الموضوع: تم الحجز الى ماليزيا شهر العسل

صباح الخير اخواني

تم الحجز الى ماليزيا يوم السبت القادم ان شاء الله
والعوده بتاريخ 10 فبراير الضيافه الاقتصاديه المبلغ 5926 ريال سعودي


الذهاب ب التحديد بتاريخ 26 يناير
من جده الى كوالامبور الاقلاع 21:15 الوصول 13:00 +1


العوده بتاريخ 10 فبراير
من كوالامبور الى جده الاقلاع 15:00 والوصول 19:10






^ ماني فاهم كم ساعه بين ماليزيا وجده
وكم يوم راح تصفي لي بماليزيا
وابي منكم تقسمون لي الايام هناك




اهم شي كم صافي الايام اللي راح اجلسها بماليزيا ..


ب انتظاركم

مواضيع عشوائيه ممكن تكون تعجبك اخترناها لك:

• الرجاء ألمساعده
• ارائكم عن جدولي لرحله شهر العسل
• استفسار عن فنادق
• تخطيط رحلة سياحية لعائلة من 5 أشخاص
• أرغب بمساعدتكم هنا
• استفسار سريع وعاجل افيدوني بوركت اعماركم
• شهر العسل طلب مساعدة
• اريد جدول مميز لمدة يوما انا وزوجتي فقط
• السﻻم عليكم
• استفسار مرفق بالصوره مشكله في الحجز
• فزعتكم لشهر عسل لمدة يوم بماليزيا
• الحجز عن طريق
• تخطيط مبدأي لرحلتي لماليزيا
• فنادق كوالا
• ولله الحمد حجزت بعض الفنادق واريد ارئكم برحلتي
• استفسار لأهل الخبرة عن الجوالات في كوالا لمبور
• أيش رأيكم في صرف الرنجنت
• كم قطعه قطعه وليس وزن مسموح حملها للفرد بالخطوط السعوديه و ؟؟
• ماعاد باقي وقت افيدوني
• مارأيكم في الفنادق التالية مع ارشادي لبعض المناطق السياحية

حياك الله ( سعود ) ...

طبعا عندك ( 14 يوم ) صافية ... من غير يومي السفر

ولاتنسى أن يناير ( 31 يوم ) ... ويوم ( 10 فبراير ) مايحسب لأنه يوم العودة

عموما هذا التقسيم الأجمل لمدة ( 14 يوم )

يومين سلانجور - ثلاثة لنكاوي - ثلاثة بينانغ - يومين جنتنغ - أربعة كوالا )

والمسافة من جدة إلى كواالا ( تسع ساعات طيران ) ...

وماليزيا تتقدم علينا بالتوقيت ( خمس ساعات ) ...

وعلى فكرة ... واااااضح من التوقيت ... أن عندك ترانزيت في الرياض ساعتين ... صح ؟؟؟؟

http://img692.imageshack.us/i/94275722.png/

لا ما هم كاتبين ان فيها ترانزيت
بالنسبه لكوالا تستاهل اربع ايام
احس انها ماتستاهل من الموبايل

صدقني ياغالي ... عندك ترانزيت بالرياض ... ولا ماأعرف العلم

تأكد من التذكرة حبيبي ... ورد لنا خبر

أما كوالا ... تستحق أربعة أيام بجدارة ...

اوكي انا ماعندي مشكله مع الترانزيت لاني اعتقد اني اخذت السعر الافضل اذا اخوي تشوف اني ما اخذت السعر الافضل وفيه حجز ارخص من كذا ياليت تفيدني
سواً على الخطوط السعوديه ولا غيره


عندي سؤال حاس مخي .. ؟


بالنسبه لحساب صافي الايام عشان استاجرالفنادق ف المفروض اني ابدا احسب من تاريخ 27 صح ولا انا غلطان


اما االعوده بتاريخ 10 الساعه 15:00 يعني تقريباً الظهر
ف اذا كان الظهر فعلا فهذا يعني ان الحجز يكون تابع لتاريخ 9
يعني المفروض اكون من البارح ب الفندق مايحتاج اخذ حجز جديد
صح ؟




اشكركك اخوي على ردك السريع

يامرحبا حبيبي الغالي

الترانزيت مو مشكلة ... ماراح يكون أكثر من ساعتين فقط ...

ودائما وقت خروجك من الفندق الأول ... هو وقت دخولك الفندق الثاني وهكذا

أما بخصوص حجزك :

طبعا تحجز من يوم الوصول ( يوم 27 ) .. وآخر يوم تكتب الخروج ( يوم 10 )

لأن نظام الفنادق ( الخروج صباح اليوم التالي ) ... يعني تدفع ليلة ( 9 ) وتخرج صباح يوم 10 عالمطار

عموما ياغالي ... عطني جدولك المعتمد ... وراح أرتب لك التواريخ ... ولايهمك حبيبي

الله يعطيك العافيه اخوي والله اني عاجز عن شكرك


الجدول ان شاء الله راح يكون نفس اللي ذكرته انت




يومين سلانجور - ثلاثة لنكاوي - ثلاثة بينانغ - يومين جنتنغ - أربعة كوالا )






اما الفنادق فتقريباً اخترت هذي من البوكينق اللي ينصحون فيها الشباب هنا


سيلانجور
Empire Hotel Subang




لنكاوي


Meritus Pelangi Beach Resort And Spa, Langkawi



بيانج


PARKROYAL Penang Resort




او


Golden Sands Resort by Shangri-La





جينتغ


Awana Hotel



كوالا تقريباً هذا واذا تنصحني اغير ب الاربع ايام اروح فندقين ولا لا وش رايك


The Royale Chulan Hotel Kuala Lumpur

















لاكن عندي استفسار بسيط بخصوص الفيزاء
عندي فيزا الراجحي تسوق
وقالي واحد من الشباب ان الاسم اللي يكون ب الجواز
لازم يكون مطابق للاسم اللي على الفيزا
اسمي ب الجواز سعود الشمري وبالفيزا غلطانين وكاتبينه سعود الشهري


احجز فيها ولا لا


واذا لك راي ب النسبه للفنادق انا ميزانيتي يعني شوي مو مره
اذا فيه فنادق غير هذي تنصحني فيها كشهر عسل بس ماتكون غاليه اكون شاكر لك

up ..............

حياك ياغلانا ...

الفنادق حلوة والله وفي بينانغ اختار القولدن ساندس

وفي كوالا رويال شولان الانسب

اما الاسم في الفيزا ماعندك مشكلة ...

اختلاف حرف او حرفين مايضر بأذن الله ...

احجز ياغالي ... واي خدمة احنا معك للاخر

يعطيك العافيه اخوي ابيك ترتب لي التواريخ اذا تقدر



انا انتظرك لازم احجز الحين عشان الوقت ..

ابشر حبيبي ... تفضل التواريخ :

27- 29 يناير ( سلانجور )

29-1فبراير ( لنكاوي )

1-4 فبراير ( بينانغ )

4-6 فبراير ( جنتنغ )

6-10 فبراير ( كوالا )

استفسار اخيرر ...

الحين حجزت الفندق من البوكينق عن طريق الفيزاء وطلع لي كذا
شكراً، saud! إن حجزك الآن مؤكد.


وكلام ثاني كثير تحته وارسلوها لي ب البريد


خلاص يعني الحجز اوكي مايحتاج اسوي شي ثاني .. ؟؟

قالوها بوكينق .. حجزك مؤكد ياسعود ...

أطبع الورقة وأعطها الفندق عند الوصول ...

لكن راقب الإيميل بشكل مستمر ... تحسبا لأي رسالة يرسلونها لك بخصوص حجزك لاقدر الله

http://img547.imageshack.us/i/66308863.png/

عزيزي/عزيزتي saud alshammari،
Meritus Pelangi Beach Resort And Spa, Langkawi قام بالاتصال بنا. يبدو أن تفاصيل بطاقة الائتمان التي قمت بتقديمها غير صالحة.
ما يجب فعله:
اضغط هنا لتحديث بيانات بطاقتك الائتمانية: MYBOOKING
يمكنك أيضاً الاتصال بـ Meritus Pelangi Beach Resort And Spa, Langkawi لمزيد من المساعدة.
هام:يرجى القيام بذلك خلال 24 ساعة للتأكد من عدم قيام الفندق بالخصم من بطاقتك أو إلغاء الحجز.
لا يزال لديك حجز في هذا الفندق ما لم تتلقى رسالة إلغاء الحجز.
ربما قد يقوم الفندق بالخصم من بطاقتك:[ulist][*]لعدم الظهور[*]للإلغاء في وقت متأخر[*]للدفع المسبق[/ulist]يتم إجراء جميع عمليات الدفع عن طريق الفندق.
نحن متواجدين أيضاً على مدار 24 ساعة يومياً للرد على أسئلتكم.
مع أطيب التحيات،






^ يعني ايش هذا

الحين لما اجي احجز يقولي اكتب اسم حامل البطاقه الفيزا اكتب انا اسمي الحقيقي ولا الاسم اللي على البطاقه
لان الاسم اللي على البطاقه زي ماقلت اول غلطانين فيه كاتبين alsahre بدال alshammari
وش رايكم


انا لما حجزت كتبت اسمي كذا SAUD A AL بسماكتبت لا alsahre ولا alshammari


ياليت احصل رد سريع

ياخوي ما يهتموا بالاسم اكتب زي الاسم في الجواز عادي اهم شي فلوسهخم توصل

الرساله اللي ارسلوها لك انه مافي فلوس بالبطاقه

الا به فلوس شلون مابه

شو نوع البطاقه اللي تسعملها عزيزي ؟

فيزا تسوق الراجحي

الحين انا اكتب لكم من فندق ايمباير بسلانجور

وصلت ماليزيا قبل ساعتين تقريباً وجيت بسياره خاصه اسعارهم من 150 الئ 200 وكاسرت واحد خلاه ب 120 رنقت

ابي اطلع بس ماعرف وين اروح اقتراحاتكم وين الاماكن الحلوه اللي اروح لها ب اول يوم
ولاتنسون اني جاي شهر عسل من الموبايل

up ب انتظاركم ي شباب

اخي بما انك قريب بما انك في منطقة سوبنج جايا اقرب الشي عليك هو الاي سيتي خصوصا في الليل .... تبعد حوالي الربع ساعة عن فندقك في منطقة شاه علم ...

في الليل الساعه كم يعني من الموبايل

تقريبا تبدأ من الساعة 7 عند حلول الظلام يوجد فيها مدينة ضوئية جميلة جدا بالاضافة الى مدينة الثلج وفيها ايضا سينما 4d ويوجد فيها حديقة زواحف صغيرة جدا يوجد فيها الافاعي والثعابين بالاضافة لانواع مختلفة من العقارب والعناكب

المشاركة الأصلية كتبت بواسطة saud12341
http://www.arabtravelersforum.com/tr...3/#post7530543

فيزا تسوق الراجحي

الحين انا اكتب لكم من فندق ايمباير بسلانجور

وصلت ماليزيا قبل ساعتين تقريباً وجيت بسياره خاصه اسعارهم من 150 الئ 200 وكاسرت واحد خلاه ب 120 رنقت

ابي اطلع بس ماعرف وين اروح اقتراحاتكم وين الاماكن الحلوه اللي اروح لها ب اول يوم

ولاتنسون اني جاي شهر عسل من الموبايل

هلا سعود ... الحمد لله عالسلامة ياغلاهم ...

بصراحة في سلانجور أجمل شيء ( ألعاب صن واي لاقون + جولة بوتراجايا )

الغرض من زيارة سلانجور في البداية هو ( الأسترخاااااء والروقاااان ) لأنها منطقة رااقية وهادئة

وحاول دائما تتفق مع التكاسي الحمراء لأنهم الأرخص ... ولابد من المكاسرة

http://img560.imageshack.us/i/41491200.png/

افا ماحد رد up من الموبايل

- جينتنغ يوم كامل ..... يمكن تروح عن طريق باص في الكي ال سنترال .. بين 40-60 رنغت للشخص ضامنة الالعاب +مواصلات + تلفريك .. سائق 250 -300 رنغت
-بوترا جايا ومنتجع الماينز يوم واحد
- جولة داخلية تتضمن حديقة البرجين - عالم تحت البحار - منارة كوالالامبور -مصنع الشوكلا ... يوم واحد
-سنوي لاجوون يوم واحد
-حديقة الفراشات -حديقة الطيور- ساحة المرديكا - قصر الملك يوم واحد
- حديقة الحيوانات - معبد باتو كييف الهندي - شلالان كنشنغ يوم واحد
- كاميرون هايلند يوم واحد
-افاموسى في مدينة ملاكا يوم واحد
- فريزر هيل يوم واحد
- بورت ديكسون يمكن اقامة ليلى واحد او ليلتين .. شاطئ يومين

مساء الخير
اليوم رحت ل بوتراجايا بصراحه ماتوقعته كذا مافيها الا المسجد

بعدين رحت لحديقة العاب اسمها tct shal alam هذي اعجبتني


بس اسعار التاكسي غاليه شوي
طلعت من الهوتيل ل بوتراجايا ب 60 رنقت المسافه تقريباً ساعه
وانتظرني ساعه وعليها ب السياره ب 60 رنجت
وطلعنا مع نفس التاكسي ل التي سي تي شال الم مادري وش اسمها ب 60 رنقت المسافه ساعه تقريباً بينهن
وانتظرني ساعه ونص ب 60 رنقت
بعده طلعنا للشقه واخذ بالطريق قريب 40 رنقت تقريبا المسافه ماتعدت 20 دقيقه


حسابه صار 280 ومسوي نفسه عمل لي دسكاون خلاه ب 260
انا ابسئل اسعارهم صح المفروض تكون اقل مادري شلون اخذ تاكسي من عند الفندق
انا اقول للفندق وهم يجيبون لي التاكسي
عندي احساس انه انصب علي


المهم بكرا ابطلع ان شاء الله ل صن واي
والظهر حاجز طيارات على اير اسيا ل لنكاوي
ي الله ابي فهرس ثلاث ايام وين اروح في لنكاوي افضل الاماكن
انتظركم




..

up .........................

حياك حبيبي ( سعود ) ..

تفضل هالجدول لمدة ثلاثة أيام في لنكاوي ..

اليوم الأول في ( لنكاوي )

الراحة في الفندق والتجول بالمنطقة المحيطة ... ثم التوجه لميدان النسر عند العصر ...

التسوق من مجمع ( الفير مول ) والعشاء والعودة للفندق ..


اليوم الثاني في ( لنكاوي )

زيارة التلفريك عند العاشرة صباحآ ثم القرية الشرقية ...

وبعدها جولة خاصة على لنكاوي لمدة أربع ساعات ... وزيارة الحدائق ومزرعة الخيول والشلالات ...

اليوم الثالث في ( لنكاوي )

الأفطار صباحآ ثم التوجه إلى عالم تحت البحار .... والعودة للفندق بعدها

وعند الثالثة عصرآ ... رحلة المانغروف والعودة بعدها للفندق والراحة ...

http://img194.imageshack.us/i/91403066.png/

تسلم اخوي وافي اشكرككك من اعماق قلبي تحياتي العطره لك ..


الحين انا في لنكاوي في فندق
Meritus Pelangi Beach Resort And Spa, Langkawi



انا حجزت في غرفه تطل على بحيره صغيره في ضلمه ما ارتحت فيها انا حاجزها ب 800
وقالي زود 200 واعطيك ع تفتح البلكونه ع البحر
زودت 200 واخذتها منظر خيالي ماشاء الله فيه مشكله بسيطه بكل الفندق اللي هي الحشرات .. صراصير وبريعص حاطين ورقه كاتبين فيه الحشرات اللي ممكن اشوفه
والشي هذا ماخلا المدام ترتاح كل شوي تقولي نبي نغير الفندق وانا دافع ثلاث الاف قهر اغير .. غير كذا كيف فندق خمس نجوم وفيه حشرات كذا ؟؟
المهم ابحاول اخلي المدام تتاقلم مع الجو ..




صارت لي مشكله اليوم بمطار اير اسيا بكوالامبور
جوالي ضيعته مادري ب الهوتيل او ب المطار مادري وين ايفون قهرر والله
بس جالس احاول مع الاي كلود اني احصل مكانه ان شاء الله
لو حصلت مكانه اقدر ابلغ الشرطه هنا يفيدوني ؟




اخيراً ارجع واقول شكرااا من صميم قلبي اخوي وافي ونعم الرجل


تحياتي العطره لكم

up

up



..
.....

نعم عزيزي لو طلعت مكانه خبر الشرطه السياحيه وراح يساعدونك ترا جدا متساعدين ولنا في قصة الاماراتيه هناك عبره ومالها شهر القصه

المهم عزيزي قول للمدام ان كل فنادق لنكاوي كذا وين ما بتروحي كذا حتى المدام عندي تشوف سحليه ينقلب مودها بس تعودت عادي حتى كانت تريد تركض ورى الضب في فندق الموتيارا


بس قول للفندق اذا شفت حشره في الغرفه يجوا يرشوها لك


وغير كذا اشتري من البقاله بيف باف وانت طالع غطي الاكواب و الاكل لو عندك وحطه في الثلاثجه وعبي الغرفه وافتح المكيف ترى الحشرات راح تنقهر من البرد و البيف باف انا كذا اسوي مع اني ساكن في فندق 3 نجوم ولكن ولا شفت حشره بهذه الحركه

يعطيك العافيه اخوي كلمت الشرطه السياحيه لاكن بكرا ان شاء الله طالع ل بيانغ وفيه فرع لابل هناك ابروح لهم وان شاء الله يفيدوني اكثر




انا بكرا ان شاء الله الساعه 5:30 طيارتي من لنكاوي الى بيانغ الوصول ان شاء الله الساعه 6:10 تقريباً
ابجلس في بيانغ اربع ايام
بغيت منكم جدول وين اروح في بيانغ نفس الجدول اللي كتبه لي اخوي وافي حق لنكاوي صراحه قمه ب الابداع
اشكرك اخوي وافي كل الشكر


ب انتظار جدول بيانغ اربع ايام ..




تحياتي

هلابك حبيبي الغالي ...

وهذا جدول بينانغ لمدة اربع ايام

اليوم الأول في ( بينانغ )

الوصول والراحة في الفندق ثم التجول مساء في شارع الباتو فرينجي الشهير

اليوم الثاني في ( بينانغ )

الأفطار والجلوس على الشاطيء قليلآ ... ثم جولة خاصة لمدة أربع ساعات على بينانغ

في المساء كالعادة ... التجول بشارع الباتو فرينجي والتسوق والعشاء هناك

اليوم الثالث في ( بينانغ )

زيارة منطقة جورج تاون وهضبة بينانغ ... ثم العودة للفندق عند العصر ...

وممارسة الأنشطة البحرية إلى المساء ... ثم تمضية بقية المساء في الباتو فرينجي


اليوم الرابع ( بينانغ )

الأستمتع صباحآ بالشاطيء ... وزيارة ( شلال بينانغ ) ...

وفي المساء التسوق وزيارة مجمع ( كوينسيبي مول أو غرني بلاز ) ..


وافي

مشكور اخوي وافي على الجدول الرائع


بالنسبه لجوالي الايفون دخلت موقع ابل حصلت عناوينهم في بيانغ عناوين متاجرهم


بس ما اعرف مكانها ب الضبط


شوف هذا المكتوب اذا تعرفها ياليت تعلمني واكون ممنون لك




العنوان الاول

Switch @ Gurney PlazaApple Premium Reseller
Gurney Plaza, No 170-03-77/78, Plaza Gurney, Persiaran Gurney, 10250 Penang
+604-229 5591




الترجمه


التبديل غرني بلازا @التفاح ممتاز موزع
غرني بلازا، رقم 170-03-77/78، غرني بلازا، محرك غرني، بينانج 10250
+604-229 5591








العنوان الثاني




Harvey Norman @ Queensbay MallApple Shop
Lot 2F-86 South Zone, Queensbay Mall, No 100 Persiaran Bayan Indah, 11900 Bayan Lepas, Penang
+604-630 8210




الترجمه




هارفي نورمان @ مول Queensbayالتفاح تسوق
الكثير 2F-86 المنطقة الجنوبية، مول Queensbay، رقم 100 جالان بيان انداه، 11900 بيان يباس، بينانج
+604-630 8210






تحياتي لكك

الف مبروك على الجواز

القرني مول خلي تكسي يوصلك عليه بالمره بتلف وتتغدى هناك من الموبايل

هلابك اخوي سعود

طبعا المكانين المذكورة هم ( سوق غرني بلازا + كوينسبي مول )

وهم اكبر مجمعين في بينانغ ... وكل التكاسي يعرفونها طبعا

اعط العنوان لاي تاكسي وراح يوصلك باذن الله

جيتهم امس لاكن ما افادوني بشي بصراحه

عموماً عندي استفسار بخصوص فندق http://www.booking.com/hotel/my/trad...ml?aid=1329869



حصلت مكتوب تحت الجمله هذي
بجوار كلمة عام







مطعم, بار, مكتب استقبال على مدار 24 ساعة, غرف لغير المدخنين, مرافق لذوي الاحتياجات الخاصة, مصعد, تسجيل سريع للوصول والمغادرة, صندوق الأمانات, تخزين الأمتعة, ممنوع التدخين في كل من الأماكن, مكيفات, مطعم (للمأكولات الانتقائية) , مطعم (بوفيه)




ولما جيت احجز في خيار المفروض يكون غرف المدخنين او غير المدخنين
ما اعطاني الخيار هذا فقط كاتب لغير المدخنين فقط


مع العلم اني انا مدخن اللي عنده خبره ب الفندق ياليت يفيدني
لاني اخاف اجي الفندق يقولي ممنوع التدخين وهذي مشكله عويصه


انا معي وقت اني اغير الفندق لانه كاتب لي اخر وقت ل الالغاء 4 فبراير
اذا كان فعلاً مايسمح ب التدخين في جميع ارجاء الفندق حتى ب الغرفه
ياليت ترشحون لي فندق غيره بشرط يكون قريب من شارع العرب وله نافذه مطله على البرجين التوام




وشكراً

شوفو وش طلع لي لما حاولت الغي الحجز ..
















.
^ اعتقد معناه اني لا استطيع الغاء الحجز صحح ولا انا غلطان ...
وش السواة ي الربع الفندق مانع التدخين وانا مدخن
اقدر الغي الحجز او لااا ؟؟؟؟؟؟

Up ,,,,,,,,,,,,,,,,,,,

هلابك يالغالي ...

طبعا الأن في ماليزيا ( 5 فبراير ) ... ماعندك إمكانية للإلغاء ...

لأنك لو ألغيت الأن .. راح يخصم المبلغ كامل ...

كان عندك مهلة إلى قبل الوصول بيوم للإلغاء مجانا ... أما الأن خلاص مافي مجال للتعديل

وبصراحة :

التريدرز من أفخم وأجمل وأروع فنادق كوالا ... وماأنصحك أصلآ تلغيه ...

http://img441.imageshack.us/i/12642094.png/

اانا مشكلتي مع التدخين لها حل او لا


ثانياً اخوي وافي اتمنى لو سمحت تعمل لي جدول
لمدة خمس ايام في كوالامبور
انا الان في مطار بينانغ وبعد شوي متجه لكوالا
انا افكر اروح لجنتغ والكاميرون من كوالا
زياره وارجع بنفس اليوم وش رايك تنصحني فيها او لا

وكم سعر التاكسي من مطار كوالا للفندق


وشكراً لك .. من الموبايل

Up .......... من الموبايل

ياهلا أخوي ( سعود ) ..

* موضوع ( التدخين ) مالي أي فكرة عنه ... أبشرك ماأدخن هههه

* من المطار إلى الفندق بكوالا ... سعر التاكسي 85 رنقت ... والمسافة 40 دقيقة

* الكاميرون صعب جدا جدا تزورها وترجع بنفس اليوم ( أربع ساعات وذهاب ومثلها عودة ) ... وش يبقى من اليوم ؟؟؟؟

* جنتنغ قريبة من كوالا ( 45 دقيقة ) فقط .. تزروها من 10ص - 6 م ... وترجع لكوالا تكمل باقي يومك

الجدول اليومي لمدة خمسة أيام بكوالا


اليوم الأول في ( كوالا )

الوصول للفندق والراحة قليلآ ... ثم التوجه لحديقة البرجين الساحرة جدآ والجلوس هناك إلى المغرب

وفي المساء التوجه إلى شارع العرب والعشاء هناك

اليوم الثاني في ( كوالالا )

التوجه صباحآ إلى المنارة ثم حديقة الحيوانات ( زوو نيجارا ) ... ثم العودة للفندق

وعند العصر التوجه إلى حديقة بيردانا والجلوس هناك للمساء ...

وفي المساء التوجه لشارع العرب والتسوق والعشاء هناك ...

اليوم الثالث في ( كوالا )


التوجه الساعة ( 10 صباحآ ) إلى ( جنتنغ ) والعودة ( الساعة ( 6 مساء )

عن طريق ( باصات ( قو جنتنغ )

الباصات مكتبهم في محطة ( كي أل سنترال ) بوسط كوالا ... وتحجزون من عندهم ..

وبعدها التسوق من مجمع التايم سكوير بآخر شارع العرب ...

اليوم الرابع في ( كوالا )

جولة في باص ( الهوهو ) على أشهر معالم كوالا ... في الفترتين الصباحية والمسائية


وفي المساء التوجه إلى ( مجمع تايم سكوير ) .... والعودة للفندق للراحة والنووووم


اليوم الخامس ( كوالا )

الأفطا رصباحا ... وعند العاشرة التوجه لشلال ( سونغي تواه ) الذي يبعد ( 30دقيقة ) عن كوالا


وتجلسون هناك إلى العصر ... وبعدها العودة للفندق والراحة ...

وقبل المغرب التوجه لحديقة البرجين ... ورؤية النوافير الراااائعة والمميزة ...وتعودن للراحة والعشاء والنوم


http://img201.imageshack.us/i/63617320.png/

يعطيك العافيه اخوي وافي
بس ماذكرت شي عن السوق الصيني من الموبايل

^ والاسعار ... من كوالا لجنتغ والعكس
واسعار التذاكر من الموبايل

+

عندي استفسارين

الاول بخصوص المستشفيات هنا كيف نظامهم وين اقرب مشتشفى لي انا بفندق تريدز

الثاني بخصوص البنك انا عندي صرافتين وحده الراجحي والثانيه الرياض
اسحب من صرافة الراجحي عادي تسحب بس الرياض لما احاول اسحب فيها تجيني رساله ( تم رفض عملية سحب الي من حسابكم بالتفاصيل التاليه : * نوع العمليه سحب الي )

^ هذا يعني اني ما اقدر اسحب منها
اذا كان فعلاً ما اقدر اسحب منها
كم يستغرق وقت تحويل مبلغ من حساب بنك الريااض لبنك الراجحي



ب انتظاركم من الموبايل

شوف دائماً حينما تحتاج لأي خدمة أو مساعدة أتجه لموظفي الإستقبال في الفندق أو الكونسيرج مثل هذه الخدمات هي من صميم عمل الفندق هم يدلونك ويساعدونك ولو أقتضى الأمر يجيبون لك إسعاف (لاقدر الله)
كل ماعليك تقول لهم إش تحتاج وهم يقومون بالواجب ويجيبون لك تاكسي يوصلك ويرجع طبعا على حسبك
وإذا احتجت أي خدمة أخرى نفس الشيء


بالنسبة لبطاقة بنك الرياض اتصل على البنك وهم يشوفون لك موضوع البطاقة ليه ماتسحب
التحويل من بنك إلى بنك محلي إذا كان التحويل وقت الدوام فما يأخذ وقت يعني مابين ساعتين إلى 8 ساعات حسب خبرتي بين الأهلي والراجحي
لكن إذا التحويل بعد اليوم فيتم في اليوم الثاني بعد ماتفتح البنوك


تمنياتي لك بالتوفيق