الموضوع: استئجار سيارة ؟؟ ام ميترو ؟؟ للتنقل بايطاليا اذكر تجربتك

السلام عليكم ورحمة الله وبركاته

انا رحلتي لايطاليا راح تكون بعد خمس ايام من الان باذن الله (ادعولنا )

انا طالع مع الزوجة ورايحين نزور اربع مدن في ايطاليا كسكن وراح نزور مناطق اخرى كزيارة لمدة نصف يوم او يوم

روما

فلورانس

فينيس

ميلان

السؤال الان

انا افكر جديا في استئجار سيارة مزودة بجهاز ملاحة طيلة الرحلة (رحلتي22 يوم )

وقد سمعت ان الامر بسيط للغاية ولا يتطلب سوى رخصة قيادة دولية تؤخذ من مكاتب الطيران برسوم بسيطة

وهو اوفر من التنقل عبر الميترو والتكاسي والباصات السياحية

فهل هذا الكلام صحيح ؟

وكيف استطيع استئجار السيارة عبر النت وكم الاسعار وايش الانواع الرخيصة ؟

لاني سمعت عرض جميل الا وهو انو احد الزملاء استأجر فيات ديزل ب 2400 طيلة 20 يوما وانا بنظري السعر معقول

خصوصا وانهم يجيبونلك سيارتك للمطار (وانتو ادرى) وتسلمها باي مقر من مقرات هذه الشركة على طول البلاد وعرضها

مازلت محتار لكني احتياطا جددت رخصتي وقد استخرج الرخصة الدولية بناء على مشورتكم فانا يهمني ثلاث امور

1- الاستمتاع بالرحلة

2- التوفير والاقتصاد

3- الراحة

شرايكم يا احبابي الخبراء في ايطاليا ؟؟ اتوكل على الله ؟؟

وعلى فكرة كم سعر لتر البنزين والديزل هناك ؟؟

هل تنصحوني بموقع انترنت ؟؟؟ ايش المكاتب المعتمدة للتاجير واللي اسعارهم حلوة ؟

هل استاجر اصلا ولا اجلس بالتكاسي والباصات والميترو (بناء على الامور الثلاثة اللي ذكرتها لكم )

بانتظاركم ؟؟؟

مواضيع عشوائيه ممكن تكون تعجبك اخترناها لك:

• شكر و تقدير
• ارجوكم عاجل و هام و صج متوهقه
• معى دعوة من صديق ايطالى
• اقرب مطار لريميني
• كيف ميلانو بالسيارة؟؟
• استفسار من اخوانــي با الكويت اذا ممكن
• سؤال عن المطعم المشهور في سيرموني
• ياليت احد يساعدني
• عاجل €€€
• مطلوب مساعدة اطليانو وابوطلال خبراء ايطاليا
• استفسار التسوق في ميلانو
• استفسارات اوروبية للتخطيط لسفرة عائلية
• رحلتي ب اوقست وش اسوي
• استفسار عن فينيسيا البندقية
• فلورانس تحت السؤال
• زيارة نادي كيف؟
• اريد طيران رخيص بتذاكر مسترده
• أي يوم بيكون واحد رمضان في ميلانو
• استفسار بشأن الشنقن
• سؤال مهم ومحتاج لاجابة اهل الفزعه

احب ابشر الاستاذ الفاضل llvlloto

ان الفيز طلعت والتذاكر وحجوزات الفنادق ما راحت علي بفضل الله ومنته وكرمه

بس مكتب الفيز النصابين خذو على الجوازين 2500 لاني بلا موعد

-----------------------------

للعلم ميزانيتي اليومية بايطاليا ( مصرف جيب "فقط" والمقصود به الاكل والمواصلات والاماكن السياحية مابين 100-150 يورو يوميا )

بناءا على هذه المعلومات اعطونا اقتراحاتكم بشأن استئجار سيارة من عدمه

لاني توني ادري ان اجرة الوقوف تؤخذ في الفنادق بمبالغ تتراوح بين 15 - 35 يورو وقد تصل 50 يورو لليوم

وهذا غير مدفوعات المواقف العمومية واجرة استخدام الخطوط السريعة ومواقف فينيسيا اليوم 24 يورو !!!

بصراحة مرة محتار وماني عارف وش اسوي استأجر واتوكل على الله للرحلة كلها او انتظر واروح هناك اول

ولا اخليها قطارات وباصات وتكاسي مااااااني عارف

خذ سياره وانت مغمض
السياره اكثر متعه وخصوصيه واوفر من القطارات
توكل على الله واستاجر سياره

الف مبروك صدور الفيزا والحمد لله على كل شي

هذي مرة وراح تتعلم منها وأنتبه المرة الجايه وجهز نفسك

وبالنسبة لي أنا اقول خذ سيارة أفضل لك

ولا تاخذها الا وقت طلعتك من روما لأن في روما ما تحتاج السيارة

وبالنسبة للمواقف راح تحصلها من 25 يورو الى 35 يورو باليوم

والسيارة سلمها اذا قررت تقعد في ميلان ولا تطلع للمدن الي حولها

وبالنسبة للموقع جرب هذا الموقع أعتبره من افضل المواقع من ناحية الأسعار

http://www.traveljigsaw.ae/Home.do?a...&adplat=footer


أتمنى اكون أفدتك

تحياتي لك

المشاركة الأصلية كتبت بواسطة اطليانو
http://www.arabtravelersforum.com/tr...8/#post5388328

خذ سياره وانت مغمض
السياره اكثر متعه وخصوصيه واوفر من القطارات
توكل على الله واستاجر سياره



مشرفنا الكريم

شكرا على ردك وعلى افادتك

استاذي الفاضل

هل معلوماتك مبنية على ما دونته لكم بالأحمر في الرد الذي يعلو ردك ؟؟

لأني متخوف من قضية التكاليف وخلافه وانا طامع في كرمكم في الرد علي بالتفصيل حبيبي الغالي

المشاركة الأصلية كتبت بواسطة llvlloto
http://www.arabtravelersforum.com/tr...6/#post5389606

الف مبروك صدور الفيزا والحمد لله على كل شي

هذي مرة وراح تتعلم منها وأنتبه المرة الجايه وجهز نفسك



اولا اهلا بك يا وجه الخير

صدقت يالغالي والمثل يقول اسأل مجرب ولا تسأل طبيب الحمد لله طقيناها وجات معانا

وليس في كل مرة تسلم الجرة






وبالنسبة لي أنا اقول خذ سيارة أفضل لك

ولا تاخذها الا وقت طلعتك من روما لأن في روما ما تحتاج السيارة



اعتقد اني حتى في روما بحتاجها

اولا ليش ادفع المبلغ الفلاني للتكسي من المطار الين الفندق

ثانيا مشاويرنا اليومية من الفندق الين التيرمني ما بتحتاج تكسي رايح تكسي جاي !!!

ثالثا احنا بنطلع من روما روما بتكون بالايام الاخيرة فيها مجرد محطة سكن

فليش ما نستخدم السيارة لزيارة نابولي والارياف القريبة من روما والمشاوير الخفافية حقت العشا

لو مالنا خلق نطلع ولا شرايك






وبالنسبة للمواقف راح تحصلها من 25 يورو الى 35 يورو باليوم



صاحبي زار ايطاليا ويقول سو مثلي وقفها جنب الفندق ورح وتعال لها مشي

حرام تدفع حول 150 ريال عشان وقفت حضرتها بمواقفهم والدعوة كلها مية او ميتين متر مشي عنها فقط






والسيارة سلمها اذا قررت تقعد في ميلان ولا تطلع للمدن الي حولها



انا ليش حطيتلكم الميزانية اليومية عشان تنصحوني بناء على ضوءها

فان كانت والله بتكفي وبتزيد فممكن اخلي السيارة معي وازور المناطق اللي حولين ميلان لو صد رد ونقعد فيها نص يوم

ثم اسلمها للمطار ((( يرجى قراءة ردي اللي بالاحمر اللي وجهت مقدمة الرد لحضرتك انا بقرر بناء على الميزانية

الموجودة واللي هي اهم شي )))






وبالنسبة للموقع جرب هذا الموقع أعتبره من افضل المواقع من ناحية الأسعار

http://www.traveljigsaw.ae/Home.do?a...&adplat=footer


أتمنى اكون أفدتك

تحياتي لك



اي والله افدتني وافدتني وافدتني واجد بعد مو شوي

وحطيت مكان استلام السيارة مطار روما وباليوم وبالساعة بالضبط

وحطيت مكان تسليم السيارة بمطار ميلان باليوم وبالساعة بالضبط

وطلعتلي هذي الاسعار

[IMG]http://img593.imageshack.us/i/20110523012436.jpg/[/IMG]

انت ابوها وسمها احسبها لي وشوف وش رايك بحكم انك خبير بايطاليا وبحكم اطلاعك على الميزانية بالتفصيل

بانتظارك وياريت يكون ردك مفصل يا استاذي الفاضل فمثلكم تنشرى مشورته بالذهب

صورة الاسعار مرفوعة بموقع اخر

http://www.arabtravelersforum.com/travel545046/

شف هالموضوع توني منزله راح يفيدك

وبالنسبة للميزانية أنا أشوف من 100 يورو الى 150 يورو في اليوم كافية وزيادة

وبالنسبة للسيارة أنا أنصحك تاخذها بعد ما تطلع من روما وأنت بكيفك

والتنقلات راح تكون بالميترو

الميترو جدا سهل بس الواحد يتخوف منه لأنه جديد عليه ولا عمره جربه

وبالنسبة من المطار للفندق الأفضل يكون بتاكسي عشان ما تتوه أول مرة

والباقي كله ميترو في ميترو

اقل تكلفة لك

والمدن ما تحتاج لها سيارة أبدا

حتى روما

تلفها بيوم

صح بتتعب شوي

بس راح تستمتع


والسيارة لا تخليها

وأسأل مجرب



وشكرا على الكلام الجميل

تحياتي لك

[quote]





المشاركة الأصلية كتبت بواسطة llvlloto
http://www.arabtravelersforum.com/tr...0/#post5390420

http://www.arabtravelersforum.com/travel545046/


شف هالموضوع توني منزله راح يفيدك



فعلا افادني بارك الله فيك

وقد وضعتلك بعض الاسئلة للامور اللي استشكلت علي







وبالنسبة للميزانية أنا أشوف من 100 يورو الى 150 يورو في اليوم كافية وزيادة



بشرك الله بالخير

وترى اجار السيارة وتكاليفها بتكون من نفس هالـ 100-150 يورو للايضاح فقط






وبالنسبة للسيارة أنا أنصحك تاخذها بعد ما تطلع من روما وأنت بكيفك

والتنقلات راح تكون بالميترو



نصيحة راح اخذها بعين الاعتبار






الميترو جدا سهل بس الواحد يتخوف منه لأنه جديد عليه ولا عمره جربه

وبالنسبة من المطار للفندق الأفضل يكون بتاكسي عشان ما تتوه أول مرة

والباقي كله ميترو في ميترو

اقل تكلفة لك

والمدن ما تحتاج لها سيارة أبدا

حتى روما

تلفها بيوم

صح بتتعب شوي

بس راح تستمتع



كلام مختصر ومفيد بارك الله فيك







والسيارة لا تخليها

وأسأل مجرب



هذا السطر خوفني ؟؟

وش قصدك بالغالي !!!!








وشكرا على الكلام الجميل

تحياتي لك



تستاهله يا تاج راسي

بالنسبة للميزانية أنا أشوف انها للأكل والشرب والتنقلات اليومية

ولا تشمل اجار السيارة ولا مصاريفها

يعني الأكل والشرب والتمشي خل له ميزانية

والسيارة واجارها وبنزينها ومواقفها ميزانية ثانية

والسكن ميزانية لحالها

وهذا رأيي

وبالنسبة لكلمتي لا تخلي السيارة

أنا أقصد فيها يعني لا تفكر بالقطارات
خذ لك سيارة وريح بالك

وأعتذر أذا قلتها بطريقة غلط خوفتك

تحياتي لك

المشاركة الأصلية كتبت بواسطة llvlloto
http://www.arabtravelersforum.com/tr...4/#post5390794

بالنسبة للميزانية أنا أشوف انها للأكل والشرب والتنقلات اليومية

ولا تشمل اجار السيارة ولا مصاريفها

يعني الأكل والشرب والتمشي خل له ميزانية

والسيارة واجارها وبنزينها ومواقفها ميزانية ثانية

والسكن ميزانية لحالها

وهذا رأيي

وبالنسبة لكلمتي لا تخلي السيارة

أنا أقصد فيها يعني لا تفكر بالقطارات
خذ لك سيارة وريح بالك

وأعتذر أذا قلتها بطريقة غلط خوفتك

تحياتي لك



لا والله يالغالي انا ميزانيتي كل ابوها اليومية 150 يورو بحد اقصصصصى

وهذي مثل ما قلتلك للمواصلات وللاكل وللشرب وللدخول للاماكن السياحية

بس لاحظ ان ايام سفرتي طويلة مرة 22 يوم وقد قلتلك

فمو كل يوم بصرف 150 يورو

حسب ما قلتلي ان روما يكفيها يومين ثلاثة وانا بقعد فيها سبعة

ويمكن اشقر على نابولي من الصباح وارجع منها بالليل

يعني انا ميزانيتي ( مع السيارة وتوابع مصاريفها ) 150 يورو يوميا

هل تكفي ؟؟؟؟

تكفي يالذيب لا نتوهق خلك صريح معي ودقيق

ولا ترى بدال ما اسوي تقرير عن ايطاليا

الايطاليين بيسوون تقرير عن مواطن نفطي يدق جيتار عشان ياكل ويشرب بروما هههههههههه

بانتظارك يالذيييب

المشاركة الأصلية كتبت بواسطة fawaz8000
http://www.arabtravelersforum.com/tr...4/#post5390844

لا والله يالغالي انا ميزانيتي كل ابوها اليومية 150 يورو بحد اقصصصصى

وهذي مثل ما قلتلك للمواصلات وللاكل وللشرب وللدخول للاماكن السياحية

بس لاحظ ان ايام سفرتي طويلة مرة 22 يوم وقد قلتلك

فمو كل يوم بصرف 150 يورو

حسب ما قلتلي ان روما يكفيها يومين ثلاثة وانا بقعد فيها سبعة

ويمكن اشقر على نابولي من الصباح وارجع منها بالليل

يعني انا ميزانيتي ( مع السيارة وتوابع مصاريفها ) 150 يورو يوميا

هل تكفي ؟؟؟؟

تكفي يالذيب لا نتوهق خلك صريح معي ودقيق

ولا ترى بدال ما اسوي تقرير عن ايطاليا

الايطاليين بيسوون تقرير عن مواطن نفطي يدق جيتار عشان ياكل ويشرب بروما هههههههههه

بانتظارك يالذيييب



ما أقدر أحدد لك رقم معين بس على حسب صرفك

لكن أذا بتضم السيارة مع النصروف اليومي ما اتوقع راح تكفي

يعني 200 يورو ممكن تكفيك

بعطيك مصاريف يوم عادي بدون السيارة

فطور أذا على الفندق اوك واذا لا أقلها 20 يورو

غداء 25 يورو

ايسكريم وتوابعه 15 يورو

دخوليات للأماكن السياحية 30 يورو وممكن تزيد على حسب المنطقة الي أنت فيها

مواصلات ميترو وباصات ليوم كامل 10 يورو

عشاء 30 يورو

قهوة اخر الليل 30 يورو

ومجموعها راح يكون 20+25+15+30+10+30+30 =160 يورو في اليوم وزي ماقلت ممكن تزيد وممكن تقل

لكن في الحساب المفروض الواحد يحط اسواء الأحتمالات عشان يكون مستعد لها لو صار أي طارئ

ونصحية من أخو لأخوه

طلع لك بطاقة فيزا أو ماستر كارد وخليها على جنب عشان الطواريء

ما تدري وش يصير هناك

تحياتي لك

المشاركة الأصلية كتبت بواسطة llvlloto
http://www.arabtravelersforum.com/tr...0/#post5392600

ما أقدر أحدد لك رقم معين بس على حسب صرفك

لكن أذا بتضم السيارة مع النصروف اليومي ما اتوقع راح تكفي

يعني 200 يورو ممكن تكفيك

بعطيك مصاريف يوم عادي بدون السيارة

فطور أذا على الفندق اوك واذا لا أقلها 20 يورو



ابشرك كل فنادقي مع فطور






غداء 25 يورو



اذا شخصين 25 حلوووو جدا

وهذا مصرف ثابت لكل يوم تزيد قليلا وتنقص قليلا






ايسكريم وتوابعه 15 يورو



مو كل يوم






دخوليات للأماكن السياحية 30 يورو وممكن تزيد على حسب المنطقة الي أنت فيها



مو كل يوم






مواصلات ميترو وباصات ليوم كامل 10 يورو



راح تكون معي سيارة اذا البنك رضوا يطلعونلي الفيزتين اللي قدمت عليهم اليوم لان الفيزا شرط رئيس للتاجير

وقد وصيت زميل لي مدير فرع من فروع الراجحي يخلصها لي باليومين القادمين والرجال باذن الله ماهوب مقصر

وحسبتك هذي للمدينة بالداخل وليست للقطارات والتكاسي من المطار والعكس

يعني اعتقد ان المبلغ بيزيد كثير عن 10 يورو

لكن لو معي سيارة يوميتها 35 دولار = 26 يورو + اتصور عشرين يورو يوميا بنزين + 10 مواقف متفرقة عمومية = 55

واحتمال اعمل بنصيحتك واستاجرها بعد روما






عشاء 30 يورو



مصرف لكل يوم يزيد قليلا وينقص قليلاً







قهوة اخر الليل 30 يورو



مو كل يوم






ومجموعها راح يكون 20+25+15+30+10+30+30 =160 يورو في اليوم وزي ماقلت ممكن تزيد وممكن تقل

لكن في الحساب المفروض الواحد يحط اسواء الأحتمالات عشان يكون مستعد لها لو صار أي طارئ




تكفي يا صديقي خصوصا اذا غطينا الاساسيات وهو الاهم

غداء = 25

عشاء = 30

سيارة حسب تصوري وانت ادرى = 55

هذا مصرف رئيسي يومي ههههه للبقاء على قيد الحياة = 110 يورو اما الـ 40 المتبقية فهي ان استهلكناها ليومين

ففي الثالث والرابع قد لا نستهلك منها شيء واذا ما راحت في الكوفي شوب والمتنزهات بتروح بنزين للخطوط الطويلة

فاعتقد بصفة شخصية اني احاول اول الايام امسك نفسي نوعا ما حتى يكون عندي متسع صرفية للايام الاخرى

وبالنسبة لمواقف الفندق ساسعى ان اتجنبها


اول يوم بس

وبعدين خلاص اوقف باي مكان حتي لو بعيد حبتين

وحتى لو انزنقت لا قدر الله بالفلوس الفيزا موجودة والله اعلى واعلم







ونصحية من أخو لأخوه

طلع لك بطاقة فيزا أو ماستر كارد وخليها على جنب عشان الطواريء

ما تدري وش يصير هناك

تحياتي لك



نصيحتك في محلها يالذيب وما عليك عندنا

خير ولله الحمد لكني راصد لهذي السفرة هذا المبلغ

ولا عندنا وعندك خير يا تاج راسي

هاه وش رايك هل تصوراتي في محلها وهل تحليلاتي مقاربة للواقعية ؟؟

ما أقدر أقولك شي والله

أنت أدرى بنفسك وبصرفك

لكن تذكر أنك في أيام بتتعدى هالميزانية بكثير وفيه أيام يمكن تصرف أقل

لكن زي ماقلت لك حط أسواء الأحتمالات

والسيارة سواء كانت بنزين أو ديزل فلها لا يقل عن 300 ريال سعودي ويمكن أعلى على حسب تانكي السيارة


والمواقف العامه لا تحسبها سهله وفي أي وقت تلقاها

وداخل المدينة أنصحك نصيحة أنك ما تحرك سيارتك والميترو أفضل سواء بالتحرك والسعر والوقت

الا اذا كنت بتطلع برا المدينة


تحياتي لك

المشاركة الأصلية كتبت بواسطة llvlloto
http://www.arabtravelersforum.com/tr...6/#post5394416

ما أقدر أقولك شي والله

أنت أدرى بنفسك وبصرفك

لكن تذكر أنك في أيام بتتعدى هالميزانية بكثير وفيه أيام يمكن تصرف أقل

لكن زي ماقلت لك حط أسواء الأحتمالات

والسيارة سواء كانت بنزين أو ديزل فلها لا يقل عن 300 ريال سعودي ويمكن أعلى على حسب تانكي السيارة


والمواقف العامه لا تحسبها سهله وفي أي وقت تلقاها

وداخل المدينة أنصحك نصيحة أنك ما تحرك سيارتك والميترو أفضل سواء بالتحرك والسعر والوقت

الا اذا كنت بتطلع برا المدينة


تحياتي لك



نعم اخوي حاسب حساب هذي الشغلة واذا انزنقت خذت من الفيزا

او من حساب بنكي احتياطي بخلي بطاقته معي سبحان الله صار شي ولا شي

والتقرير باذن الله جايك جايك وبهديه لك انت شخصيا وللاعضاء عموما باذن المولى جل في علاه

وشكلي والله اذا اذا اذا باخذ السيارة حتى بروما فما راح اقعد فيها الا اول ثلاث ايام بس والباقي نابولي وكابري

الله يوفقك يارب

وننتظر التقرير يا بطل

وان شالله اجازة سعيدة

تحياتي لك