الموضوع: ياليت تساعدوني

السلام عليكم ورحمه الله وببركاته*
انا وزوجي بنسافر لماليزيا بإذن الله*
ولا عمرنا سافرنا خارج المملكه وخايفه مدري كيف الوضع هناك امان زي السعوديه والا لا ؟
وبحكم اننا كمان مانعرف انقليزي يزيد الخوف عندي
وياليت تساعدوني ابي جدول 20 يوم مدري انا على حسب ماشفت تقارير الاخوان اللي بالمنتدى الله يجزاهم ألف خير نويت ازور لنكاوي وكوالا وجينتنق والكاميرون مدري ايش كمان اضيف والا يكفي مو عارفه بالضبط وكم يوم اجلس بكل مدينه*
اكيد لو المده تكفي كان زرت كل شبر بماليزيا من كثر ماني متشوقه أشوفها ع الطبيعه وفيه كم مدينه كمان وددي اضيفها بس بشوف ترتيبكم اول !* من الموبايل

مواضيع عشوائيه ممكن تكون تعجبك اخترناها لك:

• ماهي افضل شقق في ماليزيا ؟
• استفسارات عاجله للفنادق
• استفسار لخبراء ماليزيا
• فقط بقي اللمسات الأخيرة لسفرتي القريبه
• احجز الفنادق قبل السفر الي ماليزيا او بعد السفر
• مشكله في الحجز من
• وقعت في غلطة ارجو المساعدة
• البلاك بيري
• سؤال عن طيران آسيا
• استفسار بخصوص شرايح الجوال في ماليزيا ضروري
• باصات إيرولاين مشكله بسيطه
• استفسار بعد تقديم الشكر
• كيف الحل ؟
• سفرتي الأولى
• السلام عليكم مشاركة أولى يا وافــين
• سفرى الاربعاءاريد المشوره في جدولى النهائي
• افتتاح الاوت ليت الجديد في جنتنج Genting Premium Outlet
• انا ان شاء الله رايح كوالالمبور ارجو المساعده
• استفسار بخصوص فندق الصن واي لاقون
• الا عنده جلكسي تاب

عشرين يوك كثيره اختي احسن فتره 14 يوم من غير يومي السفر

وما اريد ادخل بلد ثاني مثل سانغفورا لان اول مره تسافروا فراح تتخربط اموركم بعدين


فايش رايك اختي ؟

لا بالعكس ودي كان اكثر مو اقل من الموبايل

اي صح فكرت بسنغافوره بس نفس تفكيرك بتتخربط امورنا عشان كذا استقريت ماليزيا بس من الموبايل

عشرين يوم

طيب تدللوا يا عرسان


2 سلانجور
5 لنكاوي
3 بينانج
2 كاميرون
2 جينتينق
5 كوالالمبور
1 بورت ديكسون


الفنادق


كم ميزانتيكم من غير الطيران الدولي راح اختار عبرها الفنادق

الله يعطيك العافيه يالعدني الجدول نفس تخطيطي تقريبا
بس انا ماني مفضله بينانج ماحبيتها مره وميزانيتنا للان ماحددنا الاكيد بس بحدود 15000 ايش تنصحني ودي زياره لفريزر هيل وفيه جزيره اسمها بانكور ؟ من الموبايل

بانكور رحتها بس اسهل طريقه للوصول لها هي ايبوه يعني لازم تكونوا في ايبوه يومين مثلا بعدين تروحوا لبانكور اللي هي تابعه لولايه بيراك واذا بتروحوها خولها يومين لانكم بتكونوا في جزيرة صغيره مافيها كثير اشياء تشوفوها يعني بس بتعتمدوا على الاعاب و الانشطه البحريه وا لسباحه فقط

فريزر هيل ممكن كمان اضافتها


ولكن الميزانيه شوي زيدوها احسن او اختاروا فنادق نضيفه اقتصاديه

الظاهر بتعبك معاي لاني دااجه بماليزيا بس انت ايش رايك ببانكور تستاهل الروحه ؟ وفريزر هيل انا اللي اعرفه عنها انها صغيره ماتحتاج اجلس فيها يعني اروحلها من الصباح للمغرب !؟ ماودي اكثر التنقلات عشان لانتعب وابي استمتع بكل منطقه بهدوء
والميزانيه إن شاء الله بنحاول نزيدها بس ترا من غير التذاكر ماتكفي ؟
والله يعطيك العافيه من الموبايل

هلا بعثرة الروح

الميزانيه تكفي ان شاء الله مع بعض الفنادق الوسط و النظيفه ترى الميزانيه تعني الاكل و الشرب و تذاكر المتنزهات و الاماكن السياحيه و التنقلات يعني مو شامله هدايا بس الافضل تخلوا عندكم مبلغ احتياط قريب 2000 في الفيزا بس احتياط


بانكور جزيرة هادئه يعني اللي يبوا الريلاكسشين يعني ما تقدر تقول انك بتطلع بره الفندق وتروح سوق ليلي او من هذا الكلام يعني حق تروح فندق وتجلس هناك يومين شغل بحر سباحه و العاب مائيه والاستمتاع بالغروب اذا انتوا منهذا النوع روحوها مع ان لنكاوي وبينانج تكفي عنها لانه ممكن الواحد يسوي هالشي في لنكاوي او بينانج


انا رحتها كتجربه جديده فقط عجبتني

بصراحه ظلمتوا الكامرون
ليش يومين بس

اذا انت من عاشاق الخضار والبروده والمطر والضباب كثري ايامها شوي
كنت اتمنى اجلس فيها 4 ايام مو يومين
وانصحك بفندق ديلي فرنس في الكامرون اقتصادي ونظيف وموقعه حلو
ربي يهنيكي في رحلتك

اختي خمس نجوم الكاميرون منطقه جميله وزرتها الصراحه وعجبتني موت ولو ان الطريق متعب شوي كان للمدام في الروحه و الرجعه ولكن استمتعت ولكن اشوف ان يومين يوم وصول وراحه يوم الثاني شلالات و اليوم الثالث من الصبح وحتى 12 تكون ورد وشاي وفراشات و فراوله ( اهم شي الفراوله ) و ثم تشك اوت وذهاب لمحظة الباصات

لكن لو اربع ايام وين بروح ثالث يوم ورابع يوم وصباح خامس يوم ؟

المشاركة الأصلية كتبت بواسطة AL3DNI
http://www.arabtravelersforum.com/tr...9/#post7421479

اختي خمس نجوم الكاميرون منطقه جميله وزرتها الصراحه وعجبتني موت ولو ان الطريق متعب شوي كان للمدام في الروحه و الرجعه ولكن استمتعت ولكن اشوف ان يومين يوم وصول وراحه يوم الثاني شلالات و اليوم الثالث من الصبح وحتى 12 تكون ورد وشاي وفراشات و فراوله ( اهم شي الفراوله ) و ثم تشك اوت وذهاب لمحظة الباصات
لكن لو اربع ايام وين بروح ثالث يوم ورابع يوم وصباح خامس يوم ؟

انا معاك انها تحتاج يومين بس
حتى انا قعدت فيها يومين وكانت كافيه لاني ضغطت جدولي
لكن انا شفت ان الاخت بعثرة روح عندها 20 يوم
يعني متبحبحه شوي
فلو هي تعشق الطبيعه ممكن تطول
والامر راجع للحلوه بعثرة روح اولا واخيرا

وانا عن نفسي عجبتني حديقة الورود ماكان ودي اطلع منها

المشاركة الأصلية كتبت بواسطة خمس نجوم *****
http://www.arabtravelersforum.com/tr...5/#post7421615

انا معاك انها تحتاج يومين بس
حتى انا قعدت فيها يومين وكانت كافيه لاني ضغطت جدولي
لكن انا شفت ان الاخت بعثرة روح عندها 20 يوم
يعني متبحبحه شوي
فلو هي تعشق الطبيعه ممكن تطول
والامر راجع للحلوه بعثرة روح اولا واخيرا

وانا عن نفسي عجبتني حديقة الورود ماكان ودي اطلع منها

انا ايضا اعجبتني كثيرا و الفراوله تجننت على الميلك تشيك الفرش و الشاي وقعده ولا اروع


لا ترجعي ايام زمان بسحب اجازه ثانيه وبطلع بعدين

اخوي العدني إن شاء الله تكفي طيب كم تكلفني الفنادق ببانكور وانا لسى متردده بموضوع الاماكن لاكن غالبا نفس الاماكن اللي انت قلتها بس بغير بعدد الايام وقررت اني ازور بينانج والغالب كمان اني بكنسل بانكور اذا بتكلفني كثير بس ودي تقترحلي الفنادق ؟!

كيف اسوي اقتباس للمشاركه وارد عليها ؟؟؟ من الموبايل

اختي خمس نجوم مين فينا مايحب الخضار والاجواء الزينه انا ناويه اخليها 3 او 4 ايام
بس للحين ماقررت ع الايام بالضبط من الموبايل

طيب عندي كم استفسار

انتم ايش تحبون
بحر ورومانسية؛؛بحر والعاب مائية؛؛مرتفعات والعاب وجو بارد؛؛مولات وكفيهات وسينمات وحياة شبة صاخبة

على اساس الاشياء اللي تحبونها راح افيدك

عموما ماليزيا من الدول اللي تناسب كل الاشخاص

انا عني يوم رحت ماليزيا ومعاي اطفالي

2سيلانجو
3لنكاوي
4بينانج
6كوالا يتخللها يوم جنتنق

ولاني من عشاق البحر والالعاب المائية انبسطت كثير في بينانج

والله ياأختي مدري أخوي انا خللاص دووووخت لاني اقرر براسي على المناطق
وارجع اقرأ واشتهي ازور مناطق جديده
انا ابى المناطق متنوعه عشان لانمل والمشكله زوجي محملني مسؤليه الجدول يعني غاسل يده بالمره 😔
عشان كذا اتردد واتلخبط 😔
المهم بالوقت الحالي استقريت على
2 سيلانجور
4 الكاميرون
2 بينانج انا عني ماودي اروحلها بس يقولو لابد منها لانها تريح من تعب الروحه للنكاوي ؟ عشان كذا مضطره اروحلها
4 لنكاوي
2 جنتنق
5 كوالا وبزور منها لفريزر هيل
1 بورت ديكسون او بانكور
شرايكم بالجدول ؟ مريح والا متعب من الموبايل

حبيبتي خلي لنكاوي بعد سيلانجور مباشره عشان تاخذوا راحتكم في الشرا وماتشيلوا هم الوزن لما تسافروا من لنكاوي لكوالا
والله فرحت انك خليتي الكامرون 4 ايام كأني انا اللي حاروحلها

اذا تبغي اقتباس للمشاركة
تلقي 3 ايقونات في اسفل كل مشاركه
اختاري منها اقتباس مع الرد

اختي بعثرة الروح بانكور فنادقها رخيصه وغاليه بس الغاليه انا جلست فيها حلوه بس يبي لها ميزانيه كمان الروحه لها و الاكل بيكون في الفندق افضل تلغيها خليها لمره الجايه

خلينا نرتب الجدول مره اخرى بشكل فاضل ومريح

الغاليه خمس نجوم الله يجزاك ألف خير على نصايحك بس قالولي بعد سيلانجور اروح الكاميرون اسهل بالتنقلات ؟؟
لاني ناويه اجرب الفيري للنكاوي ؟
مو طالع تحت المشاركه اي ايقونات يمكن عشانه ايباد؟
ياحلوه لما رحتي لنكاوي سكنتي بأكواخ والا فندق؟ وايش اسمه لاني محتاره ابي اكواخ وخايفه تكون مو نظيفه😨

🌹🌹 من الموبايل

أخوي العدني انا راح اسمع لنصايحك 😔
وياليت ترتبلي الجدول مع الفنادق أكون شاكره لك من الموبايل

[QUOTE=بعثرة روح;7423687]الغاليه خمس نجوم الله يجزاك ألف خير على نصايحك بس قالولي بعد سيلانجور اروح الكاميرون اسهل بالتنقلات ؟؟
لاني ناويه اجرب الفيري للنكاوي ؟

مايخالف حبيبتي
حتجربي الفيري لما تخلصي من لنكاوي وتروحي لبينانغ ومن بينانغ الى الكامرون بالباص
ومن الكامرون الى سيلانجور بالباص
هيّ هيّ
بس انت عكست الرحله زيي
انا خليت لنكاوي في الاخير قبل كوالا
في البدايه سيلانجور ثم الكامرون ثم بينانغ ثم لنكاوي ثم كوالا
وتندمت على الخطه هذي
لاني من كل مكان اشتري ولما اشتري اشيل هم الوزن مايزيد علي
فلو خليتي لنكاوي في البدايه بعد سيلانجور يكون افضل
واشوف اغلب الاعضاء في المنتدى يسوون زي كذا
مو طالع تحت المشاركه اي ايقونات يمكن عشانه ايباد؟
ياحلوه لما رحتي لنكاوي سكنتي بأكواخ والا فندق؟ وايش اسمه لاني محتاره ابي اكواخ وخايفه تكون مو نظيفه😨
انصحك ماتسوي زيي وتحجزي في موتيارا
اخس فندق على وجه الارض
وهو عباره عن اكواخ
ابد ماهي نظيفه
ولو احصيلك عيوبه ماراح انتهي
لكن في فندق اسمه بلانجي بيتش
انا سمعت كثييييييير يمدحوه لكن ماجربته
يمدحوه لموقعه ولنظافته وحتى السرر اللي من الحبال اللي تجيك بين نخلتين اللي نشوفها في الصور متوفره فيه
حسيت انه فندق ممتع

🌹🌹

من الموبايل



[/QUOTE]

ربي يوفقك
والله اتمنالك من كل قلبي رحله موفقه

حبيتي خمس نجوم إن شاء الله راح اخذ بنصايحك
وي وي الحمد لله عاد انا انقهرت لما مالقيت غرفه بمتيارا 😭
الحمد لله كثيييييييير قالو انه كويس ونظيف
وتسلمين ياقلبي تعبتك معاي 😳
بس ماعليه تحمليني وربي داجه مرره 😳

يسعدك ربي ويوفقك 🌹 من الموبايل

أسف يا وافي داخل عالخط.

بس عندي استفسار بسيط ):

هل تفرق كثير اذا سكنت بفندق في لنكاوي واذا ما عجبني أغير الفندق او اكنسل الحجز او الغي باقي الايام ؟؟؟ من الموبايل

ياحبيتي يابعثرة روح ماعليك لافيها تعب ولا شي
انا ودي اخلص تقريري عشان تستفيدي من تجربتي
بإذن الله اخلصه قريب

أجل يالله لاتتأخرين شدي حيلك ههههه

طيب بسألك ايش الفنادق اللي سكنتي فيها وكيف تنصحيني فيها والا لا؟ من الموبايل

انا سكنت في فندق موتيارا سنتين متتاليتين الصراحه انضف من الغرفه اللي جلست فيها ماشفت

لا ومقابله البحر مررره يعني اصحى من النوم وركض على البحر ههههههه


الفندق هذا حظوظ مره يضبط عند ناس و مره لا فالحمد الله تجربه مرتين لسنتين كانت حلوه جدا لاتنسى المره الجايه بغير الفندق لسببين لانه بيكون مغلق لتحويله الى خمس نجوم وثانيا لتغير مكان الشاطئ لاني نفسي اسكن في شاطئ سينانج الرائع

المشاركة الأصلية كتبت بواسطة AL3DNI
http://www.arabtravelersforum.com/tr...7/#post7424867

انا سكنت في فندق موتيارا سنتين متتاليتين الصراحه انضف من الغرفه اللي جلست فيها ماشفت

لا ومقابله البحر مررره يعني اصحى من النوم وركض على البحر ههههههه


الفندق هذا حظوظ مره يضبط عند ناس و مره لا فالحمد الله تجربه مرتين لسنتين كانت حلوه جدا لاتنسى المره الجايه بغير الفندق لسببين لانه بيكون مغلق لتحويله الى خمس نجوم وثانيا لتغير مكان الشاطئ لاني نفسي اسكن في شاطئ سينانج الرائع



والله يالعدني لو احكيلك عنه حابكي
من جد مامر علي اسوأ منه
لكن يالله معوضين خير انشاءالله

المشاركة الأصلية كتبت بواسطة خمس نجوم *****
http://www.arabtravelersforum.com/tr...5/#post7424965

والله يالعدني لو احكيلك عنه حابكي
من جد مامر علي اسوأ منه
لكن يالله معوضين خير انشاءالله



ههههههههه اختي لا تشغلي بالك ومعوضين ان شاء الله


هي حظوظ مره تصيب ومره تخيب


انا رحت فندق الكل مدحه بس لما رحت له كان حظي سيئ فيه ومرتين


المره الاولى السخان مو شغال وتدوشت بالماي البااارد والمره الثانيه كان باب الحمام يطلع صوت قوي لما يفتح ويسكر زي الطقه تخلي اللي بالغرفه تفز بس عادي الحمد الله مشى الحال وعدينا منه والدنيا تجارب

بالله كيف الاكواخ يقولون غير صراصير وانواع الحشرات 😂
على قد ماني متحمستلها كرهوني فيها
وايش رايكم بلنكاوي لاقون ؟ من الموبايل

المشاركة الأصلية كتبت بواسطة بعثرة روح
http://www.arabtravelersforum.com/tr...3/#post7425443

بالله كيف الاكواخ يقولون غير صراصير وانواع الحشرات 😂
على قد ماني متحمستلها كرهوني فيها
وايش رايكم بلنكاوي لاقون ؟ من الموبايل



والله يابعثرة روح حمستيني انزل تقريري بسرعه
عشان اوريكي كيف موتيارا
وتستفيدي منه بالاشياء الثانيه

بعثره بيئه لنكاوي بسيطه وريفيه و غابات فالحشرات شي لابد منه هناك إلا ان بعض الاماكن مثل البلانجي بيتش عندهم رش يومي للاكواخ لاتخافي راحوا الكثير هناك وانا جلست بالكوخ مرتين والحمد الله عدت بخير

احجزي ببلانجي بيتش وراح تنبسطي مثل ما قالت لك الاخت خمس نجوم

هههههههههههههه الله يعوضك بأحسن منه بسفريتك الجايه 😁
ايش رايكم بترتيب جدولي
2 سيلانجور بالصن واي
4 الكاميرون هيرتاج
2بينانج فيلامنجو
4 لنكاوي لنكاوي لاقون
2 جينتنق اوانا
5 كوالا لسى ماقررت
1 بورت ديكسون كمان لسى ماقررت
ايش رايكم بالفنادق ؟؟؟؟ من الموبايل

اختي فيلامنجو بعيد شوي اذا بتاخذي بعيد خذي هيدرو احسن على الاقل اقرب الى الباتو فريجني

حاولي تحجزي في فيرست وورلد ورلد كلوب رووم اذا مافي احجزي باوانا سويت واذا معاكم اطفال احجزي ديلوكس لان فيها سريرين كوين في اي ديلوكس

طيب اخوي العدني ايش الافضل ببينانغ من الموبايل

الحين langkawi lagoon resort نظامه غرف والا فيه اكواخ على الشاطي ؟؟
لاني بصراحه حست مره 😔
وشفت langkawi lagoon sea village ايش الفرق بينهم ؟
كان ودي بأحسن من كذا بس الميزانيه ماتسمح من الموبايل

ياهلا أختنا الكريمة ...

طبعا فندق ( لنكاوي لاقون ) على الشاطيء مباشرة ...

وهو نظام ( أكواخ ) عشان تناسب طبيعة الجزر البحرية ... لكن من الداخل ( غرفة عادية )

أنتي أختاري ( غرفة على البحر ) ... لأنها الأجمل والأقرب للبحر

http://img24.imageshack.us/i/85963255.png/

معليش اخوي وافي اتحملني شوي والله مو فاهمه
الحين لنكاوي لاقون كلها اكواج بس انا شايفه بالصور فندق مو اكواخ
انا ابي كوخ على البحر ايش اختار بالضبط لاني خايفه احجز واتوهق
فيه langkawi lagoon resort هذا اللي اقول عليه غرف لما اشوف صوره القاه غرف !😞
وفيه langkawi lagoon sea village هذا يعني اكواخ بوسط البحر صح
وفيه langkawi lagoon resort private residential وهذا ايش بالضبط
وايش الافضل احجز فيه

عارفه اسألتي كثيره بس مالي غيركم استشيره 😞😞 من الموبايل

هلابك أختي الكريمة

طبعا الأفضل هذا الفندق langkawi lagoon resort private residential

هو الأقرب للبحر ... وهو الأجدد والأجمل

أختاري ( غرفة ديلوكس مزدوجة مطلة على البحر ) ... وهذا الرابط من بوكينق


http://www.booking.com/hotel/my/priv...X1&aid=1329869

مشكوووور اخوي والله يعطيك العافيه
ادري ان اسئلتي كثييره بس والله مالي الا الله ثم انتم تساعدوني بخبرتكم بماليزيا
الحين الغرفه اللي انت رشحتها لي كوخ خاص ؟ والا غرفه لاني شايفه انه فيه غرف
عارفه اني ماني قادره استوعب موضوع الغرف والاكواخ بس بتأكد قبل لاحجز لاني ابي كوووخ يقولون احلى 😔😔 من الموبايل

أهلآ أختي الكريمة

الموضوع بسيط ... أهم شيء الموقع يكون على البحر سواء ( كوخ أو غرفة عادية )

هاذي والله الغرفة الأنسب من كل النواحي

http://img833.imageshack.us/i/73025003.png/


http://img528.imageshack.us/i/95350000.png/

الله يعطيك العافيه
انا عارفه انه المهم يكون على البحر بس انا ابي افهم الشي اللي احجزه هو غرفه والا كوخ والا ايش بالضبط عشان لايكون براسي شي واروح اتفاجأ بشي ثاني
لاني شفت صور اكواخ موتيارا وحبيتها وودي اجربها بس مالقيت حجز بموتيارا ومالي الا لنكاوي لاقون
كنت بحجز الاكواخ اللي بالبحر بس الميزانيه ماتسمح وقريت انه وسخه وماهي كويسه وبطلت عنها
وايش رايك الافضل لاقون والا اوانا؟ من الموبايل

أختي الكريمة ... طلبتك تحجزين ( غرفة ديلوكس عالبحر ) وريحي نفسك

كثرة التردد ... يتعب ... ويحير ... وممكن ( يكرهك ) في الرحلة

http://img528.imageshack.us/i/95350000.png/

هههههههههههههه
لاتلومني اول مره احجز واسافر خارج المملكه 😂
بس أخر سؤال وإن شاء الله ناويه احجزها بس هي غرفه والا كوخ 😂😂😂😂 من الموبايل

والله أختي الكريمة مازعلت ولاشيء

بس ماأبيك تترددين وتحتارين في هذا الموضوع لأنه بنظري موضوع بسيط

أختاري ( غرفة ديلوكس عالبحر ) وإذا ماأعجبتك ... قولي ( الله يسامحك ياوافي )


http://img233.imageshack.us/i/86859002.png/

😊
طيب الله يسعدك قولي هي غرفه والا كوخ ؟😔
واذا ممكن ترتبلي رحلتي
3 سيلانجور صن واي
4 الكاميرون هيرتاج
2 بيينانج الهولدي
4 لنكاوي 😊
6 كوالا وبروح منها يوم لفريزر هيل
2 جينتنق اوانا

ومشكوووووور على طوله بالك على جهلي 😔 من الموبايل

ههههههه .... والله ( الكوخ ) مسوي أزمة معك

لكن أبشرك ... كل الغرف عالبحر تعتبر على شكل ( أكواخ )

وبخصوص ( ترتيب الأيام ) لازم يتعدل ... لأنه بصراحة خطأ ....

أعطيني تاريخ وصولكم لماليزيا وتاريخ العودة ... وأرتب لك الرحلة بالمليمتر ....

http://img100.imageshack.us/i/60027520.png/

يعني تعتبر كوخ 😖
تاريخ الوصول 29 /1
والعوده 1/19 من الموبايل

هلا أختي الكريمة ...

عندكم ( 21 يوم ) وهذا التقسيم الأجمل من وجهة نظري :

يومين سلانجور

أربعة أيام لنكاوي

ثلاثة أيام بينانغ

ثلاثة أيام الكاميرون

يومين جنتنغ

سبعة أيام كوالا

http://img100.imageshack.us/i/60027520.png/

طيب اخوي كيف بتكون التنقلات من الموبايل

طيب الترتيب الاول ماينفع مره لاني حجزت بعض الفنادق ومن ضمنها واحد غير مسترد 😖 من الموبايل

هلا بك أختي ...

تفضلي طريقة التنقلات ... الأسهل ... والأرخص ..

* من سلانجور إلى لنكاوي ... طيران air asia والمسافة ( 50 دقيقة )

* من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )

* من بينانغ إلى الكاميرون ... تاكسي بسعر ( 400 رنقت ) والمسافة أربع ساعات ..

* من الكاميرون إلى جنتنغ ... تاكسي بسعر 350 رنقت والمسافة ثلاث ساعات ونصف

* من جنتنغ إلى كوالا ... تاكسي بسعر 90 رنقت والمسافة 45 دقيقة

http://img855.imageshack.us/i/60227495.png/

المشاركة الأصلية كتبت بواسطة بعثرة روح
http://www.arabtravelersforum.com/tr...9/#post7429979

طيب الترتيب الاول ماينفع مره لاني حجزت بعض الفنادق ومن ضمنها واحد غير مسترد 😖 من الموبايل




😓
الله ييسرلك أمورك ويكتبلك الخير وين ماكنت

أبشري اختي الكريمة


راح ارجع لموضوعك واعطيك الحلول بأذن الله


الحين والله طفيت ( نوووم تايم )

😂😂
حجزت بلنكاوي 3 ايام لنكاوي لاقون غرفه ديلوكس مطله ع البحر
لان البرايفت ماتشمل الفطور
كيف الغرف قريت اراء النزلاء وتخوفت
ويوم بالاكواخ اللي ع البحر لاني حالفه اجرب الكوخ 😊 من الموبايل

أختنا الكربمة ...

طالما حجزتي ... توكلي على الله ...

والله العظيم فندق ( لنكاوي لاقون ) من أروع الفنادق ... لاتشيلي هم

http://img694.imageshack.us/i/55219373.png/

مشكوووور اخوي والله يريح بالك زي ماريحت بالي
والله انت من جد ماشاء الله عليك مرجع لماليزيا ورايك انا اثق فيه 😁 من الموبايل

العفو أختي الكريمة ... ربي يوفقكم لكل خير في الدنيا والأخرة

أي سؤال أو أستفسار ... كلنا أخوانكِ هنا بالخدمة ... تحياتي

http://img824.imageshack.us/i/42995762.png/

ماتقصر اخوي
بس ياليت تحطلي برنامج للرحله وين اروح وين اجي وايش افضل مكان
لاني مشتته صراحه من كثر ماقرا وانت عندك خبره اكيد بأفضل الاماكن
وانا محتاره احجز الطيران الداخلي من النت والا من ماليزيا ؟ من الموبايل