المشاركة الأصلية كتبت بواسطة fawaz8000
http://www.arabtravelersforum.com/tr...4/#post5234644
بيني وبينكم باقي على السفرة اقل من شهر وانا محتاس لأني توني اليوم قاعد اشتغل على الفيزا ومرة مربوش
لذلك والله مالي غير الله ثم انتم تساعدوني يالنشامي:
1- كشف الحساب البنكي (ثلاث شهور) المطلوب تسليمه للسفارة سيكون باللغة الانجليزية سؤالي فقط
هل اسمي لابد ان يكون كما هو مكتوب بالجواز العائلة قبل الاسم الاول ؟
ام عادي فلان الفلاني ؟؟ بالانجليزي ( للعلم لابد يكون برصيد رب الاسرة 25 الف على الاقل واذا كانوا شباب كل واحد فيهم عنده 25 )
2- انا امنت تامين السفر / الصحي بوساطة شركة داناتا والتأمين باسم شركة الدرع العربي ( شنقن ) لي وللمدام فهل معترف فيه عند السفارة ام لابد شركة معروفة كالتعاونية مثلاً ؟
3- حجزت حجز تذكرة من غير فلوس وحجزت فنادق ايضاً من غير فلوس (لأول فندقين سأسكنهم) فهل هذا يكفي أم يجب أنهم سيطالبونني بالفواتير الريسيت واثبات الدفع.
4- انا من سكان الخبر فهل تنصحوني اسافر للسفارة بالرياض بنفسي ولا احسن اني اخلي مكتب الفيفا يخلصها لي
(قضيتي ليست مادية قضيتي الخوف من التأخير واللطعة وضياع الألوف الغير مسترجعة والسفرة بعد 27 يوم من الان!!)
5- صورتي الشخصية ثوب بدون شماغ حاسر الرأس خلفية بيضا كما طلبوا وصورة الزوجة محجبة نسخة من صورة
الجواز مع تغطية كاملة للرأس فهل لديكم ملاحظات اخرى ؟
6- هل اتوكل على الله وادفع فلوس التذاكر والفنادق من الان ( للتوفير ) ولا تنصحوني انتظر لين تطلع الفيزا علما اني من الممكن ان ادفع ضعف المبلغ بلا مبالغة لو انتظرت وقد تتحول السفرة من 22 يوم الى اسبوع بقدرة قادر لو تم ذلك!!
7- خطاب الراتب وتعريف العمل لغته عربية وترجمته بمكتب ترجمة انجليزي معتمد لكنه لمن يهمه الامر فهل تشترط السفارة توجيهه لها ؟
8- ما المطلوب من اوراق الزوجة حسب ما سمعت لا يريدون منها سوى الجواز وصورته ودفتر العايلة وصورته وصورتين شخصيات في شي ثاني ؟؟؟
أرجوكم عطوني اي معلومات تفيدني خصوصاً اني والله ماني عارف شلون اطلب موعد من السفارة علما ان المكتب
هو اللي بيراجع عني هل اطلب الموعد على اساس انه بكرة !!!! وبكرة من الصبح اقدم اوراقي ؟؟ كيف والمكتب بالخبر !!
ولامني حاولت اعمل حجز لأيام قدام ما يرضى الموقع
ارجوكم تحملوني والله العظيم من الربكة والقلق والروحة والجية وخوف وجود اي خلل صرت اوسوس بكل شي
بانتظاركم
أولا : تروح البنك وتطلب تحديث معلومات حسابك تعطيهم الجواز وهما يقومو بالواجب , لا بد ان يكون لمدة ستة شهور وليس ثلاثة.
ثانيا : التأمين عادي اي شركة.
ثالثا : الحجز لازم يكون مؤكد.
رابعا:السفارة الإيطاليه لاتقبل المكاتب . لازم تحضر بنفسك.
خامسا: صورة الزوجة لابد من ظهور منابت الشعر والدقن
سادسا: لاتدفع لين تمسك الفيزا بيدك, لافي السفارة مكتوب ملاحظة (لابد من دفع رسوم الفيزا مقدما سواء تم الإصدار او لا).
سابعا : خطاب التعريف عادي من توجيه
ثامنا: الزوجة أرفق معها خطاب تعريف ونسخة من الحساب.
موعد السفارة تدخل من الموقع وتطلب المواعيد كثير كل دقيقتين موعد
التسليم بعد 10 أيام وإنشالله
المفضلات