يعطيك العافية اخ العربي السوري على هالموضوع
فعلا هناك في سوريا موظفين الدولة بشكل عام
فيهم الشريف وفيهم الانتهازي وفيهم الطيب
ومن خلال تجربتي معهم سألخص لك بعض الاستنتاجات
1-المشكلة الكبيرة اولا هو المواطن. لأن الشرطي تعود من المواطن انه يعطيه
مبلغ معين كل مرة بيخالف فيها (حتى لوماطلب الشرطي منه ذلك)
يصر المواطن انه يمشيلوياها غصبا وبعدة محاولات
2- فيه حالات اذا مرر فيها مخالفة مستحيل ياخد فيها رشاوي ويمكن اذا بادرت
انك تعطيه بينك وبينه رح يحيلك للحبس بتهمة الرشوة وييبس راسه اكتر
مثلا: في الاماكن الي ممنوع فيها الوقوف -قطع الاشارة - التفحيط آخر الليل
(الا اذا كان ابن شي واحددد) وكمان اذا كان الشرطي عنده عزة نفس
الي شفته بعيني وكنت شاهدة عليه مايلي
واحد عمر ببيته غرفة بدون ترخيص ولما جاه موظف البلدية ليشوف
طللع من جيبه خمسميه فعصب الموظف زيادة
رجع الاخ وطللع ألف محسب ان الموظف ماعجبه المبلغ
والمفاجئةكانت انو الموظف اخد الفأس وعمله فتحة كبيرة بالسقف ومشي
مرة أخونا السواق نسي يربط الحزام اللي جنن كتير من السواقين هناك
وقفه الشرطي-رخصتك -عطاه ياها -
ليش مو رابط الحزام (مرقها هالمرة زرعها بدقني وعطاه خمسين)ومشينا
مرة وتحديدا بالاذقية دورنا لطريق البسيط وماكنا نلاقيه
دخلنا بشارع( رونق سيد) بالغلط
شافنا الشرطي وكان وجهه زي هذا :36_1_25:
صرخ علينا وينننن
قلناله ونحنا ماشيين بصوت عالي سووواح :suprise:
ورحنا بشفاعة السيارة اللي مكتوب على لوحتها (دمشق) وكان متسامح معنا ومشانا
بالمطار :قلناله ياأخي مولازم تاخدوا عالراس 1500 سامحنا بشي راس منها
وفعلا والله ماقصر وسامحنا بالمبلغ شوي لاننا كنا خمسة
مرة بطريق الزبداني وقفنا الشرطي :
خير - قال مافي شي -بس عطينا حق باكيت دخان ياأما بعطيك مخالفة
عطيناه اللي فيه نصيب ومشينا
مرة وقفنا السيارة بجانب سوق الحمدية ولما رجعنالها لقينا ابو الشباب (الشرطي)
مكلبش الكفرات ويرفعها للسطحة
حاولنا بكل الطرق انه يمشيها أو يسامحنا بكم طريقة دون فائدة
كان عنيييييد :110:
وقصص كتير أذا بكتبها مبخلص لبكرة
انشالله بيصير فيه تحسن بالبلد بعد هالكميرات
والبلد تتقدم شوي شوي
رد مع اقتباس
المشاركة الأصلية كتبت بواسطة الذيب الشمالي
المشاركة الأصلية كتبت بواسطة ياسمينة ستي
المفضلات