الموضوع: احرااااااااااج والله مستحي

السلام عليكم ورحمة الله وبركاته
اعذروني يا جماعه أنا بحثت في المنتدى ‏ما وجدة شي بس في نفسي سؤال فيه إحراج :110: للواحد بس لابد منه أرجو ‏لأجابه عليه
لأن هذا الأمر من الأمور المهمة عندي بحكم العلاج المطلوب
س؟ ‏دورات المياه هل كلها فزنجي أو عربي؟
وهل صحيح ما فيه ماء في ‏دورات المياه؟ ‏
‏ وش الحل في المشكلة العويصة
أسف جداً جداً على هذا أسؤال بس هذا ‏الأمر ضروري بنسبة لي
‏ ‏

مواضيع عشوائيه ممكن تكون تعجبك اخترناها لك:

• استفسار بخصوص السفر لنيوزلندا والله يوفق كل من يساهم بمعلومه ويجعلها في موازين حسناته
• جامعة موناشأرجو الرد
• لكم ياهل الخبره
• المملكة
• تقبلوني اخـــو؟
• شباب ياليت من يفيدني بصراحه ماني قادر استوعب
• شتاء في نيوزيلاندا؟
• اخو بدوه يبي يتعلم
• إستفسار بخصوص التأمين
• ورجعت الى ارض الوطن سالماً معافا والحمدلله من جزيره الاحلام نيوزلاندا
• الطبيعة الخلابه نيوزيلنـــــــــــــــــــــــــــدا
• اريد دراسة اللغة فى نيوزلندا
• كيف احصل على فيزى ترانزيت حق استراليا حق الخطوط الاماراتيه
• بسافر وأبي مساعدتكم في كم موضوع
• سؤال عن الفيزا
• مساعدة عن ماكينات الصراف الآلي في مدينة
• راح اسوي تقرير بس بشرط ساعدوني الان
• نيوزلاندا في شهر يوليو
• ماتوقعت مدة الدراسة كذا
• اخواني نصائحكم

حياك الله أخوي

بالنسبة لدوراة المياه كلها " فرنجي "
وفعلا لا يوجد ماء في دوراة المياه ... لكن يضعون المناديل بدلا عنه
والإسلام أباح الاستجمار
سوف تواجه صعوبات في البداية ... وفي الأخير سيكون الأمر عااادي جدا

ودمت

ههههههههههه ياخالدين ذكرتني يوم رحت بريطانيا طلعت العائلة كلها الحمام الله يكرمكم وقاعد اقولهم وهم مو فاهمين وفي الاخير قعدت أأشر لهم الين مافهموا الله يستر عليك ياخالدين

هههههههههه
الله يطمنك يا المحب

خالد اهنيك على الجرئة في طرح الاسئلة
اتمنى لكم التوفيق

شكراً لك يا المحب على تجاوبك السريع
والله مشكله إذا ما كان فيه ماء ‏بس
هل ممكن ادخل بالماء معي في الدورة المياه
هل صحيح يدخلون عليك ‏في دورة المياه عادي وأنت تقضي حاجتك أو تغسل جسمك كامل تحت ‏الدش:110:
والله اني جاد في هذا الموضوع وأنا من الناس الذين يتحرجون ‏كثثثثثثثر في هذا الموضوع ‏
‏ ولي عنده حل:114: يعطينا غير سالفة الأستجمار وسبب لأنه يمكن وجود الماء ‏وهو مقدم على الأستجمار

يووووووووووووووووه
اقسم بالله انا اللي انحرجت موب انت
وبعدين وش ذا السااااااالفة يا عرب نيوزلندا
ورى ماقلتوا لنا قبل نتوهق في الوزارة ونقدم على ذا المنطقة الناشفة من الماي
لاحول ولاقوة الا بالله

الله يسترها معانا بس
يعني هالحين وش الحل مع الوضوء ؟؟ تيمم يعني ؟

خخخخخخخخ لا وازيدك من الشعر بيت تدري لودبرت نفسك وجبت علبه ودخلتها دورة المياه
وسبحت المكان بالماء قصدي الارضيه احتمال العائله تسوووووووويللك رجه ويمكن يغرمونك
انا صارتلي كنت بأوكرانيا قبل شهرين وسبحت الدنيا وغرموني اصحاب الشقه 200 دولار امريكي
والماء كان قليل مررررره وخلوني امسحه خخخخخخ وش كان عذرهم ؟ يقولون الماء ينزل على الشقه اللي تحت خلهـــــــــــــــــــــا على ربك وخللك على الأستجمار نصيحه قع قع

حياك الله أخوي

بالنسبة للحل واللي اتبعوه معظم الطلاب هناك
يدخلون معهم علبة ماء حقت الشرب وبعدين يستخدم المناديل مع الماء

يمكن تسأل وين تودي المناديل بعد الاستخدام :114: ؟؟

كل الدنيا تحطها في مكان واحد ... بس تسحب عليهم السيفووون :101:

وللمعلومية هم يدخلون دوراة المياه بدون حذاء ... لأنه في الأصل ما فيه مصدر
مياه في الدورة وعلى شان كذا ما يخاف إن رجلينه تتبلل ولا شي

بالنسبة للـ " الترويش " العوائل هناك تحدد لك وقت للتروش يعني ما بين خمس إلى عشر دقائق
لأن استخدامك للماء الحار هو هدر للكهرباء ... والكهرباء مكلللللف عندهم ... وأكيد هم يبغون
يتروشون مثلك :101:

وأي استفسار أنا حااااضر

أخوي انا عندي اقتراح
انا ما عمري سافرت
لاكن هذي فكرة ويمكن تنفع
تعرف الرشاش الصغير حق المبيدات (تقريبا يشيل 1.5 لتر)
يباع عند حقين المشاتل
هذا طال عمرك تعبيه ماء وبعدين تضغطه بالهواء
وفيه زر تضغطه ويرش عليك
اتمنى انه تكون اتضحت الصورة

إلى هذي الدرجة صارت مشكله هذي يبغالها سباك :109:
انا إلي اعرفة انا الاستجمار والاستنجاء إذا لم تجد ماء وانا اعتقد يوجد ماء بس المشكله كيف نحط الماء في دورة المياه هذي هي المشكله ماهي المشكله ان مافيه ماء
فيه عوائل سكن عندهم عرب ويعرفون نظام العرب في اكل الحلال ودورة المياه يوفرون لك البريق البلاستك مثل حق المساجد واذا موفرولك حطلك اي حجة في بلاستيك اوخذه معك قبل ماتروح وهذا احسن حل اعتقد
وإذا طلعة مكان بعيد وبغية قظاء حاجتك اشتر المناديل المعطره التي تستخدم للأطفل

والإسلام أباح الاستجمار



صحيح ان الاسلام أباح الاستجمار, لكن في الأماكن اللي مافيها ماء...
تقدر تستعمل قوارير موية الشرب في البيت وتعبيها وتحطّها في شنتطتك اذا طلعت برا البيت

ابد يا اخوك .. لا احراج ولا شي ...

بالعكس احس كثيررررررر كان في بالهم السؤال ...

شوف عزيزي .. ما راح ازيد على كلام الشباب فوق ...

لكن فيه طريقه كانو الشباب يستخدمونها في كرايست جيرج .. واعجبتهم ... طبعا اللي مو قادر على المناديل ...

فيه مثل القوارير الرياضيه ... اممممممممم اللي يستخدمها العدائين او اصحاب السباقات الجري وغيره ... تكون فتحتها ضيقه .. او ما تضغط على العلبه يطلع المويه منها بقوه ...

اذكر كم واحد في كرايست جيرج .. شراها .. ويقول مفيده جدا ...


ابد يا اخوان .. اي سؤال ما يخرج برى الحيا ... اطرحوه عادي جدا ... واللي مستحي يرسل لي على الخاص .. وانا تحت امره ...

خخخخخخ فعلا الأمر محرج وعلى جا على بالي

اشتر المناديل المعطره التي تستخدم للأطفل

أخاف تقول لنا بعد بامبرز يمتص البلل ويبعده عن بشرة الطفل

والمناديل على فكره اسمها تشبز يبيعونها بكل مكان هنا خذولكم كمية تراها زينة

الله يعطيكم العافية يا شباب ويا المحب والمايسترو على أردود والحل ‏الممتاز ولايهنون الشباب :101: ‏
‏ سالفة علب الماء ووضعها في الحقيبة جيد‏:24:
‏ طيب ما جاوبوني على أسؤال الثاني الجزء الأول خلاص باقي أسؤال ‏الثاني ‏
هل صحيح يدخلون عليك ‏في دورة المياه عادي وأنت تقضي حاجتك أو ‏تغسل جسمك كامل تحت الدش‏:110:

س3 وهل يكون في الشوارع أو الأماكن العامة دورات مياه‏:11ight:
الف شكر للجميع والله هذا حل ممتاز

المشكلة صعبه ^_^ ..وفيها احراج مثل ما قال اخونا

نصيحتـي لـك : لا تســـــااافر

المشاركة الأصلية كتبت بواسطة خالدبن
http://www.arabtravelersforum.com/tr...1/#post1092891

‏
هل صحيح يدخلون عليك ‏في دورة المياه عادي وأنت تقضي حاجتك أو ‏تغسل جسمك كامل تحت الدش‏:110:

س3 وهل يكون في الشوارع أو الأماكن العامة دورات مياه‏:11ight:
الف شكر للجميع والله هذا حل ممتاز

لا وش يدخلون عليك ... اقفل الباب وما راح احد يدخل ... اصلا اذا سكرته انت ما يدخلون .. حتى باب غرفه النوم اذا سكرته ما يدخل الا ضاربه قبل ...

بخصوص دورات المياه .. ايه فيه في الاماكن العامه ... دورات مياه نظيفه .. ( اذكر اللي في ساحه الكاثيدرال في كرايست جيرج ) ...

والله مشكلة دورة مياه من غير ماء :105:

الله يبشرك بالجنة يا المايسترو:24:
‏ والله قالي وحد من الزملاء كان في بريطانيا عن سالفة أنهم يدخلون عليك ‏وأنت في الدورة عادي جدا‏
‏ مدري هل هو يلعب علي أو جاد:114: ‏
‏ بس على كل حال ألف شكر يا المايسترو:101: ‏
أما أنت يا مشعل حرام عليك والله باقي علي تسعة أيام :surf وامشي أنشاء الله ‏وأي خدمة يازعيم أنا حظر يا المايسترو:11ight: ‏

ممكن اذا رحت لـ منتجع سياحي
وحبيت تغير
راح تلاقي الكل يتعرّى عادي

ويفصخوا ملابسهم

ولا كانك موجود


وعادي عندهم

هالحاله حضرتها في هانمر سبرينق
عند العيون الحارة

المشاركة الأصلية كتبت بواسطة حسّاس
http://www.arabtravelersforum.com/tr...4/#post1093274

ممكن اذا رحت لـ منتجع سياحي
وحبيت تغير
راح تلاقي الكل يتعرّى عادي

ويفصخوا ملابسهم

ولا كانك موجود


وعادي عندهم

هالحاله حضرتها في هانمر سبرينق
عند العيون الحارة





اضيف لكلام اخوي حساس


حتى في النوادي الرياضيه .. عند المسبح .. عادي يبدل قدامك ... عاد انت غض البصر :109:

المشاركة الأصلية كتبت بواسطة حسّاس
http://www.arabtravelersforum.com/tr...4/#post1093274

ممكن اذا رحت لـ منتجع سياحي
وحبيت تغير
راح تلاقي الكل يتعرّى عادي

ويفصخوا ملابسهم

ولا كانك موجود


وعادي عندهم

هالحاله حضرتها في هانمر سبرينق
عند العيون الحارة



الله يغفر لنا :101:

ويالمايسترو وش نغض ووش نخلي :109:

كيف يدخلون عليك عندهم الامور الشخصيه مقدسه

لايغرك كلام الناس والعوام عن الغرب ...

لكن في النادي الرياضي يمكن تحصل شوي لخبطه .. بس عندهم عاادي ..


بالتوفيق

يا جماعة عندي تساؤل
الحين حماماتهم بدون ماء صح ؟

طيب ما يكون جنبها مغاسل عاديه؟
اذا كان نعم فالحمدلله لا يوجد مشاكل يصير الواحد ياخذ قاروره فاضية معه وكل ما راح مكان يعبيها

هل كلامي صحيح ؟؟؟؟؟؟

المشاركة الأصلية كتبت بواسطة abu_faisal1
http://www.arabtravelersforum.com/tr...3/#post1093453

يا جماعة عندي تساؤل
الحين حماماتهم بدون ماء صح ؟

طيب ما يكون جنبها مغاسل عاديه؟
اذا كان نعم فالحمدلله لا يوجد مشاكل يصير الواحد ياخذ قاروره فاضية معه وكل ما راح مكان يعبيها

هل كلامي صحيح ؟؟؟؟؟؟



صحــــــــيح

.

بعض التواليت يكون فيها مغاسل وبعض لا..لان اكثرها تكون مشتركه التواليت مع ال..نسيت اسمه !هه اللي تاخذ شاور فيه ^^..يعني حسب البيت اللي راح تسكن فيه.

سويتوها قصه على الرجل!!ترى عادي والماء متوفر في كل مكان اصلا محد يكلمك ولا راح يسألك ليه ماخذ ماء او شي واذا مالقيت اسهل شي جيب بطل الماء اللي تشتريه جاهز حق الشراب واذ خلصت منه ارميهالحكايه سهله

وسافر وماعليك والله يوفقك ويوفق الجميع

خخخخخ
قضية القضايا هي الحمام اعزكم الله

والله ياهي بلشه انا بالنسبه لي كنت استخدم المناديل وبعدها الموية الي في موية الصحة ام خمسه ريال الي تقدر تضغطها مثل مياة هنا عندنا.

انا اقترح عليك تتعلم استخدام المناديل من السعودية قبل ماتطلع لان بيصير صعب عليك استخدام المياه خصوصا ان السفره لمدة اكثر من اربع سنين تعلم وش بيضرك

خخخخخخخ
بديت افكر افتح مركز فيه دورات تعلم كيف استخدام المناديل هههههههههه

والله اني اقترح على المعهد انه يوفر كرسي عربي وانشاء الله بقولهم واول مااروح بعد خمسة ايام
وردلكم الخبر

طيب وكندا مثل كذا ولا يختلف ؟

فيه مياه ولا لا

افففففف ...
هذا الي ما ضربت له حساب
لكن .. الله يخاااااااااارجنا