الموضوع: وين احصل جلبيات لرمضان وعبايات كشخة

السلام عليكم ورحمة الله وبركاته
ممكن ابي اتشرى جلبيات تصلح لرمضان
وكذلك لو ادلوني على المحلات اللي تفصل عبايات كشخة وغريبة
واذا في حد يتعامل مع اشخاص يفصلون في البيوت يعني ماعندهم محلات ممكن احصل على رقمهم
شكرا

مواضيع عشوائيه ممكن تكون تعجبك اخترناها لك:

• لجمبع الاستفسارات عن مملكة البحرين هنا وهنا فقط لو سمحتوا
• عندي مناسبة خاصةرشحوا لي احسن مطعم
• لعيونكم احلي صيف واحلا فندق و منتجع البندر البحرين الحقواحبايبي
• استفساااار ضروووووووري عن شركة بدجت لتاجير السيارات
• اين يقع سوق المنامة وهل هو المسمى بباب البحرين
• أهل البحرين وزواره الكرام
• روعة البحرين وجمالها مع الأمطار والسحب تعانق أبراجها صور × صور
• على طاري البحرين لو رحت يوم واحد في العيد للبحرين هل فيه مشاكل
• الاجواء في البحرين طوال السنة
• الفزعه ياهل البحرين خويكم من الامارات ابغي المساعده
• فعاليات صيف البحرين برنامج كامل بشهر
• اول مره اروح البحرين وابي مكان للعوايل ممكن
• جزيرة الابتسامة المشرقة البحرين
• انا حجزت في ايليت وما اعرف مكانه من يوصفه لي ؟
• استفسار وارجو الرد سريعا
• في احد يعرف مطاعم العراقية
• أستئجار سيارة من الشرقية للذهاب للبحرين
• عائلة كويتية تطلب المساعدة من اهل البحرين الحبيبة
• ممكن استفسار الله يرضى عليكم
• ايش احلى شاليهات ممكن الواحد يروحها مع العائلة في البحرين

أختي مو شرط الستايل أو الطريقة اللي تحبينها في ان ندلج على المكان ..


لكن الفرق في النوعية اللي تحبين تاخذينها ،،، ففي شوارع تجارية أغلب محلاتها جلابيات وعبي وأزياء ، وفي مجمعات تجارية تخصص في هالنوعية ..


إذا ما كان عندج فكرة عن محلات الأزياء في البحرين ومدى فرق الكوالتي بينهم راح أدلج على أبرز المحلات اللي ان شاء الله راح تساعدج ..


أولاً : عندج مجمع اللولو في وسط مدينة المنامة ( عند مجمع المارينا مول وعند السوق المركزي وعند دوار اللولو ) ..

داخله في عدة محلات أزياء وتفصل ..


ثانياً : مجمع العالي في عدة محلات مثل أزياء غريب اللي يفصل أعتقد وغيره من المحلات ، بس بسعر أغلى شوي من غيره ..


ثالثاً : شارع البوكواره في الرفاع ، يتميز هذا الشارع بوفرة محلات الأزياء والملابس والعبي فيه ، على أفا من يشيل يعني وبأسعار مناسبة ..


رابعاً : سوق المحرق في المحرق / سوق واقف في مدينة حمد / السوق الشعبي في مدينة عيسى / سوق باب البحرين في المنامة ..


ومن أكثر محلات الأزياء والعبي فروعاً في البحرين ( محلات عبايات السعيد ) ..


..

شكرا للرد
بس انا ابي عبايات كشخة ومميزة

في هالحالة اختي ان شاء الله ترد عليج أحد الأخوات


خبرتي محدودة في محلات أزياء النساء بس ان شاء الله من أعرف أي تفصيل راح أدلج عليه ..


..

الاخوات موجودات ،،

شارع بكواره في الرفاع ، فيه اللي تبينه ،،

من عبي وجلابيات وكل شي ،،

ركزي على الشارع الثاني ،، اللي ينحني من الشارع الرئيسي ، فيه محلات وايد وروعه ،

ومحلات العبي كثيره ،، وكل محل احلى من الثاني ،، يعني ما راح تتوهقين ،،

وموفقه

ابي اكشخ محل بالبحرين
عبايات غريبة
ملفته
الشي الثاني الا يوجد بالبحرين من النساء من تفصل من غير محل فقط يكون التواصل معها بالهاتف
شكرا

محل كارت بلانش في سوق واقف بمدينة حمد
متخصص في الجلابيات الكويتية بموديلاتها الغريبة

ساراني: مثل ما قالوا لج الأخوه و الأخوات قبلي ، البوكواره ، وخصوصا الشارع اللي عليه برادات مكه فيه عبايات وجلابيات

مجمع العالي: فيه عبايات حلوه وجلابيات كشخه

مجمع السيف: عبايات الإختيار الأول ، وجلابيات يشمك والسعفه و غيرها كثير

مجمع البحرين: عبايات بدون اسم والمتحجبه للعبايات والجلابيات

سوق المحرق: كله عبايات

سوق واقف في مدينة حمد: ماعندي فكره عن المحلات بالضبط ، بس اعرف ان فيه كل شي

اذا تبغين جلابيات مغربيه راااااااااقيه ، فيه محل في الرفاع في بوكواره اسمه زاهيه ، بجانب محلات اليوسف وأطياب للعطور والهدايا ، جلابيات مغربيه فخمه وغاليه و أيضا قطنيه بشغل مغربي. ويفصلون بعد

عموما انتي اذا في بالك اي موديل للعبايه قوليه حق صاحب المحل وهو يفصل لك

أعرف واحده تجيب جلابيات شغل مغربي وتبيعهم ، بس ما أقدر أحط لك رقمها أو ايميل ، قوانين المنتدى تحظر ! بس اذا سمعت انها بتسوي معرض راح أخبرك ان شاء الله

تحياتي

شكرا للرد
بس انا ابي جلبيات عادية لرمضان مو كشخة وايد

المشاركة الأصلية كتبت بواسطة saranay
http://www.arabtravelersforum.com/tr...9/#post1503179

شكرا للرد
بس انا ابي جلبيات عادية لرمضان مو كشخة وايد

يشمك في الرفاع الغربي او مجمع السيف ، جلابيات قطن و خياطها وايد حلو وتلاقين في سوق المحرق بعد

مثل ما خبرتج اختي ،

و بإفادة الاخوات ،،

وبالنسبه لشارع بوكواره ، مش كبير وايد ، ومحلات الجلابيات فيه محدوده نسبيا

بس انواعها حلوه ،، يعني من تروحين ما بتتوهقين ..

انا سمعت ان جلبيات شارع بوكوارة كشخة وللمناسبات واقل جلبية اب 300 ريال
وانا ابي عملية لزيارت ارمضان في حدود 150 مو وايد كشخة بس حلوة وغريبة

كارت بلانش في محرق ومقابلة عبايات دنيا اكييد بتحصلين الي تبينه فيه

الغريب كان في مجمع العالي و مجمع اللؤلؤ ، بس مادري اش صار عليه!! جربي مجمع اللؤلؤ او سوق واقف تحصلين فيه محلات وايد

الأخت الكريمة saranay

بالنسبة لمحلات العبايات عندج:
- سوق المنامة: عبايات الخواجة لعبايات الراس والكتافيات وفي عدة محلات بمجمع دلمون وحول مجمع دلمون والمحلات القريبة من مأتم العجم.
- المحرق: عندج محلات وايد للعبات والجلابيات ومنها
كارت بلانش: جلابيات
السديم، الجزيرة، السعيد، ومحلات أخرى للعبايات وأرقاها السديم، بس أنا ما أشتري من السديم سعره مرتفع شوي بس المحلات الثانية عباياتها وايد حلوة ومرتبة واسعارها معقولة.
- مجمع اللولو بالمنامة: جلابيات الغريب وهو موجود ايضا في البوكوارة (الرفاع) ومجمع العالي، وعبايات الجوهرة السوداء بنفس المجمع بس ترى أسعارها غالية وخاصة إذا كان الموديل جديد (حرام عباية بـ 50 دينار) وكذلك موجود بسوق واقف وأنا عادة اشتري من عنده الشيلات.
- مجمع البحرين جيان عندج المتحجبة عنده عبايات وجلابيات واسعاره مرتفعة شوي.
في محل في مقابل مجمع البحرين اسمه دنيا العبايات موديلاته جديدة وخياطته نظيفة ومرتبة تعاملت معاه مرة وتركت لأنه عطاني سعر ويوم رحت قال إنه غلطان بالسعر ويبي يآخد زود!!
- السعفة بالعالي والبوكوارة بس اسعاره نار!!

يا اختي محل العبايات
ما لج الا كاراميلا( caramella)

محل راقي وعباياته كشخة وذوق وحلوة و وتعبج حييـــــــــــل :24:
وكل موديل احلى من الثاني وبأسعار معقولة :24:
وراح تنهبلين من الموديلات الراقية
روحي وما راح تتحسفين وتندمين انشاءالله

اكثر عباياتي وعبايات صديقاتي و اهلي من هناك :106:

المحل في محرق مقابل ستوديو صحاري في صفة استديو المناعي

روحي وخبريني عن اللي شفتيه هناك :113:

تقدرين تتصلين وتتأكدين على تلفون رقم 17342490

شكرا للجميع
خلاص انا رجعت الدوحة

السلاام عليكم..

بما انج رحتي ورجعتي ياليت تفيدينا بالمعلومات..لاني على بداية الاسبوع الجاي رايحه البجرين و اذا ممكن تقولين لي هل لقيتي جلابيات بأسعار معقوله للاستخدام الدائم؟؟ والعبايات شلون غير عن الموجود عندنا وشلون اسعارهم...؟؟

بلييييييييييييييييييزز لاتتأخرين علي..
وجزاج الله خير:101:

السلام عليكم ورحمة الله وبركاته
الاخت سنابون حياج الله
اذا انتي من الدوحة فلازم تنتبهين لانا قد تكون الموديلات جديدة في البحرين لكن لبسوها كثير في قطر
مثل موديلات الشرايط فهي قديمة عندنا
عموما انا خذت جلبيتين من محل كارت بلانش في المحرق . وهو عنده فرعين جنب بعض
معظم موديلاته فخمة بس لقيت عنده جلبيتين حراير
مافيهم شي بس حسيت انا جديدة . . سعره الوحدة اب 150 ريال تقريبا ..
في محل اسمه سيدتي في المحرق خذت عبايتين اب 1000 ريال والثانيه اب 650
وهذا ارخص شي عندهم على ما ظن .. معظم اسعارها تحت الالفين ريال .
لكن صعب وصفة لانه مو صوب محلات العبايات .
لكن انصحج ابسوق الخبر
انا رحت 5 ساعات في جمعة مول اللي ما فيه غير جلبيات وفساتين وخذت جلبيتين من اليشمك لانع غير عن اللي عندنا .. موديلاتع اكثر
والظهران مول لا يفوتج
عندهم نهاية التنزيلات وخصومات مغرية جدا 75%
اتمنى اني فدتج

الحين الظهران مول
مسوي تخفيضات 75%
وهل هو مستمر حتى الاسبوع الجاي

شكرا للجميع
وجزاكم الله خير

اخواتي العزيزات في واحد من احلى محلات العبايات الكشخه هو محل زمرد بمجمع العالي عبايات كلها مشغولة باحجار سوارفسكي بس المحل نوعا ما غالي نادرا ماتلاقون فيه عباية اقل من 100 دينار بحريني. بس عبايات شغل عدل وايد حلوين وراقيين.


تحياتي للجميع
ندي