السلام عليكم و رحمة الله وبركاته
احييكم في البداية على مشاركاتكم الطيبة
و اللي استفدت و لا زلت استفيد منها .. في هذا القسم
و غيره من الاقسام الاخرى .. و لما نتكلم عن هذا القسم ..
فمانقدر ننسى او ما انذكر المميز ابو عزيز .. اللي يثري هذا القسم تحديدا
و بعد هذه المقدمة حاب اخذ رايكم و اسمع اقتراحاتكم
انا واحد مسافر لشهر العسل بتاريخ 22-6 او اليوم اللي بعده
و ابي السفرة تقريبا لمدة 3 اسابيع .. و ابي اروح لمكانين مختلفين
في البداية كان الخيار هو ماليزيا كعادة الجميع .. و لكن لما شفت مواضيع مورشيوس
قلت لازم امرها .. و لكن من كلامكم انها تنفع ل 7 او 9 ايام بس .. فانا واحد ابغي ازور بلاد ثانية
لو قلنا ان ماليزيا و مورشيوس .. السلبية الوحيدة هي اليوم اللي بطلع فيه من ماليزيا و انا رايح لمورشيوس
بيكون يوم متعب و مرهق بالطيران .. 7 ساعان من ماليزيا لدبي .. و نفس المدة عشان مورشيوس
هذا غير الانتظار بالمطار و الخ من التعب .. فبالتالي .. ابي اعرف هل اقعد على مخطط ماليزيا و مورشيوس .. او حتى انزل يومين لدبي وانا راجع من ماليزيا اريح قبل لا اروح مورشيوس
بصراحة محتار .. بس اهم شي ان مورشيوس اساسية بالنسبة لي .. و ماليزيا عادي تتغير اذا كان في بديل انسب او افضل ..
و الميزانية .. في حدود ال 50 الف .. فنورنا بردودكم و ارائكم ..
و سؤال خاص لبوعزيز : متى راح تنزل قائمة اسعار الصيف ؟؟ لان سالت الاماراتية للعطلات ابي اشوف الباكج .. قالولي انطر الاسعار مالت الصيف مانزلت الى الان .. !
اخوكم / الملك القطريمواضيع عشوائيه ممكن تكون تعجبك اخترناها لك:
- تآهيتي لؤلؤة الأساطير الاستوائية
- سؤال لخبراء المالديف
- استفسار عن فنادق ومنتجعات موريشوس
- عاجل الأخ أبي مساعدتك بخصوص رحلتي لموريشيوس
- خبرائنا الكرام عطونا فكره عن هذين الفندقين في موريشيوس ؟
- عاااجل بالنسبة لموقع
- استفسار عن اجودا
- عن جزيره بالى
- رسوم ال من اجودا وبكوينج
- سؤال عن فنادق بالمالديف
- جزيرة تحتاج منكم تتعرفون عليها
- أبو عزيز وأبو تركي الفزعه
- إستفسار عن المالديف Bandos Maldives island resort 5 star
- خبرا السفر الى موريشوس طالبكم تدخلون وتفيدوننا
- مره احترت ارجو المساعده والافاده من رواد الجزر
- حجزت على موريشيوس وانا ماعندي اي فكرة
- ارجو منكم الإستشاره
- محتاجه مساعدتكم في موريشوس
- مشورتكم
- الأخ بو عزيز لاهنت
المفضلات