالي و شنو فيها من سياحه ؟؟
اما بالنسبه لفينيسيا .. هل هي مكلفه جداً ؟؟
وهل تنصح بحجز الفندق او الشقه او الشاليه فيها قبل الوصول لها مثلاً
ترى اخوك ما يعرف فيها شي .. سمعت ان فيها شاطئ ..
وهل تستحق الذهاب لها ؟؟
اما بالنسبه لجنيف انا زرتها من قبل وبصراحه ما تستاهل ان الواحد يخصص لها ايام بجدول السفره في زحمة المناطق السياحيه الاخرى ..
اما لريميني وريتشوني اول مره اسمع عنهم فياريت تفيدني اكثر يا خبيرنا الطيب ..
ترى اخوك يحب المناطق الساحليه اكثر .
بالنسبه للسيارة ...
هل التأجير من زيورخ نفس اسعار التأجير من ميونيخ ؟؟
وما الشركات الافضل لتأجير السيارات ...؟
لأني ما اعرف غير يوروب كار ...
وما رأيك في الطريق من زيوريخ الى انترلاكن ؟؟
انا بحثت عنه ولقيت ان زيورخ تبعد عن انترلاكن 119 كم يعني ساعه ونص
وهذا الطريق من الــ google map فكيف 60 كم هل خابر طريق اقرب وياريت تفيدنا ابوريان
اما عن عدد الافراد ... انا والمدام و طفل واحد
وشكراً لجهودك معي
انا اخترت الطبيعه اولاً علشان الراحه في اول السفر والتسوق في الآخر
خبرك التسوق في روما وميلان يحتم عليك صرف الكثير من الاموال
وفوق هذا كله راح تكثر الجناط عندي وعلى قولتهم ... غثه ... في التنقل
وانا اخوك انت معك سياره وبالتالي راح تخزن كل مشترياتك في شنطة السياره , والشناط ما راح تزيد بسبب انك تبي تشحنها بالطياره يعني عفشك ما راح يزيد عن المعقول
بس انا اقولك خلاصة تجربتي البسيطة : بعد المطامر بين جبال انترلاكن وطبيعتها الخيالية راح يجيك ملل وتعب وما راح تتحمل الصخب في ايطاليا
الرأي لك وانا اخوك واللي يحكم بيني وبينك خطوط الطيران وتوفر الحجز المناسب
خصوصا ان زيورخ ما توصلها الخطوط السعوديه بعكس ميلان وروما وجنيف
زيورخ اخترت 3 ليالي عشان اول يوم الوصول لها والاستقرار فيها وثاني يوم الذهاب الى يوروب بارك وثالث يوم للتمشي و بعض التسوق الخفيف والمغادره منها الى انترلاكن ...
زيورخ ما انصح بالمبيت فيها ,ما فيه شي يستاهل الاقامة , ولكن المرور فيها مهم
انا انصحك تبات في رست في يوروب بارك
تصير روحتك مقسمه ما بين ملاهي وطبيعه واسواق وشواطئ ومتاحف .
وايضاً ميلان وروما حلو التقسيمه بينهم ولكن انا ما ادري هل روما تستاهل 3 ليالي و شنو فيها من سياحه ؟؟
روما لم أزرها فبالتالي ما يحق لي أحكم ولكن انا رأيي اذا وصلت هناك ما يمنع تزورها
مثلها مثل جنيف وزيورخ , زياره وحده تتعرف عليها وما راح تجيها ثانيه اظاقه الى الخطوط لو بغيت الخطوط السعودية .
اما بالنسبه لفينيسيا .. هل هي مكلفه جداً ؟؟
وهل تنصح بحجز الفندق او الشقه او الشاليه فيها قبل الوصول لها مثلاً
ترى اخوك ما يعرف فيها شي .. سمعت ان فيها شاطئ ..
فينيسيا جزيرة تقريبا ولا يوجد فيها شوارع والتنقل داخلها يكون بالقوارب الجندولا
, راح توقف سيارتك بموقف ضخم جدا للسيارات بعدين تركب باص بحري يوصلك للرصيف البحري الخاص بفندقك
المكلف في فينيسييا فنادقها غاليه ولكن هي اعجوبه من عجايب الدنيا وشي غريب وعجيب ولابد من زيارتها
انا شخصيا زرتها ولكن لن أكرر الزياره خلاص مكان شفته
فهمت علي ؟
فيه فندق اسمه baure ممتاز جدا ورهيب ولكن سعره لن يقل عن 1600 ريال
ما ادري متى تبي تروح وعلي اي خطوط
ولا أعلم ان كان فيها شقق وطبعا ما فيه شاليهات , وما انصحك فيها ابد لانك محتاج مكان له رصيف بحري حتى ما تجرجر شناطك وتتعب ,,
انا انصحك تخليها 2 ليلة تراها تكفي .
اما لريميني وريتشوني اول مره اسمع عنهم فياريت تفيدني اكثر يا خبيرنا الطيب ..
ترى اخوك يحب المناطق الساحليه اكثر .
ريميني ورتشوني بينهم عشر دقايق وانا انصح السكن برتشوني وعباره عن شاطئ واسواق واحلى شي اذا سكنت بفندق مطل عالبحر , انا سكنت بفندق الميريديان بريميني وصراحه من افخم الفنادق اللي سكنتها بحياتي وفيه بلطونه مطله عالبحر
ما احب اسرف بالمدح ولكن السفر اذواق المشكلة في ريميني الطريق لها مش حلو ,
والحلو انها منطقه متوسط بين فينيسيا وروما
اهم شي بريميني ورتشوني الوقت اللي تروح فيه
هل التأجير من زيورخ نفس اسعار التأجير من ميونيخ ؟؟
وما الشركات الافضل لتأجير السيارات ...؟
لأني ما اعرف غير يوروب كار ...
اعتقد ان ميونخ افضل من زيورخ ولكن ما ادري عن العروض , انت تشوف وش السعر اللي يناسبك
الشركات اللي تأجر كثيره اهمها يوروب كار وسيكست وهيرتز ....الخ
وما رأيك في الطريق من زيوريخ الى انترلاكن ؟؟
انا بحثت عنه ولقيت ان زيورخ تبعد عن انترلاكن 119 كم يعني ساعه ونص
الطريق ممتاز جدا وتراي أنسى بالضبط كم كيلو عموما الزبده ان المسافه مو بعيده وبينهن لوزيرن لازم تزورها
رد مع اقتباس
المفضلات