سلملم يالغالين
ابشركم طلعت الفيزا ولله الحمد امس
فحبيت اشاركم بطريقة استخراجها ليفيد من يسأل تقديرا لهالمنتدى وما قدمه لكل المسافرين
بداية ذهبت الى مكتب بن غيث للسفر على طريق الملك فهد مقابل التعاونية للتامين واللي مايعرف التعاونية موقعها قبل الفيصليه وانت جاي من جهة الشفا متجه الى القصيم
وطلعت الدور الثاني في واحد هندي اسمه انشد عطاني الطلبات وهي
كشف حساب بنك لمدة ثلاث شهور ومو شرط يكون فيه شي واجد المهم يشوفون حركة الحساب انا تقريبا كان فيه حوالي 11 الف
وتعريف من جهة العمل ومترجم وموجهه للسفاره الايطاليه انا ترجمته من السالم للترجمه على شارع الستين قبل كوبري الخليج وانت جاي من الملز
جوازات لي وللمدام مع صورتين واضحه الغره (الجبهه) وطرف الاذان خلفيه بيضاء 4*6
وصورة كرت العايله
وبس
طبعا هو يطلع التامين ويحجز حجز وهمي ويوديه لهم
وكل هذا ب 900 ريال للجواز
يعني 2 ب 1800
وجبتها له كامله وعطيته وكنت متخوف انها تطول بعد ماقريت بالمنتدى عن حركات السفاره الايطالية
طبعا قالي انشد بعد اسبوعين
جلست اسبوع ودقيت عليه قالي بعد اسبوعين المهم ماطول دقيت عليه بعدها قالي
تراها جاهزه يالغالي
وبعد قالي ان السفاره كانوا ودهم يجيبوها لي للبيت بس قالوا نعرفه متواضع لازم يجي وياخذها وش عنده
جيت للشيخ انشد وفز واقف ويرحب ويهلي وقال تفضل
وعطوني مدة 3 شهور
قعدت اشكره وماقصرت ومن هالكلام قال اقول اقضب الباب وقضبت الباب
يوم طلعت من المكتب قعدت اغني الا فيه بنات جالسات ومادريت عنهم ويوم انتبهت الا يقلب وجهي الوان
واقرب مخرج لباب السياره
ودمتم سالمينمواضيع عشوائيه ممكن تكون تعجبك اخترناها لك:
- او الزعيمة ممكن مساعدة
- ارجو المساعده اذا تكرمتم بخصوص ميلان
- مغامرات متفائله
- خبراء البوابه استفسارات بسيطه اتمنى ماتخذلوني
- رييتي ايطاليا
- من ميلان الى فينيسيا
- طلب مساعدة وأتمنى المساعدة
- خط الجوال
- اقتراح شهل العسل في ايطاليا ؟؟؟
- مهاجر في رحــلـه جـمـاعـيـة للـعـاصـمـة الإيـطـالـيـة
- يا خبراء ايطاليا نبي مساعدتكم
- فينيسيافلورانسكوموقاردابيزاتيفوليسيرمونيجزيرة كابري
- فندق في ميلان
- استفسار عاجل وضروري ارجوكم
- ماهي الاماكن اللتي تفتح في اوقست ؟
- الرجاء الدخول لاصحاب الخبره
- خبرتكم رحلة شوبنق
- مساعدةبعض الأسئله عن رومافينيسيا
- أيام في ايطاليا ولدي عدة تساؤلات
- جدول سياحي لايطاليا
المفضلات