الموضوع: مابقى شي عن السفره تكفووون الفزعه

يالغالين
كيفكم عساك بخير
الله يبيض وجيهكم على كل شي تقدمونه والله انه منتدى يرفع الراس ويشرف الواحد ينتسب له
انا يالغالين ناوي ان شاء الله اروح شهر عسل لايطاليا في تاريخ 2- 6 ميلادي طبعا بعد الزواج بيوم
والمخطط من الرياض الى روما والعوده من ميلانو الرياض مدة السفره 13
الاقلاع يوم الخميس والعوده يوم الاربعاء
ابي منكم الله لايهينكم تضبيط جدول روعه لشهر العسل علما باني ابيه يكون تمشيات واسواق واماكن حلوة ورومانسية
وماتكون غاليه الاسواق
علما بان الميزانية 30000 شامله كل شي من تذاكر وسكن واكل وتمشيات واسواق
تكفووووووون فزعنكم

مواضيع عشوائيه ممكن تكون تعجبك اخترناها لك:

• في سيرميوني
• الزعيمه والاعضاء الخبيرين في ايطاليا توهقت وابي مساعدتكم
• اخر عالمخطط حياج يالزعيمة
• استفسار هام وارجوا من الاخوان السرعه في الاجابة
• ساعدوني في الاجابه على هالأسئله الله يرضى عليكم
• هل يوجد في فنادق روما ثلاجة
• اخر ما وصلت له في تخطيط الرحله
• ما معني Number Of Entries 02 في الفيزا
• الفنادق في ميلان وكومو وفينسيا
• دعوة المسافر مجابه لمن سوف يرد على سؤالي
• ابغي اطلع سياحة الي ايطاليا انا واختي ما هو المطلوب
• من فنيسيا لسيرموني فزعتكم
• المساعده في ترتيب شهر عسل الى ايطاليا
• روما
• رحلة عمل وتمشيه نصائح الخبراء مكرتن
• صور ومناظر جميلة من مدينة بريشيا في إيطاليا من تصوير الجوال
• استئجار سيارة في إيطاليا
• موضوعي قريبا ان شاء الله مابين روما بيروجيا فينيسيا بيزا
• استفسار عن حاله الطغس مهم جدا
• عااااجل الاهل الخبرة ضروري استشارة لسفرة ايطاليا

المشاركة الأصلية كتبت بواسطة سعد 1434
http://www.arabtravelersforum.com/tr...8/#post5145424

يالغالين
كيفكم عساك بخير
الله يبيض وجيهكم على كل شي تقدمونه والله انه منتدى يرفع الراس ويشرف الواحد ينتسب له
انا يالغالين ناوي ان شاء الله اروح شهر عسل لايطاليا في تاريخ 2- 6 ميلادي طبعا بعد الزواج بيوم
والمخطط من الرياض الى روما والعوده من ميلانو الرياض مدة السفره 13
الاقلاع يوم الخميس والعوده يوم الاربعاء
ابي منكم الله لايهينكم تضبيط جدول روعه لشهر العسل علما باني ابيه يكون تمشيات واسواق واماكن حلوة ورومانسية
وماتكون غاليه الاسواق
علما بان الميزانية 30000 شامله كل شي من تذاكر وسكن واكل وتمشيات واسواق
تكفووووووون فزعنكم

هلا اخوي

وبالمبارك عليكم الزواج

الميزانية مناسبة للمدة والافضل استبعاد التسوق حسب الامكان لان التسوق غالى بايطاليا

ولاكن هناك بعض الاسواق والاوت لت ممكن تكون رخيصة نوع ما

عالعموم الوصول روما

روما 3 ليالي

فلورنس 3ليالي

فنيسيا 2ليلة

ميلان 5ليالي طبعا" حتزور من ميلان عدة مدن قريبة

والرجوع للوطن

هلا وغلا بك يابو طلال والله لايحرمنا منك
يالغالي بالنسبه لميلانو وش المدن القريبة لها اللي تنصح بزيارتها وكيف ازورها
على فكره ماني من النوع اللي يحب التاريخ والاثار ابي وناسه وفله

المشاركة الأصلية كتبت بواسطة سعد 1434
http://www.arabtravelersforum.com/tr...4/#post5147204

هلا وغلا بك يابو طلال والله لايحرمنا منك
يالغالي بالنسبه لميلانو وش المدن القريبة لها اللي تنصح بزيارتها وكيف ازورها
على فكره ماني من النوع اللي يحب التاريخ والاثار ابي وناسه وفله

هلا اخوي

ممكن تزور جاردا وقرية سيرموني

وبحيرة كومو ومدينة فيرونا ولوقانو السويسرية

وبحيرة ماجوري

هلا بك يابو طلال
باذن الله تم تاكيد المخطط على الرياض روما
والعوده جنيف الرياض
بدخل سويسرا معها
المخطط كالتالي
روما 3 ليال
فينيسيا 2 ليلتين
ميلانو 3 ليال
انترلاكن 3 ليال
جنيف 2 ليلتين
ثم العوده باذن الله الى الوطن
بغيت اسال كم يكلف مواصلات واكل وتمشيه
طبعا السكن والفنادق بحدود 20 الف
واذا اوكي اذا تكرمت ابيك تعطيني مخطط كل مدينه وين اروح فيها
لاني بطبعه واتوكل على الله
الله لايحرمك الجنه يابو طلال

هلا اخوي

المخطط ممتاز اعتمدة

الفنادق حتلاقي اقل من كذا الا اذا انت حجزتها خلاص بس 20 الف

كثيرة لان الفنادق انت ماحتحتاجها الاوقت النوم ممكن تكلفك حدود العشرة الاف لو اخترتها

3نجوم نظيفة وخصوصا" اذا بتستاجر سيارة

روما اول يوم وصول جولة حول الفندق واخذ لفة لمعرفة المدينة وماحولك من اشياء هذا لو وصلت متاخر

ثاني يوم اشتر تذاكر الباص السياحي وهو بيلف فيك اهم المواقع السياحية

ثالث يوم زيارة الحديقة وركوب المنظاد ولفة بشارع فينيتو

السكن اسكن حول الدرج الاسباني موقع مميز

ومن ثم احجز على فنيسيا بالقطار

والسكن حاول يكون حول ساحة سان ماركو

اهم شي بفنيسيا الساحة طبعا"

ولفة بالجندول وزيارة مصنع الزجاج

وممكن تزور من فنيسيا مدينة فيرونا من الصباح وترجع المساء

بعد فنيسيا ميلان

اول يوم تسوق بالدومو

ثاني يوم ممكن تزور ملاهي جاردا وقرية سيرموني من الصباح

ثالث استئجار سيارة من ميلان و زيارة بحيرة كومو ولوقانو والرجوع داخل ميلان

اليوم الي بعدة اتجاة الى انترلاكن

انترلاكن اول يوم

زيارة قمة جنيفير وشلالات ترمل باخ

ثاني يوم زيارة مصنع النستلة ومصنع الجبن

ثالث يوم زيارة بحيرة اوشن سي والبحيرة الزرقاء

جنيف

اول يوم لفة بالمدينة وعلى البحيرة وممكن زيارة لوزان

الثاني زيارة انسي الفرنسية والرجوع الى جنيف وزيارة جنيف القديمة

والسفر بعون الله

الله يوفقك يابو طلال
انا اشوف ان السكن غالي وابيك لو تكرمت تحدد لي كل مدينه وش الفندق لاني عن طريق مكتب احجز وبقولهم احجزوا لي فيها وابيه يكون حلو وقريب من الاماكن اللي ذكرتها وبالنسبه للسياره كيف استاجرها وكم ايجارها وكم افضل مده نفس مخططك بالضبط الله يوفقك تكفى والله محتاج فزعتك بالحيل يالذيب
ومو مشكله استاجر سياره من ميلانو علا كلامك من وين افضل مكان ووين اسلمها وكل شي ابيك تفيدني
الله يوفقك

ممكن تخلي السكن في جاردا بدل فينيسيا بينهم ساعه وشوي بالسياره وانا انصحك ب3 ليالي بجاردا
السبب عندك فينيسيا تقدر تروح الصبح وترد المساء بالقطار ساعه تقريبا
عمدك بحيرة جاردا وسير ميوني
عندك فيرونا مدينه روميو وجولييت حدود نص ساعه او 40 دقيقه عن جاردا
عندك مدينة الالعاب جاردا لاند
مدينه الالعاب موفي لاند
مدينه الالعاب المائيه
ومدينه بادوفا
وووووووووووهذا اللي براسي من جاردا خخخخخ وانت براحتك
بالتوفيق

هلا وغلا اطليانو

لا توهقني تقول لي انت بكيفك والله ماادري وين انا رايح
ابيك تقولي رح كذا واسكن بكذا وسو كذا وكذا وكذا
تكفى

المشاركة الأصلية كتبت بواسطة سعد 1434
http://www.arabtravelersforum.com/tr...4/#post5156194

هلا وغلا اطليانو

لا توهقني تقول لي انت بكيفك والله ماادري وين انا رايح
ابيك تقولي رح كذا واسكن بكذا وسو كذا وكذا وكذا
تكفى



شوف الجدول اللي انت حطيته حلو بس تعديل بسيط
روما 3 ليالي
جاردا 3 ليالي السكن فيها ارخص من فينيسيا (يوم الوصول البحيره وسير ميوني - اليوم الثاني بالقطار فينيسيا ساعه - اليوم الثالث مدينه فيرونا بالقطار نص ساعه او 40 دقيقه )
ميلان ليلتين(يوم الوصول ميلان والدومو - اليوم الثاني بحيرة كومو او بحيرة ميجوري او لوجانو او كومو ولوجانو يعني بالقطار تحجز لكومو ثم لوجانو ثم ميلان )
انترلاكن 3 ليالي
جنيف ليلتين
السياره ممكن تاخذها من جاردا لانه ماتحتاجها في روما والطريق بالسياره من روما الى جاردااو فينيسيا طويل حدود 7 ساعات فممكن تاخذ قطار لجاردا وتستاجر سياره وتسلمها في ميلان وتروح لسويسرا بالقطار لان فيه ضريبه لتسليم السياره في دوله اخرى .....
فيه راي ثاني وانت براحتك :
روما ليلتين
وتستاجر سياره وبعدهاتروح فلورنس وتجلس ليلتين وبعدها لجاردا تجلس 3 ليالي وبعدها لانترلاكن 3 ليالي وبالاخير ميلان ليلتين وبكذا مافيه ضريبه التسليم في دوله اخرى ...
السكن فنادق 4 نجوم او 3 نجوم في روما لان السكن غالي شوي
وش رايك بالخطه ب
؟؟؟؟؟؟؟؟؟؟؟؟؟؟

ذيبان ابي اسماء فنادق احجزها في كل مدينه وتذكر انه شهر عسل يعني مو تعطيني فنادق ماعندك احد
ابي شي يشرف وحلو ورخيص او متوسط
مو غالي

وبالنسبة للايجار كم سعره باليوم
وش افضل سياره
وش شروط ايجارهم


المخطط ب حلو بس كم تبعد كل مدينه عن بعض على حسب المخطط اللي سويته
ومشكور

هلا اخوي

جدولك الاول حلو بس لو بتعدل عدل جاردا بدل فنيسيا

السيارة ماتفرق ادفع الظريبة بحدود 1500 ريال

فنادق روما شوف هذي حول الدرج الاسباني

Ambasciatori Palace Hotel وهذا Spagna Royal Suite

ميلان هذا Starhotels Rosa Grand

فنيسيا خل المكتب يحجز لك حول ساحة سان ماركو