الموضوع: ارجو المساعدة بخصوص الشقق الفندقية

السلام عليكم ورحمة الله وبركاتة
بصراحة عندي جم سؤال بخصوص الشقق الفندقية

فندق ايليت حلو ؟؟ يعني شلون مستواه؟؟

انا مرة سكنت في ميركري جراند والله حلو وقريب من السيف
بس اليوم اتصلت على السفريات وقالي ايليت 3 حلو وسعر الشقة غرفتين 55 دينار كويتي و ثلاث غرف 78 دينار كويتي

المهم انا ابي شقة فندقية غرفتين واتكون راقية وسعرها يعني بمستوى ميركيري

سألت ايليت سويت قالولي انه مو شقق وانا مرة سمعت انه في واحد من فنادق ايليت حلو وراقي حتى فيه سينما

ابي مساعدتكم واسفة على الاطالة

مع العلم اني بسافر خلال هاليومين

مواضيع عشوائيه ممكن تكون تعجبك اخترناها لك:

• استفسار عن منطقة العرين
• شقق جديده عمرها اقل من اسبوع ورائعه
• مساعدة من اهل الكرم البحرينين
• كل من يحب البحرينـ يدخلـ
• صور رائعة لـ مدينة المحـــرق
• رحلتي الى جزيرة حواار الجميلة
• اختي ناريمان عندي سؤال
• اخوتي سؤال عن وضع الامن الله يعطيكم العافيه
• طريقة عبور جسر البحرين ؟
• اطلب المساعدة
• الدخول للبحرين
• محلات الفيتمانيات ؟
• منتجع العرين صور
• تقريرمصور
• شاركوني وعلموني
• تلحفناها استفسار عن المخالفات المروريه بالبحرين
• هل يوجد فندق في البحرين نجوم ؟
• اتنصب علي
• مواقع في البحرين
• ّّّّ مــهــرجـــان صـيــف الـبـحـــريـن ّّّّ

شدعوة ما في احد عندة خبرة عن الشقق الفندقية ؟؟؟

وعليكم السلام هلا أخوي

انا سكنت في فندق ايليت جراند ضاحية السيف أخذت غرفة وصالة ومطبخ وحمامين بـ55 دينار بحريني الصراحة مستوى راقي جدا من ناحية النظافة والديكور والأثاث والخدمة يعني باختصار شقق فندقية 5 نجوم تاخذها وانت مرتاح

وعلى فكرة في عرض عندهم الحين نفس الشقة المذكورة اعلاه بـ49 دينار بحريني مع افطار :24:
وتوجد عروض اخرى على الموقع

واخر فنادق ايليت هو ELITE RESORT AND SPA:surf عند جسر الشيخ حمد على البحر وعموما مجموعة ايليت تمتاز فنادقها بمستوى عالي من الفخامة وأسعارها مناسبة للجميع

وهذا موقعهم : http://www.elitegroup4u.com/default.asp

نتمنى لك رحلة سعيدة:101:

شقق اليت سويت سكنتها قبل 5 أيام بصراحة شقق على مستوى راقي جدا من ناحية النظافة والفخامة وميزته انه سكن عوائل يعني ما فيه لخبطة
بالنسبة للسعر اتصلت عليهم قالو لي بـ 55 دينار بحريني ثم رحت لمكتب الجزيرة للسفريات اللي على الجسر بعد ما تخلص من الجوازات على اليمين مع الاشارة وأخذته من عندهم بـ 35 دينار مع الافطار يعني 20 دينار الفرق
والشقة عبارة عن غرفة كبيرة ودورة مياه
والله يوفقك

إليت جراند عنده عرض بالصيف السعر 49 دينار بحريني + إفطار يعني يطلع 39 دينار كويتي وأظن هذا السعر لآخر شهر 8 فقط .
والفندق روعة فخم جدا ونظام سويت يعني غرفة وصالة وتكرم عدد 2 حمام واحد صغير بالصالة وواحد مع غرفة النوم

الفندق جديد وفخم وهو أفخم من إليت سويت اللي خلف الدانة وكذلك إليت 5 اللي في الجفير ( مع إن اليت 5 ايضا راقي)

3bdel3zeez

تسلم اخوي ما تقصر على المعلومات وزين السعر بس انا بغيت شقة فندقية غرفتين بس انشالله بسأل عن اليت جراند

السحاب123

تسلم اخوي بس هم بسأل عن السويت بس يفضل شقة فندقية غرفتين او 3 غرف شكرا

فهد الأحمد

يعطيك العافية على النصيحة ما اتقصر


بس اذا عندكم فكرة عن شقق اليت الفندقية يكون افضل

وحبيت اسأل منطقة الجفير بعيدة عن السيف ولا شلون؟


يعطيكم العافية


:113::113::113:

الاخت الكريمة

سكنت تقريبا جميع الفنادق والشقق الفندقية المعروفة فى البحرين

ريتز كارلتون رسمي جدا ولا يصلح لعائلة اكثر من زوج وزوجته

ميركور جراند جيد نوعا ما وان كان تنقصه بعض الخدمات والفندق غالي وسعره مبالغ فيه


مالقيت إلا


شقق فندقية جميلة جدا وموقعها اجمل

قريب من السيف وفيه جميع الخدمات

الشقق عائلية وفيها حمام سباحة جميل جلسته ترد الروح

اسم الشقق أجنحة السيف

غرفة وصالة ب 45 دينار لكن اغلب الوقت الفندق مليان


لو جربتيه ماراح ترجعين اللا له

واى تفاصيل او اسالة حاضر اختى

عليكم السلام ورحمة الله وبركاته .....أختي الكريمة ..أحنا سكنا بشقق الدانة ريزيدنس وكان الحجز عن طريق مكتب الجزيرة في الجسر أخذنا شقة مكونة من 3غرف نوم ب600ريالاالشقق جديدة وحلوووة ومريحة وهذة الشقق عبارة عن مبنيين واحد فيه الشقق المكونه من 3 غرف والمبنى الثاني فيه الشقق المكونة من 2غرف وهذا المبنى يحتوي على المسبح في الدور العاشر وصاله رياضيه صغيرة والمسبح طبعا مكشوف وصغير ممكن ترجعين للصور في موضوع سابق لاحد
الأعضاء طبعا أنا ما جر بت اي فندق او شقق غيرة لذاك مقدر اقارن بالمستوى ولكن العيب فيهم مثل ما قال احد الاعضاء انه ما فية تلفون بالشقه لازم تستخدم تلفونك الخاص ...اتمنى اني افدة الجميع ...دمتم بود

الأوكراني

شكرا على الرد بس انا ابي شقق فندقية مو اجنحة اذا عندك فكرة عن الشقق الفندقية وعلى جم اسعارهم ومن وين احجز افضل

هل من النت ولا من مكتب سياحي


اضواء

تسلمين اختي على الرد بس ما لقيت موقع لهم على النت وانا سمعت ان فنادق اليت افضل شقق فندقية بالبحرين خصوصا اسعارهم مناسبة

يعطيكم العافية

:101::101::101:

تشكرون جميعا

أنا ذكرت إن الشقق الفندقية هي :

1- مجمع الرورو

2- إليت 5

وأسعار الغرفتين 35 بحريني

والأثنين في الجفير .............. والجفير ما هي بعيدة عن السيف يعني اقل من عشر دقايق توصل لمجمع السيف

وأنا عجبني الرورو اكثر لأن الصالة كبيرة يطرد فيها الخيل والمطبخ حجمه كبير وكل الكماليات متوفرة وبه عدد 3 حمام أجلكم الله يعني مميز

شوف لو كان مجمع السيف على يسارك وإنت جاي من السعودية ... كمل الطريق سيده إلى أن تصل إلى شارع الملك فيصل - البحر على اليسار - وهناك إشارة إخذها سيدة الغشارة الثانية إخذها فرعي ( يمين) وبعدها كمل سيدة تقابلك إشارة على يسارك مسجد الفاتح وهو مسجد كبير ويمينك فندق الخليج إخذ الاشارة يسار إنت الحين داخل الجفير ، وهي من أولها لآخرها شقق أغلبها حديث

يالغالية

هذى شقق فندقية اصغرها غرفة وصالة واكبرها 3 غرف وصالة

والحجز من التلفون افضل حتى تضمنين ان فيه غرف او من النت


اسعارهم 45 - 60 -80 على مااظن
على فكرة الشقق تتبع ايليت

الحين جاري البحث عن اجنحة السيف بس الي عندة موقعهم بالنت والتلفون


اسفة على الازعاج يعطيكم العافية

هذا رقمهم اختي

583388

اذا بتدقين من برا البحرين 0097317583388

ان لقيتي عندهم حجز زين على زين واطلبي السويمنق بول فيو (الواجهة اللى تطل على حمام السباحة) مالقيتي او قالوا لج مليان لان بالعادة دايم مليان هالفندق
ارسليلي على الخاص وانا لى معرفة عندهم وابشري بالحجز


رحلة سعيدة موفقة

تسلم ما اتقصر اخوي على المساعدة بصراحة ما لقيت حجز بس الحين حجزت في اليت 5 شرايك فيه؟

انشالله الحين بجمع معلومات عن البحرين في المنتدى والاماكن المهمة طبعا احنا ما نبي متاحف بس

سياحة واماكن تستحق الزيارة اذا عندك فكرة

يعطيك العافية

اليت ياطويلة العمر في البحرين كالأخطبوط

فيه الجميل وفيه السيء

فيه العائلي وفيه الغير عائلي

اذا تبين حجز انا اتصل فيهم واحجزلكم بس بلغيني متى تبون تنزلون فالفندق

اذا انتى مرتاحه لاليت فالموضوع يرجع لج

بالنسبة للاماكن كثيرة والاخوان هنيه مو مقصرين يعني جولة سريعة فالقسم بتلقين اللى يسرج

أيضا أطيب الأمانى بقضاء وقت ممتع