السلام عليكم ورحمة الله وبركاته ،،
هذا أول موضوع لي بالمنتدى وحبيت أكتب لكم الأحداث اللي صارت لي بنيوزلندا خلال أول يومين قضيتهم فيها ..
طبعا حنا ثلاثة قررنا السفر لنيوزلندا ودراسة اللغة بمعهد lsi ،، ركبنا الطيارة من الرياض لهونج كونج يوم الاربعاء الماضي 20/6 وتقرياب استغرقت الرحلة 8 ساعات ،، أغلب الي كانوا معنا بالطيارة أسيوين ،، طبعا سافرنا عن طريق خطوط الكاثي باسيفيك ( قيمة التذكرة 6889 ريال ) ذهاب وعودة .. وصلنا لهونج كونج تقريبا الساعه 12 أو 1 بتوقيتهم ،، بعد ما نزلنا للمطار واجعتنا مصاعب للبحث عن الفندق لإننا نحمل أوراق حجز للإقامة في الفندق أو شيء زي كذا من الكاثي باسيفيك ،، بعد بحث أكثر من ساعه ،، وصلنا للفندق لكن للأسف لم يكن هناك أي فندق ولكن حطونا بمكان فيه جلسات ومطعم ونت على حسابهم ،، جلسنا بالمطار 8 ساعات ،، المطار كان روووعة وخيالي تقدر تشوف الطيارات وقت الهبووط والبحر وفيه أسووووووواق كثيييرة ما حسينا بالوقت ،، تعرفنا على سعوودين بالمكان اللي وضعونا فيه الكاثي باسيفيك ،،، قبل موعد الرحلة الرحلة بربع ساعه أخبرونا الموظفين أن الطائرة لأوكلاند سوف تقلع بعد ربع ساعه ،، موقعنا كان قريب من البوابة رقم 50 ورقم البوابة لأوكلاند 4 ،، كانت بعييييييدة جداً ،، فما كان عندنا حل إلا إنا نحط رجولنا ودعس للبوابة :109:كنا سبعه تقريبا أو 8 ، ،قبل موعد الإقلاع ب5 دقايق وصلنا للبوابة بعد جهداً جهيد ،، وأول مادخلنا الطائرة أقفلوا الأبوب وأعلونا إقلاع الطائرة ..
في الطائرة أغلب اللي كانوا موجودين أورووبين ونيوزلندنيين ،، بصراحة أكتشفت أن الشعب النيوزلندي لطيييييييق جدأً ،، جلست بجنب اثنين كبار بالسن رجال وحرمة كانوا جداً محترمين وبس يسولوفن معي ،، كان يقرأ الجريدة ولقى خبر مكتوب ( الطلاب السعوودين يصلووون إلى نيوزلندا ) بعد ماقرا الخبر طار من الفرحة وضحك ويعطي الجريدة زوجته يخليها تقراه ،، وتناظر فيني زوجته وتقلي ( you ) وهي تضحك ،، بصراحة كانوا جدأ لطيفين معي ..
وصلنا لأوكلاند بعد 10 ساعات ،، كان الوقت بتوقيتهم يمكن 2 الظهر ،، نزلنا من الطائرة وذهبنا للجوازات وبعهدها رحنا استلمنا اشناطنا ،، وبعدين ذهبنا للتفتيش ،، اللي فتشتني كانت وحدة ،، كان تعاملها لطيف معي ، بس خوفتني بكثرة أسئلتها ،، وكل شوي يسئلوني ليش جاي هينا وأخذوا عنوان العائلة وجلسوا يتأكدون منها ،،، تقريبا جلست 10 دقايق بالتفتيش ، بعدين طلعت من المطار وحصلت لي حرمة معها لوحة ومكتوب فيها أسامينا حنا الثلاثة ،،
كانت بالمرررررررة لطيييييفة وكوميدية وبس تضحك وتسولف معنا بالطريق ،، سيارتها حلوووة كانت كابريس 2003 بس مايسمونها عندهم كابريس لها أسم ثاني ..
وصلت كل واحد مننا لعائلته ،، بعد ما وصلت لعائلتي كانت صدمة بالنسبة لي لإنهم فلبينين ،، أستقبلتني راعية البيت وودتني لغرفتي بعدين عرفتني على جاري الكووري وبعدين رحت للصالة وشربت شاهي معهم ،، كانت لطيفة وكد اشتغلت بالإمارات وتعرف عربي ،، لكن أنا بالصراحة انصدمت صدمة كبيييييرة ماكنت اتوقعها وقلت خلاص مدام الوضع الكذا أبغى أرجع للسعودية ،، نمت بدري هذاك اليوووم يمكن 6 المغرب بتوقيتهم ،، وصحيت الساعه 3 الفجر وبعدين نمت وصحيت الساعه 6 وحصلت حرمة أول مرة أشوفها طلعت أخت راعية البيت وتعرف عربي شوي كانت لطيييفة جداً معي ،، عملت لي فطوور وجلست أفطر معها هي والكووري ،، سألتها إذا كان عندهم نت قالت ما أدري بس الظاهر مافيه ،، لما قالت كذا بصراحة أنا انصدمت صدمةةةةةةة كبيرة جداً لإني النت من أهم الأشياء اللي كنت أبيها ويمكن هو أهم شيء ..
رحت أنا والكوري لموول تجاري بعيد شوي على رجلينا علشان أشتري شريحة ،، بعدين رجعت وكان الوقت الظهر ،، بعدين شفت ولد يمكن كبري أو أكبر مني بشوي طلع ولد راعية البيت ،، كان محترم جدا ومشاني شوي بأوكلاند أنا الحالي وعبيت له سيارته ب30 دولار :109: طبعا أنا اللي أصريت ولا هو كان رافض .. قالي أن عندهم نت بالبيت دي أس ال واير ليس ،، لما قالي كذا تغيرت نظرتي عن العائلة 180 درجة ،،وصرت مبسوووووووووط بالمررررررة وكلمت أهلي وقلت لهم ومدحت لهم العائلة ،، أكثر ما أعجبني بالولد أنه يساعدني بالكلام ،، كان يفهم وش أبي على طوول لما أتكلم وحتى لو كان مكسر وكان يساعدني بالكلاممواضيع عشوائيه ممكن تكون تعجبك اخترناها لك:
- كيف اعتمد على نفسي في السفر والدراسة بدون ما اروح لمكاتب ؟
- أتسابق مع الزمن فهل من يدلني على الطريق؟؟
- استفساااااااااااار ضرووووووووووووري
- إستفسارات التعليم والدراسه في نيوزيلاند
- معلومات تهمني
- مسافر إلي نيوزلاندا وأراؤكم تهمني كثيرا
- وش أضل طريقة لتحويل الفلوس ؟؟؟؟؟
- تحملوا ثقل السؤال
- نيوزيلندا تستنفر للبحث عن طلاب سعوديين
- عآآآآآآآآآآآآآآآآآآجل
- ساعدوا عضوكم الجديد
- اختكم تبي استشــارة
- الى خبراء نيوزلندا
- اللي يعرف لا يقصر معنا بالتفصيل؟
- اخواني الاعزاء اريد خدمة بسيطة معاهد وهومستاي لـ اللغة الفرنسية في نيوزلندا
- شلون طريقة مراسلة معهد بروتوروا
- هل يوجد مثل هذا النوع من المعاهد في نيوزيلندا
- استفسار عن سعر تذكرة نيوزيلاند
- روتوروا وكوين تاون طيارة وسيارة
- سفرة عزابية لنيوزيلندا تصلح ولا كيف
رد مع اقتباس
المشاركة الأصلية كتبت بواسطة المتميز99
المفضلات