الموضوع: قصتي في كرايس تشير ونصائح تكفون انتبهوا

اولا احب امسي على كل اللي في المنتدى وارسلكم سلامي من ارض الكيوي نيوزلاندا

ومالي غير يوم هنا لكن شفت الويل قسما بالله وصارت لي مشاكل شيبت فيني وعشان كذا حبيت اعطيكم فكره عنها عشان تكونون حذرين ولايجيكم مثل ماجاني

وياليت ماتملوا مني بس وربي ماشرحت لكم بالتفصيل الا عشان ماتنكبون مثل حلاتي

والحقيقه فكره السفر لتعلم اللغه في بالي من فتره وبعد اطلاعي على هذا المنتدى الحلو قررت انه اطلع لنيوزلاندا

وطبعا رحت لمكاتب وشفت النصب بعيني ... تقريبا دبل السعر اللي حجزت عليه الحين
وقلت مافي غير اراسلهم
وبحكم لغتي الضعيفه وصيت واحد من الشباب ومن هنا ودي اوجه له شكري
يعطيك العافيه ياابوانس ماقصرت والله على اللي سويته معي

وفعلا رتب لي كل شي حق اسبوعين بس المعهد والهوم ستي
وحجزت عن طريق الامارتيه وطلبوا مني فيزا لستراليا ورحت عند ارامكس وخذوا مني تقريبا 190ريال والجواز وطلبوا اعبي نموذج

وخلال اسبوع ونصف ارسلوا لي الفيزا على الجواز لانهم يسوونها في السفاره الاستراليه في دبي

طبعا انا رحلتي على كرايس شير بس رح ننزل في سدني باستراليا ترانزيت ونظامهم هناك لازم فيزا حتى لو بس قاعد في المطار ساعه

على كل حال رحلتي يوم الاربعاء 6/6 وبحكم انه الجو بارد شلت معي ملابس كثيره ثقيله

ولما وصلت المطار كان معاي شنطتين وحده كبيره والثانيه وسط غير شنط كتف ولاب توب

الا على طاري اللاب توب انا توني شاريه وحذفت الفيستا ونزلت اكس بي وقبل السفر بيوم قالوا لي انتبه ممكن يشيكون اللاب توب واذا طلعت النسخه غير اصليه بيحاكمونك بتهمه التزوير والقرصنه ويسجنونك

عشان كذا رجعت الفيستا الاصلي اللي جاي مع الجهاز لانه ماني ناقص مشاكل

المهم في المطار لما وزنوا الشنط حصلوها تقريبا ثلاث واربعين كيلو والمسموح عندهم اكثر شي عشرين كيلو وتعقدت الامور شوي وقلت له وش الحل قالي ياتدفع الوزن الزايد او تشيل منها ملابس
قلت له لو بدفع كم تبون قام حسب لي الكيلو ب97ريال يعني تقريبا
والجميع طلع تقريبا بالفين ريال

انا انصدمت قلت صعبه ادفع الفين بس على وزن اجل على كذا بيروح ربع الميزانيه
حاولت فيه ونادى لي المسؤول وقال طيب بسوي لك خصم

وبعدين قالي ادفع الف ريال تقريبا

انا قلت لحظه واخذت الشنط ورحت الحمام في مطار الدمام
وشلت بعض الملابس وخليتها في الشنطه الوسط
بس صار معي شنطه كبيره وشنطه كتف ولاب توب وجيتهم وحسبوا لي الوزن طلع ثلاثين وكلمت المسؤول قالي خلاص مو مشكله مارح ندفعك شي انت اكيد طالب ومحتاج كل ريال قلت له بيض الله وجهك طبعا هوه هندي مافهم وش اقول بس حس اني شكرته بعنف

طبعا اتمنى اول شي انك تروح المطار قبل رحلتك على الاقبل بثلاث ساعات عشان اذا صار لك مشكله يكون عندك وقت تحلها

الشي الثاني ياليت تخففون من الاوزان شوي وتاخذون الشي الضروري فقط وتكثرون من الملابس الشتويه شرط تكون خفيفه في الوزن وعظيمه الفايده
لانه الجو بارد جدا هنا

مالكم في الطويله الشنطه الوسط عطيتها واحد من الشباب ورجعها معه البيت

ركبنا الطياره وعلى دبي واخذوني لفندق واليوم الثاني طلعوني المطار الصباح اللي هوه يوم الخميس الساعه عشره
ولما جيت قبل الركوب اول شي اخذوا الجواز وتاكدوا من الفيزا الترانزيت حقت استراليا بعدين سالوني عن الشنطه الكتف هل فيها اكل او شرب او مواد سائله قلت لهم ايه فيها كل الادوات الصحيه من شامبوا وكريمات وشاور جل وعطور

قالوا لي ممنوع تشيلها معك في الطياره رح ناخذها منك ونسلمك اياها في نيوزلاندا

قلت اوكي عشان كذا انتبهوا تحطون اي شي سائل من شامبوا او عصير او غيره في شنطه الكتف
خلوها في الشنطه اللي تشحن احسن من القلق

المهم ركبت الطياره وكانت زحمه فل لين سدني
بس الحمدلله ا لمقعد اللي انا فيه لوحدي عند الشباك يعني كرسيين عشان كذا اخذت راحتي شوي
والحقيقه ماقصروا معي في الطياره خدماتهم كانت حلوه وراقيه
وماحسيت بالوقت مع اني كنت شايل همه بس الحمدلله تيسرت
ونزلنا على سدني وجلسنا حوالي ساعه بعدها ركبنا على كرايس تشير

وعطوني الفيزا اعبيها في الطياره وبحكم اني من جنبها في اللغه طلبت من واحد من ا لمضيفين يساعدني والاخ مصري اللي يجزاها بالخير قعد يتفلسف على راسي
وطلع من جنبها في اللغه انا ماادري كيف شغلوه مضيف
نص الفورمه ماهو فاهمه المهم ياليته قال مااعرف وريحني
عموما حاول انه يساعدني بس قاعد يقولي عادي لاتعبي ذي وذي اكتب اي شي وذي ماعليك منها

المهم وصلت ونزلنا المطار
وانا واقف عند الجوازات كان موجود طاوله فيها نموذج الفورمه وكان معها كتاب فيه ترجمه للنموذج بالعربي ولو دريت كان استنيت لما نزلت وعبيتها من المطار احسن
ترجمتهم هما بدال ترجمه المضيف النكبه

المهم ختمت الجواز بكل سهوله ورحت على الجمارك
واغلب الناس تمشي في المسار العادي
لما جيت انا دخلني داخل وقالي تفتيش دقيق

قلت انا بس عشاني عربي اكيد يبون يسوون لي مشكله ولما دخلت حصلت ناس اجانب يعني استراليين وهولنديين يعني من اكثر من جنسيه وقتها ارتحت قلت مو بس العرب يركزون عليهم
يعني الظاهر بس كذا على مزاج الموظف اللي مايرتاحله يدخله جوا
قلت يالله ماشي مو مشكله
والحمدلله اني كان معي رقم اللي تنتظرني برى مسؤوله التوصيل حقت المعهد وكمان عندي عنوان العائله المهم جلسوني نص ساعه بعدين قاموا بالتفتيش الدقيق وطلعوا كل شي بالشنطه وجابوا كلب يشمشم

مو بس انا كل اللي كانوا معي نفس الشي

انا قلت الحين اكيد بيفتح اللاب توب ويشيك الوندز بس خاب ظني ماجاب طاري الوندز ابد

بس كان ممكن في اي لحظه يشيكه ويسويلي نكبه
المهم قعد الرجال يفتش وطلع كل شي
وفكه
ويسالني اسئله واجد من اللي عبى لك الشنطه وكيف وليش جبت الاغراض هذي

وقالي عندك ادويه قلت له بس فيتمينات وقام شيك وسالني عن كل علاج وقالي لو جبت دواء من صيدليه لازم وصفه من الدكتور عشان كذا انتبهوا تجيبوا ادويه معكم يسوون لكم قلق
بعدين قام حصل معي جوال ثاني غير اللي انا استخدمه وراح جاب استكر ومسحه على الجوال ودخله الجهاز ورجع عندي قال الجهاز طلع نسبه مخدرات كوكاين في الجوال حقك

قلت ياخوي هذا جهازي انا شاريه مستخدم ولاادري من استخدمه قبل كذا وبعدين قلت له اناماادخن ولاشي كيف عاد استعمل مخدارات وخقيت قسما بالله قلت بس بيلبسوني تهمه تعاطي مخدرات
شوي قام اخذ جوالي اللي الاول وشيكه ماحصل شي
وبعدين شيك اللاب توب وماحصل شي

قام تغاضى عن السالفه وبعدين قعد يحقق معاي عند مين جاي طبعا اناكاتب في النموذج الفيزا حقت دخول نيوزلاندا اني جاي للسياحه بناءا على توصيه الشباب في المنتدى قالي عند مين جاي قلت له عند ناس تعرفت عليهم عن طريق النت
قالي طيب هم ينتظرونك برا في صاله القدوم قلت ايه
قال اوكي ماودي أأخرك عنهم

واخذ معي ساعه كامله تحقيق واسئله مع انه كان مره اسلوبه حلو

بس عقدني كل الناس خلصوا الا انا ناشب لي
المهم قال برسل واحد يطمن خويك اللي ينتظرك برا ويقوله انك طالع بعد شوي قلت له اوكي

وياليتني سكت وماقلت له انه في احد ينتظرني برا

لانه راحت وحده من الجمارك وحصلت المسؤوله عن المعهد معها لوحه باسمي وسالتها من انتي قالت انا اشتغل في المعهد وهذا طالب سعودي جاي يدرس عندنا
ورجعت الموظفه وقالت للي قاعد يفتش انه انا طالب وانا كاتب اني جاي سياحه

عشان كذا قالوا لي ارجع شوي للجوازات

طبعا من هنا بدات المعاناه

اخذوا جوازي وراح يشيكون عليه
وقالوا لي الجواز مضروب وغير اصلي

قلت كيف انتم من الاول ختمتولي على الجواز وعديت الجوازات قالوا معليش جوازك مو صحيح

المهم قعدوني معهم حوالي اربع ساعات
تحقيق واسئله وانا نص الكلام ماافهم ويش يقولون واحس فيه وحده حقيره هناك تبي تلبسني تهمه باي شكل

وكان فيه موظف يحاول يتعاون معي بس هيه ناويت لي نيه شر تسال اسئله وتبيني اجاوب على مزاجها علشان تنكبني
طبعا انا كل شوي اطل عليهم وهم دخلوا الجواز في الجهاز وبعدين كبروه وقعد يشيكون علامات الامان فيه وبعدين كل شوي يدقون على ناس في العاصمه

وكل شوي واحد يكلمهم واسمع قلق
اتصالات كانني مجرم دولي مابقى احد ماجاء عندهم وكل شوي يحقوقون معاي
المهم قالوا احنا قاعدين نكلم السفاره بس مااحد يرد علينا

طبعا مافي احد يرد عليهم لانه الساعه كانت سته المساء وبعدين يوم جمعه يعني اظن السفاره تداوم بس ثلاث ايام في الاسبوع يوم الاثنين والثلاثاء والاربعاء ويوم الخميس والجمعه يعطلون بناء على اجازه السعوديه ويوم السبت والاحد يعطلون بناء على اجازه نيوزلاندا

المهم جتني الموظفه قالت لي فيه استكر المفروض يكون في جوازك ماادري وش اسمه بس قالت لي انه يكشف انه اصلي او مزور
اظنها قالت انه استكر الامان او شي زي كذا

قلت لها يابنت الحلال الجواز جديد وبعدين ماااتوقع عندنا في السعوديه الاستكر اللي تقولوين عليه

وهيه مصممه انه جوازي مزور وسالتني هل عندك بطاقات اخرى

قلت عندي بس كلها بالعربي يعني مارح تستفيد منها شي
قالت عطني واعطيها بطاقه الاحوال والرخصه

وبعدين قالت انت في اي معهد وقلت لها عليه
قالت عطني ورقه من المعهد قلت ماعندي بس موجود خطاب منهم في الايميل قالت يالله خش النت الحين وطلع الخطاب وفعلا سويت برنت للخطاب
وبيني وبينكم خفت مره وقلت بس ياانه ينادون لي الشرطه ويودوني ابوزعبل بتهمه التزوير او يقعدوني في المطار ويرجعوني بلدي
وقتها اصلن خلاص خربت عندي وقلت في نفسي مافي امل اخش عندهم

شوي جت الموظفه الله ياخذها وجابت ورقه اسئله وقالت لي وش اكبر المدن في السعوديه ومن يحكمها وش العاصمه
وكم فتح الخط هناك
بعدين قالت لي ارسم خريطه وسالتني عن الدول المجاوره

يعني يبون يتاكدون انا سعودي والا بنقالي مزور
ههههههههههههههههههه
المهم بعد اربع ساعات انادايخ اصلن الرحله متعبه وذولا عقدوني زياده والله اني دخلت علهم حصلت اجهزه معقده مجهر ومعمل لكشف التزوير وادوات كثيره

ياولد مايمدي احد يعدي عليهم

كل هذا بسبب اني ماقلت لهم من الاول انه مسجل في معهد وكشفوا اني نصبت عليهم عشان كذا قالوا بيعطوني درس
المهم

المسكينه العجوز تنتظر برا طفشت صار لهم فوق خمس ساعات وهيه رافعه لوحه باسمي ههههههههههههههههههه
بعدين فكوا اسري وقالوا لي لازم اذا رجعت السعوديه تغير جوازك لانه ناقص علامات الامان

قلت وش اسوي هذا اخر شي وصل عندنا من تقنيه

يعني اخترع جواز من راسي على كيفكم

يازين البحرين والله حتى مايطالع في وجههك على طول يقولك دربك خضر
خخخخخخخخخخخخخخخخ
المهم مالكم في الطويله طلعت حصلت العجوز ماصدقت انها شافتني وقامت تسال عني

بصراحه خففت عني من القلق اللي كنت عايش فيه
بعدين خذتني على البيت اللي بسكن معهم وقالت لي يوم السبت والاحد اجازه ويوم الاثنين تعال المعهد ومعاك الجواز

وصلت البيت وحصلت حرمه عمرها تقريبا 45 سنه في بيت عباره عن دور فيه ثلاث غرف وصاله ومطبخ وحمامين
رحبت فيني وسبق انه جاها اربع شباب من السعوديه قبل كذا

واحسها انبسطت فيني وورتني البيت حقها وقالت انه يعيش معها ولدها وعمره 26 بس شكله داشر ماكان موجود وقتها قالت لي انه طلع مع اخوياه ومايجي الا اخر الليل

وقالت انه عندها صديق احيانا يجي عندها مو كل يوم يعني

وتشتغل مديره معرض وبعض الاحيان تغني في الحفلات

جلست شوي وقعدت تسولف معي وودتني غرفتي صغير شوي بس مش بطاله واحسن شي فيها انها اول غرفه اول ماتخش من الباب
بس قالت لي الحمام مشترك مع ولدها مايكل

عاد عمره 26 بس وربي شكله طاق الاربعين

ماادري كيف اجسامهم ذولا وش ياكلون المهم قلت لها بموت من الجوع قامت طلعت توست وحطت فيه شويه جبن ولحم مرتيدلا تقول انها حق بقر

والعهده عليها الزبده قلت لها ترى خنزير ماابي قالت ادري مو مشكله

والله قعدت تسولف معي شوي وبعدين قمت اخذت دش ونمت وهذا انا توني اصحصح ومسكت اللاب توب وكتبت المعاناه

وماحصلت انترنت عندها في البيت وقلت خلاص بكره اروح مقهى وارسله للمنتدى
واليوم الثاني طلعت من بدري مع خويها وخلتني وحطت لي اكل مجمد وكتبت لي ورقه وقالت حطه بالمايكروف لانها طالعه حفله مع خويها ولابتجي الا اليوم الثاني

وحطيته وسخنته ويوم جيت اكله مايناكل بس وش اسوي الجوع
شوي جاء ولدها مع اخوياه جابوا بطل شراب والعياذ بالله

وقعد يشربون لين داخوا بعدين قالوا يالله باي بنروح نسهر في الديسكو

قمت قعدت زي الاجرب في البيت

وقلت في نفسي هذي نهايه اسبوع وامشيها لهم بس لو ايام الدراسه بعد يسوون فيني كذا اوريك فيهم


عاد اليوم الاحد ودتني اشتري بعض الاغراض وبكره عاد اول يوم في المعهد والله يستر


معليش على الاطاله بس من جد حاس بالطفش وحبيت انقل لكم معاناتي ولكم الشكر ياحبايبي

على فكره لو في احد جاي لهنا ومن سكان الشرقيه يعطيني خبر لانه من اللخمه في السفر نسيت بعض الاغراض في البيت ودي يفزع لي ويجيبها معه لو هوه جاي كرايس تشير

معليش على الشحذه ههههههههههههههههههه

مواضيع عشوائيه ممكن تكون تعجبك اخترناها لك:

• السكن في اوكلاند
• والله مالقيت عنوان
• جامعة اوتاقو
• ساعدوووني الله يخليكم
• هل من المجدي ؟؟؟ دراسة بعشرون ألف ريال
• أنا وزوجي في نيوزيلندا
• استفسارات عن ولنتقون مهمه
• افاااااااا والله
• فيزة العبور استراليا إلى نيوزلندا متعبتني
• هل يمكن اطلع من مطار هونق كونق
• حتى تكتمل فرحتي فيدوني فيما تقصده وزارة التربيه و التعليم في الآتي ؟
• اللمسات الاخيرةأستفسار عن أسعار التذاكر
• مساعده بشأن تذاكر السفر
• ضروري لو سمحتو تحويل
• سؤال بخصوص تغير االبلد
• إستفسار ضروري
• زلزال في العاصمة النيوزلندية
• كيف أسافر من أوكلاند إلى كرايستشيرج ضروري
• تكفون ساعدوني كلها كم سؤال مهم جدا اهل الخبره
• سفري ان شالله بعد ثلاث ايام وعندي اسئلة

نفسك بالضبط بس الحمدلله انا كنت ماخذ احتياطي
كانو موصيني الشباب قالو اول ماتنزل تبسم لهم
وقلهم مابي مسار اربعه وخمسه .......
بس احس ردها علي مين تلعبها ...
بس طلعت اذكى منهم وفي مطار سنغافوره
ماشيكت علي شنطتي الكبيره حطيت ستكر
بيناتي كامله وعنوان السكن في اوكلاند
ونزلت في لاب توب وشنطة يد فيها غيارين
الحمدلله تسهلت اموري بس سووى فيني
مثلك بس لو معي شنطتي كان طقيت
عشر ساعات في المطار ....
طلعت وريحت وروقت بكره لاباب البيت
وصلت الشنطه ... خلهم يفتشونها
علي راحة راحتهم ان شاء الله اسبوع
والصراحه انصح اي واحد في نفس حركتي
راح يدعيلي ....

والله أخوي شواصي
من جد كل هالنكبه من هالمصري
الله يعينك ويوفقك يارب
وترجع لأهلك بالسلامه

على فكره على طاري دعوه غير المسلمين

العائله اللي انا فيها صجوني كل شوي يسالون عن الاسلام

هل اقدر اارسلك بيناتهم وترسلهم على جوالتهم هنا

الله يعينك ويوفقك ان شاء الله ويسر لك امرك

حاول تروح لمسجد وتاخذ من عندهم كتب عن الاسلام

ولك تحياتي

المشاركة الأصلية كتبت بواسطة شواصي
http://www.arabtravelersforum.com/tr...1/#post1285171

على فكره على طاري دعوه غير المسلمين

العائله اللي انا فيها صجوني كل شوي يسالون عن الاسلام

هل اقدر اارسلك بيناتهم وترسلهم على جوالتهم هنا



شواصي هذا لازم تطلعها في كتاب اسمه ( نكبة من أولها ) :109:

والله قصة عجيبة وممتعة ... مضحكة مبكية ... والله يعينك ...


لكن تراهم شديدين جدا إذا اكتشفوا شيء مخالف ...


وأنا صراحة ماني فاهم ليش بعض الشباب يقولون لا تقول جاي دراسة ؟ ؟؟

قل جاي دراسة والنظام يسمح لي ... لأن نظامهم يسمح أن تدرس بفيزا السياحة مدة لاتزيد عن 90 يوما ..


والله أنا قلت دراسة ....

وفي أستراليسا قلت دراسة ... ولا قعدت أكثر من ربع ساعة إلا وأنا طالع من المطار ....

شيء آخر ...

تراك لو دخلت من أوكلاند أفضللك ... ليش ؟؟

لأن أوكلاندا مطار دولي كبير ومزحوم .... ويا سلام لو كان وصولك يوم الأحد ... كان يسوون لك مثل موظف البحرين ... يطق لك الختم ويقول دربك أخضر ... لأنه زحمة يوم الأحد مررررررة ... غالبا ...


لك كل المودة والتقدير ... وموفق ...

اهم شي كيف الجو
هل الواحد يقدر يتحمله
و بعدين كيف المدينة حلوة و لا يعني
و ياليت كيف المعهد ممتاز ولا لك عليه
وكم نسبة السعوديين فيه

طيب بالنسبة لموضوع الوندز هل هو حقيقي و لا من جنبها لأني توني مركب الفيستا من عند محل كمبيوتر

اخوي شواصي

تراك خوفتني :110:
انا كنت ناوي 13-6-2007 بس شكلي:108: اباجلها اسبوع علشان اتاكد
اذا الوضع كذا خلينا بالبيت احسن و المعاهد مالية الرياض

اما اذا فيه طريقة نتلافى اللي صار لك دلونا عليها
وش رايكم يا شباب انا ناوي شهرين و ابغى ادرس في معهد له اكثر من فرع يعني شهر في مدينة و الشهر الثاني في مدينة ثانية اذا انا مليت من الاولى و جاني الطفش

تراني ما سويت حجز على النت من المعاهد و لا فيه احد يستقبلني بالمطار يعني لو اوصل للمطار وش اسوي ؟؟؟!!!:114:


انتظر ارائكم


و بعدين نبغى دليل لمواقع المعاهد و الجامعات النيوزلندية مافيه احد يفزع لنا بالموضع هذا


تحياتي للجميع

المشاركة الأصلية كتبت بواسطة شواصي
http://www.arabtravelersforum.com/tr...1/#post1285171

على فكره على طاري دعوه غير المسلمين

العائله اللي انا فيها صجوني كل شوي يسالون عن الاسلام

هل اقدر اارسلك بيناتهم وترسلهم على جوالتهم هنا



والله تسوي خير أخوي
ياليت والله
إما انك ترسلها لي على الخاص
واذا كان مو مفعل ادخل على بياناتي وبتلقى ايميلي
وجعله في موازين حسناتك

اول شي احمدلله على السلامة

ثاني شي : في اي مطار دفعت حق الوزن في السعودية ولا مكان ثاني لاني افتكر في الرحلات الدولية الوزن 30 كيلو مو 20. 20 للرحلات الداخلية.

والله معاناة فعلا
الله يستر بس

وجزاك الله عنا كل خير على نصايحك وربي يسهل عليك باقي الأيام هناك

الحمد لله على سلامتك

لو كان معك كتب لدعوتهم للإسلام ؟؟؟؟كان وش سووا لك
بعدين كم تذكرت كرست شرش من اوكلاند
لازم اجي إن شاء الله

الدعوة تياسير لأي واحد بس احس انك إنت الي معقده

المشاركة الأصلية كتبت بواسطة abu abdullah
http://www.arabtravelersforum.com/tr...6/#post1285566

اهم شي كيف الجو
هل الواحد يقدر يتحمله
و بعدين كيف المدينة حلوة و لا يعني
و ياليت كيف المعهد ممتاز ولا لك عليه
وكم نسبة السعوديين فيه




بصراحه الجو شوي بارد بس عادي ممكن تتحمله اصلن اللي يعيش في السعوديه يتأقلم على كل شي عندنا شده الحر وشده البروده يعني ماعندك مشكله

بالعكس احس انه حتى لو نزلت درجه الحراره عندهم بس بردهم لو تلبس كويس ممكن تتحمله وتاخذ راحتك ولايكتفك ويخليك تقعد في البيت ......... اما بردنا سلملي عليه والله ياعمي ساعات ودك يشبون الحطب وتقعد وسطه ولاتدفى بعد


الله يجيرنا من زمهرير جهنم


لاتخاف الجو اووووكي بصراحه بالعكس اليوم شايف واحد سعودي لابس شورت قلت له عادي منت حاس بشي قالي لا والله تعودت الجو هنا لطيف

فعلا انا بدأت اتأقلم ... هوه بس يكون برد شديد اخر الليل او الصباح مبكرا وانت الوقتين ذي عاده في البيت

لانه الدراسه تبدأ عندهم الساعه تسعه وانت يعني لو قلنا انه السكن بعيد عن ا لمعهد مارح ياخذ اكثر من نص ساعه يعني ثمان ونص تطلع تكون الشمس دفت الجو شوي

توكل على الله وتعال

المدينه بصراحه للحين ماتمشيت فيها عشان كذا مااقدر احكم لك عليها ... بس شفت مكاتب كثيره تنظم جولات سياحيه واعتقد عندهم عده اشياء ممكن الواحد يزورها بس اسأل به خبيرا

شوف الاخ المايسترو يمكن يفيدك عنها

المعهد بصراحه اول يوم جيته اليوم ولا اقدر احكم عليه بس انا حاجز فيه اسبوعين بس اذا عجبني والا غيرته

حصلت فيه ثلاث سعوديين بس وقالوا لي انه فيه معاهد مليانه ساعات ثلاثين سعودي او حوليها
يعني معهدنا كويس على قولتهم

بعد اسبوعين اسالني وراح اجاوبك

المشاركة الأصلية كتبت بواسطة محمد2006
http://www.arabtravelersforum.com/tr...8/#post1285848

اخوي شواصي

تراك خوفتني :110:
انا كنت ناوي 13-6-2007 بس شكلي:108: اباجلها اسبوع علشان اتاكد
اذا الوضع كذا خلينا بالبيت احسن و المعاهد مالية الرياض

اما اذا فيه طريقة نتلافى اللي صار لك دلونا عليها
وش رايكم يا شباب انا ناوي شهرين و ابغى ادرس في معهد له اكثر من فرع يعني شهر في مدينة و الشهر الثاني في مدينة ثانية اذا انا مليت من الاولى و جاني الطفش

تراني ما سويت حجز على النت من المعاهد و لا فيه احد يستقبلني بالمطار يعني لو اوصل للمطار وش اسوي ؟؟؟!!!:114:


انتظر ارائكم


و بعدين نبغى دليل لمواقع المعاهد و الجامعات النيوزلندية مافيه احد يفزع لنا بالموضع هذا


تحياتي للجميع




هلا والله قلبي

لا وش دعوه انا مو قصدي اخوفك بس كتبت لك بعض النصائح


عادي ان شاء الله تتيسر معك تعال وربك يفرجها لاتشيل هم


بصراحه شوف اذا الواحد مره مايتكلم انجلش تمام انا من رأيي انه يدرس في ديرته يعني ياخذ له كورسين كذا

بعدين يجي هنا لانه مايعلمون الواحد من الصفر ... يفترضون انك جيت هنا يعني عندك شويه كلمات وتعرف تصرف نفسك

يعني اذا انت لغتك ضعيفه بس اهم شي يكون عندك شي تتكلم فيه مو صفر

اوكي تعال وبعدين كل اللي بتقعده شهرين ماتسوى تغير المدينه لو بتقعد مثلا اربع شهور او سته يكون ممكن تشوف لك مدينتين تدرس فيها

يارجال يبيلك اسبوعين تفهم المدينه اللي انت فيها بعدين تستمتع بالرحله

خلك على مدينه وحده فقط انسب لك خصوصا وقتك اللي بتدرسه هنا مش طويل

واذا انت لغتك مره تمام اوكي تعال عادي بدون حجز معهد ولاشي واركب تاكسي ورح اسكن في اي غرفه واليوم الثاني يكون عندك قائمه بمعاهد ومر لك كم معهد وادفع وادرس ويدورون لك عائله واسكن

بس اذا لغتك تمشي الحال انا من رأيي تحجز لك اسبوعين على الاقل عن طريق النت

بس ياخوي اسرع مابقى وقت متى يمديك تراسلهم وترسلهم الفلوس


احس انك متاخر اذا تقدر تأجلها اسبوع كمان وترتب سفرك كويس يكون افضل
احس مايمديك

بس ترى هذا رأي وممكن اكون ماعندي سالفه


فديتك ياقلبوووووووووووووووووووووووو

معقوله كل الشباب يسون فيهم كذا والي وش السالفة

المشاركة الأصلية كتبت بواسطة سلطان الطرب
http://www.arabtravelersforum.com/tr...8/#post1285618

طيب بالنسبة لموضوع الوندز هل هو حقيقي و لا من جنبها لأني توني مركب الفيستا من عند محل كمبيوتر






والله شوف بصراحه فيه واحد من الشباب انسجنوا اخوياه في امريكا بهذا السبب


وفيه واحد برضه قالي انه شاف شباب انسجنوا فتره في دوله اوربيه


وانا اصلن المحل اللي اتعامل معه حذرني قالي استراليا بعد فيها نفس الشي تشييك على برامج مايكروسوفت


انا بصراحه مااحد فتح اللاب توب حقي


بس ياليت تكون في السيف سايد


يعني في الطريق السليم............. لو تفكر فيها صح تلقى انك تشتري سيدي اصلي وتركبه افضل


بصراحه ماتسوى عليك البهذله هناك ............. يااخي فيه ناس حاقدين يكره العرب والمسلمين يعني ممكن يركبك تهمه من لاشئ ....

والمثل يقولك امشي عدل يحتار عدوك فيك


طبعا الشعب النيوزلاندي شعب طيب وحبوب ومتعاون

بس ماتدري يمكن تطيح لك في واحد نفسه خايسه ومعقد ....

اشتري راحة بالك ............... وفيه واحد من الشباب نزل فيستا منسوخ وسوا حركه في الجهاز وركب كراك لما يشيكون على الوندز يطلع كانه اصلي


بس اظن عندهم طرق يكشفون فيها الشي ذا


عموما هما ماشيكوا عليا بس ريح بالك وركب اصلي وفك نفسك من النشبه ياقشطه



فديتك ياعسسسسسسسسسسسسسسسسل

المشاركة الأصلية كتبت بواسطة koogak
http://www.arabtravelersforum.com/tr...8/#post1285908

والله تسوي خير أخوي
ياليت والله
إما انك ترسلها لي على الخاص
واذا كان مو مفعل ادخل على بياناتي وبتلقى ايميلي
وجعله في موازين حسناتك

ارسلت لك ايميل ............ ربنا يكرمك وبيض الله وجهك

المشاركة الأصلية كتبت بواسطة قاعد يتمشى
http://www.arabtravelersforum.com/tr...3/#post1286203

اول شي احمدلله على السلامة

ثاني شي : في اي مطار دفعت حق الوزن في السعودية ولا مكان ثاني لاني افتكر في الرحلات الدولية الوزن 30 كيلو مو 20. 20 للرحلات الداخلية.




انا مادفعت بس بغوا يدفعوني
في مطار الدمام على الخطوط الامارتيه الوزن المسموح فيه فقط عشرين كيلو للشحن

وشنطه صغيره تاخذها معك على الطايره

بس انا نزلت شويه ملابس لين خف الوزن شوي ومشوني

واسطه يعني


:24:

المشاركة الأصلية كتبت بواسطة رائد 19
http://www.arabtravelersforum.com/tr...7/#post1286847

الدعوة تياسير لأي واحد بس احس انك إنت الي معقده





الله يسامحك انا معقد:110:

يجي منك اكثر ياقشطه :113:

المشاركة الأصلية كتبت بواسطة االواثق
http://www.arabtravelersforum.com/tr...1/#post1287401

معقوله كل الشباب يسون فيهم كذا والي وش السالفة





لا مش كل الشباب

بس لاني كذبت وقلت اني جاي سياحه وانا جاي للدارسه وكشفوني


وهذي عقوبه الكذب في الدنيا قبل الآخره


استغفر الله والله يتوب علينا


الزبده وانت جاي بس خلك صريح وماعليك امووووووووورك كلها تمام


لاتلف وتدور ............... عز الله بتروح فيها


:108:

بداية امرأه

ابيرنو

الف شكر وربنا يكرمكم وتكفون ادعولي

ترى دعوه المسلم لاخيه في ظهر الغيب مستجابة

فديتكم يا.............................كبسه

بصراحه بغيت اقول عسل بس مااحبه وبغيت اقول قشطه بس مليت مانها

بس كبسه بصراحه من جد احس انها غاليه عندي

عشان كذا انتم عندي مثل الكبسه واغلى


لاتلومني بس وش اسوي ذبحني الجوع

الاخ المكرم ... شواصى .. ( وش قصة الاسم هاذا !!) سلام وتحيه .. الحقيقه قصه محزنه ومفروض


ما كذبت .. من الاول ولا صار لك شى !! 2- بصراحه انا استغرب من الشباب يطلعون على الاماراتيه

لنيوزلندا ولازم افيز عشان توقف ساعه فى سيدنى !! فيه الف خطوط ثانيه وبدون قلق وفيزا ...

3- فيه الله يجزاك بالخير مركز اسلامى وحيد فى كرس جرج انا واحد الشباب ارسلنا لهم قبل 3 سنوات

كتب منها كتاب من احسن الكتب بالانجليزى اسمه ( الستريتد قايد اوف اسلام ) ما عندى كى بورد

انقلش ... حاول تروح لهم وتاخذ من الكتاب هاذا وتعطيه العائله ... ممتاز جدا ... والله اسال ان يوفقك ...

انا طلعوني على مخرج 4 بس بأوكلاند

المشاركة الأصلية كتبت بواسطة سنترال بارك
http://www.arabtravelersforum.com/tr...3/#post1289073

الاخ المكرم ... شواصى .. ( وش قصة الاسم هاذا !!) سلام وتحيه .. الحقيقه قصه محزنه ومفروض


ما كذبت .. من الاول ولا صار لك شى !! 2- بصراحه انا استغرب من الشباب يطلعون على الاماراتيه

لنيوزلندا ولازم افيز عشان توقف ساعه فى سيدنى !! فيه الف خطوط ثانيه وبدون قلق وفيزا ...

3- فيه الله يجزاك بالخير مركز اسلامى وحيد فى كرس جرج انا واحد الشباب ارسلنا لهم قبل 3 سنوات

كتب منها كتاب من احسن الكتب بالانجليزى اسمه ( الستريتد قايد اوف اسلام ) ما عندى كى بورد

انقلش ... حاول تروح لهم وتاخذ من الكتاب هاذا وتعطيه العائله ... ممتاز جدا ... والله اسال ان يوفقك ...







الله يجازك بالخير بس وش عنوان المركز ذا ووين مكانه

وش قصة مخرج 4 كل العالم خايفة منه وش سالفتة؟

وانا احسبه اللي في الدائري الشمالي بالرياض

الحمد لله علي الوصول بالسلامه.اما عن اسئلتهم عن الاسلام فدلهم علي مسجد لكي تكسب اجرهم عسي الله يهديهم علي يدك وتكلم لهم علي الاسلام واعتز فيه واهم شي المعامله الحسنه وصورة الاسلام.ولك تحياتي.

المشاركة الأصلية كتبت بواسطة sahagi2
http://www.arabtravelersforum.com/tr...5/#post1291895

الحمد لله علي الوصول بالسلامه.اما عن اسئلتهم عن الاسلام فدلهم علي مسجد لكي تكسب اجرهم عسي الله يهديهم علي يدك وتكلم لهم علي الاسلام واعتز فيه واهم شي المعامله الحسنه وصورة الاسلام.ولك تحياتي.





ياخوي هم يعرفون انه فيه مسجد مايحتاجون احد يقولهم


هم يبوون يسمعون مني
او على الاقل انا اعطيهم شي من عندي كتب او حاجات زي كذا


الله يصلحك هم يعرفون مكان المسجد لو كان يبون يروحون له كان من زمان


ماقعدوا ينتظروني


عموما تسلم على المشاركه الحلوه ياحلوووووووووووووووووووووووووووو

الحمد لله على السلامه اخوي

انتبه بس الحين يشوفونك تكتب بالمنتدى ان يكفشونك ههههههههههههه

عموما انا عندي استفسار

ليه ساكن عند وحده صراحه الوضع مزري ومو بالمستوى لو اخذت لك فندق ارقى وراحه اكثر وامان

مو عند وحده تعطيك الاكل وحمام مشترك مع ولدها وتشوف هالسكارا عندك كأنك محتاجهم مب هم المحتاجين

المشاركة الأصلية كتبت بواسطة شواصي
http://www.arabtravelersforum.com/tr...1/#post1291971

ياخوي هم يعرفون انه فيه مسجد مايحتاجون احد يقولهم


هم يبوون يسمعون مني
او على الاقل انا اعطيهم شي من عندي كتب او حاجات زي كذا


الله يصلحك هم يعرفون مكان المسجد لو كان يبون يروحون له كان من زمان


ماقعدوا ينتظروني


عموما تسلم على المشاركه الحلوه ياحلوووووووووووووووووووووووووووو






هلا شواصي حبيبنا بصراحة انا اشوف انهم بحاجه الى التعامل الحسن واللطيف لانهم بصراحه شعب مثقف ويحب القرائة هم يعرفون المسجد ويعرفون الاسلام بس يبيلهم شخص يخليهم يفكرون وش هالدين وهم دايركت بيتوجهون للمكتبة ويقرون بس خلك حلو ياحلو

والشعب جدا ممتاز وحبوب

شواصي --- شكرا على اسلوبك المميز في السرد وخفة دمك
انا جاي باذن الله بعد اسبوعين --- ممكن تقول لي المعاهد الي تنصح فيها او الي فيها عدد قليل من السعودين
ارجوا الرد سريعا لاني باحجز من هنا ---- والله يعطيك العافية ويرجعك سالم

المشاركة الأصلية كتبت بواسطة بس قولي كلمتين
http://www.arabtravelersforum.com/tr...3/#post1295663

شواصي --- شكرا على اسلوبك المميز في السرد وخفة دمك
انا جاي باذن الله بعد اسبوعين --- ممكن تقول لي المعاهد الي تنصح فيها او الي فيها عدد قليل من السعودين
ارجوا الرد سريعا لاني باحجز من هنا ---- والله يعطيك العافية ويرجعك سالم





انا بصراحه في معهد اسمه لانجويج اسكول اوف نيوزلاندا

والحقيقه انه ممتاز وعدد السعوديين فيه ثلاثه


وفيه معهد جنبنا اسمه دايموند مريت عندهم يقولوا مافي الا واحد سعودي


بس بيني وبينك بصراحه انا ضد الي يقولك دور معهد مافيه سعوديين
يااخي بصراحه السعودي احسن على الاقل تتكلم معه انجليزي وتفهم وش يقول


لانه النظام يمنع انك تتكلم بلغتك داخل المعهد


بس انا بصراحه لما اسولف مع اليابانين والكوريين ماافهم شي


الحين ابي ادور معهد مافيه الا قليل يابانين وكثير سعوديين


لانه قليل تحصل اوربيين


الله يوفقك وتجي بالسلامه وتنور ياحلووووووووو
د

بس قلي كلمتين


انت اذا صملت تعال وانا انطلك بديرة مافيها ريحة السعوديين ومعهد جميل درست بة 12 اسبوع رووووعة

المشاركة الأصلية كتبت بواسطة hssaq1
http://www.arabtravelersforum.com/tr...9/#post1298209

بس قلي كلمتين


انت اذا صملت تعال وانا انطلك بديرة مافيها ريحة السعوديين ومعهد جميل درست بة 12 اسبوع رووووعة



انا جاهز لك

المشاركة الأصلية كتبت بواسطة بس قولي كلمتين
http://www.arabtravelersforum.com/tr...0/#post1299390

انا جاهز لك






بس قولي كلمتين

ابد توكل على الله اي شي يقولك اياه هساق مايحتاج

الرجال شرواه من عندي كفوا

ماعليك انت تعال وهو يضبطك مايقصر مع الحلوين ابد


في انتظارك ياقشطه

المشاركة الأصلية كتبت بواسطة شواصي
http://www.arabtravelersforum.com/tr...2/#post1299512

بس قولي كلمتين

ابد توكل على الله اي شي يقولك اياه هساق مايحتاج

الرجال شرواه من عندي كفوا

ماعليك انت تعال وهو يضبطك مايقصر مع الحلوين ابد


في انتظارك ياقشطه




أقول أخوي (بس قولي كلمتين)
أنتبه لنفسك ترى الوضع غير أمن:109::109::109:

المشاركة الأصلية كتبت بواسطة koogak
http://www.arabtravelersforum.com/tr...9/#post1299829

أقول أخوي (بس قولي كلمتين)
أنتبه لنفسك ترى الوضع غير أمن:109::109::109:

افا عليك يا koogak

خربت علينا الخطه

حنا ماصدقنا الرجال واثق فيني وتبي تخرب علينا :110::110:


بس قولي كلمتين لاتصدق العذاااال هذولا يبون يفرقون بيننا :112:


تعال وماعليك كلنا تحت امرك


تراني دجاجه بس من ورى الكيبورد اعجبكم

والله اني ثور الله في برسيمه ماتشفوون من الخرعه بغيت اقولهم رجعوني السعوديه يوم شفت العين الحمرا في المطار:109:

المشاركة الأصلية كتبت بواسطة koogak
http://www.arabtravelersforum.com/tr...9/#post1299829

أقول أخوي (بس قولي كلمتين)
أنتبه لنفسك ترى الوضع غير أمن:109::109::109:

لا ابشرك تراي شنب ومعي جمس عبارتين :36_6_10::36_6_7::36_9_4:

بعدين تقولون لي تعال تعال ------ اجي فين

المشاركة الأصلية كتبت بواسطة بس قولي كلمتين
http://www.arabtravelersforum.com/tr...1/#post1300791

بعدين تقولون لي تعال تعال ------ اجي فين



هههههههههههههههههههه
لا واضح انك شنب
أجل أجي فين
ههههههههههههههههههه

المشاركة الأصلية كتبت بواسطة koogak
http://www.arabtravelersforum.com/tr...0/#post1300800

هههههههههههههههههههه
لا واضح انك شنب
أجل أجي فين
ههههههههههههههههههه

ياkoogak

فك الرجال من شرك واطلع منها

نشبت له مسكين اقول يابس قولي كلمتين تعال هنا في كرايس تشير على الرحب والسعه

وشوف انسب طريق للتواصل اكتب ايميلك مثلا وانا براسلك وان شا الله هساق استعد لك بالمعهد

طبعا بعد اذنه بعطيك رقمه وايميله وتتواصل معه وكفو هوه مايقصر مع الحلوين ابد


ياكوجك فكنا شرك الله يرحم والديك خلنا نذاكر زين ههههههههههه:101:

المشاركة الأصلية كتبت بواسطة koogak
http://www.arabtravelersforum.com/tr...0/#post1300800

هههههههههههههههههههه
لا واضح انك شنب
أجل أجي فين
ههههههههههههههههههه

وش تبيني اقول وين الوعد فيه يا عوال === الغبار يا ولد === ما عينتوا لي قعود املح ضايع :113:

المشاركة الأصلية كتبت بواسطة شواصي
http://www.arabtravelersforum.com/tr...4/#post1301044

ياkoogak

فك الرجال من شرك واطلع منها

نشبت له مسكين اقول يابس قولي كلمتين تعال هنا في كرايس تشير على الرحب والسعه

وشوف انسب طريق للتواصل اكتب ايميلك مثلا وانا براسلك وان شا الله هساق استعد لك بالمعهد

طبعا بعد اذنه بعطيك رقمه وايميله وتتواصل معه وكفو هوه مايقصر مع الحلوين ابد


ياكوجك فكنا شرك الله يرحم والديك خلنا نذاكر زين ههههههههههه:101:



ما عليك منه يا شواصي الميدان يا حميدان ----
انا الان لقيت عرض عند مكتب في الرياض حلو بس مشكلتي الحجز الان صار فيه مشكلة
بالنسبة للمعهد الي يقول هساق في كرايس شيرش ولا لا؟ وممكن سعره 6 ساعات؟
ممكن احط ايميلي هنا ولا ممنوع --- ولا على الخاص
ولا وش رايك اجي بدون ما اسجل في معهد واسجل هناك ؟؟:114:

المشاركة الأصلية كتبت بواسطة بس قولي كلمتين
http://www.arabtravelersforum.com/tr...5/#post1301225

ما عليك منه يا شواصي الميدان يا حميدان ----
انا الان لقيت عرض عند مكتب في الرياض حلو بس مشكلتي الحجز الان صار فيه مشكلة
بالنسبة للمعهد الي يقول هساق في كرايس شيرش ولا لا؟ وممكن سعره 6 ساعات؟
ممكن احط ايميلي هنا ولا ممنوع --- ولا على الخاص
ولا وش رايك اجي بدون ما اسجل في معهد واسجل هناك ؟؟:114:






بس قولي كلمتين ترى كوجاك قصده يمزح والولد حبوب وخدوم وزي القشطه

اسمع اسمع انت سالفتك سالفه انا ابي اعرف كم تقعد وبعايله والا بدون وتفاصيل كثيره عشان كذا لو تحط ايميلك ونتواصل على الماسنجر اوكي مافي مشكله لاني دورت في ملفك الشخصي ماحصلت ايميل


انا مااادري عن الانظمه بس حط ايميلك وان شا الله مافيه الا كل خير
وباخذ التفاصيل منك على الماسنجر واقدم لك اللي اقدر عليه ياعسسسسسسسسسسسسسسل


بس اهم شي ضبط لك حجز لانه فعلا شوي زحمه



واحلى تحيه لاحلى كوجاك امير الحلوووووووووين وملك القشطه :24:

المشاركة الأصلية كتبت بواسطة شواصي
http://www.arabtravelersforum.com/tr...5/#post1301525

بس قولي كلمتين ترى كوجاك قصده يمزح والولد حبوب وخدوم وزي القشطه

اسمع اسمع انت سالفتك سالفه انا ابي اعرف كم تقعد وبعايله والا بدون وتفاصيل كثيره عشان كذا لو تحط ايميلك ونتواصل على الماسنجر اوكي مافي مشكله لاني دورت في ملفك الشخصي ماحصلت ايميل


انا مااادري عن الانظمه بس حط ايميلك وان شا الله مافيه الا كل خير
وباخذ التفاصيل منك على الماسنجر واقدم لك اللي اقدر عليه ياعسسسسسسسسسسسسسسل


بس اهم شي ضبط لك حجز لانه فعلا شوي زحمه



واحلى تحيه لاحلى كوجاك امير الحلوووووووووين وملك القشطه :24:



يلعن بليسه قلب علي ابن الايه


أخوي بس قولي كلمتين ترى الدعوة مزح وأنا أخوك
وانا اسف إذا ضايقتك بشيء

المشاركة الأصلية كتبت بواسطة koogak
http://www.arabtravelersforum.com/tr...6/#post1301546

يلعن بليسه قلب علي ابن الايه


أخوي بس قولي كلمتين ترى الدعوة مزح وأنا أخوك
وانا اسف إذا ضايقتك بشيء

كوجاك ماودك تجي تصيف هنا


ترى يمدحون الديره ....... وبعدين ماعليك محمول مكفول بس انت عزم

وحنا حاظرين لامير الحلوووووووووووووين وملك القشطه وامبراطور الزبده النيوزلانديه

مع أحترامي الشديد لك لكن تستاهل
ليش تكذب عليهم .؟؟؟
أما بخصوص العفش فأقولك بعد تستاهل .. سفرة دولية ولا تدري كم الوزن المسموح به ؟؟؟

المشاركة الأصلية كتبت بواسطة شكثر أعاني
http://www.arabtravelersforum.com/tr...1/#post1302771

مع أحترامي الشديد لك لكن تستاهل
ليش تكذب عليهم .؟؟؟
أما بخصوص العفش فأقولك بعد تستاهل .. سفرة دولية ولا تدري كم الوزن المسموح به ؟؟؟





حياك الله

وشكرن على اسلوبك الراقي وياهلاااااااااااااا بالاخ العزيز

المشاركة الأصلية كتبت بواسطة شواصي
http://www.arabtravelersforum.com/tr...5/#post1301525

بس قولي كلمتين ترى كوجاك قصده يمزح والولد حبوب وخدوم وزي القشطه

اسمع اسمع انت سالفتك سالفه انا ابي اعرف كم تقعد وبعايله والا بدون وتفاصيل كثيره عشان كذا لو تحط ايميلك ونتواصل على الماسنجر اوكي مافي مشكله لاني دورت في ملفك الشخصي ماحصلت ايميل


انا مااادري عن الانظمه بس حط ايميلك وان شا الله مافيه الا كل خير
وباخذ التفاصيل منك على الماسنجر واقدم لك اللي اقدر عليه ياعسسسسسسسسسسسسسسل


بس اهم شي ضبط لك حجز لانه فعلا شوي زحمه



واحلى تحيه لاحلى كوجاك امير الحلوووووووووين وملك القشطه :24:



[email protected]
الله يعين على حجز الطيران

المشاركة الأصلية كتبت بواسطة koogak
http://www.arabtravelersforum.com/tr...6/#post1301546

يلعن بليسه قلب علي ابن الايه


أخوي بس قولي كلمتين ترى الدعوة مزح وأنا أخوك
وانا اسف إذا ضايقتك بشيء

لا وش دعوه انا ما زعلت بس مشكلتي اني معي حزام اسود ثلاثة دان ونص ومتعود على المشاكل :109:

شواصي
ما كملت لنا مغامراتك
ولا مشفر الباقي

المشاركة الأصلية كتبت بواسطة بس قولي كلمتين
http://www.arabtravelersforum.com/tr...5/#post1303315

لا وش دعوه انا ما زعلت بس مشكلتي اني معي حزام اسود ثلاثة دان ونص ومتعود على المشاكل :109:




اقول هونا ياخوي ماعد نبي نخدم نخاف نخطي في شي كذا والا كذا

نرجع متصفقين

لا ياخوي قدني مكسر خلقه

يعني على قولة اللبنانين انا مافيي

حزام اسود وعرفناها

بس دان ذي شكلها شي يخووووف


بس قولي كلمتين على عيني وراسي

ماعليك ان كنت ريحا فقد لاقيت اعصار

انا كمان اثنين دان شوتوكان
واحد دان كوكيسل

واللي تبي نلعب ننشاكو . آرنيس . جو . ......


تعال وخلنا نفتح صاله بس ونعلمهم العرضه السعوديه

والجنوبيه تراها تصلح للتخسيس كلها حيويه ونشااااااط

المشاركة الأصلية كتبت بواسطة بس قولي كلمتين
http://www.arabtravelersforum.com/tr...0/#post1303350

شواصي
ما كملت لنا مغامراتك
ولا مشفر الباقي




والله فيه بس خلاص كفايه

اخاف اشرح بعد يطلع لي واحد يقولي تستاهل
تستاهل

زي واحد من الشباب جزاه الله خير

تستاهل انك بهذولك في المطار
تستاهل انه رجعوا شنطك في المطار

تستاهل اصلن من قلك تروح هناك ......... كان قعدت في بيت امك احسن لك

تستاهل اصلن ليش تعيش ليش ماتموت احسن


ياخوي انا احط المشاركه عشان انبه الشباب واخوي الفاضل يقولي تستاهل

الله يهدي الجميع بس

وسع صدرك وانا اخوك
وكل إناء بما فيه ينضح((إقعد))
وبعدين يالقروي معنى دان يعني مثلا واحد قالك انه معه حزام اسود 3 دان زي اخوانا في الله
معناها انه معه 3 احزمه سود
تحياتي لك

المشاركة الأصلية كتبت بواسطة شواصي
http://www.arabtravelersforum.com/tr...8/#post1302888

حياك الله

وشكرن على اسلوبك الراقي وياهلاااااااااااااا بالاخ العزيز



وش دعوى زعلت من هالكلمة ,, أذا زعلت فحقك علي وأنا أسف بس أنا ماخذها مزح ,,,
عموما تستاهل خخخخخخخخ ..

المشاركة الأصلية كتبت بواسطة سنترال بارك
http://www.arabtravelersforum.com/tr...3/#post1289073

الاخ المكرم ... شواصى .. ( وش قصة الاسم هاذا !!) سلام وتحيه .. الحقيقه قصه محزنه ومفروض


ما كذبت .. من الاول ولا صار لك شى !! 2- بصراحه انا استغرب من الشباب يطلعون على الاماراتيه

لنيوزلندا ولازم افيز عشان توقف ساعه فى سيدنى !! فيه الف خطوط ثانيه وبدون قلق وفيزا ...

3- فيه الله يجزاك بالخير مركز اسلامى وحيد فى كرس جرج انا واحد الشباب ارسلنا لهم قبل 3 سنوات

كتب منها كتاب من احسن الكتب بالانجليزى اسمه ( الستريتد قايد اوف اسلام ) ما عندى كى بورد

انقلش ... حاول تروح لهم وتاخذ من الكتاب هاذا وتعطيه العائله ... ممتاز جدا ... والله اسال ان يوفقك ...



هذا الكتاب من أفضل الكتب أطبعه لهم

http://www.islam-guide.com/

والأهم من هذا وذاك هو أخلاقك وصدقك ......هي الكتاب وهي الطريق أن شاء الله لهدايتهم

السلام عليكم


شواصي وينك من اول يامللي هالوجه

انا عضو جديد عندكم وصراحه احترت وين اروح مادري كندا ولا ايرلندا ولانيوزلندا

لاكن شكلي عزمت على نيوزلندا من كلامكم الحلو مع انك خوفتنا اول الوقت :12:

اخوي شواصي اخوك في الله اللي هو انا برحه مادري وش اسوي رحت للمكاتب وكله نصب في نصب

ومادري وش اسوى ومين اراسل وهل اسكن مع عائله ولا بسكن الجامعه وايهن ازين .



على العموم انا ناوي انشالله ادرس من 4 الى 6 شهور .

ان شالله ناوي بشهر 8

اذا مافيه كلافه عليك نورنا واكون لك شاكر

المشاركة الأصلية كتبت بواسطة sameer236
http://www.arabtravelersforum.com/tr...0/#post1307570

هذا الكتاب من أفضل الكتب أطبعه لهم

http://www.islam-guide.com/

والأهم من هذا وذاك هو أخلاقك وصدقك ......هي الكتاب وهي الطريق أن شاء الله لهدايتهم





طيب بارك الله فيك

مشكور على الخدمه بس بصراحه ماعندي طابعه وبعدين ماعندي مكتب متنقل :110::110:

بس ماقصرت بارك الله فيك ووفقك الله دنيا واخره