الموضوع: سؤال مهم بخصوص لانكاوي

السلام عليكم ورحمة الله وبركاته ..

انا مسافره ان شاء الله بداية يناير هذي السفره الثانية لزيزا
لاكن ما استغني عن خدماتكم ووقفتكم معي
حجزت الحمدلله الفنادق من بوكينق
لاكن واجهتني كم مشكله
1- بطاقتي مستر كارد موجود فيها رصيد حجزت كم فندق ف لانكاوي غير مسترد
وللاسف يرسلون لي الموقع انه في مشكله ولازم اعمل تحديث
اعمل تحديث وبرضوا نفس الشي يرسلون لي انه حجزي موكد لانه الفندق يواجه مشكله اما البطاقه غير صالحه
او ليس بها رصيد كافي وكلمني موظف من بوكينق وشرحت له كل شي قالي الفندق يواجه مشكله فسحب المبلغ
البطاقه متاكده انه فيها رصيد
وتنتهي بشهر 6 2013 يمكن علشان تنهي بعد سفرتي بكم شهر ؟
اتصلت ع البنك < البنك الاهلي قالوا لي مافي مشاكل بالبطاقه، شغاله واموري بالسليم
كنسلت جميع الفنادق الغير مسترده
# وللاسف ابي جيتنغ فرست ورد مافي ف بوكينق الا غير مستر !!!!
وش الححححححل

2- ثاني شي ماقدرت احجز غير مسترد في براجيا او بلانجي بيتش للاسف
وحجزت ع مدح بعض الاخوان بالمنتدى لانكاوي لاقون
طيب لانكاوي لاقون في 2
واحد 5* وطلع لي الثلاث ليالي ب 1838 ريال !!!
وواحد 4* وطلع لي الثلاث ليالي ب 2827 ريال !!
كيف الاربعه نجوم اغلى ؟
شفت تقارير الفندق موذاك الزود ودي با احلى وبحدود 3000
وكل اللي بحدود 3300 غير مسترده
مره قريت بالمنتدى انه الاربعه افضل ومره قريت ان الخمسة افضل وش رايكم ؟
# وش الحححل وش احجز طبعا انا ابي نظام اكوخ ويكون نظيف ماعندي مشاكل احجز ب 3000 بس اهم شي نظيف وع الشاطي
وش رايكم وش الحححل ؟ من الموبايل

مواضيع عشوائيه ممكن تكون تعجبك اخترناها لك:

• الحمد لله حجزنا وتوفقنا باقي برنامج الرحلة نرجو المساعدة من اهل الخبر والسفر
• استفسار
• استفسار عن أفضل اختيار لمناطق ماليزيا للشباب
• لمن سبق لهم زيارة ماليزيا أرجوا الدخول
• تشطيبات الرحله واستفسارات اخيره
• شرايكم بهذي الفنادق وما البديل ؟
• أحتاج منتجع في لنكاوي
• ابي اتأكد من هالمعلومه اذا ممكن ؟
• افيدوني جزيتم خيرا
• برنامج رحلتي الي ماليزيا بالتكاليف
• مسافر وابي شوركم
• استفسار ع السريع الله لا يحرمنا منكم التيم بارك او الشلالات السبعه
• برنامج سياحي في ماليزيا 13 يوم 4 نجوم 2018
• محتار بين الشيراتون و وسبا هوليداي في لانكاوي
• فزعتكم لا هنـــتــو
• لكم خالص الود
• باص الـ هوهو و فندق رويال شولان
• كيفية الانتقال من جوهر بهار الي جزيرة سنتوزا
• طلب من الاعضاء فى اسرع وقت
• ايش الاماكن الي تنصحوا بزيارتها في ماليزيا

هلا أختي الكريمة ...

تعديل البيانات في البطاقة الفيزا ( عادي جدآ ) ودائما يحصل معنا كلنا

المطلوب تعيدين كتابة المعلومات وشحن البطاقة بمبلغ زائد عن مبلغ الحجز

لأنه فيه رسوم أضافية مثل ( فرق العملة + الضرائب ) وغيرها من الأمور

وبخصوص فندق ( جنتنغ ) دائما يكون غير مسترد ... لأن سياسة الفندق كذا

لكن تقدرين تحجزينه من خلال أي ( فيزا ) لأي أحد من معارفكم ... بشرط يكون الحجز بأسمكم

أما في لنكاوي لاقون ... هناك مبنيين :

الأول : الريسورت وهو الغرف العادية

الثاني : البرايفت يونيت ... الوحدات السكنية الخاصة وهي الأقرب للبحر وعالشاطيء مباشرة

لكن من رأيئ المتواضع ... أرشح لكم فندق ( تانجونق سنشري ) الراااااائع وهذا هو من بوكينق

http://www.booking.com/hotel/my/tanj...ml?aid=1329869

http://img534.imageshack.us/i/70779041.png/

وافي الله يسعدك
راح اضيف مبلغ للبطاقه ال من الموبايل

وسالفة المبلغ غيرر كافي كافي وزياده بعد
الليله ب فيرست وورد ب 300 وشي
الرصيد فوق 6000
!!!!!!

وبالنسبه اني احجز من بطاقة اي شخص اخر
اقدر احجز ببطاقتي الاهلي
لامستر كارد ولا فيزا ما اتوقع تقبل بس بجرب
والحجز باسم زوجي ؟
سمعت لازم ارسل للفندق صح

وراح اشوف الفندق اللي قلت عليه . من الموبايل

هلا أختي الكريمة ...

ماتقبل في الحجز إلا البطاقات ( الأئتمانية ) مثل : فيزا أو ماستركارد أو أميركان أكسبرس

وطبعا مايحتاج تراسلين الفندق ولاشيء ... أحجزي من ( بوكينق ) مباشرة

وأي شيء بخصوص الحجز يكون التفاهم مع ( بوكينق ) بدون مراسلة الفندق

وأما فندق ( فيرست وورلد ) في جنتنغ ... أحجزيه من مكتب سياحي وباقي الفنادق من النت


http://img534.imageshack.us/i/70779041.png/

حلوه فكرت المكاتب السياحية
راح احجز جيتنغ ولانكاوي ..
مشكور ماقصرت من الموبايل

بالتوفيق لكم يارب

لكن بقولك شيء مهم وأنا أخوكِ :

إذا أحد من أقاربكم عنده ( فيزا ) أنصحكم تحجزون بها

لأنه مهما كان ... الحجز من النت أرخص من المكاتب السياحية


http://img534.imageshack.us/i/70779041.png/

يعطيك العافيه وبدل ما اشوف احد من اقاربي اطلع فيزا من الراجحي
ان شاء الله ماتاخذ وقت ..
يعطيك الف عافيه مره ثانية
واكيييد راح ارجع بكم سؤال .. من الموبايل

أهلآ أختنا الكريمة

فعلا ... فيزا تسوق الراجحي هي الأنسب ... وتطلع في نفس اليوم

أهم شيء يكون عندكم حساب في الراجحي

سالفة الفيزا ماهي حلوه طريقة الفيزا مانسبتنا ورفض زوجي لا اطلعهاانا ولا هو
لاكن وش رايك با لانكاوي لاقون انا لليوم وانا حاجزه الاثنين
وش ترشح لي واحد منهم اكنسله
وياليت اشوف صور للغرفة من تصوير الاعضاء
وفيرست ورد بحجزه عن طريق مكتب . من الموبايل

^ الوافي
فيزا الراجحي
هي اللي تنزل لي رصيد قد راتبي بالضبط ؟ من الموبايل

أهلآ أختنا الكريمة

طبعا فيزا تسوق الراجحي ( مسبقة الدفع ) مالها علاقة بالراتب

الأهم يكون عندكم حساب في الراجحي ... والبطاقة آمنة جدآ بدون أي تدخل من البنك

فقط للحجز والتسوق ... وأستخدامها حسب المبلغ اللي تحطونه فيها

وبخصوص لنكاوي لاقون ... تفضلي هالتقرير عنه وبأذن الله يفيدك

http://www.arabtravelersforum.com/travel688827/


http://img715.imageshack.us/i/47033281.png/

اخوي الفيزا تكون بدون رصيد بس بطاقة وانا احول لها المبلغ
او اودعه صح ؟
واقدر احول بس من حساب الراجحي والا اي حساب .؟
لانه في بطاقة قالوا انها فيزا بس ينزل فيهامبلغ شهريا نفس راتبك بالضبط
واتسحب منها متى ما احتجت
وبعد كذا حساب الراتب يكون بالسالب ..
علشان كذا رفضت اني اطلع فيزا ف البداية توقعت تقصدونها
ومن كلامك طلعت مختلفه جدا
ع العموم بكره نمر البنك ونشوف ..
جزاك الله الف خير ماقصرت .


وبالنسبه لزيزا مابقى لي غير فندق لانكاوي وجيتنق
والطيران اول ما اوصل سيلانجور احجزه
لانه من سيلانجور بطلع للكاميرون ومن الكاميرون ع لابينانج ومن بينانج ع لانكاوي
وبعدها ع كوالا

وانا بحجز بس رجعه من لنكاوي ل كوالا ..
والله يسهلها . من الموبايل

دخلت لـ مصرف الراجحي وقريت عن البطاقة .
وان شاء الله اطلعها بكره ، 30 دقيقه وتطلع ماتاخذ وقت
والله يسهلها . من الموبايل

هلا أختي الكريمة ...

بطاقات الفيزا في الراجحي ( كذا نوع ) مثل تسوق + أنسان + الأئتمانية

تسوق + أنسان ... مسبقة الدفع وتشحنيها بالمبلغ اللي تبغينه وتحجزين مباشرة

أما الأئتمانية فهي على حسب الراتب ... وهي بصراحة هم على القلب

بأختصار :

بطاقة فيزا تسوق الراجحي مثل ( بطاقة سوا ) ... ماتتصل لين تشحنيها .. تسوق نفس الطريقة

وبخصوص طريقة التنقلات ... فهذه الطريقة الأسهل :

* من سلانجور إلى الكاميرون ... تاكسي أو باص والمسافة أربع ساعات

* من الكاميرون إلى بينانغ ... تاكسي أو باص والمسافة أربع ساعات

* من بينانغ إلى لنكاوي ... العبارة البحرية ( ثلاث ساعات ) أو الطيران ( 35 دقيقة )

* من لنكاوي إلى كوالا ... الطيران والمسافة 50 دقيقة


http://img24.imageshack.us/i/85963255.png/

يعطيك الف عافيه وبالنسبة للفيزا
ماقبلت معي ف بوكينق ولا اجودا
خيييييييره .
بكره بطلع بطاقة جديده مستر كارد الاهلي غير اللي عند زوجي
يمكن تمشي اموري .
والله لي شهر تقريبا وانا حايسه بين فندق لانكاوي وجيتنغ
والسبب اني ابيه غير مسترد
والغيرمسترد ماقبل لا من مستر كارد ولافيزا تسوق
وكلم زوجي صاحب مكتب سياحي (صديقة) واستفسره منه
قال له نفس الكلام فيزا تسوق ماتحجز الغير مسترد
لاكن حلوه في تسديد الفنادق والسحب والحساب خارج السعودية
عملية السحب ماعليها رسوم
راح تفيدني بتسديد الفنادق يوم الوصول والمشتريات من الاسواق
والله يسهلها ويتسهل حجز لانكاوي وجيتنق
مره اقول خلاص احجز الغاء مجاني لو 4000
ومره اقول حرام
ومره اقول خلاص ابقى على لانكاوي لاقون سوا الفندق والا الاكواخ
وارجع واقول لانكاوي من بعد المغرب ب اكون ب الفندق لازم يكون نظيف ومريح

على فكره الاكواخ مطله ع البحر كيف تقيمك لها ؟؟
من ناحية النظافة والديكور والشاطى وكل شي
وياليت تذكر الاسم علشان ما اضيع بين الاثنين .

الشيراتون مع الجاكوزي روعه بس مافي ف بوكينق
واقودا ماقبل لا المستر كارد ولا الفيزا من الموبايل

وماذا يفقه صاحب المكتب السياحي عندما يفتي و يقول فيزا تسوق لا تحجز الغير مسترد؟؟

حجوزاتنا السابقه اغلبها غير مسترده ببطاقه فيزا تسوق
و المصيبه الاعظم يقول عمليه السحب ماعليها رسوم؟؟
اذا كنتي تستخدمي الفيزا في عملية شراء ماعليها رسوم ولكن اي عمليه سحب من الصراف فيها رسوم و رسوم و رسوم

طلعو بطاقه جديده او بطاقه اي احد من المعارف يمكن تكون في مشكله في البطايق عندكم
--------
وهناك احتمال يكون الخلل من نفس المتصفح في الانترنت جربي متصفح ثاني او جهاز اخر و افتحي موقع الحجوزات منه وجربي ..
هذه المشكله صارتلي قبل كذا و كل الامور تمام
.......

الوافي والعدني والمغادرون
لو تكرمتوا ابي منكم خدمة
واللي هي :
ابي اعرف الاماكن اللي ازورها ب لانكاوي وبينانج وكوالالمبور والكاميرون وجيتنق
طبعا قصدي من هالسؤال ابي وش الاماكن اللي ازورها باليوم الواحد وتكون قريبه من بعض
وكيف ازورها ووش وسيلة النقل ..

طبعا
انا اوصل ان شاء الله 12 يناير 1 الظهر
12 يناير بسيلانجور
13 14 الكاميرون
15 16 بينانج
17 18 19 لانكاوي
20 21 22 23 24 كوالالمبور
رحلتي للوطن 25 يناير الجمعه .
طبعا يوم من كوالالمبور اطلع لجيتنق
ويوم لـ الصن واي لاقون < زرتها قبل كذا يمكن الغيها

انتظر ردكم وشاكرتكم مقدماً. من الموبايل

حياك ياغالينا ...

تفضل ردي هنا .. وفيه جدول يومي شامل وكامل .. أختار منه الي يعجبك

http://www.arabtravelersforum.com/travel782399-7/