السلام عليكم ورحمة الله وبركاته ،،،
استغرقت رحلتي للخبر 3 أيام وسكنا في فندق رمادا الخبر عجيييييب وليلته كانت بـ 800 ريال ( ما يقارب 60 دينار كويتي ) لكن الفندق يستاهل :24:
الأسواق كانت عجيبة وكثيرة احترت فيها ولكن الرحلة كانت مخصصة لعيالي ووناستهم :11ight:
طبعا رحنا السيرك الصيني عيالي كيفوا حييل وبعدها دخلنا لمجمع فؤاد وكان هناك عرض لصالة الألعاب بحيث تعبي كرت بـ50 ريال وتاخذ فوقهم 20 ريال زيادة إذا شاف تذكرة السيرك !!!
ورحنا الراشد ( زحمه ) وكارفور جميل جدا ورحنا تويز أر أس ( Toys r us ) لشراء الألعاب وفعلا استانسو العيال واجد ...
كان غدانا و عشانا يا من مطعم أصفهاني ( إيراني ) عجييب أو من بوابة الصين هم أكله حلو والريوق ( الإفطار ) طبعا بالفندق لأرفع من معنويات عيالي هاااا كشخه ؟؟ :109:
المهم الصراحة كنت مشتاقة للروحة حق البحرين بأسرع وقت لشراء الصوغة ( طبعا حلوى شويطر ) وتجربة ما تحدث عنه أعضاء منتدى البحرين من أماكن للأطفال وسكن ومطاعم وغيره ...
واتجهنا للبحرين وكان الطريق ميسر والحمد لله ودخلنا منطقة الجفير وسيده لشقق إليت 5 وكانت الليلة بـ 90دينار بحريني !!! وقلنا يلا ندور على غيره لأن المنافسة كانت قوية وتقريبا كل الشقق نفس المستوى ورحنا إلى شقق تربل أ سويتس ( AAA suits ) وكانت فخمة ولكن السبب في عدم السكن فيها هو وجودالتحف والمناظر الزجاجية اللي أعتقدت أنها ما راح يبقى منها شي عقب عيالي !!!!!
وبعد يوم شاق جدا ( لأن بصراحة ما في مستوى مثل رامادا ) شنسوي طماعين هااااا . وأخيرا سكنا الرورو وكان سعره خيالي بـ 35 دينار بحريني ( 350 ريال ) ولكن العيب الوحيد فيه أنه مافيه سجاد وصالاته وسيعة والتلفزيون نص المحطات ما تطلع ( طبعا اكتشفنا هالشي بعدين ) ...
وأوقف معاكم الحين وأواصل في وقت آخر لأن عندي تحضير دروس وإحنا طبعا مدرسات في المدرسة والبيت ....:110:
يالله انشوفكم في الحلقة القادمة ... ترى فيها بصراحة السلبيات والإيجابيات لكل منطقة ورأيي الشخصي أرجو ما يزعلون الأخوان في المنتدى ......:112:
مع السلامة ....
:106:مواضيع عشوائيه ممكن تكون تعجبك اخترناها لك:
- ودي اسافر للبحرين لكن ما معي سياره ممكن تفيدونا بالحلول الممكنه
- سلسله فنادق بانيان تري الضخمه تشيد فندق بالبحرين
- ساعدوني طلبتكم الله يجزاكم الجنه
- مودا مول
- إنشاء أول فندق ومنتجع للفورسيزنز بالبحرين
- السلام عليكم حبيت اعرف شلون الجو عندكم
- مطعم بيشيدو
- استفسار من اهل البحرين
- اقدر اروح اتعشى في بانيان تري حتى لو ماكنت ساكن؟
- ياليت ترشدونيـــ يالبى اقلوووبكم
- مدينة ملاهي في المنامنة
- شقق السفير
- السينما في يوم عاشورا شغاله او لا؟
- طالبكم ساعدوني
- طيران البحرين استفسار
- إلى كاس عسل وناريمان مع التحية
- هاني رويال
- شنو المطاعم الي تستاهل العنوه بالبحرين؟
- مساعدة لو سمحتم
- الحمد الله اليوم رجعت بالسلامة من بلدي الثاني البحرين
المفضلات