الموضوع: رحلتي للبحرين والخبر والدمام كلاكيت ثاني مرة

المشاركة الأصلية كتبت بواسطة حتشبسوت
http://www.arabtravelersforum.com/tr...5/#post1138345

ههههههههه ضحكت من قلبي على لقبك للفلبينية (النسرة).. وعلى فكرة يوم 25 فبراير من الساعة 2 الظهر لحد الساعة 6 المغرب كنا في ألعاب شكازولو اللي بمجمع الدانة (سبحان الله في نفس الوقت اللي تواجدتوا فيه)..

تراهي تستاهل هذا اللقب عن جدارة وإستحقاق :109: :109:

والله يمكن كنا متواجدين بنفس المكان بس ما ندري :114: :114: ، بس ما شفت عيال معاهم قوش هاهاها:109: :109: الله يخليهم حقج :101: :101:

طلعنا من الشقة الساعة 7:30 بالليل في نفس اليوم 25فبراير وقال لنا واحد يشتغل بالفندق أذا تبغون أتعشون روحوا مطعم يم يم تري بشارع المعارض لأن هو مطعم وفيه ألعاب للأطفال.. أنا فرحت بس زوجي كان مب حاب المطعم ولا الشارع وأنا أقوله يالله نروح وهو متردد ولا براضي يقول لي السبب لكن من كلامك ألحين عرفت ليه زوجي يكره هالشارع وكان رافض روحتنا :109: وأنا مدري شسالفة:108: المهم أحنا رحنا نمشي بس كان الشارع زحمة جداً ومن تقريرك عرفت أنها مسيرة كويتية وأنا أقول لزوجي يمكن عرس :109: وزوجي ما صدق شاف الزحمة ورجعنا الفندق وطلب لنا سيارة تودينا مطعم بعيد..:109: موضوعك هذا يا أخ أحمد فسر لي أشياء وااايد :109:

الله يسلمج فعلا كانت مسيرة للعيد الوطني وعيد التحرير لو دشيتوا الشارع كان شوفتوا اعلام الكويت والسيارات الكويتية

الله يرحمه ..وعظم الله أجرك أخوي
موضوعك رائع جداً .. منتظرة اليوم الأخير..

أجرنا واجرج ....وإنشالله الله يقدرني اليوم وأعرض الحلقة الأخيرة تحياتي يا حتشبسوت (انا احسن واحد كتب الإسم):101:

الحــــــــلقـــة السـابعـــة .......الأخــــيرة


يعطيكم العافية اخواني الكرام ، هذا انا اليوم اكتب لكم الحلقة الأخيرة من تقرير رحلتي الميمونة للخبر والدمام والبحرين من بعد توقف 8 ايام وذلك بسبب وفاة احد الاقارب (تغمده الله برحمته الواسعة)
والحقيقة اني إشتقت للكتابة الوتاصل مع الأحباء بهذا المنتدى الجميل ، كما لا يفوتني ان اشكر كل من سأل عني أثناء فترة إنقطاعي وهذا إنما يدل على التواصل والمحبة بين أعضاء المنتدى ...

وانشالله نستعرض لكم اليوم الأخير من رحلتنا الجميلة .....

اليوم : الاثنين الموافق 26/2/2007

الساعة : 7 صباحا

الموقع : الجفير - إليت 5 بعد ما تابعتوا معاي احداث الليلة السابقة ، وبعد العشاء اللذيذ من تكة ابل ( لي حد الحين وطعم التكة بفمي) يم يم :101:

صحيت الساعة 7 .... والمدام وأحمداني في سبات عميق ، قلت ما كو إلا إني أروح أشتري إفطار (وين وين وين قلت اروح العدلية هم لشراء الافطار وهم عشان أدل المحلات اللي قريت عنها بالبوابة واللي تبيع بضائع تقليد لماركات عالمية (أذكر إن الإخت قطوة ذكرت إنهم بجنب الكنتاكي اللي بالعدلية ) قلت الحين الصبح والشارع هادي نروح نجين الريوق ومرة وحدة ندل هالمحلات ونفاجئ أم أحمداني ):101:

ونزلت الموافق وشفت منظر عجبني فتلقفت الكاميرا وبدات بالتصوير

تابعوا هذه الصور







شنوا تشوفون ؟؟؟ هذه سيارات كويتية ممن يسكن بشقق إليت 5 وتعطيكم دلالة على العدد الكبير من الكويتيين اللي كانوا موجودين بالبحرين خلال فترة اعياد الكويت :101:

أخذت سيارتي ورحت للعدلية ...

وهذه بعض المطاعم والكافيهات اللي بالعدلية











وانا أمشي بالسيارة شفت مطعم فيه فطائر وسندويتشات شريت منه وسالت اللي يشتغل وهو لبناني الجنسية سالته عن المحلات الموجودة بالقرب من كنتاكي وتبيع ماركات تقليد ......... صدمني قالي بالعدلية 3 افرع لكنتاكي :55654: :36_1_42: :36_1_42: :36_1_42: المشكلة ما في مجال ادور عند كل فرع قلنا يالله راحت على أم احمد هالمرة هاها :109:

المهم بعد الريوق جهزنا اغراضنا كلها وقلنا نروح نخلص كل مشاويرنا وهي كالآتي : الرفاع للعباية والمحرق عشان الحلوى وإهني الصدمة ، كان معاي مبلغ 20 دينار بحريني و30 كويتي كنت حاطهم بجيبي ويوم بطلع الفلوس .. وإلا ما القاهم :110: قلت يالله فدوة وإعتبرتهم من مصروفات السفر :101: ، الحمدلله إن بالقرب منا مصرف ومعاي بطاقتي الفيزا إلكترون والماستر كارد وقمت بسحب الفلوس عشان شراء الحلوى وايضا عشان طريق العودة محاجتنا من البنزين وخلافه (نصيحة إذا بتسافر اي مكان وحتى لو ليوم واحد خذ معاك بطاقات السحب الآلي لكي لا تقع بموقف محرج )

وهذا طريقنا عشان نروح نجيب العباية من الرفـاع



وهذا قصر لاحد الشيوخ (أظن الشيخ خليفة) ماشالله القصر كبير وجميل وعلى فكرة هو قريب من النامليتي



والحقيقة إن طريق النامليتي ما يضيع ابد دليته من أول مرة ( وانا رايح ادعوا الله إن العباية خالصة ، وقالتلي المادم دق عليهم لتتأكد وفعلا إتصلت وإلا العباية جاهزة )

ووصلنا للنامليتي وهذه صور من الداخل







وشفنا العباية القياس مضبوط :24: :24: والتصميم جميل دفعنا الفلوس ورحنا إلى المشوار الثاني وهو المحرق

وهذا الجسر اللي يودينا لديرة الحلوى ....:109: :109: أعني بذلك المــحرق





وتلاحظون على اليمين منطقة عراد واللي فيها قلعة عراد (اللي سبق إني زرتها بالسابق وما سنحت الفرصة لزيارتها هذه المرة):105:



طبعا انا رايح لسوق المحرق وما يحتاج تتبع اللوحات الإرشادية ، بس افتحوا نافذة السيارة وإنتوا تمون ريحة الحلوى المعجونة بالزعفران هاهاهاها:109: :109: :109:

صورة لبداية ســـوق المــــحرق



شوفوا الزحمة الموجودة بالسوق ، وما يخفى عليكم أكيد الكويتيين موجودين بالمحرق يعني معقول ما يجيبون صوغة ..حلوى من البحرين صدقوني ما يدشون الكويت إلا والحلوى معاهم مثل الجواز ما تدخل الكويت وإنت جاي من البحرين إلا ومعاك الحلوى والمتاي هاهاها :109: :109:

وانا الحمدلله ما أتعب من الفرارة بين المحلات معروف طريجي على طول جاسم شويطر وإقطع



وهذه صورة لمحل جاسم شويطر من الداخل (إستانس الهندي يوم قلت له أبي أصور فعطاني هذا الري آكشن هاها:109: )



شوفوا السمبوسة .. شريت كيلو مشوي وكيلو مقلي للبيت وللدوام ماشالله بالدوام العلبة مالت السمبوسة خلصت بنفس اليوم ولسان حال الموظفين والموظفات يقول هل من مزيد :109: :109:



وشريت حلوى بمختلف أنواعها الملكية وام دينارين ونص وأم دينار ونص (حسب صلة القرابة :101: ) البيت وبيت جدي الملكية وبقية الاهل أم دينارين ونص والدوام هاهاهاها الرخيصة (بس ترى حتى أم دينار ونص حلوة والله)

وبعدها رجعنا للشقة نصلي ونحزم أمتعتنا ونحرك عائدين إلى بلدنا الكويت

وانا نازل اسوي الشيك آوت ما لي نفس أقابل النسرة وغلا الحمدلله ما كانت موجودة كان الشفت على واحد هندي ، الحمدلله :109: :109:

وهذه صور من على الطريق

مطعم كل أفشان



صورة لأحد المباني التي يتم تشييدها بضاحية السيف (واظن أن هناك عمليات دفن للبحر من أجل إقامة هذه المنشآت الجديدة) عجبني هذا المبنى



تابعونا فالحلقة لم تنتهي .................

أخ فهد الأحمد الي يروح البحرين وما يجيب معاه حلوى ماكنه راح البحرين 00:108: رحلة جميلة والبحرين بلد يخجلك بطيبة أهله ولباقة التعامل مع الآخرين 0

فهد ما جاوبت على استفساري ؟

المشاركة الأصلية كتبت بواسطة mss_mar
http://www.arabtravelersforum.com/tr...2/#post1138502

:113: :x1: :113: :x1: :113:

ياسلام عليك يافهد
دائما تتحفنا بأسلوبك الشيق

تحياتي لك
( مــــســـــمـــــار )



الله يحييك أخوي مسمار وتسلم على كلماتك الجميلة:101:







المشاركة الأصلية كتبت بواسطة @ مير @
http://www.arabtravelersforum.com/tr...9/#post1138509

أخ فهد الأحمد الي يروح البحرين وما يجيب معاه حلوى ماكنه راح البحرين 00:108: رحلة جميلة والبحرين بلد يخجلك بطيبة أهله ولباقة التعامل مع الآخرين 0

صدقت والله يا مير







المشاركة الأصلية كتبت بواسطة النمسا
http://www.arabtravelersforum.com/tr...8/#post1138578

فهد ما جاوبت على استفساري ؟



هلا والله أخوي النمسا

انا سكنت بإليت 5 وفعلا السعر 35 بحريني يعني 350 ريال

وبالعكس إليت 5 والرور وغيرها الكثير من الشقق فخمة جدا عكس الهيلتون فندق قديم وبالمناسبة تم تغيير الفندق إلى جولدن توليب (اظن لأن الهيلتون يبي يحافظ على إسمه وإنه 5 نجوم بينما مبنى الفندق القديم ما يساعد بصراحة)

يعطيك العافية ومتابعة معاك وعساك على القوة

نسيت شي مهم في البحرين ياخوي واين كباب امين فاضيع مع الخبز والبصل......

روعععععععععععععععععععععععععععععععععععععع تقريرك عن البحرين انا احب بلادتين دبي والبحرين مافي مثلهم

في الدنيا من واجهه نظري لا تزعلون كان نفسي ازوج في هل بلدتين لكن النصيب ترى نصي بحريني من

طر ف الوالده الله يعطيها الصحه ..............................

تسلم يدك ياخوي الغالي

:x1: :x1: :x1: :x1: :113: :113: :113: :113: :113: :x1: :x1: :x1: :x1: :x1: :113: :113: :113: :24: :24: :24: :24: :24: :24: :24: :24: :24: :24: :24: :106:

المشاركة الأصلية كتبت بواسطة ام البنية
http://www.arabtravelersforum.com/tr...3/#post1139083

يعطيك العافية ومتابعة معاك وعساك على القوة

الله يعافيج وتابعي تكملة الحلقة







المشاركة الأصلية كتبت بواسطة batool22
http://www.arabtravelersforum.com/tr...1/#post1140131

نسيت شي مهم في البحرين ياخوي واين كباب امين فاضيع مع الخبز والبصل......
روعععععععععععععععععععععععععععععععععععععع تقريرك عن البحرين انا احب بلادتين دبي والبحرين مافي مثلهم
في الدنيا من واجهه نظري لا تزعلون كان نفسي ازوج في هل بلدتين لكن النصيب ترى نصي بحريني من
طر ف الوالده الله يعطيها الصحه ..............................
تسلم يدك ياخوي الغالي



والله يا إخت بتول انا ما أعرف كباب امين وإنشالله نجربه مرة ثانية بس ما قلتي وين صاير :114:

وتحياتي لج

بو احمداني .... شوقتني للبحرين..

توني راجع يوم الجمعه ...بس شكلي بروح بعد انام هناك هالويك اند..... ياخي ماينمل منها.

نتابع معاكم تكملة باقي الحـــلقـــة السابعـــــة

وانا أستعرض الصور اللي نزلتها مع الحقة السابعة أمس فاتني تنزيل بعض الصور عن المحرق

فقلنا لابد ننزلهم لكي نعطي جزيرة المحرق حقها





شوفوا الزحمة بالسوق



وهذه الصورة تصلح سكرين سيرفر أو باك جراوند لاي جهاز تلفون (راح تحسسكم بالجوع الشديد) هاهاها:109: :109:



انا قبل ما أمش من شويطر وبعد ما شريت كل اللي أبيه وإلا يجيبون الحلوى الخضرا فريش حارة قلت خلنا نذوقها ووإلا إن الحلوى وانا آكلها تتمدد معاي كأنها جبنة على بيتزا :101: (والوالد يحب الخضرا وقمت تنقصتها حق الوالد )

ومثل ما ذكرنا سابقا حركنا من البحرين حوالي الساعة الواحدة ظهرا متجهين لجسر الملك فهد عائدين إلى الكويت :11ight: :11ight:

وهذه صور من طريق العودة





طريقنا للكويت



باقي ساعتين وربع على الحدود



طريق العودة والتحويلات ....:112: :112: :112:



محطة للتزود بالوقود



وقبل لا نوصل للكويت شفنا على طول الطريق ناس واقفة وفاتحة سياراتها تبيع فقع :101: ، وانا عليمي ما أعرف بسعر الفقع بس اعرف غن الزبيدي هو الزين (أو على الاقل اللي يفضله الوالد)
قمت أكاسر بالسعر لين اخذت الفقع (حجمه متوسط وبعض الحبات كبيرة ) اخذت الكيلويت ب110 ريال يعني حوالي 9 كويتي ، ويوم وصلت للكويت وقلت حق الوالد قالي هذها نفس سعر الكويت إنت ما جبته لا ارخص ولا شي هاهاهاهاها :105: :105: (كنت فاكر نفسي أعرف اكاسر أثري هذها هو سعر السوق)

ووصلنا قرب الحدود حوالي الساعة الرابعة و10 دقائق



وهذه بداية الحدود



شايفين المنفذ الحدودي كان مزحوم قليلا



وغادرنا السعودية ودخلنا الكويت حوالي 4 والنصف



وكان عندنا خيار نرجع على طول البيت ونتغدى هناك او نروح لمطعم ونتغدى وبعدها نرجع البيت مع اذان المغرب ... وإخترنا الخيار الثاني

ورحنا نفتر بمنطقة الفحيحيل ندور على مطعم (منطقة الفحيحيل تبعد عن الحدود حوالي نصف ساعة وتبعد عن منطقة سكني 20 دقيقة فقط)

ووصلنا لهذا المطعم اللبناني إسمه تنورين (لم أقم بزيارته من قبل فحبيت أجربه ومستواه متوسط وعادي بس ديكوراته حلوة ) اترككم مع الصور









وإخترنا طبق روبيان مشوي مع طبق دجاج ونوعين شوربة





هذا طبق الدجاج وعليه طبقة كثيفة من الجبن



وهذا طبق الروبيان بصراحة كان عادي جدا



والمطعم نظامه منتزه عباره عن مطعم ومقهى ، وكانت فيه العاب للاطفال حب احمداني يلعب فيها :101:





شلال صناعي داخل المطعم





وخلصنا من المطعم ورجعنا للبيت بحدود الساعة السادسة والنصف

وكانت سفرة جدا جميلة ماكان ودي إنها تنتهي لكن مضطر لأن ثاني يوم عندي دوام :105:

وإنشالله تتكرر السفرات إلى البحرين والخبر


منتظرين تعليقاتكم وردودكم على التقرير وشاكر لكم متابعتكم

كما لا يفوتني شكر الأخت ناريمان على معاونتها لنا بالبحرين ومتمنين للجميع دوام التوفيق

:101: :101: :101: محبكم : فـــهد الأحــــمد :101: :101: :101: :101:

المشاركة الأصلية كتبت بواسطة فهد الأحمد
http://www.arabtravelersforum.com/tr...2/#post1140232

صدقت والله صدقت بس إنت تقدر تروحلها كل اسبوع وانا ما اقدر الا بالاجازات :110: :110: :110:



شدعوه بواحمد ... من بعد البحرين ... انا بوظبي اروح لها في الويك اند بعد ما اطلع من الدوام ... بالسياره 750 كيلو و الجمعه ارجع ... يعني ما عندي الا الخميس و بعض المرات اروح دبي :11ight:

صدقني يمديك توصل البحرين بالراحه ...

الحمد لله على السلامه... واكتمال التقرير
بس سؤالي كيف الصرف بالبطاقه الائئتمانيه والعموله بالبحرين
هل فيه عموله من مكائن صرف البحرين// والخبر ؟؟؟؟
انا لاحظت في البحرين ما اخذ على سحبي عموله بس بالكويت اخذ بحدود 40 ريال

يعطيك العافيه اخوي فهد الاحمد على التقرير الحلو


بصراحه امتعتنا بتقريرك واحلى شي بالتقرير وجود احمداااني بالصور

تسلم على هالتقرير اخوي فهد وانشاءالله استانست يالسفره وعن المطعم تنورين تراه قديم كان خووش مطعم بس الطاقم تغير واخترب ولا قبل كان اكلهم عجيب ويعطيك العافيه وانشاءالله تروح البحرين باقرب وقت

المشاركة الأصلية كتبت بواسطة eyesmax
http://www.arabtravelersforum.com/tr...8/#post1140258

شدعوه بواحمد ... من بعد البحرين ... انا بوظبي اروح لها في الويك اند بعد ما اطلع من الدوام ... بالسياره 750 كيلو و الجمعه ارجع ... يعني ما عندي الا الخميس و بعض المرات اروح دبي :11ight:

صدقني يمديك توصل البحرين بالراحه ...



هلا eyesmax اهو صح كلامك بس ما تسوى تاخذ طريق 4 ساعات عشان يوم وإلا يوم نص إذا ماتكون السفر 3 ايام اقل شي وإلا ما يسوى الطريق

ودام إن الطريق ما يسببك مشكلة ليش ما تزورنا بالكويت وترى راح نقوم فيك عزِم وراح أخليك تستانس :101:







المشاركة الأصلية كتبت بواسطة الاستاذه دره
http://www.arabtravelersforum.com/tr...2/#post1140762

الحمد لله على السلامه... واكتمال التقرير
بس سؤالي كيف الصرف بالبطاقه الائئتمانيه والعموله بالبحرين
هل فيه عموله من مكائن صرف البحرين// والخبر ؟؟؟؟
انا لاحظت في البحرين ما اخذ على سحبي عموله بس بالكويت اخذ بحدود 40 ريال



رديت على هالنقطة ضمن الموضوع المنفرد اللي إنتي طرحتيه .:101:







المشاركة الأصلية كتبت بواسطة روان بنت الكويت
http://www.arabtravelersforum.com/tr...9/#post1141399

يعطيك العافيه اخوي فهد الاحمد على التقرير الحلو


بصراحه امتعتنا بتقريرك واحلى شي بالتقرير وجود احمداااني بالصور



الله يسلمج إختي روان وتابعي بوابة الكويت قريبا راح اعرض عدد من التقارير من سلسلة المطاعم المختارة







المشاركة الأصلية كتبت بواسطة y3gop2005
http://www.arabtravelersforum.com/tr...0/#post1141450

تسلم على هالتقرير اخوي فهد وانشاءالله استانست يالسفره وعن المطعم تنورين تراه قديم كان خووش مطعم بس الطاقم تغير واخترب ولا قبل كان اكلهم عجيب ويعطيك العافيه وانشاءالله تروح البحرين باقرب وقت



صدقت يعقوب المطعم كان عادي جدا جدا يعني فيه مطاعم لبنانية بالكويت تاكله أكال مثل ميس الغانم وقصر البردوني وقصر يلدز وقصر النخيل وفيلا فيروز والطربوش اللي بالشيراتون وغيرها .

انا اخت حتشبسوت بس انا ما أحب التاريخ كلش علشان جذيه ما أخترت اسم تاريخي مثلها

والف الف شكر على التقرير الممتع و لك مني كل التقدير والاحترام

المشاركة الأصلية كتبت بواسطة فهد الأحمد
http://www.arabtravelersforum.com/tr...8/#post1141788

هلا eyesmax اهو صح كلامك بس ما تسوى تاخذ طريق 4 ساعات عشان يوم وإلا يوم نص إذا ماتكون السفر 3 ايام اقل شي وإلا ما يسوى الطريق

ودام إن الطريق ما يسببك مشكلة ليش ما تزورنا بالكويت وترى راح نقوم فيك عزِم وراح أخليك تستانس :101:


.[/SIZE][/COLOR]




فيك الخير يابو احمداني...
و ان شاء الله لنا جيه..... حاليا عندنا حالة طوارئ قريب بنصير :gathering مزعجين :109:
و بنصير :36_15_17: في السياره :109: عشان جذي ما اقدر اروح مكان.

انا حاط خطه للسنه هذي ..
1- ابوظبي و دبي.
2- كويت. و اول من بأذيه طبعا انت :109:
3- الدوحه.

المشاركة الأصلية كتبت بواسطة ام البنية
http://www.arabtravelersforum.com/tr...9/#post1142649

انا اخت حتشبسوت بس انا ما أحب التاريخ كلش علشان جذيه ما أخترت اسم تاريخي مثلها

والف الف شكر على التقرير الممتع و لك مني كل التقدير والاحترام

STOP

انتي اخت خنفروش ملكتنا العزيزه....

لا يكون اللي كنتي معاها في النمسا ...... خخخخخخخخخ

تعالي موضوع النمسا انتي واختك يبيلكم قعده :109:

المشاركة الأصلية كتبت بواسطة ام البنية
http://www.arabtravelersforum.com/tr...9/#post1142649

انا اخت حتشبسوت بس انا ما أحب التاريخ كلش علشان جذيه ما أخترت اسم تاريخي مثلها

والف الف شكر على التقرير الممتع و لك مني كل التقدير والاحترام

ماشالله خبر فاجأني والنعم والله باهل قطر كلهم .

وانا أكن لكم كل المعزة والإجلاء والاحترام :101:







المشاركة الأصلية كتبت بواسطة eyesmax
http://www.arabtravelersforum.com/tr...7/#post1143317

فيك الخير يابو احمداني...
و ان شاء الله لنا جيه..... حاليا عندنا حالة طوارئ قريب بنصير :gathering مزعجين :109:
و بنصير :36_15_17: في السياره :109: عشان جذي ما اقدر اروح مكان.

انا حاط خطه للسنه هذي ..
1- ابوظبي و دبي.
2- كويت. و اول من بأذيه طبعا انت :109:
3- الدوحه.



الله يرزقك بالذرية الصالحة ويتربون بعزك إنشالله :101: :101:

إذا ولد سمه آيز مكووس هاها:109:
وإذا بنت أيز مكووسة :109: :109:

وبالنسبة للكويت إنت عزم وإخذ راحت بالاسئلة

يا هلا باهل الدمام

المشاركة الأصلية كتبت بواسطة eyesmax
http://www.arabtravelersforum.com/tr...9/#post1143319

STOP

انتي اخت خنفروش ملكتنا العزيزه....

لا يكون اللي كنتي معاها في النمسا ...... خخخخخخخخخ

تعالي موضوع النمسا انتي واختك يبيلكم قعده :109:



الله يذكر ذيك الايام بالخير (ايام سفرة فيينا)

بس ترى انا غير عن اختي :108: حتى كيمرة ماعندي :109: ولا احب اوثق سفراتي:110:اما هي عيني عليها باردة
الكيمرة في يدها وتجكجك وكله للمنتدى:24: وذيك الحزة انا ماسجلت في المنتدى:108: بس عقبها صرت اذا ما أمر يوميا على هذا المنتدى الغالي احس انه في شيء ناقصني

الكاتب : الاستاذه دره
الحمد لله على السلامه... واكتمال التقرير
بس سؤالي كيف الصرف بالبطاقه الائئتمانيه والعموله بالبحرين
هل فيه عموله من مكائن صرف البحرين// والخبر ؟؟؟؟
انا لاحظت في البحرين ما اخذ على سحبي عموله بس بالكويت اخذ بحدود 40 ريال








بواسطة فهد الاحمد
الاستاذة درة خذي الخبر

كل البنوك تستقطع مبلغ لأجل تحويل العملات ومنهم مصارف البحرين اما كلامج بأنك دفعتي مبلغ 100 بحريني وتبين عندج بأن السحب 1000 ريال فهو دليل بان البنك ياخذ عمولة لان 100 بحريني تساوي تقريبا 997،5 ريال اي أن البنك إستقطع حوالي 2 ريال ونصف (وهو عبارة عن سعر تحويل أوصرف + عمولة السحب من مصرف غير المصرف الذي تتعاملين معه بالسعودية)

وانا كذلك إشتريت بمبلغ 20 بحريني اي ما يعادل 15،400 كويتي ولكن تكلفة التحويل والسحب طلع علي المبلغ 16،100 أي أخذوا مني 700 فلس

أتصور وضح الامر



:24: :24: :24:

:113: :113: :113:

السلام عليكم ورحمة الله وبركاته


الصراحه التقرير روعه روعه روعه واااااااااايد عجبني

انت تذكر تقول عن المطعم اللي بالسعوديه انه تتنتظرون بالساعات علي ما اعتقد اسمه البانوش موجذي

الصراحه وانا رايحه شفته واقول حق بوفهد stop هذي المطعم ولقياناه اللي يتكلم عليه فهد الأحمد

الصراحه رحنا داخل بس ما في ولا احد احنا بروحنا استعجبت !!!!!!

بس قلت اكيد مو هو بس يوم رحت استكشف شفت المكان اللي صورت فيه صوب السمك قلت هذا هو المطعم وقعدنا فيه الصراحه الأكل جيد بس اسعاره بعد جيده :106:


بس احسن شئ ان احنا كلينا فيه وتذكرت فهد الأحمدوام العيال واقفين :109: ويوم جينا ما لقيت احد تميت افكر ليش :114:

ياريت تجاوبني ليكون المطعم غلط :109: :109: :109:


تشكر علي التقرير الرائع وننتظر جيتكم الثانيه للبحرين علشان اعرفك علي بوفهد

متي الجيه الثانيه ؟

eyesmax تدخل المنتدي ولا تسلم ولا شئ

ليكون زعلان علينا !!!!!!!!!!!!!!!!!!


وجهت لك تحيه انت وام العيال بس مارديت (((((((((((((()))))))))))))وااااااااايد فضيحه انا


مساء الله بالخير وان شاء الله ترد علينا

المشاركة الأصلية كتبت بواسطة ناريمان
http://www.arabtravelersforum.com/tr...2/#post1148332

eyesmax تدخل المنتدي ولا تسلم ولا شئ

ليكون زعلان علينا !!!!!!!!!!!!!!!!!!


وجهت لك تحيه انت وام العيال بس مارديت (((((((((((((()))))))))))))وااااااااايد فضيحه انا


مساء الله بالخير وان شاء الله ترد علينا



افـــــــــــــــــا... وحنا نقوى مانسلم على الناس الطيبه.
:101: :101: :101: :101: :101:

انا اذا داخل من البيت مستحيل اعلق :101: ... اوفرها لين رجعت الدوام ابدي الف عليكم و اطقطق :109: عشان امشي الوقت و ارجع البيت :109:

تحيتكم وصلت و لكم اطيب منها ..


صبحك الله بالخير يابو احمداني .. عشان ما تزعل بعد :101:

المشاركة الأصلية كتبت بواسطة الاستاذه دره
http://www.arabtravelersforum.com/tr...6/#post1146116

:24: :24: :24:

:113: :113: :113:




العفو وانا أرد عليج ب :101: :101: :101: :101: :101: :101: :101:

المشاركة الأصلية كتبت بواسطة ناريمان
http://www.arabtravelersforum.com/tr...6/#post1148326

السلام عليكم ورحمة الله وبركاته

الصراحه التقرير روعه روعه روعه واااااااااايد عجبني

انت تذكر تقول عن المطعم اللي بالسعوديه انه تتنتظرون بالساعات علي ما اعتقد اسمه البانوش موجذي

الصراحه وانا رايحه شفته واقول حق بوفهد stop هذي المطعم ولقياناه اللي يتكلم عليه فهد الأحمد

الصراحه رحنا داخل بس ما في ولا احد احنا بروحنا استعجبت !!!!!!

بس قلت اكيد مو هو بس يوم رحت استكشف شفت المكان اللي صورت فيه صوب السمك قلت هذا هو المطعم وقعدنا فيه الصراحه الأكل جيد بس اسعاره بعد جيده :106:

بس احسن شئ ان احنا كلينا فيه وتذكرت فهد الأحمدوام العيال واقفين :109: ويوم جينا ما لقيت احد تميت افكر ليش :114:

ياريت تجاوبني ليكون المطعم غلط :109: :109: :109:

تشكر علي التقرير الرائع وننتظر جيتكم الثانيه للبحرين علشان اعرفك علي بوفهد

متي الجيه الثانيه ؟



هلا فيج إختي أم فهد والحمدلله إن التقرير أعجبج وسامحونا على القصور

والمطعم اللي انا رحتله صح إسمه البانوش وبذاك الوقت كان فل يمكن صادف يوم رحتوا ما كان زحمه .. الظاهر ما كان لي نصيب إني ادخله :110: :110:

وصدقتي يوم رحناله الكل واقف ينطر دوره :109:

وانشالله نزور البحرين باقرب وقت عشان نتعرف على بو فهد يمكن أجيبالصيف والله يعينا على الرطوبة هاهاها

بس ودنا إنتوا لو تزورونا الكويت هالمرة كلمي بوفهد وشيشيه على الكويت وراح نقوم بالواجب

تحياتي.......

المشاركة الأصلية كتبت بواسطة eyesmax
http://www.arabtravelersforum.com/tr...1/#post1148721

افـــــــــــــــــا... وحنا نقوى مانسلم على الناس الطيبه.
:101: :101: :101: :101: :101:

انا اذا داخل من البيت مستحيل اعلق :101: ... اوفرها لين رجعت الدوام ابدي الف عليكم و اطقطق :109: عشان امشي الوقت و ارجع البيت :109:

تحيتكم وصلت و لكم اطيب منها ..


صبحك الله بالخير يابو احمداني .. عشان ما تزعل بعد :101:



هلا بالحبيب أفا عليك ما من زعل

يعطيك العافية اخوي فهد الاحمد

شخباركم كلكم عساكم طيبين
وحشتونا من زمان ما شفناكم

موضوع رائع جداً يعطيك العافيه يا بو أحمد .. ومنتظرين جديدك..


eyesmax متفاجأ هاه..






STOP
انتي اخت خنفروش ملكتنا العزيزه....
لا يكون اللي كنتي معاها في النمسا ...... خخخخخخخخخ
تعالي موضوع النمسا انتي واختك يبيلكم قعده



هههههههه هي اللي كانت معاي بفيينا مع عيالها الثلاثة وزوجها..

المشاركة الأصلية كتبت بواسطة بحرينية وافتخر
http://www.arabtravelersforum.com/tr...4/#post1155914

يعطيك العافية اخوي فهد الاحمد

شخباركم كلكم عساكم طيبين
وحشتونا من زمان ما شفناكم



يا هلا بإختي بحرينية ولج حق تفتخرين والله

إحتنا موجودين وننتظر الإجازة عشان نكرر زيارتنا للبحرين

المشاركة الأصلية كتبت بواسطة حتشبسوت
http://www.arabtravelersforum.com/tr...3/#post1156803

موضوع رائع جداً يعطيك العافيه يا بو أحمد .. ومنتظرين جديدك..

الله يسلمج حتشبسوت والجديد ما راح يجي إلا بإجازة من العمل هاهاها :109:

الحمد لله على السلامـــهـ

احلى شئ الآكل البحار في الخبر مطعمـ الدارين رووووووعه

هلا salooom_1144 وفعلا دارين كان حلو لكن البانوش وكذلك السنبوك أطيب

وخاصة السنبوك بس مشكلته بسعره

هلا بفهد الأحمد

تصدق من زمان انا ما دخلت المنتدي واذا ادخل فقط اقرء علي السريع واظهر

اليوم بس قلت يالله خلنا شوي نفتر علي البحرين ونشوف اللي يحتاج مساعده

وقريت ردك في موضوع ابو احمد 111 وما حبيت ارد عليك هناك

قلت ادخل موضوعك وانشاء الله تقرء الرد


الصراحه كان من المقرران انجي يوم 28/06 الي الكويت بس الظروف ما سمحت لنا ويمنك نجي السبوع اللي بعده الله اعلم واذا في اي شئ راح اخبرك



وسلامي علي ام احمد احمداني


اختك ام فهد

يا هلا يا هلا حيا الله إختي ناريمان

بصراحة إشتقنا لمشاركاتج
ومشكورة على الرد

وحياج الله باي وقت وصدقيني راح نقوم بالواجب إذا زرتونا بالكويت إنتي وبوفهد

وخيره إن سفركم تأجل إسبوع على فكرة انا راح اسافر مصر خلال كم يوم وراح ارجع إنشالله 2/7/2007

يعني إذا كانت سفرتكم مقررة بعد 2/7 جدا ممتاز راح نسويلكم برنامج جميل ونغير وجهة نظرج عن الكويت

نوديج مجمعات جديدة ومطاعم وأماكن ترفيهية بس عطينا خبر وإنشالله نكون بالخدمة

وسلمي لنا على بوفهد وإنشالله نتعرف عليه .

وهلا فيج

فهد

وربي منووره الخبر خلاص ثاني مرررررره جيب المدام عندنا نفتر حنا ويها بالخبر ونتعرف عليهاا ههه

والله تقرير ولا ارووع

مشكوور اخووي

الله يسلمج إختي شرقاوية وبس

وأهل الشرقية لكم معزة عندنا وحياج الله

بسم الله الرحمن الرحيم

يعطيك العافيه وماقصرت احلى تقرير شفته بصراحه ولايهون الجميع

الله يبيض وجهك وماقصرت

هلا أخوي متيم بالخبر

وشكرا على كلامك الجميل

وإن شاء الله لنا زيارة بالعيد للبحرين والخبر

مشكور اخوي فهد على هذا التقرير

والله تقرير الييم يعني(قوووي)


الله يعطيك الف عافية


بس صراااحة لا تزعل لا انت ولا المدام



لرحل بدون احمداني



ماتسوى



الله يخليه لكم

من اروع التقارير

بصراحه التقرير روووووووووعه وانا استانست على سفرتكم عليكم بالعافية ان شاء الله الجايات احسن ..

محل الحلوى جرب مروج المحرق عندي احلى من شويطر تتمغط عقب اشويه بروح اشتري لي حلوى شهيتني ؟

واما محل العبايات شفت سوق محرق كللللللللللللللللللله عبايات واخر الموديلات وارخص من الرفاع

يسلمووووووووووووووووووووووووووووووووو على ((التقرير))