انا جربت الفيري من لنكاوي الي بينانغ
واخذنا الرحلة الأخيرة الساعة 5.15 العصر
انا استمتعت بالرحلة مع اني كنت متخوفة من اللي قالوا يصير دوار بحر وكرمكم الله ترجيع
الحمد لله ما شفنا هالشي على العبارة
وكانت مليانة
ومعانا بنفس الرحلة عائلين من الكويت وفيها عرب من جنسيات اخري
العبارة امان
لكن اللي خلاني اخاف اكثر منظر البحر بالليل والسواد اللي يلف البحر يخررررررررررررررررررع
والماي عالي
وفيه بعض الأحيان ترقص العبارة من علو الموج
وصلنا فعلا خلال 3 ساعات
والجو كان حلو ولد اختي واخوي اصروا يقعدون بعض الوقت بالطابق العلوي المكشوف
لكن ليلتها استمرضوا وحاشتهم انفلونزا شديدة من الهواء
نصيحة
لما توصلون المرسي في بينانغ
بتلاقون اللي يحملون الأغراض
قمة النصب رجال كبير لكنه يدخل في خشمك
نقل لنا شنطنا من المرسي الي موقف السيارة ب 80 رينجنت
استكثرنا المبلغ لكن لأن شنطنا كثيرة قلنا ميخالف
لكن الصدمة ان المسافة لا تتعدا دقيقتين تسحب شنطتك لوحدك وحسافة فيه 5 رينجنت مو 80 رينجت
لكن اللي هون علينا هالمبلغ تقسميم المبلغ على اعضاء الرحلة
يعني كل واحد دفع تقريبا 10 رينجت
بالتوفيق والقرار يرجع لك
لكن اشوف الطيارة اوفر واسرع لك
الا اذا كان ودددك بتجرب العبارة
خذ الرحلة الأولي لأن الوقت والنور داخل البحر يلعب دور بالنفسية
المفضلات