+ الرد على الموضوع
النتائج 1 إلى 9 من 9

الموضوع: مثال سوريه شعبيه ادخل

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    مثال سوريه شعبيه ادخل


    امثال شعبية سورية :
    صار للدبانة دكانة و تفتح الساعة تمانة ...

    قال شو ....... جاية يعرج بحارة المكرسحين

    متل العنزة الجربانة.... ما بتشرب غير من راس النبعة ...

    بزاقة شافت بنتا عالحيط قال يو تسلمي لإمك متل اللولية بالخيط

    فتحنا لو باب الدار فات هوّ و الحمار

    بشان الورد بينسقى العليق

    من أجل عين تكرم مرج عيون

    مو كل من صف الصواني قال انه حلواني

    لولا علبة مكي كانت الحالة بتبكي

    اللي بدو يعمل جمال يعلي باب بيتو

    اللي بيتو من قزاز لا يرمي الناس بحجارو

    لا تقلا كش خلي رجلا تخش

    للدوارة متل الشرارة وشغيلي مقطوع حيلي

    كل ما حدو السلطان خيلهم بتمد الخنفسة رجلها .....

    لولا علبة مكي كانت الاحوال بتبكي

    الي بيغير عادتوا بتقل سعادتوا

    الولد اذا طلع لعمو يا سعادة امو

    طلعت الحشيشة على راس لساني

    متل سيران الكلاب كترة غبرة وقلة واجب

    هاللي بدك تخدموا طيعو وياللي بدك ترهنوا بيعوا

    مابين السابق والمسبوق دقة خازوق

    منمشي الحيط الحيط وبنقول يارب السترة

    الخنفسة شافت بنتها على الحيط قالتلها تقبريني متل اللولية بالخيط

    متل الخنفسة بالطاسة

    متل الحمام المقطوعة ميته

    متل مقشة الشباطية كل قشة ببلوعة

    متل الحبلاس كل ماكبرتي عم تحلي

    متل الحرباية بالوش مراية وبالقفا صرماية

    متل الأطرش بالزفة

    متل فوطة الحمام من ايد لأيد

    متل ياللي عم يرقص بالعتمة

    فقير ونقير واغنجي يامرة على الحصير

    البرغوت قال للبقة يضرب الشرشوح اذا ترقى

    حرامي مالك ايدك بجيبتي ليش

    المونة بدها ركونة مابدها مرة مجنونة

    قد الفارة وصوته ملى الحارة

    حط العدس وانبور تحتو مألعن من الخال إلا بنت اختوا

    تلاته ما بيختفوا الحب والحبل والركب على الجمل

    قالوا للمسمار ليش بتفوت بالحيط قلهن من كثر ماضربوني

    تيتي تيتي متل ما رحتي متل ما جيتي

    بكينا لعمينا ومشينا لحفينا

    حسبنا الباشا باشا تاري الباشا زلمة

    امثال ومعاني مضحكه :

    شايف شلون :تقال عندما يكون المستمع طبلا أجوف ولا يعرف رأسه من رجليه.

    بدك الصحيح والا ابن عمه : مقدمة لكذبة من الحجم العائلي

    وماشفنالك الا : موسيقى تصويرية لقصة سخيفة .

    وما كذبت خبر :عبارة لنفش العضلات وبداية لكذبة ورسم بطولات ما حصلت

    انت لسا ما بتعرفني :تقال عندما يشعر المتكلم انه تبهدل وانمسحت بكرامته الارض

    نشفت دمي : تقال للذي يطلب كل دقيقة اعادة نفس الجملة بطريقة مختلفة

    الله يستر على خلقه :تقال بعد نهاية كل قصة تم فيها نشر غسيل جميع بنات الحارة و صديقات بنات الحارة

    إتمنيتك تكون معنا - إشتهيناك تكون معنا :تقال لحرق أعصاب المستمع واذلال شعوره

    لا تواخذني بهالكلمة : مصطلح يهيئك نفسيا لسماع مسبّة بنت كلب بطريقة مؤدبة

    أنا والله مو فارئة معي : تدل على اهتمام المتكلم حتى الموت بالموضوع

    سيدي ما علينا : نهاية الحديث البايخ الذي كان يتكلم فيه على غيره بما لا يخصه عيّن خير ...بعبارة أخرى ....انسى الموضوع

    لا يروح فكرك لبعيد : يعني طنّش عن كل البلاوي اللي خبرتك عليها

    خسا الديب : عبارة للتنويم المغناطيسي الحديث و تستخدم حصرا للمضطرو يمكن أن تتهرب من هذا الرد بقولك ( الديب أسرع )

    خرطوش فردك

    متل اللي قبلها

    والله لو عرفان ما كنت تركتك :عبارة لتسفئو منّيّة ببلاش فوء الكمّ اللي أكلو

    خادم للئوادم تنويم كمان

    نبلش ...نبدأ

    الطبقجي والمشخصاتي ..... وهو الذي ينتصب كالشجرة بجانب مدارس ومعاهد البنات عند الأنصراف

    دشرها تركها أو أيم أيدك عنها

    مو ...يعني صحيح

    ستعوقا ....يعني ستفقدا

    حكلي لحكلك : هاد متل يعني خدمني لأخدمك

    من دهنو سقيلو : يعني ماستفدنا شي

    برطوشة الباب.... وهو خيط رفيع من الرخام أو الحجر الأسود يفصل بارتفاعه سطح أرض الديار عن سطح عتبة القاعة أو الغرفة، وتسمى أسكفة الباب السفلي.قصااااع يعني فركها أو بالمعنى الأصح هرووب

    وززن يعني سكوت محضورة ومحضورة يعني بيكون في واحد عم يسمع غليظ مابدنا يسمع الحديث

    النمليه وهي خزانة خشبية لوضع الأكل فيها لها نوافذ من المنخل المعدني تسمح بالتهوية وعدم فساد الطعام، وتمنع النمل والذباب والحشرات عن الطعام.

    الكفكير ....وهوملعقة مسطحة كبيرة مثقوبة عدة ثقوب ولها يد طويلة لتحريك الطبخ وسكب الطعام كالكبة اللبنية، والكوسا المحشي.

    الكبجاية .....مغرفة كبيرة رأسها على شكل نصف كرة لها يد طويلة تستعمل لسكب الشوربا.

    مجلوء..... وهو الأنسان المائع المفروط أو بالأصح مدلل الماما

    ليكو..... يعني هاهو

    تصطفقوا ....أي تتصافوا

    شبنا .....شوبنا ؟

    مرق علينا..... يعني مرر علينا

    كسرنا السفرة ......يعني فطرنا

    الوتوتة....... يعني الهمس بالأذن

    المزرية........ وهي التي تعيير بملابسها أو أخلاقها

    أم كمونة........ وهي المرأة البخيلة

    الشاضومة....... وهي أمرأة ثرثارة وقوية

    البابا حسن: وهو الأنسان الرزيل يلي بلا أخلاق

    مدهررن :وهو الأنسان يلي بيبين عليه أكبر من عمرو

    سرنوة :وهي المرأة الخبيثة التي تخفي خبثها بذكائها

    الشنتير :وهو الأنسان الكبير الذي لم يعد طفلا

    دشرو = حل عنو : يعني دعه و شأنه...ومنه دشرني:أي حل عني...وحل عنييعني اتركني بحالي.

    ماني غضران: يعني لست بقادر وهي بالميداني.

    يو الواه الواه: يو مفردة شهيرة جدا عند النساء وتفيد الأوية (القوّية).

    الواه الواه : تعبير نسائي قح يفيد التمسخر على شيء ما.

    يو تشكلو آسي: يو مفردة سبق شرحها,,, تشكلو آسي(

    بعيد الشر) يعني تعبير يفيد شدة حب المتكلم للمتكلم عنه.....

    معبا ببنطرون: يعني واحد أجدب وجاية يحكي.

    ايدي بزنارك: تعبير يستخدم للتعبير عن الرجاء.

    دخيل الله: أيضا تعبير والمقصود به هو الاستغاثة بالله.

    شَعر متل الشوشة: أي أن شعره منفوش ومنكوش.

    وضراب السخن : وهي ومسبة وتعني ......مابعرف بس مسبة

    كوكش: يعني فتـّـش بحبش: أيضا مفردة تعني البحث مع التمحيص

    ينمحئ = ينضرب على قامتو = يسطفل ..

    يتحورق كمان متل يبعتلو حمى.

    يتقوص . بنفس المعنى .. و في كمان كلمة : تتأمع (هيك شي) بنفس الباب ..كلها دعاوي تنطلق في حالة الغضب.

    عود يعـّـد رزك (اقعد يقعد رزك) ... يعني خيلتنا حاجة تحوص .. المعنى الأدق.. يقعد رزك يعني تموت والناس ياكلو رز ... لانو لما حدى بيموت من العادات انوبتصير عزيمة وبيطعموا الناس اوزي على روح الميت والاوزي اكله معروفةبالشامعبارة عن رقائق عجين محشية رز ببزاليا.

    وين غاطط : . ياعمي وينك مو مبين.

    والسبع تنعام ..يعني النا الشرف.

    منقول على ياللي بيسكر (الثمـِـل) (حيط بياخدو و حيط بيجيبو) من كترالترنح.

    (ما بيعرف الخمسه من الطمسه) :عن الرجل اللي ما عندو ثقافه.

    (سرّي مرّي) :عاللي بيخفق برات البيت لسا رايح جاية سري مري.

    عالحكي اللي بلا طعمه شروي غروي او شندي بندي.

    مجنّط - فايت بالحيط - طاقق الفيوز- كلهم للدلاله على انو واحد (ماعميلاقي كلمة مناسبة ) بس يعني مجنط.

    مأنشح- كحته و بيحب الشحته - ايدو ماسكه على البخييييل.

    شاطط و ماطط . يعني مدلع زيادة.

    نعيان = نايط ... يعني هيك قلبو بارد.

    شاضومه .. يعني بنت مجلوئة ...يعني كيف بدي الكن .. قليله ادب ومصبينه.

    شحاطة ... ما انشرحت معي مايلبسه المرء في قدمه عندما يكون في المنزلاهمنيح ؟

    تعسيله .. نومه بعد الظهر.

    مسرسبة : يعني بتحب النظافة كتير.

    تاكلك الدودة العميا: الدودة العميا هي دودة القبر .. يعني الواحد يموتو ياكله الدود بعيد الشر.

    يبعتلو اتلو شو سمج : يبعتلو اتلو .. كمان يعني يموت و سمج يعنيغليظ.

    موسوس يعني مهووس بشغله.

    وفي كمان . عقلو جوزتين بخرج .. يعني عقله صغير.

    كيف تميز المواطن السوري عن باقي شعوب العالم? ...

    بيفهم في الطب ويشخص المرض ويوصفلك الدوا وبيفهم في النقاش والكهرباومتخصص في طب الاسنانوتصليح السيارات والطبخ والسياسة والطابة وهو أبيض ياورد ..

    بيحط الريموت كونترول في كيس نايلون حتى ما يتغبر

    يقف يتكلم ع الباب نص ساعة بعد إنتهاء الزيارة والسلام

    في خزانة المطبخ عنده عشرين قطرميز(برطمان...قاروره) مربى فاضي منشان اذا احتاج يستخدمها ومازال مُصِر على جمع المزيد ..

    ييجي بعد الموعد بساعتين دون ان يعتذر ....

    يتكلم بصوت عالي في المكالمة الدولية منشان التاني يسمعه ....

    بيعتبر حاله أفضل واحد في الشراء والمفاصلة ثم يكتشف إن الشي في المحل اللي جنبه أرخص من غير مفاصلة ....

    بيحتفظ بأكياس محلات اللبس والأحذية وورق الهدايا تحت الفرشة لسنوات ...

    عنده صينية مكسرات مقسمة لتلات او أربع أقسام منشان المزاج لكن لا يستخدمها ...

    بيشتري قبل الإفطار في رمضان مواد استهلاكية متوفرة عنده في البيت ....

    عنده منقل شوي للرحلات يستخدمه مرة واحدة في العيد.....

    بيشيل طابع البريد من على الظرف لو الختم ما كان عليه .....

    بيفكر إن أي حدا بيشتغل في الخليج بيغرف مصاري من غير حساب وأغنى واحد في الدنيا ....

    بيكون مشغول بقيمة البخشيش طول العشا.. ياترى 5 ليرات ولا 10؟

    بيتخانق ساعة دفع الحساب بحرارة شديدة على إنه هو اللي لازم يدفع .....

    بيفرش شرشف التخت على طقم الكنب منشان الكنب ما يتوسخ، ولما يجوا الضيوف يترك الشرشف وما بقيمه ......

    اذا ركب تكسي طول الطريق بيطلع عالعداد .......

    بيركض خلف المواصلات ليل نهار .........

    وين ما رحت وترحل الابتسامة لا تغادر وجهه بالسراء والضراء ولكن لماذا ياترى ؟؟


    دائما يعيش ضمن الحلم ولا يقبل بان يخرج مما يحلم .......صح ولا غلط؟

    واتركن هلا مع شوية هالنكت البايخه :

    واحد سافر مع رفقاته وطول الطريق وهو يرد د يا ريت جبت التلفزيون... ياريت جبت التلفزيون.. فلما وصلوا الحدود قالولوا شو مالك ازعجتنا شوو بدك بالتلفزيون قال لان جوازاتنا فوقه

    حكيم بيسأل مريضه الغلباوي : انت رحت حكيم قبل ماتفوت عندي ؟ المريض : لا.. بس كنت عند الصيدلي . الحكيم : وياترى شوهوي الرآي السخيف اللي شار لك فيوا ؟ المريض :قالي افوت عندك ؟

    واحد غبي بمطعم موراضي يدفع وهو طالع لقاء مكتوب على الباب إدفع ..فقال ولي .. زبطني الكمبيوتر ..

    وحده عم تحلم انوا واحد بيمشي وراها فبتقولها شوبدك .... فبيقلها اسألي حالك انا اللي حلمان والا انتي ؟

    وحدة أتعرفت على واحد سألها شو إسمك قالتله( أسماء) قلها يعني انتي مالك اسم محدد ...

    واحد راح يتحدى الصين بالصناعة رجعوه بكرتونيه مع ريموت وكتلوج وضمان سنه كمان ؟

    أحول سجل بالجيش حطوه في قسم القصف العشوائي ......

    ست بتقول لزوجها يا ريتني أخذت إبليس ولا أخذتك .... قال : لا ... ما بيجوز أخو ياخذ أخته !!

    واحد على فراش الموت يقول لمراته انا اذا مت تجوزي جارنا محمود قلت ليه قال لانوا مره باعني بضاعة وغشني فيا ...

    مدرس بيسأل طلاب :اللي حاس إنه غبي يوقف؟ ..وقف واحد سأله المدرس:انت حاس إنك غبي؟ ….قال: لا..بس.. قلت عيب اخليك واقف لحالك !

    ..........تم إلغاء النكته التي فيها ذكر صحيح البخاري وارجو الانتباه مرة أخرى أخي الكريم..........

    نادر تجوز نادرة جابو ولد (مهدد بالانقراض .(

    ضابط بيحقق مع مسطول قاله وين ساكن ؟ قال مع اخي .قال الضابط طيب أخوك وين ساكن ؟ المسطو ل : معي .....الضابط : الله يلعنك .. انت واخوك .. وين ساكنيين ؟ المسطول: مع بعض.

    واحد قبيح راح يخطب .. قال لأبو البنت:انا كونت نفسي بنفسي رد الأب:وانا عمبقول هاي موخلقه ربنا ..

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    رد: مثال سوريه شعبيه ادخل

    للحفظ في المفضلة


    أشكرك

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    رد: مثال سوريه شعبيه ادخل


    يحرق حريشك ما أدري كتبتها صح! يالناصر:109:
    موضوع خفيف لطيف ظريف
    على فكرة اللهجه السوريه لهجه جميله
    خصوصآ اللهجه الحلبيه لأنهم يثخنون النطق
    موضوع جميل يا الناصر تسلم:113::113::113:

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    رد: مثال سوريه شعبيه ادخل

    أمثال رائعة وكلمات جميلة
    و لا أدري إن كان هذا شعوري فقط أم شعور الأخوة الكرام فأنا أجد أن للكلام الشامي لذة على السمع كبيرة فكلامهم جميل و مطته حلوة وقد أضحكني أحد البائعين الشاميين في الصيف الماضي وعندما كان معي ابني الصغير فقال له البائع : شو بداك بوزا بالشوكولا ولا بالحليب؟
    فرد ابني: أبي شوكولا بالحليب فقال له البائع : إي على راسي تسلم لي شوارباك..
    فضحك ابني و صار يردد الكلمة هذه أياما و أسابيع ...

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    رد: مثال سوريه شعبيه ادخل

    حقيقة اختيارك للموضوع رائع وظريف لابعد الحدود :109::109::109::109::109:
    تسلم الايادي

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    رد: مثال سوريه شعبيه ادخل

    تسلم علي هذه الامثال الرائعه جدآ

    يسعدك ربي

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    رد: مثال سوريه شعبيه ادخل

    رووووووعة ... تسلم عالموضوع

    ويعطيك ألف عافية

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    رد: مثال سوريه شعبيه ادخل

    ههههههههههههههه يعطيك العافية

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    رد: مثال سوريه شعبيه ادخل

    يعطيك العافية


    تسلم الايادي

    فنادق عطلات


+ الرد على الموضوع

المواضيع المتشابهه

  1. إجراءات طلب الحصول على من المعاهد الامريكية مثال
    بواسطة Robot في المنتدى بوابة البعثات مبتعث في الخارج
    مشاركات: 3
    آخر مشاركة: 02-03-2015, 05:27 PM
  2. سيرة رسولنا الكريم بجميع اللغات الاكثر شعبيه في العالم
    بواسطة Robot في المنتدى بوابة تعليم اللغات واللهجات العالمية
    مشاركات: 24
    آخر مشاركة: 02-03-2015, 04:21 PM
  3. سيرة رسولنا الكريم بجميع اللغات الاكثر شعبيه في العالم
    بواسطة Robot في المنتدى بوابة تعليم اللغات واللهجات العالمية
    مشاركات: 23
    آخر مشاركة: 02-02-2015, 10:50 PM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X