الموضوع: الفزعة كلاكيت اول مره ايطاليا

السلام عليكم ورحمة الله
الله يجزاكم كل خير ويسهل اموركم دنيا واخره مثل ماسهلتوا علينا
ان شاء الله ناوين هالصيف نروح اسبوعين ل ايطالياوبما انها الرحلة الاولى لنا كعائلة للسفر بالطيارة خارج السعوديه ودي انها تكون الرحلة مميزة وممتعه برعايتكم
عائلتنا تتكون من اب وام وثلاث اطفال 12سنة و8سنوات و5سنوات
اذاممكن ترتبون لنا الرحلة من حيث الايام المناسبة لكل مدينة والسكن المناسب وطريقة التنقل هناك
من متابعتي لمواضيع الاعضاء احس شمال ايطاليا مناسب لنا اكثر ومنها نطل على سويسرا
ارجوكم ساعدوني انا الراعي الرسمي لها الرحلة ومحدثتكم حدها دبي

مواضيع عشوائيه ممكن تكون تعجبك اخترناها لك:

• من يدلني على أرخص تذكرة من الامارات لميلانو
• طلب مشوره في برنامج
• طلب لخبراء ايطاليا شهر عسل
• عتبي على البوابه الايطاليه
• سكي بميلان
• الله يخليكم ساعدوني قبل ماتغلى الاسعار اتمنى احد يرد هذي المره
• الحدود بين إيطاليا وفرنسا
• المساعدة يا خبراء ميلان
• فيروس في إيطآليًـآ
• أستفسار برنامج السفر الى
• ميلان والمدن الاخرى
• الجو في ايطاليا هذا الصيف
• ،،، شهــر عــســل ،،، اسبانـــي ايطـــالي
• لذوي الخبره
• اللي يريد سيارة ايجار يروح مطار برغاموا قريب من ميلانوا اسعار الايجار طيبة ومناسبة
• استفسار بخصوص الانتقال من المطار
• عضووووه جديده هل من مرحب
• شرايكم بكاليفورنيا هوتيل بروما؟
• جدول لمده يوم وأبغي رايكم فيه
• إلى مشرف ايطالياأرجو المساعدة

هلا بك أختي

أن شالله تتسهل أموركم وتروحون وترجعون بالسلامة

أذا رحلتكم أسبوعين أشوف أنها تبتدي من روما وتنتهي في ميلان

ويكون الجدول كالتالي
3 أيام روما
2فلورنس(منها تزورون بيزا ومنها تشوفون معالم فلورنس)
2 فينيس
2 سيرموني ( منها تمرون فيرونا وتتفرجون عليها ومنها تروحون للأكوا بارك المدينة المائية الي هناك أو موفي لاند أو جارادا لاند ومنها تزورون سيموني وقلعتها الرائعة)
3 ميلان (منها تزورون كومو ولوقانو ومنها تروحون للأوت لت وتتمشون في ميلان)

وبالنسبة للسكن بعد ما نتفق على جدول تبداء مرحلة التخطيط للسكن

والتنقلات أشوف تستأجرون سيارة أفضل لكم
تستلمونها وقت طلعتكم من روما وتسلمونها في ميلان


تحياتي لك

الله يعطيك العافيه ماقصرت اخوي بس ودي اليومين اللي بفينيس نظيفها لسيرموني لاني احس الاولاد بينبسطون فيها اكثر ولا وش رائيكم

ممكن تسكنين في سيرموني وتخلين يوم فينيس ويوم فيرونا +جاردا لاند أو اكوا بارك المدينة المائية أو موفي لاند

يعني كل شي ممكن تسوينه بس ترا فينيس لها طعم ثاني وأسأليني أنا

رومنسية جدا جدا جدا وراح تنبسطون أنتي وزوجك

تحياتي لك

مرحبا
اعتذر عن الانقطاع بس النت كان مقطوع
المخطط كذامناسب ندخل بتفاصيل السكن ولا عليك امروالمواصلات وترانااذا ربي اراد بنروح بتاريخ 18يوليو لروما وبنرجع بتاريخ 3اوقست من روما حجزنا عن طريق الخطوط السعوديه وياليت السكن يكون مكانه حلو وسعره احلى

ليتك خليتي الرجعه من ميلان كان أحسن لك عشان ما تتعبين وترجعين حرام

أولا وشهي الخطة الي اعتمدتبها عشان بناء عليها نختار السكن ونختار وسيلة المواصلات مع اني افضل السيارة

5 أيام روما منها تزورين نابولي وجزيرة كابري
2فلورنس(منها تزورون بيزا ومنها تشوفون معالم فلورنس)
2 فينيس تتمشين فيها وتعيشين احلى أيام واذا طلعتوا منها الى سيرموني تمرون فيرونا(مدينة روميو وجولييت وتقعدون فيها 5 ساعات)
3 سيرموني ( منها تروحون للأكوا بارك المدينة المائية الي هناك أو موفي لاند أو جارادا لاند ومنها تدورون حول بحيرة جارادا وتشوفون سيرموني وقلعتها الرائعة)
4 ميلان (منها تزورون كومو ولوقانو ومنها تروحون للأوت لت وتتمشون في ميلان)

هذا المخطط الي أحسه ينفع لكم بس حاولوا تغيرون الرجعه تكون من ميلان

وخوذوا لكم سيارة من روما وخوذوا جهاز نفقيشن عشان ماتضيعون

تاخذون راحتكم فيها تمشون متى ماتبون ووقت ماتبون

انتي أذا اعجبك المخطط قوليلي عشان أعطيك الفنادق الي مختارها لك

أنتظر ردك

تحياتي

والله ودي مره ارجع من ميلان بس مالقينا حجز ابدا حتى حاولت الى جدة مافيه بسالك اخوي بصراحة اول مره نسافر لاوربا والميزانيه على القد تنصحنا بيطاليابينبسطون فيها العيال وحنا او نغير الوجهه لديره ثانيه( انا اللي مختاره ايطاليا وخايفه)
اسفه للازعاج والمخطط حلو مره وبالنسبة لخطة السفرالعيال وابوهم ينبسطون مره بالمسابح واللعاب المائيه السيرك حديقة حيوانات اذافيه شى حلو وانا احب الاثارواعشق الاسوااااق ومره ودي اشوف الاوت لت
وبالنسبة للسيارة اخاف ماندل زين والمواقف اخاف مشكلة

أول شي كم عددكم؟؟
وكم ميزانيتكم؟؟
وبالنسبة للسيارة مافيها اي مشاكل
فيه جهاز ملاحة أسمه نفقيشن يدلك الطريق بمجرد أنك تدخلين أسم المدينة أو الشارع أو الحي

لكن أنا افضل انكم تشترون واحد من هنا ويكون بالعربي وتودنه للمحل يدخل لكم خريطة أوروبا كلها

والأمور سهله
وأذا الميزانية ما تسمح نقصو أيام في السفرة عشان تخف الميزانية

أنتظر ردك أختي

تحياتي لك

ازعجتك اخوي
اناوزوجي وثلاث اطفال 12 سنة و8و5سنوات وميزانية الرحلة30شاملة تذاكر وسكن ومواصلات مصاريف اكل والعاب 10كافيه او نغير المخطط

أنتم بتقعدون من 18 جولاي الى 3 اوقست

الميزانية ما أتوقع بتكفي لأن التذاكر لحالها يمكن تكلفكم مالا يقل عن 10 الاف ريال أذا ما كان أكثر

وأحسبي يوميتكم 1000 ريال تقريبا اذا ما زادت

والسكن يمكن يكلفكم مالا يقل عن 15 الف

والسيارة برضوا بتاكل عليكم

أنا اشوف أنك تقللين الأيام عشان تكفي فلوسكم

هذا رأيي وأنتي أبحثي وشوفي

أدخلي على موقع الخطوط السعودية وشوفي كم تكلف التذاكر وأحسبيها

وبالنسبة للسكن مستعد أشوفه لك بس أولا تعلميني كم المدة وكيف الخطة حقتك

أنتظر ردك

تحياتي لك

أنتظر ردك أختي

تحياتي لك

الله يوفقك خلاص بشوف الحجوازت وارد لك ان شاء الله باسرع وقت شاكره لك اهتمامك

اخوي لقيت حجز لميلانو وصول يوم 10 يوليو والمغادرة من روما ان شاء الله 23 يوليو يارب تقدر تساعدني بترتيب الرحلة

هذا حلو مرة بس وش رايك تخلينها العكس

يعني الوصول روما والمغادرة ميلان

عشان يكون التسوق اخر شي

أنتظر ردك وأبشري بالي يرضيك

تحياتي لك

,والله احس ازعجتك لقيت سعر حلو ذهاب لميلانو يوم 16 وعوده من جنيف 31 وفيه كمان يوم 29وش رايك؟

السلام عليكم بس مداخلة للإفادة .. اللي اعرفه ان أسواق ميلان عليها تنزيلات ابتداءاً من 15 يوليو إلى 15 أغسطس من كل سنة يعني لو يتم تضبيط وقت الاقامة بميلان مع وقت التخفيضات راح يكون مفيد لكم .. وشكراً

أختي كذا راح تصعب عليك

لانك لو تشوفين خريطة أيطاليا بتعرفين ليش أنا أبي الرحلة تكون تبداء من روما وتنتهي في ميلان

وانا ما أرجح جينيف

لكن الذهاب يكون ميلان والعودة روما أشوا شوي لكن ماأحس راح ترتاحون فيها

لكن أذا عجبتك قوليلي وأنا مستعد أبداء بالسكن

وبعدين لا تعب ولا حاجة

حنا هنا نتعاون ونخدم بعض

تحياتي لك

مرحبا سعرالتذاكرمغري جدا وانا شفت الخريطة لقيت جنيف قريبة على ايطاليا وانت خابر اول مره بروح بس كانت فكرتي اغلب الرحلة تكون بايطاليا والثلاث ايام الاخيره نروح جنيف واذا مايصلح خلاص شورتك وهدايه الله نرجع للحجز الاول لان ميلان الى 6 رمضان مافيه عودة

عقنقل شكرا لك على المداخله المفيدة

والله يا اختي ما ادري

أنتي فكري فيها توصلين لميلان وتمشين بالسيارة لروما مثلا؟؟

مشوار عليك

طيب لو قلنا انك حجزتي الذهاب ميلان والعودة برضوا ميلان

و قلنا بتروحين طيران من روما لميلان عن طريق الأيزي جت وتبدين رحلتك من روما

التذاكر لك ولأولادك مع الشنط بتكون ب166 يورو يعني حوالي 900 ريال

وتبدين من روما وتتمشين كم يوم بعدين تاخذون سيارة وتتوجهون لفينيس بعدين لسيرموني بعدين ترجعون ميلان تتمشون في كومو ولوجانو الي جنب ميلان وترجعون السيارة في ميلان وترجعون لأرض الوطن

وش رايك بهالخطة؟؟

اتمنى تعجبك

تحياتي لك

شورتك وهدايه الله نبدا بالمخطط

طيب عطيني التواريخ عشان نقسم الأيام صح في كل مدينة

أنتظر ردك

تحياتي لك

الله يعطيك العافيه تعبتك بس شكل الرحلة بتتغير خطتها بالكامل الاولاد ضغطوا على ابوهم ويبغون دزني وانامصره على ميلان ولقينا بالنت حجز لمدة 15 يوم ذهاب لميلان وعوده من باريس بس مااعرف وشلون تكون الروحة من ميلان لباريس فيه قطاراو طيران اقتصادي احسن

هلا بك اختي

كذا حلو

وبالنسبة من ميلان لباريس سهلة جدا يمكن ماتكلفكم 1000 ريال عن طريق طيران أيزي جت الي هذا موقعهم

http://www.easyjet.com/asp/en/book/index.asp?lang=en

لا تنسين أذا حجزتي تذيفين شنط

وتراهم يسمحون ب20 كيلو لكل شنطة ملابس

ولكل شخص شنطة يد واحده

وربي يوفقكم أن شالله

شوفي كم بتطلع عليك وعلميني واذا ماعرفتي كيف أنا اعلمك

وترا الأقلاع من مطار مالبينسا بميلان والوصول لمطار تشارلز ديغول بباريس

بس أذا رجعتوا نبي تقرير عن الرحلة

تحياتي لك

معليش اخوي بس انت قد جربت هذا الطيران يعني طياراتهم كويسه او مشي حالك والطيران اريح من القطار
وتراني ماراح استغني عنك الى ان ننتهي من تخطيط الرحلة وابشر بدعوة وانا بالطيارة

لا طياراتهم حلوه

بس هو طيران أقتصادي

الشنطة تحجزها بفلوس والأكل بفلوس وكل شي بفلوس

بس محترمين جدا والطيران فيها مريح ولا فيه مشاكل

بس أنتبهي للي وصيتك عليه

احجزي شنطة 20 كيلو

وخلي معاك شنطة يد كبيرة شوي عشان لو صار معاك وزن تحطينه فيها لان شنطة اليد ما ينحسب لها وزن

وأنتي عطيني التواريخ والأماكن الي ودك تروحينها ورحلتك تبداء من وين وتنتهي وين ومالك الا الي يطيب خاطرك

تحياتي لك

مرحبا
الحمدلله واخيرا لقينا حجزذهاب لميلانو 12جولاي وعودة من باريس 30جولاي بس العودة انتظار والله كريم فزعتكم بسألكم اذا بنستأجر سيارة وشلون نوزع الايام يعني نقول ثمان ايام وشلون نوزعها بشكل حلو وياليت السكن يكون بشقق او فنادق سعرها معقول وموقعها حلو وطريقة الانتقال من ميلانوالى بارس وش افضل نروح بالسيارة ونريح بالمدن اللي بالطريق اوطيران افضل او قطار ادري طولت بس قائلة لكم الرحلة برعايتكم الله يحفظكم

المشاركة الأصلية كتبت بواسطة تكفى يكفي
http://www.arabtravelersforum.com/tr...8/#post5325378

مرحبا
الحمدلله واخيرا لقينا حجزذهاب لميلانو 12جولاي وعودة من باريس 30جولاي بس العودة انتظار والله كريم فزعتكم بسألكم اذا بنستأجر سيارة وشلون نوزع الايام يعني نقول ثمان ايام وشلون نوزعها بشكل حلو وياليت السكن يكون بشقق او فنادق سعرها معقول وموقعها حلو وطريقة الانتقال من ميلانوالى بارس وش افضل نروح بالسيارة ونريح بالمدن اللي بالطريق اوطيران افضل او قطار ادري طولت بس قائلة لكم الرحلة برعايتكم الله يحفظكم



هلا بك أختي

الحمد لله وألف مبروك

مع ان كان ودي الوصول يكون روما عشان أسهل لكم

المشكلة ان الطيران من روما الى باريس غالي جدا

يوصل 100 يورو للشخص بعكس من ميلان الى باريس الي يكلف 40 يورو

وهذي اسعار تقريبية ممكن تختلف

المشكلة لو رحتوا سيارة من ميلان الى روما بتكونون ضيعتوا عليكم يوم وتعبتوا والسيارة ماراح تحتاجونها في روما

أذا أنتي ما ودك لا بروما ولا بفلورنس هذا شي ثاني

لكن أنا اشوف انكم تاخذون طيران بالأيزي جت من ميلان الى روما اول ماتوصلون

وتبداء رحلتكم من روما

والسيارة تستاجرونها لما تطلعون من روما وتكملون طريقكم مدينة مدينة الى ماتصلون الى ميلان

وبعدها طيران من ميلان الى باريس لانه أرخص لكم من القطار وأريح وأسرع

وراح يكون جدولك كالاتي

5 أيام روما (تحللين روما تحليل ويومين تخلينا لنابولي وجزيرة كابري)

يومين فلورنس (يوم لفلورنس ويوم لبيزا)

يومين فينيس( تحللونها تحليل وتنبسطون فيها)

3 ايام سيرموني (يوم لسيرموني ويوم لجاردا لاند ويوم لبحيرة جاردا)

3 أيام ميلان ( يوم لميلان ويوم لكومو ولوقانو ويوم لأوت لت من أختيارك)

4 أيام باريس (يومين لباريس ويومين لديزني لاند)

أذا أتفقنا على جدول معين راح أعطيك الفنادق بس تعطيني عددكم والسيارة راح أعطيك موقع تأجير حلو
والطيران عن طريق الأيزي جت

انتظر ردك اختي

تحياتي لك

مرحبا اخوي والله اني اقلقتك
طال عمرك انا من التقارير ودنا بس نشوف اذا الله اراد رميني وريتشوني وميلانو وفينيساوسيرموني بس وزع لنا ايها تكفى بمعرفتك وياليت السكن يكون بشقق افضل لنا من الفنادق وان شاء الله بنستأجر سيارة

هلا بك أختي

للاسف ماعندي علم برميني وريتشوني

لكن فينيسيا وميلان وسيرموني أبشري

لكن للاسف ما أعرف الا فنادق

وننتظر رأي الأعضاء يمكن عندهم رأي أفضل

وأنا انصحك تنزلين موضوع جديد عشان يدخلونه الأعضاء والمشرفين

تحياتي لك