الموضوع: رحلتي للبحرين والخبر والدمام كلاكيت ثاني مرة

أي مقدمة ممكن أكتبها ما راح تكون معبرة كثر هذه البيتين اللي نظمتهم اليوم وهما يعبران عن حبي لهذا البلد الحبيب البحرين

لو قدر الله وأعطى لقليبي لسان أول بلد راح ينطق إبإسمه الكويت
والثاني من غيره تظنون يا إخوان بـحرين مـن حـبي له لأجله تغنيت

أضع لكم هذه الرابط آملا أن أكون قد وفقت بالتقرير ، وصدقوني إستمرارية حماسي لعرضه وتشجيعكم لي
ينبع من خلال متابعتكم ومروركم الكريم وكذلك تعليقاتكم الجميلة

وهذا الرابط

http://www.travel4arab.com/vb/showth...34#post1116934

مواضيع عشوائيه ممكن تكون تعجبك اخترناها لك:

• استفسار شبابي
• ممكن مساعدة من اهل البحرين؟؟
• أين أترك سيارتي قبل الجسر مواقف امنه
• أهل البحرين طلبتكم لاتردوني
• ضروري جداً لاهل البحرين
• ابا فندق نجوم ؟؟؟
• ◄◄ أرغب في حجز شقة فندقية عائلية غرف نوم في الجفير أو بالقرب منها ►►
• عرض من طيران الخليج
• محل زلاطيموا
• ساعدوني الفنادق التابعة للاسواق
• طلب بسط
• ابي رايكم يا اهل البحرين
• اتمنى ان اجد الجواب عندكم
• ماجستير تربية الموهوبين بجامعة الخليج العربي بالبحرين
• أسماء المطاعم ومواقعها مثبت في مواضيع رائعة
• مطعم بالعالي
• باقات البيانات والتجوال
• بروح للبحرين ومعي الخادمة هل هناك اجراءات
• افتتاح أكبر مجمع تجارى للتسوق والترفيه بمملكة البحرين خلال العام
• استفسار بخصوص جواز السفر للبحرين

قبل لا اروح للرابط يعطيك الف عافيه........... بس نبي بيت في الخبر بعد هههههههه

يوم الخميس كنت في الكويت .... كنت ادور احمداني بس ما شفته

الحمد لله على السلامة

والله يعطيك العافية على التقرير

أتمنى لك التوفيق فيما ستقدمه

نحن بانتظارك

رعاك الله

أخوووك

المشاركة الأصلية كتبت بواسطة eyesmax
http://www.arabtravelersforum.com/tr...4/#post1116944

قبل لا اروح للرابط يعطيك الف عافيه........... بس نبي بيت في الخبر بعد هههههههه

يوم الخميس كنت في الكويت .... كنت ادور احمداني بس ما شفته



هلا أخوي eyesmax ويجيك عن الخبر إنشالله
وأحمداني كان نايم عشان جذي ما شفته هاهاها:109:
لو نشدت عنه كان شفته :101:
وحياك بالكويت .







المشاركة الأصلية كتبت بواسطة أبو أحمد 111
http://www.arabtravelersforum.com/tr...2/#post1116952

الحمد لله على السلامة

والله يعطيك العافية على التقرير

أتمنى لك التوفيق فيما ستقدمه

نحن بانتظارك

رعاك الله

أخوووك



عزيزي بو أحمد حبيبنا الغالي ياهلا فيك

وسواء إنت الاول أوeyesmaxeyesmax فكلكم عندي الأوائل (حشا بمدرسة هاهاها :109: :109: )
مشكورين على سرعة الإستجابة

كما احب إني اقدم تحية خاصة لاعضاء هذه البوابة الحبيبة
وعلى راسهم
ابو أحمد (البحرسعودي) الجنسية هاها:109:
وعزيزتنا ناريمان (ام فهد الغالية)

بلادي البحرين
كاس عسل
بحرينية وافتخر
أساماز
eyesmax

ويعذروني بقية الإخوة الكرام واللي قد يكون إسمه قد سقط سهوا فيرجى المعذرة
وهم شي غن يكون التقرير على قدر حبي لهذه البوابة الغالية

أعزائنا في بوابة البحرين تم عرض الحلقة الثانة وارجوا إنها تحوز على إعجابك ومنتظرين مروركم الكريم

حبايبنا ببوابة البحرين تم عرض الحلقة الثالثة من رحلتنا إلى الخبر الدمام والبحرين
بإمكانكم مشاهدة هذه الحلقة على هذا الرابط


http://www.travel4arab.com/vb/showth...34#post1116934

ومنتظرين ردودكم ومشاركاتكم الكريمة:101: :101: :101: :101:

حياكم الله إخوانا الكرام اليوم نكمل لكم حلقات رحلتنا الميمونة للخبر والدمام والبحرين

وبما ان اليوم هو الثالث للرحلة وبه زرت البحرين لنصف اليوم وذلك لملاقاة إختنا العزيزة أم فهد /ناريمان
حيث أن الوعد كان الساعة الحادية عشرة صباحا عند محلها الكائن بسوق واجـف (أو واقــف) حسب الظروف :109: :109: :109:

وفعلا بعد ما قعدنا الصبح وفطرنا أيضا من فطاير التميمي
جربوه تراه طيب.......... يم يم:1076: :1076: :1076: :36_1_51: :36_1_51:

وبعد الأكل لازم :36_1_43: :36_1_43: :24:

تجهزنا وأخذنا الجوازات معانا للذهاب إلى البـــــــــــــــحــــرين ...........

ومع هذه المقدمة ندخل معاكم للحـــلقـة الرابـعـــة

الحــلقة الـرابعــــة :

اليوم :السبت 24/2 (فبراير)

الساعة : تقريبا 10 صباحا

خرجنا من الخبر والوجهة البحرين وبالتحديد لسوق واقف لملاقاة إختنا الغالية أم فهد وذلك لكي توصلنا لمحل النامليتي للعبايات وفق الإتفاق المسبق معها ، وطبعا هذا بناء على طلب المدام اللي بخاطرها تشتري عباية من البحرين لأنها - حسب ما تقول - عباياتهم حلوة وكثير من الكويتيات عندنا يتكلمون عن هذه العبايات وأم فهد / ناريمان كونها بحرينية فقد رشحتلي محل النامليتي الموجود بالرفاع ، وقالت لهم إن يخلصون العباية خلال يومين فقط لان عودتنا للكويت راح تكون يوم الاثنين وفعلا صار ما كان متفقا عليه .

وإليكم الصور ..............

طريقنا للبحرين





صورة من على جسر الملك فهد المؤدي للبحرين





صور من عند نقطة الجوازات

مطعم للي جاي جوعان هاها :109: :109:

والحمدلله كانت الزحمة بالحدود خفيفة جدا ما طولنا ابد وعلى طول دخلنا للبحرين (كنت خايف أتأخر على ناريمان لأن مواعدينها الساعة 11 ومو حلوة نتأخر

وبعد نزولنا للبحرين وجدنا هذا البيت او القصر مكانه حلو وإستراتيجي



واقرب طريق للذهاب إلى سوق واقف هو أخذ الكوبري الأول بعد الجسر مباشرة



نوافير ماي صغيرة وحلوة



صور جميلة من الطريق



وكانت وجهتنا إلى سوق واقف وعند محل ميامي للكمبيوتر الله ياهو بين دواعيس :105: (سوق واقف بصراحة يحتاج لإعادة تنظيم الداخل مفقود والخارج مولود هاهاها :109: :109: )

وهذا محل إختنا نــاريمان ترررا...

دخلنا للمحل وكلمنا الهندي اللي يشتغل وإتصلنا على ناريمان قالت لنا 5 دقايق وأنا جاية
وجت واذكر اول ما جت (حاطة في بالها إن اللي جاي كويتي ، فشفتها تدور بلوحات السيارات وين لوحة كويتية حتى إستدلت علينا هاهاها :24: )

وفعلا سلمنا عليها وتعرفت على أم أحمد (إنشالله صداقة تظل طول الدهر وراح تتأطر العلاقة أكثر إذا إلتقينا في ابو فهد إنشالله) وجات ناريمان مع بنتها الصغيرة الله يحفظها

وكان أحمداني نايم وقتها وإلا لو شاف البنية الصغيرة كان لعب معاها :101: ن وما قصرت ام فهد أعطت احمداني سيديات قرآن كريم وألعاب كارتونية ، كانت قمة في الذوق ، بس لأن أحمداني صغير على اللعب بالكمبيوتر (بس يحاول يقلدني ويضرب بالكي بور هاهاها) :109: :109: ، فإللي خذا السيديات وإللي راح يشغلها أبوه -محدثكم هاها:109:

وتبعنا أم فهد للرفاع إحنا بسيارتنا وهي بسيارتها (ما شالله تدوس بالسيارة :11ight: :11ight: الله يحفظج ام فهد)

ووجهتنا الرفاع

بداية دخولنا للرفاع


كافيه ومطعم موجود بالرفاع شكله راقي والظاهر حلو ........



محل النامليتي بالرفاع .............



ودخلنا مع ناريمان والمدام راحت تختار الديزاين اللي يعجبها ووقع إختيارها على أحد الموديلات وطلبت من الخياط إطفاء بعض التعديلات على الموديل الموجود ( تدرون كويتيات وذوقهم صعب هاهاهاها :109: :109: :109: ).

وإتفقنا معه ، والحقيقة ما قصرت ناريمان قامت تكاسر الخياط على السعر حتى أوصلناه إلى 48 دينار بحريني (أي ما يعادي 37 دينار كويتي) وتقول المدام لو فعلا قام الخياط بتضبيط العباية والقياس فإن السعر المطلوب ولو كان مرتفعلا قليلا لكن يستاهله ن ويكفي إن يبي يخلصها بيومين ، ووعدنا إن يوم الاثنين نجي ونستلمها منه .

خلصنا من المحل وسلمنا على أم فهد وودعناها (كان ودنا لو تعرفنا على أبو فهد كان الوقت ضيق جدا) وإنشالله الجايات اكثر :101: :101:

فــتحية لـكي يا ناريـمان :113: :113: :113: :113: :113:

وبعد خروجنا كانت وجهتنا هي مجمع العالي ومن ثم السيف وبعدها العودة للخبر مرة اخرى ....

وفي الطريق نمر على مدينة ألعاب مائية صغيرة



صور من على الطريق

هذه بالقرب من جد حفص والسنابس



وهذه داخل جد حفص



وصورة من داخل جد حفص ايضا

وكانت الوجهة الاولى مجمع العالي :

- بعض المعلومات عن مجمع العالي نقلا عن بعض أحبائنا في البحرين :

يعتبر مجمع العالي - خاصة لمن لايعلم - هو اول مجمع تم إنشاؤه بضاحية السيف الجديدة بذلك الوقت ( اي قبل إنشاء مجمع السيف) وهي معلومة غريبة وجديدة بالنسبة لي ومن بعدها تم إنشاء السيف الذي اخذ شهرة أكبر ، وانا أرى أن مجمع العالي مظلوم فكثير من الخليجيين لا يزورونه مع أنهم يزورون السيف الملاصق له ، يمكن الناحية الدعائية له ضعيفة ، مع إنه مجمع جميل وراقي وتصميمه راقي وعلى النمط القديم مع إدخال جانب من الحداثة به ، ويكفي أن به مقهى البنديرة هذه المقهى الشعبي والغير شعبي في آن واحد :24:

وإليكم هذه الصور .....



المجمع من الداخل ...



السقف الزجاجي بحيث يدخل النور إلى المجمع (جميل هذا النظام وكثير من المجمعات تستخدم هذا الشكل مثل برجمان والإمارات مول وميركاتو بالإمارات )



صورة تعكس ادوار مجمع العالي (بصراحة وايد يعجبني تصميمه)




منظر من الأعلى



مقهى البنديرة :



بعد ما تمشينا فيه قليلا ، وحيث ان موعد الغداء قد أزِف قلنا ناكل باحد مطاعمه ، وإنتوا عارفين إن مطعم الابراج موجود هناك فتتوقعون ممكن أتغدى بغيره لالالالالا يمكـــــــن:108: :108: :108:

ورحنا إلى الابراج



الريسيبشن من الداخل



صورة من داخل المطعم شوفوا الديكور المتعوب عليه ...:24: :24:



وجلسنا بمكان مميز وشفنا المنيو الحقيقة اسعارة جدا معتدلة والمينيو متنوع



وإخترنا نوعين من الشوربة (فطر بالكريمة وخضروات) وسلطة

كما إخترنا طبق لحم بصلصة ألفريدو مع الرز بالزعفران

وقطع دجاج بالكريمة ، الاكل كان جيد جدا يعني 8من 10

وهذه الصور







احمداني وهو ياكل قام بذبح الشيبس هاها شوفوا الدم الأحمر :109: :109:



والفاتورة جيدة اذكر 8 دنانير بحريني يعني تقريبا 7 كويتي سعر معقول جدا

وبعد ما خلصنا من المجمع خرجنا لنذهب إلى مجمع السيف .........


تابعوا معنا الحلقة الخامسة عن مجمع السيف وعودتنا للخبر ثانية...........

اخوي فهد الأحمد الله يعطيك العافية على هالتقرير والصور الأكثر من روعه للبحرين الغالية انا بصراحة احس براحه نفسية بالبحرين مع ان البلد مافيها شي ولكن تعلقنا بزيارة البحرين وحبنا للشعب البحريني الشقيق لأن بساطة الشعب البحريني هي اللي تخلينا نحبة اكثر واكثر

:24:

تقرير روعه

حسافه ماشفتكم .. انا اروح مشي لهالمحلات هههههههههههه

على فكره اخوي فهد .. هالكم فيلا مأجره هي عباره محلات تجاريه واحد منهم صالون نسائي وواحد محل ( صافي ) الكويت

يعطيك العافيه اخوي فهد الاحمد على التقرير


مادريت عن تقريرك بس الحمدلله لحقت عليه

الف الف شكر لك على هذا المجهود الرائع ومتابعة معاك للاخر ان شاء الله وعساك على القوة :113: :113:

تسلم يمناك على هالصور الحلوة :113:
وهالجولات الاحلى :24:
وعلى فكرة مطعم الابراج مو كل فرع يصيد ويضبط الطباخ
احلى طباخ في الفرع اللي في سند
اكلهم لذيذ الذ من الفروع الثانية
في انتظار حلقة السيف اذا ما طلعنا في الصور هههههههههه
الله يعطيك العافية

واااااااااااااو
يعطيك العااااااااااافيه
متابعين معاك للاخررررررررررررررررررر

بارك الله فيك أخوي فهد على هذا التقرير الرائع والصور الأروع

إبداع وإمتاع

تحياتي لك

وبالتوفيق إن شاء الله

أخوووووك

رووووعة بصراحة صورك لمجمع العالي حللللوة وشكلك لفيته عدل ما شاء الله.. أحنا ما يمدينا ندخل ألا العيال وين الألعاب .. وبس نقضي من ساعتين لين 3 ساعات محكورين معاهم بالملاهي .. بكرة يكبر أحمداني وتجربون:109:
ويا بختكم قابلتوا ناريمان ..:36_3_11:
فيه العافية على هالأكل الطيب.. وناطرين بكل شوق مجمع السيف بعدسة أبو أحمد..

ممتاز يابو احمداني ...

بالنسبه لمجمع العالي انا احب ادخله عشان القسم اللي فيه مقهى البنديره ... تصميمه حلو جدا.

اما المطعم مره تهاوشت معاهم خخخخخخخ .. كانت مبارة كاس العالم النهائيه و انا مالي في الكوره و جالس داخل و الهنود خلو طلباتي تبرد ولا جابوها لي ===== يطالعون المباره

حبيب قلبي (فهودي) امون عليك:101:

والله التقرير ماعليه كلام:24: اهنيك من كل قليب:113:
كما احب ان اشكر الاخت نــاريمان على مساعدتها للاعضاء

متابعين يا فهد

( مـــــــــســــــــــمـــــــــــار )

المشاركة الأصلية كتبت بواسطة رحــــال
http://www.arabtravelersforum.com/tr...5/#post1122095

اخوي فهد الأحمد الله يعطيك العافية على هالتقرير والصور الأكثر من روعه للبحرين الغالية انا بصراحة احس براحه نفسية بالبحرين مع ان البلد مافيها شي ولكن تعلقنا بزيارة البحرين وحبنا للشعب البحريني الشقيق لأن بساطة الشعب البحريني هي اللي تخلينا نحبة اكثر واكثر



هلا فيك أخوي رحال وحياك الله، وصح كلامك وايد ارتاح إذا رحت البحرين تدري طيبة اهلها وخاصة كبار السن تذكرني بكل ماهو قديم عن خليجنا العربي ،

وخذ عندك هذه القصة سنة 2003 ، يوم كنت في أحد زياراتي للبحرين وكنت بصحبة صاحبنا البحريني محمود - من مدينة حمد قلت له يالله اليوم ودني فرني على القرى الموجودة بالبحرين عشان اصور وألتقي بالناس هناك (هذه عادة عندي في كل زيارة أحب ازور القرى واشوف نظام العيش هناك وتصوير البيوت القديمة والإلتقاء بكبار السن ).

المهم وداني مجموعة قرى من ضمنها كرانة ووقفنا مع مجموعة رجال مسنين كانوا قاعدين عند أحد البيوت "](عند الدجة او الدكة )[/COLOR] فدخلنا معهم للتحدث والدردشة وأخذتنا الاحاديث ويوم ظلمت الدنيا قلت حق صاحبنا يالله نمشي ، طبعا ما رضوا الشياب وقالوا إلا تجلسون للعشا (مع إن من الواضح ضعف حالتهم المادية ) ويوم حاول صاحبي يتعذر لهم قالهم ترى صاحبي هذا كويتي وجاي زيارة للبحرين وبكرة راح يسافر وما عنده وقت فيبي يرجع يضبط شنطه (الله يهديه صاحبي بطببها عماها هاها:109: ) أهم اسمعوا اني إحلفوا علي ما تمشي إلا إنك تتعشى انت ضيفنا ، واشتغلوا علي سلام وتراحيب وقاموا يتكلمون هذا اللي راح الكويت أيام الستينات وهذا اللي تعرف على تجار كويتيين (بصراحة لمست المحبة منهم) .

ما اقول إلا الله يرحم اللي توفى منهم ويطول بعمر الاحياء منهم بصراحة الشعب البحرين شعب كريم جدا

تحياتي لكم يا بحرينيين :113: :113:






المشاركة الأصلية كتبت بواسطة ~ كاس عسل ~
http://www.arabtravelersforum.com/tr...9/#post1122099

:24:

تقرير روعه

حسافه ماشفتكم .. انا اروح مشي لهالمحلات هههههههههههه

على فكره اخوي فهد .. هالكم فيلا مأجره هي عباره محلات تجاريه واحد منهم صالون نسائي وواحد محل ( صافي ) الكويت



هلا فيج كاس عسل إذن إنتي رفاعية ؟؟ هلا بالرفاع وحياكم الله







المشاركة الأصلية كتبت بواسطة روان بنت الكويت
http://www.arabtravelersforum.com/tr...6/#post1122176

يعطيك العافيه اخوي فهد الاحمد على التقرير


مادريت عن تقريرك بس الحمدلله لحقت عليه



زين لحقتي عليه ، وتابعي الباقي . وشكرا على المرور







المشاركة الأصلية كتبت بواسطة ام البنية
http://www.arabtravelersforum.com/tr...3/#post1122183

الف الف شكر لك على هذا المجهود الرائع ومتابعة معاك للاخر ان شاء الله وعساك على القوة :113: :113:

مشكورة اختي ويسعدنا مرورج

المشاركة الأصلية كتبت بواسطة بحرينية وافتخر
http://www.arabtravelersforum.com/tr...7/#post1122377

تسلم يمناك على هالصور الحلوة :113:
وهالجولات الاحلى :24:
وعلى فكرة مطعم الابراج مو كل فرع يصيد ويضبط الطباخ
احلى طباخ في الفرع اللي في سند
اكلهم لذيذ الذ من الفروع الثانية
في انتظار حلقة السيف اذا ما طلعنا في الصور هههههههههه
الله يعطيك العافية



هلا فيج إختي بحرينية
وإنشالله نجرب اللي في سند
وما يندرى انا صورت مجموعة صور يمكن تكونين في واحدة منهم هاها :109: ، الظاهر دايما بالسيف بعد ما طلعتي اجازة هاها :109: :109:







المشاركة الأصلية كتبت بواسطة المرام
http://www.arabtravelersforum.com/tr...8/#post1122478

واااااااااااااو
يعطيك العااااااااااافيه
متابعين معاك للاخررررررررررررررررررر



هلا فيج اختي المرام وحياج الله .







المشاركة الأصلية كتبت بواسطة أبو أحمد 111
http://www.arabtravelersforum.com/tr...8/#post1122598

بارك الله فيك أخوي فهد على هذا التقرير الرائع والصور الأروع

إبداع وإمتاع

تحياتي لك

وبالتوفيق إن شاء الله

أخوووووك



شكرا شكرا شكرا
هلا هلا هلا
تحية تحية تحية
لك يا أبو أحمد
وتابعنا
فعندنا المزيد........

المشاركة الأصلية كتبت بواسطة حتشبسوت
http://www.arabtravelersforum.com/tr...8/#post1122798

رووووعة بصراحة صورك لمجمع العالي حللللوة وشكلك لفيته عدل ما شاء الله.. أحنا ما يمدينا ندخل ألا العيال وين الألعاب .. وبس نقضي من ساعتين لين 3 ساعات محكورين معاهم بالملاهي .. بكرة يكبر أحمداني وتجربون:109:
ويا بختكم قابلتوا ناريمان ..:36_3_11:
فيه العافية على هالأكل الطيب.. وناطرين بكل شوق مجمع السيف بعدسة أبو أحمد..

هلا فيج ملكتنا واللي حضرت وزارتنا من اليوم ورايح (وساير على قولة اخوانا بالإمارات ) بسميج الملكة أم 1000 صورة هاها

تحياتي وتابعينا







المشاركة الأصلية كتبت بواسطة eyesmax
http://www.arabtravelersforum.com/tr...1/#post1122961

ممتاز يابو احمداني ...

بالنسبه لمجمع العالي انا احب ادخله عشان القسم اللي فيه مقهى البنديره ... تصميمه حلو جدا.

اما المطعم مره تهاوشت معاهم خخخخخخخ .. كانت مبارة كاس العالم النهائيه و انا مالي في الكوره و جالس داخل و الهنود خلو طلباتي تبرد ولا جابوها لي ===== يطالعون المباره



هاهاها ، الظاهر زايرهم بوقت غلط :109: :109:
حبيبي eyesmax هلا فيك







المشاركة الأصلية كتبت بواسطة mss_mar
http://www.arabtravelersforum.com/tr...4/#post1122994

حبيب قلبي (فهودي) امون عليك:101:

والله التقرير ماعليه كلام:24: اهنيك من كل قليب:113:
كما احب ان اشكر الاخت نــاريمان على مساعدتها للاعضاء

متابعين يا فهد

( مـــــــــســــــــــمـــــــــــار )



[SIZE="5"]تمون يالغالي وتحياتي لك مسمار وشكرا على المرور تابعنا [/
SIZE]

والحقيقة ناريمان ما قصرت معانا

بس اشوف دخولها للنت قليل جدا هالايام الظاهر الدوام ما خذ وقتها :114: :114:

نتابع معكم تكملة رحلتنا للبحرين في يوم السبت والتي بدأناها مع سوق واقف عند إختنا ناريمان وبعدها للعالي وصولا إلى مجمع السيف ، وقبل الدخول للحلقة أود أن اشكر أحبائنا الأعضاء ممن تابعوا التقرير وما لمسته من إستحسان لطريقة الشرح ، وهو ما يعطي دافعا للإستمرار .:101:

فــــــــشكرا جـــــــزيلا لــــــــــكم .....................................:113: :113: :113: :113:

ونتابع معكم رحلتنا ومــــــع الحـــــــــــــــلقة الخــــــامسة

الحلقـــــــة الخامســـــــــــة

اليوم : السبت

الوقت : 3:30 عصرا

بعد الخروج من مجمع العالي والغداء هناك كان لابد من زيارة مجمع السيف
هذا المجمع الذي يحمل شهرة واسعة بالذات خليجيا .

والمجمع ينقسم لدورين :

1- الدور الأول : يحوي محلات المجوهرات والعطور والملابس النسائية والرجالية وبعض الاكشاش أو البارتشينات الخاصة بالحلويات أو بيع الالعاب للأطفال ، كما يحوي عدد من الكافيهات والمطاعم .

2- الدور الثاني : جزء منه يحوي محلات لبيع السلع المختلفة ، كما أن به ردهة المطاعم ، وهي ساحة بها عدد من مطاعم الفاست فود ومطاعم المشويات وكذلك مطعم بوفيه عالمي .

ومتصلا معه القسم الخاص بالالعاب (ماجيك بلانت)وهو عبارة عن مكان مخصص للألعاب الإلكترونية ، كما يحوي لعبة شهيرة مرعبة (دايما أدخلها بس المدام تخاف :109: )

تمشينا بالمجمع وكان مزدحم ، وإنتوا عارفين إن فترة سفري كانت خلال إجازة العيد الوطني وعيد التحرير بالكويت ، ومن المتعارف عليه سنويا سفر الكثير من العوائل والشباب الكويتيين إلى البحرين والإحتفال بهذه الأعياد بمملكة البحرين الجميلة ، ولهذا السبب شعرت كأني بالكويت الدشاديش الشتوية إكثرت بذاك اليوم هاهاها :109: :109: ، وتشوف الصغار يمشون ولابسين قبعات بألوان علم الكويت كما أن البعض يحمل علم الكويت معه والسيارات مزينة ، الجو كان جميل الحقيقة .

وإليكم هذه الصور .............



محل مانجو الشهير



صور لجوانب من المجمع





السينما (كان ودي ادخل للفيلم المصري بس الوقت مايسمح )









السقف :



التصوير من الأعلى لأحد الاكشاك التي تبيع الألعاب...



وبعدها صعدنا للدور الثاني :





وحبينا نريح شوي من التمشي فإخترنا ان نجلس بكافيه وحلويات الصمدي

وطلبنا قهوة فرنسية + كابتشينو + تيراميسو كيك
والمستوى متوسط خاصة الكيكة مستواها جدا عادي (هناك محال حلويات بالكويت مثل مطعم كابري بفندق مريديان الكويت يسوولك التيراميسو بطريقة رهيبة) .... يم يم








ردهة المطاعم ....





وبعدها رحنا لماجك بلانت عشان ياخذ احمداني نصيبه من اللعب (وإحنا بعد نلعب لنا كم لعبة - أحب أصور بالمكائن الخاصة بالتصوير ، سواء الميدالية أو الرسم بالرصاص)

واخذنا لنا كم صورة حلوة

وهذا أحمداني مستانس على هالالعاب

وعبيت له رصيد 6 دنانير والود وده إنها ما تخلص ........:24: يستاهل بو شهاب

وقضينا وقت جميل بالمجمع بس قلت للمدام خلينا نلحق نرد للخبر قبل لا تظلم الدنيا ‘ على الاقل نرد المغرب ونروح نزور مجمع الظهران (لأني مثل ما ذكرت سابقا ما كملنا مشترياتنا بالظهران مول)

وفعلا عدنا إلى الخبر :36_7_14: :36_7_14: :36_7_14: والحدود بصراحة كانت خفيفة (ما كان في احد أبد على الحدود)

جان زين طول الوقت جذي :101: :101: :101:

وفعلا وصلنا للشقة فترة المغرب وبعد الصلاة حركنا ورحنا للظهران (أم احمد لازم تصرف باقي الريالات لأن هذا اليوم آخر يوم بالخبر ، وما يعقل يظل عندنا بحدود 600 ريال دون أن يتم صرفها هاهاها :109: ) .

ومثل ما قلت لكم إشترينا عدد كبير من الملابس حق أحمداني لدرجة إني إستخدمت الماستر كارد مرتين (إنسحك الكاش اللي كان عندي:110: ) وما ظلت إلا دنانير بحرينية ، طبعا أحتفظ فيهم ليوم الاحد والأثنين اللي راح أتواجد فيهم بالبحرين ).

وبعدها رحنا نتعشى بردهة المطاعم الموجودة بالظهران مول وأكلنا من بيتزا كومباني :1076: :1076: :1076: (وهذا المطعم كان موجود له عدة افرع بالكويت ، ويظهر إنه ما نجح فتم سحب سلسلة المطاعم الموجودة وإختفى من على دولة الكويت ....:109: :109: ، بوجهة نظري المطعم مستواه جيد جدا وخاصة الخبز بالثوم وحتى الباستات بس ما ادري ما أخذ صداه بالكويت) .وبعدها ردينا للشقة نريح ونستعد ليوم آخر من أيام رحلتنا الميمونة للبحرين والخبر .

تابعونا ولا تحرمونا من تعليقاتكم

يتبع ............ ، ومع الحلقة السادسة وسلسة من المواقف اللي حصلت مع دخولنا للبحرين :108:

يسلموووووووووو ابو احمداني على التقرير الرووووووووعه

وسلم على احمداني ذباح البطاط ويسلمووو على الصوره (حسين مني وانا من حسين)

بس تصدق احسك مظلوم ماشوف شريت لك شي بس تدفع وتاكل تاكل وتدفع هههههههههههههههه

يتربون في عزك انشالله ام احمداني واحمداني


تحياتي لك

الف الف شكر على هذا التقرير الروعة
وبلغ المدام تحياتي وقول لها ان مجمع الظهران احلى مجمع في الخبر بناء على تجربتي مع التسوق ومعظم مشترياتي من محل فرنسي اسمه كامايو بصراحه روعة وماأطلع منه الا وانا شاريه بما لايقل عن 3000 ريال وبعده يجي محل اسمه كيابي بعد حلو واسعارة مناسبه جدا

والله الله بالمدام وخلها تشتري اللي بخاطرها ام احمداني تستاهل

حيا الله اخوي فهد مره ثانية
وهالحلقة تاخرت في الرد بعد
لاني امس كنت بالسعودية من الظهر ما رجعنا الا الليل
الحين بقولون... وش عندها كل يوم والثاني رايحة :109:
احمد ربك محد في الجسر
امس والله ساعة ونص ننتظر نخلص من الجمارك زحمةةةةةةةةةةةةةة
نبا نرجع البيت
انا جوعانة ومعطليننا ساعة ونص :109:
الله يعيننا اسبوع الجاي يوم الاثنين بعد نروح :24: حلوة الكشتات
بس اذا زحمة الجسر نتعب واحنا جالسين في السيارة :108:

اخووووي فهدددد














ما طلعت في الصور :109: :109: :109:

وبعد تراك كل يوم والثاني تحرمصنا على الاكل بس من الله قبل شوية تريقت وبعدين دخلت النت :24:
هني وعافية ان شاء الله كل الاكل والشرب والحلويات
وحياكم الله في البحرين

بانتظار باقي التقرير

مشكور على التقرير الرائع والى الامام ........... تقريرك يدكرنا بالتقرير المبدع ابو لينا

المشاركة الأصلية كتبت بواسطة eyesmax
http://www.arabtravelersforum.com/tr...0/#post1123470

:24: :24: :24: :24:

بس انا جوعان :110:

جبت طاري الخبز بالثوم و تذكرت ابل بيز



بالعافية eyesmax والحقيقة انا أحبه بعد بس طبعا للي يتقن طريقته







المشاركة الأصلية كتبت بواسطة &لقيت روحي&
http://www.arabtravelersforum.com/tr...6/#post1123566

يسلموووووووووو ابو احمداني على التقرير الرووووووووعه

وسلم على احمداني ذباح البطاط ويسلمووو على الصوره (حسين مني وانا من حسين)

بس تصدق احسك مظلوم ماشوف شريت لك شي بس تدفع وتاكل تاكل وتدفع هههههههههههههههه

يتربون في عزك انشالله ام احمداني واحمداني


تحياتي لك



الله يسلمك لقيت روحي وترى راح تشوف بعد المعركة الثانية مع البطاط ترى الحرب بين أحمداني والشيبس ما خلصت هاها :109: ، وبالنسبة للصور أغلب القرى كل ما دخلناها نلقا عدد كبير من الأعلام والرايات موضوعة بشكل جميل .

وبالعكس ترى انا شريت لي بعض الشغلات ، أولا بعض الملابس من سنتر بويت وكذلك عطور من سيد جنيد وغيرها ، بس نصيب الأسد من المشتريات لاحمداني والمدام .






المشاركة الأصلية كتبت بواسطة ام البنية
http://www.arabtravelersforum.com/tr...5/#post1123965

الف الف شكر على هذا التقرير الروعة
وبلغ المدام تحياتي وقول لها ان مجمع الظهران احلى مجمع في الخبر بناء على تجربتي مع التسوق ومعظم مشترياتي من محل فرنسي اسمه كامايو بصراحه روعة وماأطلع منه الا وانا شاريه بما لايقل عن 3000 ريال وبعده يجي محل اسمه كيابي بعد حلو واسعارة مناسبه جدا

والله الله بالمدام وخلها تشتري اللي بخاطرها ام احمداني تستاهل

هلا فيج أم البنية ، وإنشالله نزور قطر ترى تحوم فبالي من فترة ويمكن بالصيف نجيلكم ونروح للمنتجع اللي بسيلين .
وفعلا الظهران فيه كل شي وايد يعجبنا
وأكيد أم احمداني تستاهل ، أصلا انا افرح إذا عجبنا من اي محل شي وإشترته لأن المشترى بالسفر له طعم ثاني :101:

ومشكورة على المرور وتابعينا مع الحلقة السادسة المليئة بالمواقف والصور .






المشاركة الأصلية كتبت بواسطة بحرينية وافتخر
http://www.arabtravelersforum.com/tr...6/#post1124506

حيا الله اخوي فهد مره ثانية
وهالحلقة تاخرت في الرد بعد
لاني امس كنت بالسعودية من الظهر ما رجعنا الا الليل
الحين بقولون... وش عندها كل يوم والثاني رايحة :109:
احمد ربك محد في الجسر
امس والله ساعة ونص ننتظر نخلص من الجمارك زحمةةةةةةةةةةةةةة
نبا نرجع البيت
انا جوعانة ومعطليننا ساعة ونص :109:
الله يعيننا اسبوع الجاي يوم الاثنين بعد نروح :24: حلوة الكشتات
بس اذا زحمة الجسر نتعب واحنا جالسين في السيارة :108:

اخووووي فهدددد
ما طلعت في الصور :109: :109: :109:

وبعد تراك كل يوم والثاني تحرمصنا على الاكل بس من الله قبل شوية تريقت وبعدين دخلت النت :24:
هني وعافية ان شاء الله كل الاكل والشرب والحلويات
وحياكم الله في البحرين




يا هلا فيج إختي بحرينية ، إذن انتي بعد من زوار الخبر ، الحقيقة لاحظت عدد لا يستهان فيه من إخوانا البحرينيين خاصة بالويك إند يروحون الخبر ، يمكن عشان الويك إند عندكم زحمة فتحاولون تتخلصون منها بالذهاب للخبر خصوصا إهي حذفة عصا ( يعني جدا قريبة) ، واللي أعرفه غن البعض يشتري لوازمه وحاجياته من الخبر لأنها ارخص من البحرين .... صح ؟؟.







المشاركة الأصلية كتبت بواسطة المرام
http://www.arabtravelersforum.com/tr...0/#post1124890

بانتظار باقي التقرير



هلا فيج يا بنت ديرتي ... تابعينا

الحمدلله ع السلامه

وبانتظار تكملة التقرير..

الحــلقة الســادســة :

قبل الولوج إلى تفاصيل اليوم القبل الاخير لهذه الرحلة الميمونة والذي قضيناه ما بين الخبر صباحا والبحرين بقية اليوم كله ، ..... أود ان أشكر جميع الأخوة في كل من بوابة البحرين وبوابة المملكة العربية السعودية على التفاعل الجميل الذي افرحنا وأعطانا دافعا لان تهوي الأنامل على الكي بورد منتجة تقرير وفقرات جل هدفها خدمة زائري هتين البوابتين :101: :24: :24: .

مثل ما تابعتوا معي في الحلقة الخامسة ، حيث كان يوم السبت الموافق 24/2/2007 قضينا منه الفترة الصباحية وحتى المغرب في مملكة البحرين بين سوق واقف والرفاع ومجمع العالي والسيف وكذلك بعض القرى البحرينية مرورا بشوارعها الرئيسية كالسنابس وجد حفص ومن ثم العودة للخبر وتقضيلة تلك اللية بمجمع الظهران مول .

أما يوم الأحد الموافقة 25/2 والذي ابتدأناه بالخبر ومع مجمع الراشد وبعدها السفر إلى البحرين وإختيار الشقة وما صاحبها من مواقف :105: :105: وبعدها الغداء وتكملة مشاويرنا داخل البحرين .

فإليكم الحلقة السادسة ومع التفاصيل مصحوبةَ بالصور . .............

المشاركة الأصلية كتبت بواسطة قلب طفله
http://www.arabtravelersforum.com/tr...5/#post1125565

الحمدلله ع السلامه

وبانتظار تكملة التقرير..




مشكورة قلب طفلة وتابعينا

العضو فهد ابو احمد
متابعين مواضيعك المميزه حيث استفدت انا من الكثير منها خاصه في بوابة الكويت قبل زيارتي لها
حيث كانت رحلتي للكويت بنفس فترة رحلتك للسعوديه يعني تبادل مواقع والله يسعدكم في بلدكم الثاني

الحــلقـة الســادسـة :

اليوم : الاحد 25/2 فبراير

الساعة : حوالي 8:30 صباحا

الموقع : الخبر - العقربية (شقق عنابة) :101: :101:

بعد ما قعدنا الصبح وجهزنا أغراضنا وشنطنا إستعدادا للسفر للبحرين نزلت إلى سوبر ماركت لشراء المياه لزوم الطريق (عاد من بعد الطريق هاهاها :109: ) كان بودي لو إنا نفطر سندويتشات بالطريق أفضل من الفطائر نفس كل يوم (تعبت المعدة من الفطاير هاهاها:109: ) وأيضا كسبا للوقت لأن عندنا مشوار قبل البحرين هو مجمع الراشد ، وبالصدفة ولاول مرة أكتشف إن بجنبي وملاصق لاسواق المزرعة هناك مطعم يقدم سندويتشات ؟؟؟

تسألون شلون ما كنت اعرفه ، لان الصور اللي خارج المطعم تبين لك إن المطعم هو للوجبات السريعة مثل الماكدونالدز وبرجر كنج ... وما كنت أدري إن بقدرة قادر يصبح الصبح بطاط وباذنجان وحلوم وكبدة وبيض هاهاهاها :109: :109: :109: :109: .

بصراحة اول ما لفت نظري وانا راجعت من السوبر ماركت إن في شباب داخل المطعم ( الظاهر يتريقون قبل الدوام لان مبين الشباب ما هم طلبة) ، وانا أحدث نفسي في حد يفطر همبورجر من صباح الله :114: :114:
الفضول خلاني ادخل للمطعم وإلا اشوف مثل ما قلت لكم ، قلت جيت وجابك الله عندي بطاط وباذنجان وعطني بيض وان طبعا احب الكبدة طني وحدة بس ابيها ساخنة .قال اضبطك شوف اسخنها لك واعملها مثل الصاج وشوي معاها جبن ومايونيز وشطة ... والله انها رهيبة أكلتها قبل لا أوصل للشقة .:24: :24: :24:

المهم فعلا على السريع المدام تريقت وأحمداني حب يشاركنا يقول جملته المأثورة (أتي آم) هاها:109: :109: ، ونزلنا الشنط وخلصنا مع راعي الشقة (الزول اللي ذكرناه من قبل ):101: وذهبنا إلى مجمع الراشد .... مجمع الراشد أحد أشهر المجمعات بالخبر وهو يتكون من ثلاثة طوابق وسرداب .

السرداب به مجموعة من الالعاب وتقريبا تخدم الفئة العمرية الاكبر من 8 سنوات .

والطابق الاول والثاني متشابهين من ناحية المحلات فهي محلات ملابس وعطور وساعات وإكسسوارات (دايما المدام تشتري إكسسوارات من نوران) ، وغيرها ، والدور الثالث ايضا به جزء من محلات لبيع السلع المختلفة وأيضا ردهة للمطاعم وصالة لالعاب الاطفال .

مشكلة هذه المجمع معاي إن في السفرات الاخيرة دايما اخليه آخر مجمع وهذا مو صحيح لأنه مجمع كبير وياخذ وقت لكي نتم التسوق فيه بس كل مرة وحتى هذه المرة نتسوق فيه على السريع لان الوقت عندنا لايسمح (هذا المجمع دوم مظلوم معاي :101: :101: ) .

واليوم ازوره لاول مرة بعد التوسعة وهو إضافة كارفور (السوبر ماركت الشهير ) بس ترى ما دخلت لكارفور اصلا ما في وقت إني افتر بكل المجمع وين اكو وقت لكارفور ؟؟؟؟؟؟:114: :114: :109:

وإليكم هذه الصور تتحدث عن نفسها ...


كارفور



المدخل





ماشالله كان يوم أحد ، يعني دوامات بس المجمع كان مزدحم تقول الخميس :101: :101:

وهذه صورة للنافورة الموجودة بالدور الارضي (تصميمها والنقوشات الخاصة فيها صج متعوب عليها )



طبعا كانت المدام حاطة فبالها إنها تشتري من كون زون تقول إنه افضل ىيس كريم مر عليها وافضل من باسكن روبنز وهاجن دز ولندن وغيرها ... والصراحة اشاركها الراي وبقوة صج له مذاق وطعم خاص وإشترينا 3 كرات شاركنا فيهم احمداني طبعا .... :109: :109:

إتفضلوا بالعافية ...





وقبل لا نطلع لزمت المدام إلا نشتري بعض من كون زون ناخذه معانا البحرين (المشكلة إنه يذوب بسرعة والبحرين على ما نروح للشقة مو أقل من ساعة ) بس بعد الإصرار إشترينا 5 كرات من الآيس كريم للمدام والله يشهد ما ضقت منها ولاشي كلها بالعافية على المدام :109: :109: .
وعند الظهر غادرنا الخبر متجهين للبحرين ، مع ذكريات جميلة لاتنسى ولاتمل تظل الخبر من أحلى المدن الخليجية اللي زرتها :113: :113: .

والوجهة الآن إلى البــــحرين

تابعونا فلنا عودة مع الحلقة السادسة

تابع ... الحلقـــة السادســـة :

تابعتوا معنا صور الشقة بإليت5 وهي عبارة عن غرفتين وحمامين وصالة ، الحقيقة إن الشقة جميلة ونظيفة بس ما افكر أسكن فيها مرة ثانية والسبب النـسـرة الموجودة ، ومقارنة مع الرورو فإن الرورو يتميز بان صالته كبيرة جدا وكذلك بها 3 حمامات أجلكم الله وليس اثنين وهذا يفيد من لديه عائلة كبيرة أما بالنسبة للاثاث فأثاث إليت 5 ارقى مع ان الرورو أثاثه أيضا جديد وحلو .

ونعرض لكم مرفقات إليت 5 من حمام سباحة ونادي صحي ... إليكم الصور

حمام السباحة (وينك يالصيف :101: )





النادي الصحي وقد إستخدمت بعض الاجهزة صار لنا إسبوع ماإشتغلنا على الأجهزة وانا اللي متعود يوميا بالبيت لمدة نصف ساعة أو ساعة رياضة (السفر يلخبط الروتين )





وبعد الصلاة إنطلقنا لنتغدى خاصة والجوع تمكن منا ، وكانت الوجهة إلى مطعم زيارة ...
لكن من تأثير الصدمة مع النسرة :105: :105: :105: :105: :105: نسيت الكاميرا بالشقة وراح تلاحظون إن تصويري للمطعم وما بعده من مشاوير كان بكاميرا التلفون وحاولت قدر المستطاع أن يكون التصوير واضح ونعتذر إذا كانت بعض الصور غير واضحة

تابعونا فلدينا المزيد

مطعم زيارة : أحب جدا هذا المطعم لعدة اسباب :

1- أغلب الذين يشتغلون بهذا المطعم هم من البحرينيين إذن توقع ان تكون النظافة حاضرة .
2- لحوماتهم ودجاجهم محلي ومضمون :24:
3- الاكل عندهم طيب يعني بعض الاطباق تجدها متوسطة المتسوى والبعض جيد جدا والغالبية ممتاز ، ولم اذق مرة طبق كان سيئ بالمعنى الذي يستحق أن نطلق عليه كلمة سيئ :108: :108: :108:
4- السعر المعتدل جدا بل أكاد أقول أن به مسحة من الرخص .

وهذه الصور .....بكاميرا التلفون النقال

الصعود للأعلى





أحمداني غصب رضى يوقف عشان اصوره :101: :101:





وهذه الكباين فاضية ... لان احنا رحنا المطعم حوالي الساعة 3:30



وشفنا المنيو وإخترنا 3 شوربات (لان احمداني يتعامل معانا راس براس هاها :109: )



انا دايما اطلب منهم شوربة الروبيان يضبطونها ووايد وايد حلوة جربوها عندهم راح تعجبكم بلا شك :24: :24: وطلبنا كريمة بالفطر وشوربة الذرة

وبالنسبة للاطباق الرئيسية انا طلبت كباب مشوي (من زمان ما اكلت اكل لبناني) والمدام فيليه دجاج مع الكريم صوص .



وأحمداني إنشغل بمعاركه مع البطاط وكانت له صولات وجولات إلى ان إنتهى الامر إلى هدنة بين الطرفين (احمداني كان يهدف للسلم هذه المرة):109: :109: :109: :109: :109:



وكان طبق الدجاج كان حلو والكباب متوسط وفاتورتنا كانت بحدود 8 بحريني


وبعد ما خلصنا رحنا لمجمع ....الدانــــــة

مجمع الدانة هو من المجمعات المشهورة في البحرين وشهرته إكتسبها من سينما الدانة التي تنافس سينما السيف (عندي افضل) وسابقا كان موجود فيه سوبر ماركت المخازن الكبرى وث تمت إزالته وبه ايضا صالة ألعاب جميلة وكبيرة



الدور الأرضي



الصعود للدور العلوي







أحد الكافيهات المشهورة ... بس ما عجبني مرة جربته وقهوته عادية جدا وسعره شوي غالي



الألــــــعاب..... الجزء المفضل من كل مجمع ومول بالنسبة لأحمداني







انا واحمداني نتزحلق



أحمداني الفارس المغوار ... بس مع حسان تقليد هاها:109:



صورة تبين لك خط سير القطار السريع وايد رهيب جربوه





احمداني





وهذا الببغاء الموجود من سنة 2003 وانا أشوفه ماشالله ويمكن قبل ما أدري ، أحس إنه شايل بقلبة على بني البشر هاهاها :109: ...تدرون ليش ؟؟

لأن كل واحد يبي يمشي من المكان يروح له يتحرش فيه حتى احمداني يقوله أووح أووح (يعني يوخره) أقوله والله لو يطلع من القفص كان راواك علوم احمداني إنت مستقوي عليه هاهاها:109:





وخرجنا على الساعة 6:30 وبعد الصلاة رحنا إلى سوق جد حفص (عبارة عن سوق لبيع الفواكة والخضار والسمك) بس احب اروح له اشوف البحرينيين الموجودين هناك ونشتري عادة إذا كان بموسمه اللوز وأيضا الصبار البحريني والكنار

وهذه الصور ......





وهذه الصورة وايد حبيتها وتمنين لو كانت عندي الكاميرا الديجيتال ..

وانا كنت أتمشى بالسوق لفت نظري سمكة هامور كبيرة جدا جدا ما شفت بعيني هالكبر ، يعني ما شفت بحجم 7 و9 كيلو بس هذه بصراحة عجيبة واللي صادها أشعد إنه حداق خبره ....

ويوم بصورها قالي صاحبها لأ إلا بروبية (يعني بدينار هاهاها) كان يتغشمر وهذه الصورة



ماشالله أكبر من أحمداني

وبعد ما خلصنا وشرينا صبار للوالدة رحنا إلى ..... المارينا مول

فتابعونا .... الحلقة السادسة لم تنتهي بعد ....

هلا اخوي فهد الاحمد


ماقصرت والله على التقرير الحلو


وانا متابعه معاك للاخر


وبانتظار الحلقه السادسه

هلا فيج إختي روان ويسعدني متابعتج للتقرير

وإنشالله نختمها مع الحلقة السابعة قريبا ..................

مشكور وما قصرت على هذا التقرير الرائع والمفصل
الله يعطيك العافية
بصراحة شوقتنا نروح للشرقية والبحرين
بس عندي سؤال
مطعم زيارة وينه فيه بالضبط؟؟؟؟

مع جزيل الشكر

يعطيك العافيه فهد
اما موضوع الفلبينيه هذي غريب المفروض انها هي واجهة الشقق اذا كان استقبالها للزبائن سيئ :112: فانها تعكس انطباع سيئ للشقق والايداره. انا اعتقد السبب هو واحد من الاثنين يأنو كفيلها ماعطاها رواتبها أو ماعطاها اجازتها في موعدها:109: :109: .

الف الف شكر لك يا فهد تقرير رائع وشيق
( مــــــســـــــمـــــــار )

حلو حلو كمل

انا تعبان اليوم ما اقدر اكتب اكثر . :36_1_38: :36_1_31: .. بس انت عارف ان عندي اكثر

تقرير روعة والصور ماشاء الله واضحة
واستغلال للوقت بكل معنى الكلمة

تابع وانا معاكم لحظة بلحظه
وشاكرة مجهودك

المشاركةبواسطة الاستاذه دره






الاخ فهد ابو احمد
متابعين مواضيعك المميزه حيث استفدت انا من الكثير منها
خاصه في بوابة الكويت قبل زيارتي لها
حيث كانت رحلتي للكويت بنفس فترة رحلتك للسعوديه
يعني تبادل مواقع والله يسعدكم في بلدكم الثاني



متابعين بس شكلك ما تقرأ كل الردود

يا هلا فيج إختي بحرينية ، إذن انتي بعد من زوار الخبر ، الحقيقة لاحظت عدد لا يستهان فيه من إخوانا البحرينيين خاصة بالويك إند يروحون الخبر ، يمكن عشان الويك إند عندكم زحمة فتحاولون تتخلصون منها بالذهاب للخبر خصوصا إهي حذفة عصا ( يعني جدا قريبة) ، واللي أعرفه غن البعض يشتري لوازمه وحاجياته من الخبر لأنها ارخص من البحرين .... صح ؟؟.




اي صح كثير من البحرينيين يروحون للمنطقة الشرقية علشان يتشرون
بس احنا الله يسسلمك نروح الدمام علشان بضاعة للشركة تجي من اوروبا عن طريق جده نضرب عصفورين بحجر
نروح مع ابوي يستلمها هالبضاعة ونزور الاهل

الأخ الكريم / فهد الأحمد حياك الله وبياك

تقرير رائع جدا

أشكرك من الأعماق على ما قدمته من تفصيل جميل

لكن للأسف صور مطعم ( زيارة ) ومعركة الأحمداني مع البطاطا وما شابهها لم تظهر عندي :110:

أهنئك على نجاح التقرير مقدما

متمنيا لكل التوفيق في حياتك العامة والخاصة

تحياتي لك يا غالي

أخوووك / أبو أحمد

المشاركة الأصلية كتبت بواسطة eyesmax
http://www.arabtravelersforum.com/tr...2/#post1126982

حلو حلو كمل

انا تعبان اليوم ما اقدر اكتب اكثر . :36_1_38: :36_1_31: .. بس انت عارف ان عندي اكثر



حياك يالغالي ما تشوف شر وإنشالله قريبا نختم مع الحلقة الاخيرة







المشاركة الأصلية كتبت بواسطة ام البنية
http://www.arabtravelersforum.com/tr...6/#post1127226

تقرير روعة والصور ماشاء الله واضحة
واستغلال للوقت بكل معنى الكلمة

تابع وانا معاكم لحظة بلحظه
وشاكرة مجهودك

مشكورة يا أم البنية على المتابعة والإطراء الجميل ويسعدنا متابعتج .








المشاركة الأصلية كتبت بواسطة الاستاذه دره
http://www.arabtravelersforum.com/tr...1/#post1127621

المشاركةبواسطة الاستاذه دره

متابعين بس شكلك ما تقرأ كل الردود



الإستاذة درة : يا هلا فيج وانا بالعكس اتابع كل الردود لكن إعذرونا يمكن ننسى نرد على البعد من غير قصد وإلا إحنا اكثر ما يفرحنا التواصل بين أعضاء المنتدى الجميل وتابعونا







المشاركة الأصلية كتبت بواسطة بحرينية وافتخر
http://www.arabtravelersforum.com/tr...2/#post1127912

[COLOR="seagreen"][SIZE="5"]

اي صح كثير من البحرينيين يروحون للمنطقة الشرقية علشان يتشرون
بس احنا الله يسسلمك نروح الدمام علشان بضاعة للشركة تجي من اوروبا عن طريق جده نضرب عصفورين بحجر
نروح مع ابوي يستلمها هالبضاعة ونزور الاهل



هلا فيج إختي بحرينية وحيا الله القطافة :101:







المشاركة الأصلية كتبت بواسطة أبو أحمد 111
http://www.arabtravelersforum.com/tr...2/#post1128562

الأخ الكريم / فهد الأحمد حياك الله وبياك

تقرير رائع جدا

أشكرك من الأعماق على ما قدمته من تفصيل جميل

لكن للأسف صور مطعم ( زيارة ) ومعركة الأحمداني مع البطاطا وما شابهها لم تظهر عندي :110:

أهنئك على نجاح التقرير مقدما

متمنيا لكل التوفيق في حياتك العامة والخاصة

تحياتي لك يا غالي

أخوووك / أبو أحمد



مشكور يا بو احمد وما تقصر والله مفتقدينك إنت وناريمان ، تعودنا يوميا نشوفكم بس ما ادري ليش مقاطعين :114: :114: :114:

وتابعنا قريبا نعرض الحلقة الأخيرة والتي تاخرت نظرا لوفاة أحد الأقارب

وإنشالله نكتب الحلقة الاخيرة من التقرير غدا أو بعد غد

ماااااااااااقصرت

المشاركة الأصلية كتبت بواسطة محبكم في الله
http://www.arabtravelersforum.com/tr...9/#post1129679

ماااااااااااقصرت



الله يسلمك ومشكور وإنشالله نعرض الحلقة الأخيرة قريبا

فتابعونا...........

بانتظار الحلقه الاخيره


واخذ راحتك اخوي فهد الاحمد

اخوي فهد الاحمــــــــد

تقرير روووووووعه مثل صاحبه

تابعتك من طلعتك من الكويت وصاحبك اللي ماسدد فاتورة زوجته

الى نهاية تقريرك

ابدعت

وحياك الله بين اهلك في الشرقيه اللي شرفتها بتواجدك فيها

الا على فكره وين يكون مطعم تكا ابل اعجبني شكل الاكل

يعطيك الف الف عافيه على التقرير الممتع

فهد شخبارك يا غلا

مدري انت وين سكنت بالبحرين ؟؟ حيث أنني ذهبت إلى منطقة الجفير أمس (الأثنين) عند شقق إليت سويت رقم 5 وقال لي الشقق فل ,, استغربت احنا بنص الأسبوع ليش فول ؟؟ قلت له بكم طيب قال لي ب 350 ريال !!

عاد انا قبل سنة ساكن بالهيلتون ب 350 ريال ,, لاحظ 5 نجوم ,, وذيك يمكن نجمتين وتخب عليهم !

مدري الجفير حسيتها مش مرتبة ,, وتخوف بالليل ,, حيث كنت بداخلها الساعة 1 بالليل للبحث عن سكن ..

المشاركة الأصلية كتبت بواسطة أروجي
http://www.arabtravelersforum.com/tr...8/#post1126908

مشكور وما قصرت على هذا التقرير الرائع والمفصل
الله يعطيك العافية
بصراحة شوقتنا نروح للشرقية والبحرين
بس عندي سؤال
مطعم زيارة وينه فيه بالضبط؟؟؟؟

مع جزيل الشكر




ليش ما رديت علي؟؟؟؟؟؟؟:105:

عزيزي أروجي مطعم زيارة يقع بمحاذاة مجمع السيف،، وبالضبط مقابل للتوسعة الجديدة على أحد جانبي المجمع ..؛
.
.

ماشالله
الرحلة حلوة ودمها خفيف رغم المواقف الصعبة

يعطيك العاااااااااااااااااااااااااااافية

المشاركة الأصلية كتبت بواسطة فهد الأحمد
http://www.arabtravelersforum.com/tr...8/#post1117048

هلا أخوي eyesmax ويجيك عن الخبر إنشالله
وأحمداني كان نايم عشان جذي ما شفته هاهاها:109:
لو نشدت عنه كان شفته :101:
وحياك بالكويت .



عزيزي بو أحمد حبيبنا الغالي ياهلا فيك

وسواء إنت الاول أوeyesmaxeyesmax فكلكم عندي الأوائل (حشا بمدرسة هاهاها :109: :109: )
مشكورين على سرعة الإستجابة

كما احب إني اقدم تحية خاصة لاعضاء هذه البوابة الحبيبة
وعلى راسهم
ابو أحمد (البحرسعودي) الجنسية هاها:109:
وعزيزتنا ناريمان (ام فهد الغالية)

بلادي البحرين
كاس عسل
بحرينية وافتخر
أساماز
eyesmax

ويعذروني بقية الإخوة الكرام واللي قد يكون إسمه قد سقط سهوا فيرجى المعذرة
وهم شي غن يكون التقرير على قدر حبي لهذه البوابة الغالية




مشكور فهد الاحمد علي التحيه الجميله اللي اعتز فيها :106:

:smile002:

كيف حالك يافهد الأحمد وكيف حال ام احمد واحمداني :suprise: اني تخربط بين موضوع السعوديه والبحرين :36_11_13: :36_11_13: :36_11_13:



اول شئ السموحه اني جيت متاخره عشر دقايق عساني بس ما خليتكم منتظرين واااااايد :36_1_21:
لأني الليله اللي قبلها نمت متاخره ومخليه المنبه علشان يوقظني :36_1_24: :36_1_24: يافشيلتي

وانت الصاج انا يايه وحاطه في بالي لازم سياره كويتيه وينه فهد الأحمد وينه المهم لقيته واقف ماشاء الله عليك مضبوط في مواعيدك:8888:
انشاء الله الصداقه تتم طول العمر الله يسلمك ويسلم ام احمد عاد لاطولون علينا لازم تمروووون علشان اعرفك علي بوفهد تري شاف التقرير وشاف اسمه في المنتدي وقال :suprise: انشهرت قلت له شلون بعد
وهم بوفهد والله ان وده كان يتعرف عليك بس ظروف البناء ان شاء الله المره الجايه

اهم شئ السيديات طلعوا اوكي:24: او لا:114:

:suprise: انك ضحكتني يوم تقول اني ادوس بالسياره تري دايما الوالد يقول لي اني امشي بتهور ومستعجله بس ما ادري احسه طبيعي :bounce8: وعلي فكره الوالد مدرب سياقه :109: :109: :109:

انا ما دريت انك تبي تصور والله جان مشيت 30 :36_1_24:


والله اني كنت احاتي اقول بل ذوق الكويتيات وااااايد صعب بس الحمد لله ان ام احمد علي طول كان ذوقه ماشاء الله حلو وماتاخرت في اختيار العبايه نفسي بس اي شئ اهم شئ يكون مرتب

وتحيه الي ام احمد وعليج بالعافيه وان شاء الله المره الجايه بعد تقول حق فهد الحمد ابي عبايه ثانيه بس الحين تدلين المكان علي طول عند نامليتي

راحت عليك يافهد الأحمد:36_1_18: :36_1_18: :36_1_18:




ما شاء الله عليك تحب الاكل تدري لين اقرء موضوعك في منتدي الكويت عن المطاعم اقول في نفسي اكيد فهد الأحمد متين وتفاجئت انك ضعيف وعليك بالعافيه تري حتي انا احب الأكل :36_1_21: :36_1_21: :36_1_21:

وما قصرت يافهد الحمد تري الدرابيل اللي جبته والرهش والزلابيه وزعته علي الأهل افوشر عليهم اقول لهم فريش من الكويت وااااااااايد عجبهم وحتي بوفهد عجباه الدرابيل في نفس اليوم خلص :8888:

عليه بالعافيه بوفهد :36_1_21: :36_1_24: :36_1_21:

ومشكور يافهد الأحمد واشكر لي ام احمد

مع السلامه

ههههههههه ضحكت من قلبي على لقبك للفلبينية (النسرة).. وعلى فكرة يوم 25 فبراير من الساعة 2 الظهر لحد الساعة 6 المغرب كنا في ألعاب شكازولو اللي بمجمع الدانة (سبحان الله في نفس الوقت اللي تواجدتوا فيه)..





وكانت وجهتنا المقبلة إلى شارع المعارض ... وإنتوا تدرون كرهي لهذا الشارع (يعرفوني بو أحمد وناريمان) بس لأنه جرت العادة سنويا ان يحتفل الكويتيون شبابا وعوائل بالعيد الوطني وعيد التحرير بهذا الشارع وعمل مسيرات ورفع اعلام الكويت فحبينا نكون موجودين ضمن هذا الحدث وفعلا رحنا وكانت زحمة انا كنت هناك من فترة 10 وحتى 10:45 بالليل زحمة كان المكان وطبعا لان كاميرا التصوير نسيتها بالشقة فإكتفيت بتصوير المسيرة بكاميرا الفيديو ولو كان بالإمكان عرضها لعرضتها عليك جميلة كانت المسيرة .



طلعنا من الشقة الساعة 7:30 بالليل في نفس اليوم 25فبراير وقال لنا واحد يشتغل بالفندق أذا تبغون أتعشون روحوا مطعم يم يم تري بشارع المعارض لأن هو مطعم وفيه ألعاب للأطفال.. أنا فرحت بس زوجي كان مب حاب المطعم ولا الشارع وأنا أقوله يالله نروح وهو متردد ولا براضي يقول لي السبب لكن من كلامك ألحين عرفت ليه زوجي يكره هالشارع وكان رافض روحتنا :109: وأنا مدري شسالفة:108: المهم أحنا رحنا نمشي بس كان الشارع زحمة جداً ومن تقريرك عرفت أنها مسيرة كويتية وأنا أقول لزوجي يمكن عرس :109: وزوجي ما صدق شاف الزحمة ورجعنا الفندق وطلب لنا سيارة تودينا مطعم بعيد..:109: موضوعك هذا يا أخ أحمد فسر لي أشياء وااايد :109:





قريبا نعرض الحلقة الأخيرة والتي تاخرت نظرا لوفاة أحد الأقارب



الله يرحمه ..وعظم الله أجرك أخوي
موضوعك رائع جداً .. منتظرة اليوم الأخير..

المشاركة الأصلية كتبت بواسطة روان بنت الكويت
http://www.arabtravelersforum.com/tr...2/#post1132612

بانتظار الحلقه الاخيره


واخذ راحتك اخوي فهد الاحمد




هلا فيج إختي روان وإنشالله اليوم نعرض الحلقة الأخيرة







المشاركة الأصلية كتبت بواسطة nas
http://www.arabtravelersforum.com/tr...3/#post1132763

اخوي فهد الاحمــــــــد

تقرير روووووووعه مثل صاحبه

تابعتك من طلعتك من الكويت وصاحبك اللي ماسدد فاتورة زوجته

الى نهاية تقريرك

ابدعت

وحياك الله بين اهلك في الشرقيه اللي شرفتها بتواجدك فيها

الا على فكره وين يكون مطعم تكا ابل اعجبني شكل الاكل

يعطيك الف الف عافيه على التقرير الممتع



يا هلا بناس ماشالله مبين إنك متابع التقرير بتفاصيله ماشالله :24:
إنتظر الحلقة الأخيرة اللي تأخرت لظروف الوفاة، والشرقية لابد من زيارتها بكل إجازة :101:







المشاركة الأصلية كتبت بواسطة النمسا
http://www.arabtravelersforum.com/tr...2/#post1133172

فهد شخبارك يا غلا

مدري انت وين سكنت بالبحرين ؟؟ حيث أنني ذهبت إلى منطقة الجفير أمس (الأثنين) عند شقق إليت سويت رقم 5 وقال لي الشقق فل ,, استغربت احنا بنص الأسبوع ليش فول ؟؟ قلت له بكم طيب قال لي ب 350 ريال !!

عاد انا قبل سنة ساكن بالهيلتون ب 350 ريال ,, لاحظ 5 نجوم ,, وذيك يمكن نجمتين وتخب عليهم !

مدري الجفير حسيتها مش مرتبة ,, وتخوف بالليل ,, حيث كنت بداخلها الساعة 1 بالليل للبحث عن سكن ..



أخوي النمسا شوف الجفير ماشالله فيها عدد كبير من الشقق وإنت طب وتخير حسب المستوى والسعر اللي يناسبك والحقيقة أسعار الجفير معتدلة جدا ، وفيها الكثير من الشقق الفخمة مثل الرورو ورامي وإيليت رويال وغيرها







المشاركة الأصلية كتبت بواسطة أروجي
http://www.arabtravelersforum.com/tr...1/#post1133391

ليش ما رديت علي؟؟؟؟؟؟؟:105:



إعذرينا أروجي ... لكن انا ما ادخل الانترنت من فترة وأخوي الدكتور ماهر قام بالواجب







المشاركة الأصلية كتبت بواسطة دكتور ماهر
http://www.arabtravelersforum.com/tr...9/#post1134309

عزيزي أروجي مطعم زيارة يقع بمحاذاة مجمع السيف،، وبالضبط مقابل للتوسعة الجديدة على أحد جانبي المجمع ..؛
.



يعطيك العافية دكتور وفعلا مثل ما شرحت وأضيف المطعم يقع بمنطقة كربآباد وملاصق لمحل مصنع الجسر (للماء اللقاح والزموتة أحد اشهر المحلات اللي يجونها الكويتيين):101:







المشاركة الأصلية كتبت بواسطة المسافرة من قطر
http://www.arabtravelersforum.com/tr...3/#post1134353

ماشالله
الرحلة حلوة ودمها خفيف رغم المواقف الصعبة



الحقيقة إنها رحلة ولو كانت المدة اطول راح تكون اكثر إمتاعا .







المشاركة الأصلية كتبت بواسطة رمح الشمال
http://www.arabtravelersforum.com/tr...2/#post1134842

يعطيك العاااااااااااااااااااااااااااافية



هلا برمح الشمال

المشاركة الأصلية كتبت بواسطة ناريمان
http://www.arabtravelersforum.com/tr...0/#post1138110

مشكور فهد الاحمد علي التحيه الجميله اللي اعتز فيها :106:



هلا فيج إختي ناريمان وحيالله الزاير (زايرتنا بموضوعنا):101:

إنتي تستاهلين كل خير :24:







المشاركة الأصلية كتبت بواسطة ناريمان
http://www.arabtravelersforum.com/tr...3/#post1138143

:smile002:

كيف حالك يافهد الأحمد وكيف حال ام احمد واحمداني :suprise: اني تخربط بين موضوع السعوديه والبحرين :36_11_13: :36_11_13: :36_11_13:

الكل بخير ولله الحمد ولا تتخربطين انا حطيت الموضوع بالبوابتين عشان الكل يتابعه وأتصور كانت فكرة جميلة

اول شئ السموحه اني جيت متاخره عشر دقايق عساني بس ما خليتكم منتظرين واااااايد :36_1_21:
لأني الليله اللي قبلها نمت متاخره ومخليه المنبه علشان يوقظني :36_1_24: :36_1_24: يافشيلتي

وأفا عليج ما تأخرتي ولا شي عادي

وانت الصاج انا يايه وحاطه في بالي لازم سياره كويتيه وينه فهد الأحمد وينه المهم لقيته واقف ماشاء الله عليك مضبوط في مواعيدك:8888:

تدرين ليش انا طلعت من السعودية وقلت للمدام لازم نلحق نوصل المحل قبل لا تيي أم فهد لأني معطيها موعد وحبيت إني أتزم فيه :101:

انشاء الله الصداقه تتم طول العمر الله يسلمك ويسلم ام احمد عاد لاطولون علينا لازم تمروووون علشان اعرفك علي بوفهد تري شاف التقرير وشاف اسمه في المنتدي وقال :suprise: انشهرت قلت له شلون بعد
وهم بوفهد والله ان وده كان يتعرف عليك بس ظروف البناء ان شاء الله المره الجايه

إنشالله تكون معرفة خير ... ويستاهل بو فهد:113: ، والله يعينه على البناء ومنزل المبارك إنشالله

اهم شئ السيديات طلعوا اوكي:24: او لا:114:

أوكييييييييييييي :24: :24: (بس تتوقعين منو اللي لعب فيهم :114: :114: ) :109:

:suprise: انك ضحكتني يوم تقول اني ادوس بالسياره تري دايما الوالد يقول لي اني امشي بتهور ومستعجله بس ما ادري احسه طبيعي :bounce8: وعلي فكره الوالد مدرب سياقه :109: :109: :109:

إي والله إتصدقين تصلحين حق السفر بطرق الهاي وي :109: :109:

انا ما دريت انك تبي تصور والله جان مشيت 30 :36_1_24:

مو مشكلة قدرت اصور كم صورة من على الطريق

والله اني كنت احاتي اقول بل ذوق الكويتيات وااااايد صعب بس الحمد لله ان ام احمد علي طول كان ذوقه ماشاء الله حلو وماتاخرت في اختيار العبايه نفسي بس اي شئ اهم شئ يكون مرتب

تبين الصج المدام ذوقها وايد صعب خاصة بالملابس بس الظاهر إن ديزاين ونقوشات العباية عجبتها ومثل ما تذكرين إن المدام غيرت شوي بالتصميمي وبصراحة إبراهيم (الخياط بالنامليتي) كان قدها :24:

وتحيه الي ام احمد وعليج بالعافيه وان شاء الله المره الجايه بعد تقول حق فهد الحمد ابي عبايه ثانيه بس الحين تدلين المكان علي طول عند نامليتي

راحت عليك يافهد الأحمد:36_1_18: :36_1_18: :36_1_18:

هاهاها :109: :109: ، يوم طلعنا من المحل تقولي المرة الياية أول مكان نروحله بالبحرين النامليتي


ما شاء الله عليك تحب الاكل تدري لين اقرء موضوعك في منتدي الكويت عن المطاعم اقول في نفسي اكيد فهد الأحمد متين وتفاجئت انك ضعيف وعليك بالعافيه تري حتي انا احب الأكل :36_1_21: :36_1_21: :36_1_21:

انا فعلا ذويق بالاكل وأروح عدة مطاعم بس الوزن خط احمر بالنسبة لي وانا العب رياضة وخاصة السباحة ، الحمدلله محافظ على الوزن

وما قصرت يافهد الحمد تري الدرابيل اللي جبته والرهش والزلابيه وزعته علي الأهل افوشر عليهم اقول لهم فريش من الكويت وااااااااايد عجبهم وحتي بوفهد عجباه الدرابيل في نفس اليوم خلص :8888:

عليه بالعافيه بوفهد :36_1_21: :36_1_24: :36_1_21:

ومشكور يافهد الأحمد واشكر لي ام احمد

مع السلامه




بالعافية بالعافية على الدرابيل والرهش والزلابيا وإذا تبين غيرهم حاضرين والله نوصلهم للبحرين .....
وعليه بالعافية بو أحمد

بس ما قلتي لنا درابيل الكويت وإلا نشاب البحرين ؟؟؟؟؟:114: :114: :101: :101: