الموضوع: اهل الخبره تفضلوا بالدخول رايكم يهمني بجدولي لشهر العسل

السلام عليكم ورحمه الله وبركاته

اعضاء منتدى المسافرون العرب استفدت الكثير منكم ومن مواضيعكم فلكم جزيل الشكر والتقدير
هذي اول مشاركه لي لاني فعلت احتاج لمشورتكم وخبرتكم خصوصا في ماليزيا
انا بحكم عملي كطيار كثير ما اتنقل من بلد لبلد لكن ما اتكلف بالتنقل لان كل شيء معد مسبقا.
وجاء اليوم اللي لازم ارتب كل شيء من والى .. شهر العسل

انا رتبت الجدول والمناطق والفنادق بناءا على المواضيع في منتدى المسافرون العرب
ولكن مع ذلك احتاج رايكم ( خبركم شهر عسل لازم الواحد يشد حيله شوي )


احتاج خبرتكم في : المناطق - الفنادق - الفعاليات والاماكن اللي تنصحون فيها وبقوة فقط

الجدول كالتالي :

الوصول لكوالا في تاريخ 17/02/2013 الصباح


رحله محليه الى لنكاوي وقضاء
* التاريخ 17 - 21 فبراير 4 ليالي
* فندق THE WESTIN LANGKAWI RESORT
* نوع السكن Villa Ocean View 1 Bedroom

العوده لمطار كوالا ومن ثم التوجه لـ سيلانجور
* التاريخ 21-23 فبراير ليلتين
* فندق Sunway Resort Hotel
* نوع السكن 1 Bed Room Villa with private swimming pool

ومن سلانجور الى كوالا المدينه ومن ضمنها جينتنج
*التاريخ 23 -28 فبراير 5 ليالي
* فندق Traders Hotel او جراند حياه
* نوع السكن Kuala Lumpur Executive Twin Towers Room
* راح اخصص يوم واحد فقط للذهاب الى جنتنج فالصباح والعوده للمدينه كوالا فالمساء .

ومن كوالا الى بوكيت
* التاريخ 28-03 ثلاث ليالي
* الفندق / مجهول .. جاري البحث عن فلل راقيه مع مسبح خاص وبموقع مميز قريب

من بوكيت الى بانكوك
* التاريخ 03-06 مارس ثلاث ليالي
* الفندق / محتار شرايكم في سانت ريجيس؟ يهمني الفندق يكون 5 نجوم وقريب من المجمعات التجاريه والنانا ستريت


ملاحظات :

1- الجدول مبدأي والاجازه المخصصه لشهر العسل هي ابتداء من 16 فبراير وانتهاءا بـ 6 مارس
2- عطوني ارائكم بجدولة المناطق واي اقتراحات تخص الجدولة وترتيب المناطق وزيارتها
3- ارائكم بالنسبه للفنادق انا احب الفلل المعزوله التابعه للفنادق واللي فيها مسابح خاصه ويهمني ايضا الموقع بحيث مايكون بعيد عن الفعاليات ومناطق الجذب المحيطه
4- اي مناطق تنصحوني استبدلها بجدولي او اعيد ترتيب الليالي بحيث اضيف المنطقه اللي تنصحوني بزيارتها
5- نصائح عامه بالنسبه للسواقين ومكاتب السياحه الافضل في ماليزيا بعيدا عن التكلف والمغالاه والنصب الميزانيه مفتوحه لكن طبع فيني ماحب الاستغفال والنصب .. اتمنى تزويدي بارقام افضل السائقين في كل المناطق اللي راح ازورها وارقام مكاتب سياحيه معتمده
6- شنهو الوقت المناسب للبدء في الحجوزات وهل احجز انا بروحي ولا عن طريق مكتب ؟ بيفرق بالسعر ولا كلة واحد ؟ وافضل موقع يعطي اسعار زينه لحجوزات الفنادق
7- الجدول عندكم قابل للتعديل واللي يساعدني وينصحني ويفيدني جزاه الله خير وله دعوه من القلب

مواضيع عشوائيه ممكن تكون تعجبك اخترناها لك:

• رحلة مفاجأة أرجو المساعدة
• مسافر مع طفل سنه وثلاثه شهور المسااااااعده
• مساء الخير للعروسين وللمتزوجين وللعزاب
• التأمين موقع الفندق فيزا تسوق
• ارجو المساعدة في عمل جدول لشرق آسيا شهر العسل
• جدول اول ايام فى كوالا
• جدول رحلتي لاول مره اسافر لماليزيا شهر عسل
• ويستن لنكاوي غير مسترد لم يخصم
• برنامج تجديد شهر العسل 9 ايام بماليزيا
• بكج سياحي 13 يوم 12 ليله لعائلة 2 كبار و3 اطفال 2018
• شلالات تمبلر بارك
• ما استغني عنكم يانبع العطاء جديده في قوافل المسافرين
• فندق
• ارجو المساعده في ترتيب رحلة شهر عسل لمدة يوم االتكلفه كم
• سؤال لأصحاب الخبرة بماليزيا تكفووووووون
• اختيارات الفنادق وش رايكم
• اسستفسار لاهنتووو
• عرض شهر عسل صيف 2018 بماليزيا 12 يوم
• مطلوب برنامج كامل لماليزيا ليليه
• ارجو ترتيب رحلة لماليزيا لمدة يوم

حياك الله أيها العريس الطائر شغل مرتب ومنسق وجميل


الفنادق ماعليها كلام أرقى وأجمل الفنادق


الملاحظة الوحيدة هي على ترتيب المدن


المفروض تبدأ بسلانقور لقربها من المطار ولأنها مكان راقي وجميل يعتبر أجمل وأفضل بداية لرحلة جميلة
ولكي تتفادي رحلة المواصلة وأنت طيار وتعرف تعب وإرهاق رحلة 8 ساعات في الجو وبعدها رحلة داخلية معرض فيها لفوات الرحلة
فيما لو حدث تأخير في الرحلة الدولية وهذا كما تعلم وارد جداً وبالتالي الدخول في متاهة لايعلمها إلا الله من البحث عن رحلة بديلة
ولا أتمنى لك بداية مزعجة كهذه تفقدك متعة الرحلة وتجلب لك النكد
لذا نصيحتي الأخوية لك أن تبدأ بسلانقور ثم لنكاوي
سلانقور تبعد 45 دقفيقة فقط من مطار كوالالمور


طبعاً بالنسبة لتايلاند لاتوجد لدي فكرة عنها ولا عن فنادقها
وربما تستفيج من خيرات الأخوة في بوابة تايلند


وبالنسبة للأماكن السياحية والجدول اليومي ابشر به
لكن بعد أن تستقر على مسار الرحلة وترتيب المناطق


تمنياتي لك بالتوفيق وشهر عسل جميل إن شاء الله

الله يحييك ياخوي .. جزاك الله خير عالرد السريع
كلامك عين الصواب غيرت الجدول وخليت سيلانجور اول يومين بعد الوصول وبعدها لينكاوي ومن ثم كوالا
وهالسبب اللي خلاني اطرح الموضوع لان الواحد معرض لسوء التخطيط وانتوا فيكم الخير والبركه


استفسار .. انا افكر احذف بانكوك من المخطط .. فشلون يكون الترتيب ؟
بوكيت ومن ثم سيلانجور ومن ثم لنكاوي ومن ثم كوالا والى الدوحه ؟
ام
سيلانجور ومن ثم لنكاوي ومن ثم كوالا ومن ثم بوكيت والى الدوحه ؟

فكرت في موضوع بانكوك لقيت اني بارهق نفسي بالرحلات وانا بروحي ابي افتك من شي اسمه طياره :s

فندق the westin langkawi resort
طلع علي بـ 10 الالاف ريال قطري
اربع ليالي بفله مع مسبح خاص واطلاله جزئيه عالمحيط
مب كانه غالي شوي ؟
اتمنى تفيدوني بخيارات بديله واذا مافي بديل بظطر احجز فيه

المخطط النهائي : بوكيت 4 ليالي سيلانجور 2 ليلتين لنكاوي 4 ليالي كوالا 4 ليالي


في انتظار ردودكم

هلا بط ياغالي .. ولا شكر على واجب

بالنسبة للترتيب أفضل لك الإختيار الثاني
سيلانجور ومن ثم لنكاوي ومن ثم كوالا ومن ثم بوكيت والى الدوحه
حتى تكون بوكيت في الأخير للتسوق حيث يمدحون أسعار الأسواق هناك


بالنسبة لفلل ويستن لنكاوي نعم هي أسعارها كذا غالية
وللأسف لاتوجد فلل مشابهة لها في لنكاوي
إذا ميزانيتك تسمح إحجز فيها لأنها جميلة وتستاهل


موفق إن شاء الله

متابع .......... تقريبا بخطط لنفس الرحله مع فارق الاسعار

للرفع ياجماعه

انتظر ارائكم واقتراحاتكم

استفسار اخر / وين الافضل الحجز عن طريق مكاتب في ماليزيا ام عن طريق الشركات السياحيه في قطر ام عن طريق الانترنت ؟
في انتظاركم

المشاركة الأصلية كتبت بواسطة المغادرون 2007
http://www.arabtravelersforum.com/tr...7/#post7388377

هلا بط ياغالي .. ولا شكر على واجب

بالنسبة للترتيب أفضل لك الإختيار الثاني
سيلانجور ومن ثم لنكاوي ومن ثم كوالا ومن ثم بوكيت والى الدوحه
حتى تكون بوكيت في الأخير للتسوق حيث يمدحون أسعار الأسواق هناك


بالنسبة لفلل ويستن لنكاوي نعم هي أسعارها كذا غالية
وللأسف لاتوجد فلل مشابهة لها في لنكاوي
إذا ميزانيتك تسمح إحجز فيها لأنها جميلة وتستاهل


موفق إن شاء الله



تسلم يالغالي
والله انا افكرت فالموضوع ومخصص 4 ليالي في بوكيت بجدول معين ماله علاقه بالتسوق
عشان كذا خليته اول شي وكوالالمبور العاصمه اخر شي للتسوق قبل العوده
في انتظار مشاركاتكم بالنسبه لمواضيع الفنادق لو في خيارات بديله افضل

شدعوه ياجماعه الخير .. شوروا علي ترى مادري شالطبخه
خصوصا بالفنادق متردد شوي

up

اهلين كااابتن سوري ما شفت الموضوع

عاد امس كنت راكب القطريه الايرباص 300 واقول في نفسي ليتني كنت طيار علشان اشوف المشهد قددامي شعور جميل


نرجع لموضوعنا يا كابتن


الحجز يكون من مواقع الحجز بوكينج اجودا و موقع الفنادق ارخص بنسبة 40 بالميه تقريبا من المكاتب


التكاسي لاتشيل هم ملياااااااان راح يجوك ويركضوا وراك وانت واتفق معاهم دائما وكاسرهم وراح تعرف الاسعار من كثر قرائت التقارير


نصائح تفيدك :


لا تحجز الرحلات من المطار وانت مرتاح ورحلتك لها فتره طويله احجز من الحين الطيران الداخلي علشنان الاسعار الحلوه


الفنادق اسعارها احلى من البوكينج و اجودا لا تروح لمكتب سياحي


الجولات في ماليزيا سعرها 25 بالساعه لاتخليه يزيد عن هالسعر وراح تعرف وين تاخذ الجولات بعد ترتيب جدولك اليومي


لا تصرف من المطار واكيد انت عارف المطار اسعاره غاليه


الفنادق حاول على الويستن كل يوم راح يطلع لك سعر حلو اربع ايام 10000 ليش انت حاجز فيلا شو من نوع .؟


اي سؤاال ثاني امرني امر

المشاركة الأصلية كتبت بواسطة AL3DNI
http://www.arabtravelersforum.com/tr...5/#post7404475

اهلين كااابتن سوري ما شفت الموضوع

عاد امس كنت راكب القطريه الايرباص 300 واقول في نفسي ليتني كنت طيار علشان اشوف المشهد قددامي شعور جميل


نرجع لموضوعنا يا كابتن


الحجز يكون من مواقع الحجز بوكينج اجودا و موقع الفنادق ارخص بنسبة 40 بالميه تقريبا من المكاتب


التكاسي لاتشيل هم ملياااااااان راح يجوك ويركضوا وراك وانت واتفق معاهم دائما وكاسرهم وراح تعرف الاسعار من كثر قرائت التقارير


نصائح تفيدك :


لا تحجز الرحلات من المطار وانت مرتاح ورحلتك لها فتره طويله احجز من الحين الطيران الداخلي علشنان الاسعار الحلوه


الفنادق اسعارها احلى من البوكينج و اجودا لا تروح لمكتب سياحي


الجولات في ماليزيا سعرها 25 بالساعه لاتخليه يزيد عن هالسعر وراح تعرف وين تاخذ الجولات بعد ترتيب جدولك اليومي


لا تصرف من المطار واكيد انت عارف المطار اسعاره غاليه


الفنادق حاول على الويستن كل يوم راح يطلع لك سعر حلو اربع ايام 10000 ليش انت حاجز فيلا شو من نوع .؟


اي سؤاال ثاني امرني امر




مرحبا بك اخوي .. ايرباص 300؟ قصدك يمكن 330 الـ300 كارجو ههههه
تصدق عاد اليوم رايح ماليزيا قلت بشيك فالمكاتب عندهم يمكن ارخص
بالنسبه لفندق ويستن انا حاجز فله بغرفه وحده مع مسبح خاص مطله عالمحيط
اربع ليالي طلع المجموع 10 الالاف ؟
والله تبي الصج انا مشيك في اغلب المواقع وفي مواقع تعطيني اسعار خرافيه ومواقع اسعارها مقبولة


ماقلت لي من وين راجع عالقطريه ؟

هلا اخوي ايه اعتقد 330 والله ماني خبير في الطيران لوول

المهم عزيزي الموقع الثاني


agoda.com
بس لو اخترت اربع ايام فيه راح يطلع لك سعر ليله وحده بس ولما تختار وتقوله كمل واحجز راح يطلع لك سعر الضرائب و السعر الكلي للايام


طالع من كولا الى الدوحه ترانزيت ثم الى ابوظبي


سؤال مطار الدوحه الجديد وين مكانه قريب من القديم ولا بعيد ؟

اي كوالا عالـ330 انا رايح ان شاءالله كوالا بعد شوي حاليا فالبيت لاتشوف زحمه الاوراق قدامي اتقول بخطط لرحله للمريخ مب شهر عسل
المطار الجديد احذى المطار القديم بس عالبحر صوب الشرق .. بس للحين ماجهز
دخلت موقع اجودا عطاني سعر اغلى من المكاتب بـ11 الف
في مكتب عطاني سعر 9 الالاف بالنسبه لاربع ليالي فيلا مع مسبح مطله عالمحيط
يبة مالها الا اهلها .. شكلي بنزل في كوالا بكرة وبمر عالمكاتب اشوف اسعارهم
الفنادق اللي اخترتها شرايك فيها؟ تنفع ولا ؟ نسيت شغله ياليت الاخوان يفيدوني فيها الفنادق اللي ذكرتها فوق وخصوصا لنكاوي فيها مكيفات ولا لا؟ انا واحد ماعرف ارقد بدون مكيف حتى لو درجه الحراره 20 تحت الصفر

هلا يا غالي اذا المكتب سعره احسن احجز منه
التكييف موجود في لنكاوي لا تقلق من الموبايل