يامرحبا مليار
شحالكم ياربكم بخير؟
قبل لانسافر لميونخ شتا2007 شهر3 سويت بحث عن شقق في ميونخ ووحصلت وايد شقق ونصحوني بوايد شقق لكن ماكنت واثقه من الشقق واذا كنا بنرتاح فيهن؟؟
لين اخر شي استقرينا على شقق رزيدنس المدينه وطبعا بعد مانصحتنا فيه وحده من اهلنا ورحنا ونحن واثقين ان الشقق بتكون اوكيه لكن للاسف كان اكبر مقلب!!!!:112:
تخيلو سفر وتعب واخر شي شقق خرطي لا نظافه ولاشي ..صراحه الشقق هب مريحات وضيقه وازعاااااااااااااااااااااج غير طبيعي ..والحمدالله اني كنت حافظه عنوان شقق ماكس ميليان في دفتر العناوين اللي اكتب فيه العناوين المهمه والمعلومات اللي انقلهن من منتدى العرب المسافرين يزاكم الله الف خير..
وشقق الماكس ميليان حصلتهن بالصدفه وانا اسوي سيرج في النت والحمدالله على طول طلعت العنوان وعطيته اخويه وراح وشاف الشقق والحمدالله انه حصل حجز في ذيك الليله وحجز ورد علينا وطلعنا من رزيدنس المدينه في نفس اليوم وطبعا ماطلع اخويه الا مدفعينه ادارة ريزيدنس المدينه ليله عن الشقق اللي كنا حاجزينهن وطبعا دهن سير التوانسه اللي فيه لانهم كانو ناوين يغرمونه ويدفعونه اسبوع كامل!!:112:
المهم اننا افتكينا منهن ومن شققهم اللي تلوع بالجبد..:108:
وفلينا على طول للماكس ميليان
وحبيت انقلكم تجربتي لهالشقق الرائعه :24:..لانكم ماقصرتو وفرتولنا وايد معلومات فادتني في هالسفره ..:101:
[IMG][/IMG]
بصراحه شقق ممتاااااااااااااااااااااااازه من كل النواحي
نظافه وموقع ممتاز قريبه من الماكس ميليان سوق الماركات 5 دقايق مشي ومن المارين 10 دقايق مشي وفي سوبرماركت قريب وصيدليه ومطاعم
وفيهن تنظيف يومي..
خذنا شقتين كل شقه غرفتين نوم وفيهن الله يعزكم حمامين كل غرفه بحمامها وفيهن صاله ومطبخ صغير وغرفة طعام
سعر الليله 320يورو وعقب الخصم لاننا خذناهن شهر 270 يورو
تعالو الحين احوطكم في شقتنا (توين سويت)
هذا تخطيط الشقه وتقسيمها عشان توضح لكم الصوره
الصاله وفيها تي في بس نسيت اصوره:101:
وفي نفس الصاله غرفة طعام ومطبخ عند مدخل الشقه مثل ماشفتو في الصوره عاليمين غرفة الطعام وعاليسار المطبخ ..
هذي طاولة الطعام
المطبخ
غرفة النوم الاولى
حمام الغرفه الله يعزكم
الغرفه الثانيه
الله يعزكم حمام الغرفه
وشقتنا كانت تطل عالشارع وهذي لقطه ايام الثلج
وبعض الصور لحديقة الفندق من شقة واحد من اخواني كان ماخذ جاردن ستوديو ومطل عالحديقه
واسمحولي ماصورته بس هذا مخطط الاستوديو
وهذي صور الحديقه من بلكونته
[IMG][/IMG]
هذي البلكونه وفيه طاوله وقعده روعه
رابط الشقق
http://www.maximilian-munich.com/home.php?lang=en
العنوان
MAXIMILIAN MUNICH
Hochbrückenstraße 18
80331 München
Deutschland
T +49 (89) 24 25 8-0
F +49 (89) 24 25 8-199
mailto:[email protected]
واخيرا اهديكم هالورده ..الله يذكره بالخير كان الهاوس كيبينج سوداني مسلم دوم عقب التنظيف يحطلنا في الغرف منها ..
تحياتي العطره
اختكم
الامارات:101:مواضيع عشوائيه ممكن تكون تعجبك اخترناها لك:
- مساعده
- متى تطلع الفيزا من السفارة الألمانية ؟
- ضايع في المانيا
- رحلة سويسرية نهايتها إلى ميونخ،أوروبا بارك،لوغولاند،سلامزية،ساسبورغ
- عند البحث على مكتب تأجير سياره من ميونخ شو الاشيا اللي لازم ننتبه عليها؟
- استفسار عن قارمش يا اهل الخبرة
- ما هو أفضل فندق في فرانكفورت من بين هذه الفنادق ؟
- استفسار بخصوص الشنجن لي و لزوجتي
- تأشيرتى لسويسرا وانا رايح لالمانيا ادخل؟؟؟
- الرحله انحجزت الى فرانكفورت وين اروح ساعدوني
- برنامج ل يوم
- اخوي بريستيج الامارات والاخوة الخبراء مع التحية
- ايهما الافضل في ميونخ ام é ؟؟؟
- السفارة تفتح يوم الخميس ؟
- صديقي في ميونخ ويجهل المدينة وكلمني الان ايش الحل بليز فزعه يا اهل الفزاعات
- المدينه المنوره
- استفسار عاجل
- رحلة علاج الى مدينة هايدلبرغ
- ساعة فقط لاكتشاف برلين
- ايها افضل استأجر سياراه ولا قطارات
المفضلات