+ الرد على الموضوع
النتائج 1 إلى 40 من 40

الموضوع: نيوزلندا جنة الله في الارض

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    نيوزلندا جنة الله في الارض



    بسم الله الرحمن الرحيم السلام عليكم ورحمة الله وبركاته

    في يوم من ايام ا لصيف السنه الماضيه قررت انا واحد زملائي السفر ولكن اين الوجهة ؟؟؟؟؟؟؟؟؟؟؟؟
    بدات ابحث وبدا هو يبحث عن الوجهه المناسبه لشابين يريدان السفر للمتعه والتعرف على اناس جدد وثقافات جديده بعيدا عن جو تعلم اللغات او الدراسه الجدي
    المهم افترقنا على هذا الاتفاق الغير محدد الجهة

    بعدها بيومين التقينا للعشاء فقال لي انه شاهد فليم ملك الخواتم (Lord of The Rings) وانبهر بالطبيعة الساحره اللي صور فيها هذا الفلم واخذ يحدثي عن ان المشاهد اللي صور فيها واللتي
    قد لا يصدق الشخص انها حقيقيه فقد كانت في قمه الجمال لدرجه انا تجعل الشخص يعتبر انها افتراضيه ولا وجود لها على ارض الواقع
    فأخبرته ان هذه المشاهد قد صور ت في دوله اوربيه يقال لها نيوزلندا( كنت اتوقع انها في اوربا معليش ساقط في الجغرافيا ) فقال لي مارايك ان تكون الوجهة القادمه لنا نيوزلندا فوافقته وبدات رحلة تجميع المعلومات
    عن نيوزلندا
    *******************************************
    *******************************************
    حدث اشيا ء كثيرة في هذه المساحه قد لاتكون مهمه بالنسبه لكم تجربتي الشخصيه المهم ساادخل الان في الموضوع وهو نيوزلندا والذي سيهم اي شخص سيزور نيوزلندا


    نيوزلندا New Zealand

    التاريخ : وصلت قبائل الماوري الي نيوزلندا في العام الثامن بعد الميلاد وفي العام 1840 ميلادي بدا الاستعمار البريطاني لها ثم بدات سلسله من الحروب مع شعبها الاصليين الماوري من العام 1843 وانتهت في العام 1872 بهزيمه
    شعبها الاصليين ثم نالت نيوزلندا السياده والاستقلال في العام 1907

    الموقع : في اقصى الكره الارضيه الجنوبي وراء (جنوب )استراليا وهي عباره عن جزيرتين كبيرتين شماليه وجنوبيه في وسط المحيط الهادي
    ومجموعه جزر صغيره اخرى

    المساحه : 268680 كم مربع

    الحدود : ليس لها حدود مباشره مع اي دوله فالمحيط الهادي يحدها من جميع الجهات

    المناخ : معتدل بشكل عام تقريبا مع ملاحظه ان الفارق في درجات الحراره بين الشتاء والصيف هو عشر درجات تقريبا
    لاحظ لما يكون عندنا صيف يكون عندهم شتاء والعكس يعني اذا رحت لهم في عز الصيف بيكون عندهم عز الشتاء
    لاحظ الصيف الماضي زرت اماكن في الجزيره الجنوبيه كانت درجه الحراره فيها 13 - تحت الصفر قايسها بمقياس الحراره الخاص فيني
    وبشكل عام الجزيره الجنوبيه ابرد من الجزيره الشماليه

    الارض : جبيليه مع بعض اراض ساحليه على امتداد السواحل
    اعلى ارتفاع في نيوزلند ا جبل كوك (Mount Cook) ارتفاعه 3745 م مرينا من فوقه بالطياره وكان جبل عظيم تغطيه الثلوج
    عندهم بنيولندا الزلازل واخرها زلزال العام الماضي كلكم تذكرونه بالجزيره الجنوبيه
    وعندهم مدينه اسمها rotorua هي مدينه البراكين عندهم ( انهبلنا يوم زرناها البخار يطلع من كل مكان من الارض اول مادخلنا المدينه حسبناها حرايق ثم قلنا لا اكيد شي ثاني الين علمونا انها من الارض طبيعيه ) ورتروا هاذي فيها العلاج بالمياه الجوفيه
    الحاره تطلع من تحت الارض ودرجه حرارتها
    مرتفعه جدا ذاك اليوم اللي دخلنا فيها كانت درجه حرارتها 48 وترددنا ندخلها والا لا ثم بعد ماشرحوا لنا فوائها دخلناها وعطونا تعليمات قالوا لنا لاتلبس شي افضل لك وانتبه تدخل راسك بالمويه لانها جايه من اماكن جد عميقه تحت الارض المهم كل فندق في رتروا فيه مسبح خاص بها


    الموراد الطبيعيه والحيوانيه : ماعندهم بترول عشان كذا بيزعجونك لادروا انك خليجي واحتمال يسمونك اويل مان زي ماصار معي بس ترا ماهوب استغلاليين
    زي بعض الدو ل العربيه لادروا انك خليجي ( اتكلم عن اللي اصورلهم اوربيه طبعا )
    عندهم الفحم والاشجار (خشب يعني ) والحديد والغاز الطبيعي و[grade="00008B FF6347 008000 4B0082"]الغنم[/grade] بالتاكيد (الشي اللي يميز نيوزلندا اااه بس على ذاك الغنم ويازين ماياكله عشب اخضر الله يخلف على غنمنا هي والشعير اللي تاكله )
    وعندهم الثروه الحيوانيه بشكل عام ( الغزلان قطعان بالمئات على امتداد الخطوط السريعه والارانب عندهم كانها القطاوه عندنا وين ماتروح تحصلها بالهبل ) وبرضه تشتهرر نيوزلند بوجود سلالات كثيره جدا
    ونادره ( يعني لاتوجد في مكان اخر من العالم ) من الطيور وعلى فكره يجي سواح من كل اماكن العالم علشان هالطيور واكبر تجمع لها في حديقه حيوانات اوكلاند

    السكان : 3951307 (الاحصائيه اجريت في يونيو 2003)
    من اصول اوربييه وهم الاكثر والماروي الشعب الاصلي وهم الاقل ( الحمد لله لانهم ناس بصراحه قليلين ادب وتعاملهم مع السياح زفت ونصيحتي لكل واحد منكم يبتعد عنهم لاني صار لي موقف مع راعي تاكسي منهم وبعدها حرمت اتعامل معهم )
    ومتجنسين من اصول اخرى
    الشعب النيوزلندي عالميا يسمونه الكيوي نسبه للطير ( يعني لو تشوف نيوزلندي تقول له كيف الحال ياكيوي )
    80% من السكان في المدن وعلى فكره نيوزلندا كثافته السكان فيها قليله جدا بالنسبه للمساحه ( يعني وبدون مبالغه نمشي خطوط طويله ولا فيه حس لا ي ناس وتفرح اذا شفت بيت في بعض الخطوط )

    اللغه : الانجليزيه في كل مكان تقريبا
    تحصل الماوري يتكلمون بلغتهم الخاصه وعلى فكره اللغتين رسميه
    للنيوزلنديين طبعا كلامات خاصة بهم في اللغه الانجليزيه زي ماللمصريين او البنانيين او المغربيين كلمات خاصه بهم في اللغه العربيه وهاذي بعض الكلمات اللي يمكن تمر عليك
    (اذا كنت لاتجيد اللغه الانجليزيه اطمرها )
    beaut:عظيم
    bloke: الرجال الغريب
    blow me down: دائما يقولونها عند التعجب
    bugalugs: يشتخدمونها للتعبير عن الاصدقاء
    cheerio: مع السلامه
    chook: الدجاج
    crook:مريض
    flicks: الافلام
    good on ya: يعيني تهانينا
    Kiwi: يعني نيوزلندي
    loo: الحمام
    naff off: يعني ضيعت الدرب
    nought:حديقة الحيوان
    pissed:سكران
    pong: ريحه بايخه
    push bike: السيكل
    rack off: اذا عصب واحد عليك وقال لك هالكلمه يعني ضف وجهك
    rellies: العائله والاقارب
    sarnie: سندوتش
    sprog:الطفل
    stuffed:تعبان مره
    sunday driver: اللي يسوق على راحته يعني يالله يمشي
    tramping: التسلق الامريكيين يسمونها hiking
    togs: ملابس السباحه
    whinge: تشتكي
    yoo-hoo: اذا جيت عند الباب وتبي تدخل تقولها يعني معناها ممكن ادخل ( السعوديين يتنحنحون )

    هاذي بعض الكلمات اللي جمعتها وتراها مهمه واكيد بتمر عليكم خصوصا ان كنتم بتطولون في نيوزلندا على فكره ترا اي كلمه انجليزيه بتقولها راح يعرفونها
    بس هاذي الكلمات يتكلمونها بينهم فاذا كنت تبي تفهمهم احفظها لكن مثلا لو بتقول لهم child بدال sprog بالتاكيد راح يفهمونك


    المدن :العاصمه ويلنقتون Wellington
    والمدن المهمه الاخرى حسب وجهة نظري حسب الاهميه ( ترا اجتهاد )
    أوكلاند Auckland
    كرست تشورتش christchurch
    دونيدن Dunedin
    كوينز تاون queenstown

    ايام العطل الاسبوعيه : السبت والاحد

    العمله : الدولادر النيوزلندي

    الاتصالات : ماعندهم دشوش على حسب علمي ( مطاوعه لامن جد اغلب الشقق اللي سكنت فيها تحصل في الدرج الانجيل والكنايس هناك كثيره جدا لان الشعب نصراني ) لانهم يستخدمون الكيابل
    اذا كان عندك جوال معمم لاتروح به معاك لان نظام الاتصالات عندهم يخلتف عن النظام الموجود عندنا عشان كذا ماراح يشتغل جوالك المعمم )
    بس رح بجوالك معاك لان هناك بطاقات زي بطاقه [glint]سوا [/glint]تشتريها واذا خلصت قيمتها ترميها وتشري رقم جديد او تشحنها ( خذها معاك عشان تتصل باخوياك اللي معاك بنيوزلندا او اهلك في ديرتكم انا شخصيا ماعمري كلمت اهلي من فندق او مكان اتصالات عام اشتري هالبطايق واحطها بجوالي واكلم اهلي منها )
    عندهم على الرادو قناه عربيه على الاف ام بس للاسف ماتبث الا ثلاث ساعات في الاسبوع )
    هناك انس القنوات العربيه مافيه اي احد يوفرها لك

    المواصلات :
    انتبه تسوي لي فيها مهم وتركب تكاسي والله ان تطفر من ثاني اسبوع احسن شي استاجر سياره وفرفر بها الين تدوخ ( اول مره تستاجر بستغرب اذا كنت ماقد سقت سياره دركسونها على اليمين و لان اتجاها ت السير في الخطوط عندهم معكسه بس صدقني تراها متعه وبتشوف انها بسيطه )
    اول استاجر سياره كبيره فان(campervan) فيها اسره نوم وحمام ومطبخ صفير وثلاجه ودفايه وانس الفنادق ولها ملابق خاصه تشبك فيها الكهرب عشان الدفايه ماتشتغل على كهرب السياره بعكس الثلاجه
    المهم عندهم مطارات داخليه واجد وعندهم قطارات بس ترا الطرق السريعه ضيقه جدا وكل شوي يحطون جسر سصبح فيه مسار واحد للرايح والجاي واحيانا وهاذي انهبلت منها شبكوا الخط السريع مع طريق القطار لمسافه تقريبا كيلويين
    فيه مشكله ثانيه انه في فتره الشتاء عندهم يقفلون الخطوط عندهم عشان الثلوج تسدها واو لان الامطار الكثيفه تحفر الطريق ( الله يخلف علينا )
    عندهم طيارات الهليكوبتر لاتفوتك لانك تركبها وتطلع بك للجبال الثلجيه اللي مايستطيع الناس يوصلون لها بس تراها غاليه شوي الساعه تقريبا بالف ريال للشخص الواحد في مطار wanaka استخدموا الطيارات اللي طلعت بالممثلين للجبال اثناء تصوير فيلم ملك الخواتم
    لايفوتك برضه ركوب الخيل يعني استاجر خيل لمدة يوم ورح به في هالطبيعه وتعال في اخر اليوم رجعه ولايكلفك اجراه اليومي ولا ثلاثمائه ريال تقريبا ( صورت مع الخيول اللي طلعت في ملك الخواتم وراعيت الاسطبل طلعت برضه بالفلم )
    في ملفور ساوند لايفوتك السفينه لو تركبها ماراح تنساها طول عمرك
    اذا كنت في المدن لك خيار ثاني الباصات او وسائل النقل العامه بس تراها تاخذ وقت في اوكلاند (كنت ساكن في جنوب اوكلاند حول المطار وبغيت اروح للسنتر وأخذ مني بالباص تقريبا ساعه كامله )
    لاتنسى تستاجر لك دراجه وراح تشوف الناس كلهم تقريبا يركبون الدارجات ويمشون احيانا قروبات بالدراجات الشي المميز انك راح تشوف في شوراع اوكلاند سيد خاص بالسياكل (الدوله مهتمه وداعمه للرياضه بشكل قوي )



    الطبيعه : [blink]باختصار جنة الله في الارض وصدقني ماراح تشوف مثل نيوزلندا في الجمال في العالم كله [/blink]
    السرقه : نادره بس انتبه تحط شي واضح في سيارتك زي شنطه مثلا لانهم راح يكسرون القزاز وياخذونها
    وبرضه لاتخلي محافظك والاشياء المهمه على مراي الناس ( خلك منتبه )
    على فكره الجزيره الجنوبيه اكثر امان من الجزيره الشماليه

    خيارات السكن :Hotel الفنادق ( اذا دخلت فندق وضميت لاتقول ابي مويه افتح البزبوز واشرب المويه عندهم طبيعيه ميه الميه ومضمونه )
    Motel زي الهوتيل بس فيها عدت طبخ وغالبا تكون دور واحد وهي الاكثر انتشار في نيوزلندا
    homestay السكن مع عائله نيوزلنديه ويكون الاجار بالاسبوع
    Farmstay تسكن في مزرعه هم اللي يعطونك فلوس بس ترا بيكرفونك تجني لهم المحاصيل
    backpackersاغلبه كوريين ويابانيين وهوا نك تسكن في زي ماتقول بيوت الشباب ( يصلح للطفاري بس ترا الحماما ت مشتركه )
    Campground اذا كان معاك سياره فهاذي زي الاستراحه للي يمشون على الخطوط السريعه من السواح يتوقفون بالليل فيها ينامون ويمشون الصباح وهي فرصه للتعرف على السواح من قرب دائما فيها سواح وفيها صاله عامه يتعرف فيها السواح على بعض
    طبعا اذا كنت تحب المغامرات راح تدخل في غابات مع قروبات لاكتشاف الطبيعه ( ياكثر الاماكن الطبيعيه المحميه في نيوزلندا اللي ماوصلوا لها الخطوط يقولون عشان مايخربونها البشر) غالبا ماتكون مده الرحله ايام تاخذون معاكم عفش النوم والطبخ وعده الرحلات ( اذا
    نموتوا ناموا وانتم مرتاحين لا ن مافيه اي عقارب او ثعابين في نيوزلندا )

    أشياء تحتاجها : 1- عدة النوم وملابس المطر وعدة الطبخ خصوصا اذا كنت راعي طلعات
    2- دهان واقي شمسي : يقولون هناك ان سرطان الجلد منتشر فيهم لقربهم من ثقب الاوزون والاشعاعات اللي نازله عليهم عموما هاذي نصيحه شخصيه
    وترا اكثر الناس هناك يستخدمونه
    3- اذا كنت بتركب سيكل لازم تلبس قبعه راس لان النظام عندهم كذا حتى لو كنت طالع للبقاله انشاء الله
    4-[glint] ملابس سباحة [/glint]حتى لو ان عندهم شتاء ياكثر المسابح المغلقه عندهم



    نصائح عامه او ملاحظات :لاتاخذ معاك اي تمر او اي اكل ( لاتروح معاك بالقهوه ) وانت رايح لانه ممنوع اي سائح يحظر معاه اي طعام وان رحت بها بيحللونها في المطار وفي الاخير بياخونها منك
    لاتحظر معاك مبلغ اكثر من 10000 دولادر امريكي كاش لانه ممنوع

    الناس اغلبهم هناك مايمشون بالكاش اغلب الناس ماشين بالبطايق(كان معاي انا بطاقة صراف الراجحي وخويي معاه الفيزا المهم مرينا على صرافات كانت ترفض الفيزا و وتقبل بطاقه الراجحي العاديه موب دعايه للراجحي بس هذا اللي صار )

    التامين الصحي اذا كنت مطول انصحك تأمن صحيا

    الغابات عندهم كبيره جدا وكثيره ومحميه يعني مافيه طرق تمر عليها بالسيارات يعني تبي تشوفها ادخلها رجليه

    الاسعار عندهم للملابس بشكل عام اغلى من عندنا هذا اللي شفته ( اشتر ملابسك الشتويه من ديرتك احسن لك ولاتنسى الملابس الي ضد المويه لانه ماشاء الله علطول امطار عندهم )

    البنزين سعره ضعفنا مرتين اذا ماكان اكثر

    لاتشتري من البقالات الصغيره لان سعرها مدبل اشتر من السوبر ماركت الكبير زي بنده عندنا مثلا

    اذا كنت خليجي مايحتاح لك فيزا اذا كانت اقامتك اقل من ثلاث شهور

    اذا كنت من محبي التزلج او رياضات المغامرات مثل البنجي جومب نيوزلندا تراها المكان المناسب لك

    يوجد جاليه عراقيه لاباس بها في نيوزلندا وقابلت هناك طلاب كويتتين يدرسون بالجامعا ت وبرضه اكيد راح تسمع سواح يتكلمون عربي بالشارع اذا كنت في المدن الكبري ( لاتخف العرب وراك وراك )
    يوجد اتراك يبيعون شاورما في اوكلاند بس تراهم يسمون الشاورما كباب

    بالنسبه للصلاه اذا كنت تتنقل كثير انصحك تاخذ معاك وسيله لتحديد القبله والا بتتورط

    اذا كنت رايح الصيف عندنا خلك بالجزيره الشماليه احسن لانها اكثر خضره وادفى ( البرد يذبح الخضار في الجنوبيه )اما اذا كنت رايح الشتاء عندنا ترا الجزيره الجنوبيه تنقلب جنه الله في ارضه

    موسم الصيف عندهم يعني الشتاء عندنا يكون الموسم الاكثر ازدحاما بالسواح

    بالنسبه للخطوط اللي توديك لنيوزلندا طبعا لك خيارات كثيره نصيحتي الشخصيه رح مع السنغافوريه ولا راح تندم ( لعدة امور اهمها انك اذا رحت معاهم لنيوزلندا راح يعطونك تذكره مجانيه لدبي رايح جاي اذا كنت من الرياض برضه ماراح توقف في استراليا اللي عشان تنزل في اي مطار فيها لازم فيزا الشي
    الثالث التعامل الراقي من مضيفات الخطوط السنغافوريه )

    بالنسبه للمسافه من الرياض تقريبا 22 ساعه طيران غير وقت التوقفات

    اضمن لك انشاء الله ان تكون رحلتك لنيوزلندا غير منسيه في جميع حياتك وعلى فكره قابلت سياح بريطانيين وفرنسيين والمان وروس وبرازيللين واسبان ويابانيين وكوريين وناس من جميع الجنسيات وكلهم منهبلين من الجمال الطبيعي في نيوزلندا

    مهما شفت صور او سمعت كلام عن نيوزلندا ماراح يكون مثل روحتك لها

    دائما اسال اذا ضعت او تهت الشعب النيوزلندي ودود جدا ودائما يعامل السائح باخلاق مرتفعه جدا وهذا السر اللي بتشوفه فيهم (غير الماوري طبعا )

    الرياضه الاولي عندهم هي الرقبي Rugby وهي تشبه كوره القدم الامريكيه بس انهم اذا جو يلعبونها مايلبسون قبعة راس (لان ملاعب المدارس عندهم مفتوحه يعني برا المدرسه تلقاني انا وخويي نتفرج دايم على عيال المدارس
    وهم يلعبون هاللعبه والله ياهم يقدرونها )




    سارفق بعض الصور اللي التقطتها كامرتي الشخصيه



    اتمني اكون وفقت بالموضوع واي سؤال لاتترددون ترا بالخدمة مع تحياتي انا [glint]عزوز[/glint]

    والسلام عليكم ورحمة الله وبركاته

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    هاذي بعض الصور


































    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    تسلم اخوي Simon Burke

    والله انك مدرسة استفت منك أنا مبتعث إلي نيوزيلاند N.Z ولكن عندي بعض المعلومات وابغى زيادة
    :
    1- ماهي أفضل وأرخص خطوط الطيران وما هو أفضل خط سير لــ نيوزلندا ؟؟؟
    اولاً هل هناك مدارس عربية لطفلتي ( بالصف الاول الابتدائي ) .

    ثانيا كيف أسعار الاجهزة الإكترونية بنيوزلندا مثل المحمول الجوال كاميرة الفديو إلي عندة خبر يوافيني بالاسعار .

    ثالثا هل هناك متطلبات الألكل السعودي القهوة الرز السعودي التمر والازم منه .

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    الله يعطيك العافية على اه ذا التقرير الرائع والشامل .......

    والف شكر على الصور اللي ماقدرت اشوف منها غير صورتين لان الباقي موراضي يطلع عندي كله اكس ..ماادري ايش المشكلة ...................

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    وانشاء الله اضيف المزيد الايام الجايه
    بالنسبه للصور عندي اكثر من الف صوره وملتقطها باماكن مختلفه وانشاء الله تجي فرصه اشرح كل صوره وين التقطتها
    بالنسبه للقهوه والتمر ايه يباع في السوبر ماركات الكبيره بانواع واشكال مختلفه وبرضه الرز بجميع اشكاله يباع هناك ( ماحصلت السعودي ولاابوبنتين ) بس في السوبر ماركات الكبار
    بالنسبه لمدرسه ولدك الله واعلم ماعندي اي معلومات بامكانك تسال سفارتهم هنا بالرياض رقمهم 4887988
    بالنسبه لاسعار الاجهزه الالكترونيه هم اغلى منا
    بالنسبه للخطوط راجع الموضوع
    وبالتوفيق انشاء الله

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    ايش الحلاوه هذه يا Simon Burke ايش الجمال هذا ..... جيت في وقتك والله جابك ....
    بالنسبه للطيران انت مدحت الطيران السنغفوري .... هل الى الان يعطون تذاكر لدبي مجانا ... خاص اني بروح من الرياض ؟
    الشي الاخر انا بعون الله قررت ادرس لغه في نيوزلاندا ... وش رايك في queenstown ؟ هل هو اختيار سليم ...
    الله يعينك علي عندي اساله وااااجده
    بس عسى الله انك تستحملنا

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    يعطيك العافيه اخوي موضوع رائع وصور اروع

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    [glow=cc0000]يعطيك العافيه اخوي موضوع رائع وصور اروع[/glow]

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    أخوي المايسترو
    الطيران السانغفوري يعطيك تذكرة لدبي رايح جاي اذا رحت معاه لنيوزلندا
    بس قبل ماتروح خش معاه عضويه المهم مكتب الطيران اللي بتقص من عنده التذكره بيعطيك التفاصيل وبيعطيك نماذج تعبيها ورح لنيوزلندا ووسع صدرك وبعد كذا ارجع لهم وخذ تذكرتك

    بالنسبه ل queenstown اختيار اكثر من سليم وتراها من اجمل مارايته في نيوزلندا كلها سواح واليابانيين والكوريين فيها اقل (لو رحت لاوكلاند بتطفش منهم )

    ومما يميزqueenstown البحيره اللي جنبها( Lake Wakatipu) والله من اجمل مارايته في حياتي قمة الجمال وانواع الناس وانواع الرياضات فيها بس انتبه تراها برد يروع ( العام الماضي كانت درجة الحراره فيها في الليل 7-) بس خذ احتياطاتك
    بالملابس بس والله من جد بتستانس فيها

    مما يميز queenstown انك تقدر تطلع من مطارها الي Milford Sound اللي تقدر تقول نازله من الجنه طبعا تروح بهليكوبتر او بطياره صغيره وبتمرون على جبال الالب النيوزلنديه وان كنتوا رايحين بالهليكبتور بتوقعون فوق في الجبال في منظر ماينسي
    برضه اماكن التزلجيه كلها جنب queenstown

    فيه برضه منطقه رائعه جدا اسمها wanaka بنفس مستوي queenstown ولاتبعد عنها الا تقريبا 80 كليو متر ( نفس الفكره فيها بحيره ومحاطه بالجبال )
    بصراحه يقولون اهل نيوزلندا طيبين بس اطيب اهل نيوزلندا من وجهة نظري اهل
    queenstown و wanaka وبدون مبالغه حتى اللي يكنسون بالشارع هناك كانوا يبشون بوجهي
    مما يميز المدينه برضه من وجهة نظري انها صغيره يعني اول مادخلتها خذت فيها ربع ساعه دوران والا انا عارف الديره كلها

    كثير من مشاهد فيلم ملك الخواتم مصوره في المدينه والمناطق الجبليه المحيطه بها

    طبعا ان كانك سمعت بالبونجي جومب (Bungy Jump) يقولون اهل الديره لما جيناهم ان اول شخص سوا هالرياضه كان من نفس الديره ( والله ياهي تروع مدري انا شفتهم ينطون وانخلع قلبي)

    من الاشياء اللي بتعجبك فيها الدورات حقت السيارات والله بتضحك عليها من صغرها

    المدينه كان فيها مطار دولي بس انهم قلبوه محلي بس صغير ( على فكره مطارات نيوزلنده كلها صغيره)
    حنا طلعنا لها من كريش تشورش بالسياره تقريبا ست ساعات

    طبعا السياح يسمونها عاصمة المغامرات النيوزلنديه يعني ان كانك راعي مغامرات انصها وانت مغمض
    الرياضات فيها في الماء ( البحيره كلها انواع الرياضات ) وفي السماء وفي الارض وفي الجبال

    فنادق عطلات


  10. #10
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    ما شاء الله تبارك الله

    موضوع من جد قمة في الروعة ...

    عندي أستفسار بسيط :
    هل الطبيعة رائعة في نيوزيلاند خلال شهري يوليو وأغسطس ... أو أن البرد يقضي على الأعشاب ...

    ولك تحياتي

    فنادق عطلات


  11. #11
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    مرحبا اخوي Simon Burke
    يا اخي انت رهيب
    انا بقول لك وش افكر فيه ... وانت احكم ... اوكيه ؟؟؟
    انا ناوي أدرس لغة أنجليزية وقررت اروح نيوزلاندا ... عاد احترت بين كرايست جيرج وبين queenstown ... بيني وبينك ابي بمكان جميل وهادي وبعيد عن العرب .... يعني جو مذاكره وتعلم لغه ... عاد والله ما لقيت اللي يفيدني في موضوع اختيار المدينه واختيار المعهد .... واتوقع انك يا اخوي راح يفيدني ...

    بالنسبه للخطوط السنغفوريه ؟؟؟ هل تفضلها على الامارتيه ...؟؟؟ ولو ابي العرض حق دبي ... هل لهم مكتب بالرياض ممكن يفيدني ؟؟؟؟


    معليش شكلي غثيتك بس اعذرني وش اسوي ... ما ودي اروح الا وانا فاهم الوضع كله

    فنادق عطلات


  12. #12
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    أخوي الرحال

    بالنسبة للجزيرة الشماليه خلال هالشهرين فانا فريتها وكلها خضار في خضار ( تقدر تقول ماتأثرت بالبرد لان البرد في الشماليه أخف بكثير من الجنوبيه )

    بالنسبة للجنوبيه فبصراحة عندي صور فيها ماتقول كانك في نيوزلندا البرد منهي الخضار ( درجات الحراره تحت الصفر) وعلى فكره ترا موب كل الجزيره الجنوبيه بس بعض المناطق فيها

    بالنسبه لاجمل طريق سريع من ناحية المناظر الطبيعيه في نيوزلندا فهو وبدون شك الطريق الموازي للساحل الغربي في الجزيره الجنوبيه وفيه راح تمر على ديار صغيره (حتى الصرافات مافيها) بس انها تعتبر منافذ لجبال الالب ولاشك انها (اي هالمدن ) تعتبر نقطة انطلاق للمتزلجين العالميين للمناطق الجبليه الالبيه اللي جنبها وانا شخصيا انصحك وأأكد عليك الا تمر على هالخط وصدقني راح تدعي لي

    بالنسبه لك أخوي المايسترو ابشر والله باللي اقدر عليه يالغالي


    انا افضل السنغفوريه بالنسبه للمكتب ايه لهم مكتب بالرياض بس مارحت له لاني حجزت عن طريق الموسم للسياحة والسفر وهم اللي رتبوا لي كل شي ونسقوا مع الخطوط السنغافوريه انصحك مرهم في شارع الستين في الملز وهم
    بيتكفلون بكل شي

    بالنسبه لك مادام انك رايح دراسة ( انصحك بكريست تشورش ) ليش لان المعاهد فيها اكثر والعوائل اللي يستقبلون الطلاب اكثر ( يعني تغير على كيفك ) وبعد ماتخلص دراستك ذيك الساعه رح لكوينز تاون وزرها

    على فكره هناك كل شي عندهم بالاسبوع يعني موظفين الدوله ياخذون رواتبهم اسبوعيا وبرضه حقين الشركات حتى العوائل اللي تسكن معها تاخذ منك الاجار بالاسبوع

    بالنسبه للمعاهد لاتشيل هم اذا رحت هنا ك دور لك على المعهد ترا الدعوه بسيطه والمعاهد واجد يعني لاتخاف وكل يبي يكسبك


    بالنسبه للعوايل تبلغ المعهد المواصفات اللي تبيها وهم يجيبون لك العائله واذا مااعجبتك تبلغ المعهد ويغيرها لك

    طبعا كريست تشورش

    مدينه هادئة بكل معني الكلمه وهي مصصمه على الطراز الانجليزي (على حسب كلام اهلها وسواح بريطانيين قابلتهم فيها لاني مارحت لبريطانيا ) يعني الامنك جيتها كانك في لندن بس طبعا حجم صغير
    من الاشياء اللي برضه تميزها الحدائق فيها كثيرررره وروعه ( يسمونها مدينه الحدائق ) وياكثر ملاعب الرقبي منطله وين ماتروح تحصلها فيها

    طبعا اليما انك جيت المدينه علطول سو زياره لمركز القطب الجنوبي (International Antarctic Centre) فيه جميع المعلومات عن القطب وبجمبه مبني امريكي يتجمعون فيه العلماء الامريكان ومنه ينطلقون للقطب في هالمركز بيلبسونك الملابس اللي يلبسونها العلماء ليمن راحوا هناك ( والله ان تموت حر)

    طبعا كريست تشوتش مطارها اقرب مطار دولي للقطب الجنوبي ( انتارتيكا) ولذلك من هالمطار يرسلون الامددات للعلماء في القطب الجنوبي

    بتشوف في هالمركز سياره مجنونه والله انا ركبناها ودخلنا تحت المويه بها وبرضه هالسياره المجنزره لها امكانات خطيره يمكن ماتصدقها بتشوفها انشاء الله ( ماودي اخرب عليك ) هالسياره هي اللي يستخدمونها في القطب

    لاتنسى تزور وسط المدينه وتشوف الكنايس القديمه فيها
    برضه زر معرض القوات الجويه فيه بتشوف 28 طياره وبيشغلون لك فلم عن تاريخ الطيران في نيوزلندا

    برضه المدينه مليانه متاحف خذ لك جولات سريعه فيها
    لاتنسى تركب التلفريك فيها او في كوينز تاون

    الا منك جيت وسط المدينه فيه قطا ر تاريخي تركبه مجانا ويلف بك على وسط المدينه ( مسارهوطوله كلويين ونص يبدا من نقطه ويوقف عند نفس النقطه )

    اي استفسارات اخوي انا تحت الخدمة واتمني لك والله التوفيق من كل قلبي وصدقني قبل مااروح لنيوزلندا كنت زيك وكنت قلقان ولاادري وش السالفه بس يوم رحت انعكست كل التوقعا ت يعني نصيحتي انت رح والامور بتزبط معك انشاء الله من غير اي ترتيبات او حجوزات مسبقه سواء معاهد او فنادق والبتوفيق انشاء الله




    فنادق عطلات


  13. #13
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    اخوي Ya-masو ش صار على الصو ر
    كنت حاطها وزابطه وش اللي صار عليها
    كنت حاط روابط للصور عشان بعض الشباب ماطلعت معاهم وحذفوها ليش ممنوع احط روابط للصور
    ترا عندي مجموعة جديده بنزلها بس ودي اعرف قبل وش صار على الصور الاوله

    فنادق عطلات


  14. #14
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    السلام عليكم جميعا
    ومسا الخير للكل
    وشكرا أخوي Simon Burke على هذا التقرير الموجز المفيد الي ذكرني بالايام الحلوة الي قضيناها سوا في نيوزلاند وصحيح والله إنها جنة الله في أرضه .
    أكرر شكري
    وترا الصور إلى الآن ما طلعت ,ما أدري وش السبب

    فنادق عطلات


  15. #15
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    Simon Burke

    تقرير رائع

    وكل ما ورد ذكر نيوزلاندا تندمت اني ما تمشيت بالبلد رغم نصايح الكيوي

    سؤال اخوي انت تقصد الماروي اللي قليلوا ادب
    ولا الايلندر ( سكان الجزر لونهم مايل للاسمر واجسامهم ضخمة) انا كان كل التحذير من الاخيرين
    وتعرفت على واحد من الماروي عن طريق ناس وما طولنا بالجلسة لكنهم قالوا ان هؤلاء اغنياء جدا ونادرا ما تشوفهم

    وفعلا تقرير رائع

    فنادق عطلات


  16. #16
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    شكرا علي هده المعلومات القيمة

    فنادق عطلات


  17. #17
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    هلا بك أخوي أحمد وشكرا على تفاعلك والله يذكر أيام نيوزلاند بالخير.
    الأخوان:
    saudimfls, مغترب,elfasatwi,alsahab
    شكرا على تفاعلكم

    فنادق عطلات


  18. #18
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    اهلين اخوي
    ممكن قيمه تقريبيه لأسعار فنادق كريست جيرج ...وكيف مستوى فنادق 3 نجوم ... و4 نجوم
    وياليت اذا تعرف فندق معين تنصح بيه

    فنادق عطلات


  19. #19
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    أخوي المايسترو انت منتب ساكن مع عائله
    على كل حال انا بصراحة ماعمري سكنت في فندق الا اول ماوصلت باوكلاند
    اسكن دايم في موتيل
    اصرف وارخص واطبخ فيه الكبسه اللي يحبها قلبك
    على العموم انا ماعندي خبر عن اسعار الهوتيلات
    الموتيل اسعارها تتراوح بين 70 الي 100 دولار نيوزلندي لليله

    فنادق عطلات


  20. #20
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    في اول مشاركة لي في المنتدى اضم صوتي لاصوات الاخوان واشكر االاخ Simon Burke على هذا الوصف الاكثر من رائع رائع .....انا انشاء الله ابروح ادرس هناك هالصيفية وبصراحة ممكن علشان البلد بعيدة مافية احد يروح لها كثير ومالقيت اللي يفيدني عنها بالشي الكثير علما بان الاخوان في المنتدى ماهم مقصرين
    المهم والله اني فكرت اكنسل الروحة بس بعد كلامك انشاء الله معزم تقريبا بعد اسبوعين وحجزت عن طريق الانترنت في معهد في كرست تشيرش لمدة شهرين ولقيت حجز على السنغافورية للمدينة نفسها اي كرست تشيرش يعني ما تنزل في اوكلاند
    بس اللي مخوفني شي واحد هو( البرد ) مادري كم درجة الحرارة بها الشهرين 7ــ8 وكيف المدينة واهلها
    ويعطيك الف عافية

    فنادق عطلات


  21. #21
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    اخوي Simon Burke
    ياليت تعطينا تفاصيل السفرة ( بالتفصيل الممل ) نبي نستففيد من معلوماتك الوافرة ماشاء الله عن البلد و نستمتع باسلوبك الجميل ونريح من كثرة الاسئيلة

    اخوي المايسترو
    انا مشترك جديد لا استطيع قراءة اوارسال رسائل خاصة ارسلي على الايميل اذا بغيت شي وانا تحت امرك
    ومشكور على تواصلك

    فنادق عطلات


  22. #22
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    اخوي الزاجل ...
    هل فيه امكانيه ان توضح لنا اسم المعهد اللي حجزت انت فيه ... والاسعار .... وهل يفرق الاسعار عن المكاتب اللي هنا ؟؟؟

    تحياتي لك

    فنادق عطلات


  23. #23
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    اخوي المايسترو المعهد اسمة language schools في اوكلاند وفي كرست تشيرش وهذا ترى باجتهادات شخصية وحجزت فية مبدائيا لمدة اسبوعين فقط لانك ماتضمن الشي اللي هم كاتبينة لك في موقعهم فقلت ابجلس اسبوعين وبعدها اقرر اذا كان تمام كملت عندهم واذا ما جازلي طلعت وشفت غيرة وهاذا افضل لانك تشوف على عينك احسن ماتتورط
    وبالتوفيق انشاء الله

    فنادق عطلات


  24. #24
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    الله يعطيك العافيه اخوي الزاجل ...
    وبعد اذنك لقد اضفتك عندي بالماسنجر ...

    فنادق عطلات


  25. #25
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    السلام عليكم

    أخوي Simon Burke حبيت أستفسر منك بخصوص استئجار سيارة الفان وماسبق ان تطرقت له ... يعني برأيك لو أخذت فان على مدى رحلتي وكل يوم في منطقة راح يكون أحسن ؟

    طيب عندي خلفيه عن الأسعار وما متطلباتهم غير رخصة السياقة ؟

    ومشكورين على المعلومات التي قدمتها .

    أخوي الزاجل يمنع وضع الأيميلات وهذا ماجاء بشروط التسجيل والفائدة تعم أحسن من أنها تخص ومع الشكر الجزيل على معلوماتك

    تحية وتقدير للجميع

    فنادق عطلات


  26. #26
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    اخوي الزاجل ...
    السلام عليكم

    صراحة الموضوع مهم جدا بالنسبة لي لاني سوف اسافر لنيوزيلندا بعد شهرين لدراسة اللغة الانجليزية وعندي استفسار:

    بالنسبة للمعهد اللى حجزت عنده هل هو هذا المعهد :
    http://www.languageschool.co.nz/index.html
    اذا لم يكن هو ياليت تعطيني الرابط


    اخوك بنك بانثر

    تحياااااااتي

    فنادق عطلات


  27. #27
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    أكرر شكري للإخوان على تواصلهم.
    والشكر موصول للأخ نا ئب المشرف على اهتمامه بالصور وتنزيلها
    وبالنسبة لسؤال الأخ الزاجل عن درجات الحرارة هناك- يعني كريست شورج- في شهري 7 و 8 فهي تتراوح مابين 5 إلى 15 درجة مئوية وقد تنخفض أحيانا ورايح تشوف الثلوج تكسو رؤوس الجبال الي ورا المطار الدولي .
    وبالنسبة لسؤال الأخ المعزب طبعا - نائب المشرف العام- عن سعر الفان .فهم يسمونه كانبرفان,وسعره يختلف حسب الشركة وانا انصحك بشركة ماوي اظن اسمها maui والأسعار تختلف عندهم على حسب التأمين وعموما أنا وخويي استأجرناها بحوالي 300 ريال سعودي في اليوم وانا الحين مستعجل شوي ولكن اوعدكم اني افصل اكثر في طريقة استخدام الكانبرفان والخدمات المتاحة له في اقرب وقت ان شاء الله

    فنادق عطلات


  28. #28
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    [align=center]

    رووووووووووعه , ما شاء الله

    و كل الي أقدر أقوله أخوي Simon Burke

    يعطيك العافيه وماقصرت على هالمجهود الطيب ,

    تقرير شامل وصور تبارك الله قمة في الجمال .

    و ان شاء الله ربنا يسهل لنا بروحه لهالبلد الجميل .


    تحياتي ........... [/align]

    فنادق عطلات


  29. #29
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    اريد ان اسألك سؤال .. وهو اني اريد الذهاب بعد شهرين إلى نيوزلندا بعثه من العمل لمدة سنة لكن اريد معلومات وافيه ايهما افضل المعاهد لتعليم الانجليزي ام المعاهد المرتبطة بالجامعات والتي لايمكن الدخول للجامعة الا بالدرسة بها .. (ساعاتها الدراسية محسوبه لك بالمنهج لو حبيت تكمل ماجستير او جامعة )

    هذه السؤال الاول اما السؤال الثاني : فهو هل يمكنك وصف طريقة العيش مع العائلة وماذا يحبون وماذا يكرهون وكيفيه التعامل معهم وطريقة كسب ودهم وتجنب الامور التي تغضبهم .. وقد ذكر لي بعض الاخوة ان اختار بالموصفات الخاصة بالعائلة ان يكون عندهم اطفال وبعضهم قال يجب ان يكون عندهم فتاة يمكن التحاور معهما لان الفتيات في جميع بقاع الارض ثرثارات وانت طالع لتعلم اللغة ومحتاج زي هالنوعية )

    فنادق عطلات


  30. #30
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    [frame="9 90"][grade="0000FF 4169E1 FF1493 4169E1 0000FF"][frame="9 90"] الأخ المكرم المبدع الرائع القـــــــــــــــــــــــــــــــــادم بقوة وسطوة سايمون بورك
    قوة الحضور وسطوة المعرفة والخبرة
    أهلا بك عضوا فاعلا مبدعا متألقا

    والحقيقة ودي تعطينا شوي فكرة عن وتيانقا وفانقاماتا وهل هي افضل ام كوين ستون
    ويمكن الاطلاع على هالرابط وصححني ان أخطأت في شيئ
    http://www.travel4arab.com/vb/showth...d=1#post175279



    وللأخوة الزوار مواقع ذات علاقة للفائدة بعد أذن صاحب الصلاحية أخي سايمون بورك
    مواقع ذات علاقة عن التعليم في نيوزلاندا وعن المنطقة عموما
    http://www.shearwaterwhitianga.co.nz/mercurybay.html

    http://www.thecoromandel.com/

    http://www.whitianga.co.nz/


    http://www.hahei.co.nz/photogallery.html

    http://www.jasons.co.nz/destinations/whitianga/

    http://www.pacificcoast.co.nz/
    نتائج ياهو للاسم
    http://au.search.yahoo.com/search/i...tqiSgABAA%40%40


    [/frame][/grade]
    [/frame]

    فنادق عطلات


  31. #31
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    ما ازيد على كلامهم الا
    سلمت يمناك

    فنادق عطلات


  32. #32
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    يا سايمون بورك !! الله بالخير اخوي
    وش دعوى عاد وين تعقيبك على وتيانـقا ، وفانقاماتا
    يالحبيب لاتبخل علينا باللي تقدر عليه يالخبيــر
    وكل عام وانت بخير وعيدك مبارك كانك مشغول بالعيد وننتظر ردك

    فنادق عطلات


  33. #33
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    [align=center]السلام عليكم عيدكم مبارك وكل عام وانتم انشاء الله بخير وصحه وعافيه جميعا
    آسف اخواني انا انقطعت شوي عن الموقع الفتره الماضيه لبعض المشاغل ولاشفت ردودكم الا اليوم
    اشكركم جميعا
    بالنسبه للمعاهد اخواني بصراحه مالي فيها معرفه كبيره لاني رحلتي كانت سياحيه اكثر منها تعليميه
    ( بعكس اغلب الناس )
    انا درست هناك على خفيف ولا سالت عن المعاهد الا يوم رحت هناك وسجلت لي بمعهد ولا فيه ولا واحد سعودي ولاسالت عن غير هالمعهد كثير عشان كذا يااخواني اتوقع ان غيري يقدر يفيدكم بموضوع المعاهد اكثر مني :106:
    اخوي firmness2002
    متأسف كثير بس توني والله شايف ردك وضيعت الباس وورد حق الدخول للمنتدي (مطول عنه ) :110:
    وتوني مستعيدها
    على العموم الرابط حقك مافتح معاي والله
    بس اني اتوقع من الاسامي اللي انت كاتبها انها معاهد عشان كذا مااقدر اخدمك اخوي كثير

    وكل عام وانتم بخير مره ثانيه وعساكم من عواده [/align]

    فنادق عطلات


  34. #34
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    حيـــاك الله ياسيمون بورك
    وبالنسبة للمواقع ففيها لمعاهد كالكورمانديل
    وفيها ماهو عن الجزر الشمالية وخصوصا ماأعلى اوكلاند منتجع نيوزلاندا الصيفي وتيانقا ولها رابط
    وكذلك لأني وجدت الأخوان يشتكون من عدم وجود صور كثيرة فأرشدتهم عبر احد المواثع الذي به معرض صور وكذلك نتائج بحث في الياهو قسم الصور

    وسؤاالي يمكن كان تحديدا هل كوين ستون احسن ام وتيانقا وفانقاماتا
    وعلى اية حــال شكرا لك مرة أخـــرى

    فنادق عطلات


  35. #35
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    [align=center][grade="00008b ff6347 008000 4b0082"]بوركت أخي فعلا جنة الله في أرضه @ [/grade][/align]

    فنادق عطلات


  36. #36
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    مشكور اخوي على ها المعلومات الطيبه..
    وماقصرت...............

    فنادق عطلات


  37. #37
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    الله لايهينك :113:

    فنادق عطلات


  38. #38
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    شي روووووووووووووووعة صراحة اشكرك على هاالتقرير[/b]

    فنادق عطلات


  39. #39
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    الاخ Simon Burke


    السلام عليكم ورحمة الله وبركاته

    انا ان شالله مسافر نيوزلاند بعد اقل من شهر للسياحه انا وزميل لي وسبب اختيارنا لها مثل ماخترتها انت وصديقك

    لكن المشكله ان المده الي بنجلسها هناك تقريبا 18 يوم فقط احس انها شوي :110:



    لكن اتمنى انك تفيدني عن السكن اهم شي نبغى سكن حلو وانا عجبني السكن الي تقول عنه في المزرعه بس الظاهر انهم بيكرفونا

    الزبده انا طالبك انك تعطيني معلومات كافيه عن وين اروخ غير اوكلاند وكم يكفي مصروف ل18 بصرف متوسط او انه فوق المتوسط بشوي :114:

    وانا بصراحه ودي ازور كوينز تاون من الي قريته شكلها مدينه خيال وودي تعطيني معلومات كيف اروحها من اوكلاند

    وياليت لو تحط لي برنامج حق رحلتنا بس احنا رايحين نفلها وكل شي سمعنا مابنرد بخاطرنا

    من الرياضات الي عندهم والمغامرات والرحلات

    رحلتنا انشالله يوم 8 نوفمبر الى 29 نوفمبر


    وكيف الكاش ينفع ولا لازم بطاقة فيزا بس المشكله الفيزا سعر الصرف الحين غالي مع الدولار :110:


    فياليت ترد لي باقرب وقت

    اما عن طريق المنتدى او عن طريق ايميلي بلييييييييييييييييييز

    والله يجزاك خير

    فنادق عطلات


  40. #40
    عضو مسجل
    تاريخ التسجيل
    Dec 2014
    المشاركات
    1,962,485

    رد: نيوزلندا جنة الله في الارض

    صور جميله وطبيعه جميله جدا

    فنادق عطلات


+ الرد على الموضوع

المواضيع المتشابهه

  1. تركيا جنة الارض من جنات الخالق في الارض
    بواسطة Robot في المنتدى تركيا المسافرون العرب دليلك في السياحه في تركيا
    مشاركات: 1989
    آخر مشاركة: 02-06-2015, 12:56 AM
  2. الله الله عليك يالنيبال ماتوقعتك كذا تقرير مصور لسقف الارض جبال الهملايا
    بواسطة Robot في المنتدى بوابة السفر إلى دول آسيا الأخرى
    مشاركات: 397
    آخر مشاركة: 02-03-2015, 07:38 PM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X