السلام عليكم ورحمة الله وبركاته ،،،
استغرقت رحلتي للخبر 3 أيام وسكنا في فندق رمادا الخبر عجيييييب وليلته كانت بـ 800 ريال ( ما يقارب 60 دينار كويتي ) لكن الفندق يستاهل :24:
الأسواق كانت عجيبة وكثيرة احترت فيها ولكن الرحلة كانت مخصصة لعيالي ووناستهم :11ight:
طبعا رحنا السيرك الصيني عيالي كيفوا حييل وبعدها دخلنا لمجمع فؤاد وكان هناك عرض لصالة الألعاب بحيث تعبي كرت بـ50 ريال وتاخذ فوقهم 20 ريال زيادة إذا شاف تذكرة السيرك !!!
ورحنا الراشد ( زحمه ) وكارفور جميل جدا ورحنا تويز أر أس ( Toys r us ) لشراء الألعاب وفعلا استانسو العيال واجد ...
كان غدانا و عشانا يا من مطعم أصفهاني ( إيراني ) عجييب أو من بوابة الصين هم أكله حلو والريوق ( الإفطار ) طبعا بالفندق لأرفع من معنويات عيالي هاااا كشخه ؟؟ :109:
المهم الصراحة كنت مشتاقة للروحة حق البحرين بأسرع وقت لشراء الصوغة ( طبعا حلوى شويطر ) وتجربة ما تحدث عنه أعضاء منتدى البحرين من أماكن للأطفال وسكن ومطاعم وغيره ...
واتجهنا للبحرين وكان الطريق ميسر والحمد لله ودخلنا منطقة الجفير وسيده لشقق إليت 5 وكانت الليلة بـ 90دينار بحريني !!! وقلنا يلا ندور على غيره لأن المنافسة كانت قوية وتقريبا كل الشقق نفس المستوى ورحنا إلى شقق تربل أ سويتس ( AAA suits ) وكانت فخمة ولكن السبب في عدم السكن فيها هو وجودالتحف والمناظر الزجاجية اللي أعتقدت أنها ما راح يبقى منها شي عقب عيالي !!!!!
وبعد يوم شاق جدا ( لأن بصراحة ما في مستوى مثل رامادا ) شنسوي طماعين هااااا . وأخيرا سكنا الرورو وكان سعره خيالي بـ 35 دينار بحريني ( 350 ريال ) ولكن العيب الوحيد فيه أنه مافيه سجاد وصالاته وسيعة والتلفزيون نص المحطات ما تطلع ( طبعا اكتشفنا هالشي بعدين ) ...
وأوقف معاكم الحين وأواصل في وقت آخر لأن عندي تحضير دروس وإحنا طبعا مدرسات في المدرسة والبيت ....:110:
يالله انشوفكم في الحلقة القادمة ... ترى فيها بصراحة السلبيات والإيجابيات لكل منطقة ورأيي الشخصي أرجو ما يزعلون الأخوان في المنتدى ......:112:
مع السلامة ....
:106:مواضيع عشوائيه ممكن تكون تعجبك اخترناها لك:
- منتزه الحديقة المائية
- مجمع العاصمة للاسر المنتجة
- أسئله لمشرفتنا الغالية
- سوأل عن
- الجديد في البحرين
- مطار البحرين الدولي
- رحلتي بالعيد ياليت تفدونني
- مركز أرض المرح
- استفسار
- احداثيات هامة لمعالم مملكه البحرين
- مطعم بوفيه بالبحرين ارجوا الافاده
- استفسار عن اماكن للزيارة بمملكة البحرين
- استفسار رحله خطافيه الى البحرين
- استفسار لمن لديه الخبرة في سيارات التاجير المنتهي بالتمليك
- ضروري ياهل البحرين
- معلومات عن شاليهات بلاج الجزاير
- جو البحريين
- يوم الطفل العالمي بحديقه عذاري
- ما هي أفضل مكتبات البحرين ؟
- استفســــار عن مخبز ليلوو
المفضلات