الموضوع: فندق برينس أو ويستن مشورتكم من خلال تجاربكم

سلام عليكم ورحمة الله


أخواني وا أخواتي أعضاء المنتدى أبي منكم تجاربكم في فندق البرينس و فندق ويستن كوالا


وهل يوجد فندق ذو الخمس نجوم مقارب لشارع العرب أو مقارب له بعض المجمعات أرجوا عرض تجربتكم فيه






تهمني أرائكم لأني جالس اخطط للرحلة وهذي حالتي بداية شهر أبريل ,,








وجزاكم الله خير , ورفع الله قدركم وأبشروا بالتقرير الزين إن الله أحيانا

مواضيع عشوائيه ممكن تكون تعجبك اخترناها لك:

• برنامج عائلي بماليزيا لمدة 10 ايام لعدد 2 كبار وطفلين فنادق 4 نجوم ممتازة 2017
• 13 يوم 12 ليلة لعائلة 2 كبار و 3 اطفال 2017
• ماليزيا وجدول الفعاليات المقترحة
• مااستغني عن مساعدتكم
• وأخيرا استقريت على برنامج
• رتبت لو وجهتي و اريد مشورتكم
• بخصوص باصات ايرولاين
• يا خبراء آير آسيا وش سالفة الـ رينجت
• رايكم في جدولي فقد حان قرب السفر
• مطار بينانغ و لنكاوي
• استفسار عن اوقات عمل اماكن صرف العملة في جدة البلد بالعيد
• رجائي منكم المساعدة للضرورة
• بكرة السفر ان شاء الله وعندى استفسارات خفيفة
• يا اهل الفزعات يا خبراء زيزو
• افضل طريقة للوصول من جوهور الى لنكاوي
• ماليزيا يناير أرجوا أفادتي
• فندق عائلي
• لخبراء اللغه االأنجليزيه محتاج مساعدة
• المساعدة لو سمحتوا
• توقيت الحجز

عليكم السلام ورحمة الله و بركاته

في شارع العرب اولا الويستن ثم الماريوت ثم الريتزكارلتون

وبعدهم مباشره برنس و رويال شولان و كلهم قريبين من بعض

و الويستن و الماريوت علي شارع العرب بالمنتصف و خلفهم الرتزكارلتون

و الرتز كشقق و خدمه أفضل بس يعيبه اللوبي صغير لو تهتم باللوبي

جزاك الله خير عزيزي الكريم zazaz ورفع الله قدرك وننتظر المزيد من الآراء

حياك وبياك أخوي ( محمد )

أتفق مع أستاذي القدير ( zazaz ) ... فندق الويستن هو الأفخم والأنسب لك وأنصحك به

http://img546.imageshack.us/i/61658327.png/

صباح الورد




مع الإخوان



يوجد كذلك فندق بارك رويال بموقعه المميز جدا

وأسعاره المناسبة خصوصا لو تحجز بدري

تخيل

غرفة الأورشيد كلوب ( جناح )

بحدود 600




أنصحك فيه خصوصا أن موقعه ذهبي جدا

بجانب محطة المونوريل

بجانب مجمع برجايا

وفي قلب منطقة العرب والمقاهي والمجمعات




بالتوفيق

افضل موقع مايسمع بالمثلث الذهبي بكوالالمبور

فندق بارك رويال رااائع امامه افضل الاسواق والقطار قريب منه

الويستن بضبط على شارع العرب وهو الافخم مثل ما قالوا اخواني المبدعين بوابة العرب المسافرون
وعندك اختيار اخوي المتميز ماجد الفهد بارك رويال
البرنس عن تجربة شخصية كنت موجودة بشهر 9 رائع وراقي ....
لكن الفندق خلف شارع العرب يعني عشان تدخل
شارع العرب تمر مجمع التجاري بايفيلون

تحياتي اختكم نور قطر

يعني اذا قلنا في شارع العرب نختار بارك رويال ومنطقة البرجين نختار تريدرز ,,,ما رايكم ؟؟

بعد اذن صاحب الموضوع

جزاك الله خير أخت نسمة سفرية ورفع الله قدرك بالعكس نثري الموضوع كذا وانا متوقع لو بحثت زين في المنتدى نلاقي المطلوب لكن الاخوان مابيقصرون معنا يعرفون اننا نجهز وكذا والواحد اشغاله لي راسه

محمد موضوع الشطاف خلاص تم حله

عندك في محلات تنباع

لي طويل او خرطوش تقدر تركبه على الدش بكل سهوله وشغال معاك

او ابريق خاص للوضوء تم تجربته بنجاح والحمدلله

فتحياتي لك يالغالي

السلام عليكم

نصيحه مثل ماقال الأخ ماجد اللي بيحجز بالبارك رويال لازم سويت

عشان يقارن بالبقيه ام غرف الديلوكس و العاديه فلاتقارن ابدا

بالويستن و بقية الشله اللي فرق

غرف البارك رويال العاديه صغيره و لا هي بفخامة البقيه

واللي يحجز بالبارك رويال يكتب ان الغرفه ماتطل علي

الشارع الرئيسي إزعاج في الصباح الباكر

و للمعلوميه مابين الماريوت و الويستن و البارك رويال 3 دقائق مشي

عن تجربة شخصية في صيف 2011 فندق الويستن رائع بكل المقاييس . سرير تحس فيه بالراحة التامة
يوفيه منوع ممتاز
ابتسامة العاملين .
لن انسى موظف اﻻستقبال اللي راح معي الى باب العيادة عندما مرضت كان بامكانه وصف المكان . لكنها خدمة واخﻻق الموظفين من الموبايل

أشكر لكل من أبدى رأيه والحمد الله استفدت من أرائكم لكن القرار النهائي كان بمشاوره مع الاهل وصار الجدول على هذا الموال


سيلانجور فندق الماريوت بوتراجايا غرفة ديلوكس يومان .. طبعاً حبيت اجربه اشوف كيف ،، محدثكم محب للإستكشافات والله يستر هذا وانا شهر عسل لاني مالقيت شي مفصل عنه وقلت اخليه في تقريري الجاي ان شاء الله


بينانج فندق فلامنجو ديلوكس على البحر يومان


لنكاوي فندق دانا لنكاوي غرفة فيسورى طوابق علوية عالبحر طبعاً خمس أيام لأني حبيت هالجزيرة من اشياء عدة والبحر عندي طعم ثاني وانا بالعاني اخترت بعيد عن الشواطي الحلوه عشان يكون الذهاب لها فيه مغامرة


كوالا فندق برينس غرفة جراند ديلوكس أربع أيام






أشكر كل من شارك والله من أعماق قلبي واعتبر ردودهم أوسمه على صدري لبى أقلوبكم والله .

السلام عليكم




نصيحه غير فندق بينانق موقعه سئ خاصه في الليل


و حاول تحجز في فنادق الباتوفرنجي مثل القولدن ساندس او البارك رويال


و إن بغيت رخيص و حلو الهوليدي إن أفضل موقع في بينانق


أغلب من يسكن في الفلامنقو يكره بينانق و حلاوة بينانق السكن في الباتوفرنجي


كل شي قريب منك واجمل شاطئ وفي الليل سوق ليل وحركه وو ناسه


وفي لنكاوي نصيحه لوجه الله قسم المده علي فندقين 3 ليال دانا و ليلتين الويستن


او العكس اما خمس ليال في منطقه معزوله صدقني ملل غير طبيعي


خاصه موقع دانا لنكاوي معزول نوعا ما و لكنه فخم و مميز


فنصيحه قسم المده علي فندقين

انا مع عمدتنا


انا اخذت فندق الهوليدي ان بصراحه شيء خرااافي وبجواره بارك رويال


ونصيحته بالصميم


تحياتي لكم

حلو جزاك الله خير ياعمدة لكن وش رايك في فنقد ريتز كارلتون شكلي بغيره بدل البرينس لان فيه خصلة فيه اعجبتني وهي احضار الفطور للغرفة اعجبني وصف شخص بالمنتدى نسيت اسمه لهالطريقة وقال لاتفوت العرسان الجدد فيها رومنسية واتوقع قريب من شارع العرب


أما بينانق بشوف وراجع الفندق الي قلت عنه




وجزاك الله خير ياشيخ zazaz


وجزاك الله خير ياشيخ mazmaz

السلام عليكم

الرتزكارلتون من الفنادق الفخمه و المميزه بكوالالمبور وهو خلف الماريوت بالظبط

مو علي شارع العرب خلفه قريب جدا دقيقتين بالكثير

و الخدمه اللي قرأت انت عنها أعتقد مو لكل الغرف بس غرف الإكزاكتيف

انت اتصل و تأكد بس انا أذكر انه لغرف معينه فقط مو كل الغرف

بعدين تنزل للمطعم اشوفه افضل اكثر تنوع اما اللي يجيك بالغرف محدود جدا

وعموما تقدر في اي فندق تخلي الفطور يجيبونه للغرفه بس بمقابل طبعا

وإذا تبي هذي الخدمه حاول تحجز الفندق بدون فطور يقل السعر قليلا

والفرق تدفعه لهم هناك مقابل توصيل الفطور للغرفه

بيض الله وجهك وجزاك الله خير ، بشوف الفنادق الي قلت وبعطيك خبر عن اخر ترتيب لأن بصراحه مشورتك انت والأخوان مهمه بالنسبة لي واستفدت منها واجد شكرا لك

سؤال للخبراء في ماليزيا

أنا من النوع الي يحب المغامرات والكشتات ،، ابي اعرف هل فيه اماكن يصلح الواحد يبدأ يفرش عدة الشوي ويشب النار ويبدأ أكشن ولا صعبه


وإذا فيه هل هناك فيه أماكن أقدر اخذ منها أدوات الشوي وغيره ؟


وعلى فكرة الفنادق اقدر اسوي فيها قهوة مهيله ولا لازم قهوتهم العابسه ؟

هلابك ياغلانا ...

بصراحة صعبة جدآ ( تشب النار ) في ماليزيا ... لأن كل الأماكن غير مناسبة ومليانة سياح

لكن القهوة تسويها في الغرفة ... عن طريق ( غلاية الموية ) في غرفة الفندق ... وكل الناس كذا

في رحلتي الأخيرة كان معي ( عديلي ) وكان يسوي ( القهوة ) بغلاية الفندق ... بجد إبداااااااع

خذ معك من هنا أدوات القهوة ... وأشحنها مع العفش

وتفضل ياغلاهم ... هذا الموضوع وبأذن الله يفيدك

http://www.arabtravelersforum.com/travel544882/

http://img525.imageshack.us/i/44889566.png/

يالله أنك تحيي الجميع والله يعين الجميع أختيار الفنادق مسببه صداع للجميع بس الله يعين
أنا عندي سؤال عن فندق جي دبليو ماريوت هل هو على شارع العرب وأبغى رأيكم فيه لاهنتو من الموبايل

نعم ياغلانا ... فندق الماريوت بقلب شارع العرب ... وموقعه أسطوري جدآ

وتفضل هذا التقرير عن الماريوت ... بقلم المبدع ( بو ناصر )

http://www.arabtravelersforum.com/travel287409/


http://img826.imageshack.us/i/80809195.png/

لاهنت يا عزيزي وافي ومشكور وماقصرت ,,جزاك الله خير ورفع الله قدرك

تسلم حبيبنا ... الله يسعدك في الدنيا والآخرة

http://img577.imageshack.us/i/28782421.png/

الله يجزاك الجنه أخوي وافي وماقصرت عندي سؤال مسويلي قلق وهو:
أفضل باص لرحلة من بينانغ للكاميرون ومن وين أحجزه وأيضا أفضل باص لرحلة من الكاميرون للكوالالمبور ومن وين أحجز
أهم شي بالباصات (أن يكون فيه حمام لأن معي طفل)