احلى مساء للجميع...
راح اخذكم بجولة صغيرونة في كانتون رود(شارع طووويل فيه جميع بوتيكات الماركات العالمية,,انا حبيت الشارع هذا كثيرررر جدا حلوووو المشي فيه)
وهذي صور للمنطقة في كانتون رود (الموجود فيها الكافي الايطالي اللي تكلمت عنه سابقا)..
انصح الجميع باخذ جولة فيها..
الشي المميز في اغلب الكافي شوبز في مجمعات هونج كونج واغلب لوبيات الفنادق مايسمىafternoon tea وغالبا يقدم مابين الساعة الثانية والنصف ظهرا حتى الخامسة مساءا..
وفي اغلب الكافيات يكون عبارة عن بوفيه مفتوح ل الميني ساندويش,,انا بصراحة جدا حبيته وخاصة ان الاكل يعد صعب نوعا ما هناك لكن هذا البوفيه المصغر يفي بالحاااجة واكثر اذا كنت جوعان..
انا جربته في مجمع الباسفيك بلس(فيه كافي شوب مقابل بوتيك سيلفادور فيرقامو في الدور الثاني,,لااااايفوتكم جدا رااائع)(واخر في الدور الارضي في نفس المجمع داخل كوفي شوب تصمية كاعواد الخشب)..
يعني تصيرون جالسين جوا الخشب..حلوة جلساتة مودرن جدا..
وبرضو فندق الانتر كونتيننتال فيه منيو صغير للافترنون تي..ولكنه ابسط من سابقيه..
لايفوتكم الكلوب ساندويش في لوبي فندق الانتر
وهذي اطلالة الفندق البانورامية ع الكورنيش وممشى النجوم.۔
ومع اني من عشااااق القهوة..
الا ان الشاي وكما هو معروف عن الشاي الصيني...له مذااااق مختلف جدا في هونج كونج..وطريقة تقديمة مثل طريقة تقديم الشاي في تركيا ولوقانو السويسرية..
مخمخوا ع الشاي قبل ترجعون والله عفت الشاي بعد مارجعت..
هذه الصورة في كافي شوب في مجمع صغير في منطقة( كوز وي بي) في السنترال..
تقييمي للمنطقة:جميلة جدا وتستحق الزيارة فيها مجمع سوقو بادواره الجميلة وفيها كذا مجمع صغار..هذي المنطقة مغلقة ماتدخلها السيارات..انصح بقضاء عصرونية حلوة فيها..
*هاجن داز في هونج كونج وما ادراك ما هاجن داز..
لايفوتكم هذا الحلى خطيررررر۔
.
هاجن داز منتشر في كل مكان تقريبا,,جلساته في مجمع ايليمنت مرررة حلوة..
مجمع ايلمنت هو مجمع راااقي جدا وهاااادي جدا يقع في هونج كونج كولون..فيه عدد كبير من المطاعم والكافي شوبز..وهذي بعض الصور..
هذي السيارة المزينة باحجار سوارفسكي هدية للمنتدى.۔
هذا كل شي لليوم..ان شاءالله انبسطتوا بهالجولة الصغيرة..
*حبيت اضيف شغلة مهمة وبرأي شخصي مني:الاكل في هونج يعد فعلا صعب في البدايه لكن احب اريح كل اللي راح يسافرون مايشيلون هم ابدا,,دائما وفي كل مكان فيه اطباق جميلة راح تتلذذون باكلها,,خاصة اذا كان المطعم ايطالي,,او تحصلون البوفيه المصغر اللي ذكرته قبل.....
وانا شخصيا ماحبيت المطاعم العربية وباعتقادي ان المسافر يحتاج يجرب اطباق جديدة حتى لوكانت بسيطة...
رحلة سعيدة للجميع وللحديث بقية..
المفضلات