الموضوع: ألمــــ ـــــانيا هامبـــ ـــورق

[color="#000000"][font="Tahoma"][size="2"]
بسم الله الرحمن الرحيم

سوف اعرض عليكم رحلتي " رحلة العائلة " لأوروبا وبالتحديد " ألمانيا – هولندا – بلجيكا " والتي أبتدينها من فرانكفورت والتي خلينها مطباً أصطناعياً وذلك أخذاً بمشورة أخوي الأجنحة الذهبية وإضافةً إلى الحوسه التي لاقيناها من اول الوصول ....
وصلنا فرانكفورت طبعاً بعد تأخير ساعة كاملة " كالمعتاد " من الخطوط السعودية وذلك بالأقلاع وساعة الوصول هي " 07:30 " صباحاً ومنها نزلنا على محطة المترو المتوجهه لوسط البلد " Frankfort Hbf " وبسعر " 7.75 يورو " للعائلة ... وبعد الوصول أنطلقنا للفندق اللي أنا حاجز فيه " المقلب " جاني كم كف على كم رفسه ... غرف صغيره وفندق أصغر ... وبدون مكيف والجو نار قلنا ياجماعة إلا ورا ماننطلق إلى " Hamburg " وتذكرت قولة اخوي " الأجنحة الذهبية " اللي قال " لو أنا منكم ماجلست بفرانكفورت ولا يوم " طبعاً ما كان معة شناط مثل اللي معنا باللإضافه إلى شنطة العزبه والبزران والي توبه ماعاد أسافر معهم ثم رجعنا لمحطة القطارات السابق ذكرها ... وقصينا تذاكر على هامبورق بسعر " 256 يورو " وذلك لأننا عائلة أخذناها ك قروب وبعد عطونا بطاقة وفيها الأسماء علشان نقدر نتقل فيها بين القطارات بدون الجوازات " مستند رسمي موثق " أتضح لاحقا أنها لاتنفع كإثبات هويه لاتوهقون طبعاً لو آخذين كل تذكرة على حدة راح تكلف علينا " 127يورو " للشخص .. الرحلة أستغرقت " 3:30 " وصلنا " Hamburg Hbf " .. نصينا مكتب السياحة واللي طقطقنا معهم على الفندق اللي نبي والأسعار وخلافها من أمور .... رحنا لفندق

http://www.suite-hotel.com/suitehote...he_hotel.shtml

للإطلاع على صور اضافية اضغط على الصورة

http://www.suite-hotel.com/suitehote...he_hotel.shtml

فندق 3 نجوم نظام سويت كل غرفه عبارة عن " سرير كبير – سرير إضافي صغير – سرير إضافي من تحت السرير الكبير يسحب – بوفيه صغير عبارة عن مايكرويف و هيتر شاهي أو كوفي – ثلاجة صغيرة – دورة مياة مستقلة – مروش مستقل كبير - طاولة طعام وفيها كرسيين " قيمتها " 89يورو " أول ليلتين وبعدها أخذناها من طريق الأنترنت بمبلغ " 69يورو " فارق " 40يورو للسويتين مبلغ حلو حق العشوه ..
الفندق نظيف وهو أقتصادي ومسكت من الدرجة الأولى .. مافيه مرافق مثل المسبح أو لوبي كبير " معجب " وغيرها .. فيه كمبيوتر واحد للأنترنت مجاني و ثلاجتين حق المشروبات والخفايف و صالة صغنونه للياقة البدنية مواقف سيارات بمبلغ " 10يورو " لليوم الواحد ..
موقع الفندق ممتاز جداً حيث قربه من حي المصلين وشارع المطاعم الإسلامية وهذا مايميزه أيضاً .. محطة المترو هي " Lohmuhlen Strabe " الخط الأزرق ..

صورة لمسجد جامع على نفس أمتداد شارع الفندق وفي زايوة الصورة الشارع الفرعي المسمى " حي المصلين "



صورة تحتوي على عدة مطاعم إسلامية وعربية حتى المطعم العمة موجود





راح أذكرلكم اهم المناطق الترفيهيه في هذه المدينة التي أقول عنها أنها " كئيبة نوعاً ما " وليس من أهلها فقط وإنما في المرافق السياحة القليلة جداً ... لعل السبب كونها الميناء الرئيسي للدولة جعلها تكون مدينة تجارية بحته ...

•·.·´¯`·.·• ( Hamburg ) •·.·´¯`·.·•

أجمل مافيها وذلك للأطفال هو منتزة

http://www.hamburger-dom.de/english/englisch.htm

صورة للمنتزه من اعلى



علماً بأن محطات المترو " Rail " اللي توصل لهذا المنتزة هي " Kellinghusen Strabe " الخط الأزرق أو الأصفر ...

















•·.·´¯`·.·• ( Hamburg ) •·.·´¯`·.·•

كذلك لديهم بحيرة جداً جميلة الوحيدة وهي " Laster " وهي قريبة جداً من الفندق حتى أنك تستطيع الوصول لها كعابي ومطل على هذه البحيرة مسجد كبير وجميل جداً ولكن الصورة ليست واضحه وعليها استميحكم عذراً ولعل بالعودة لهذه لمدينة أعيد تصويرها نظراً لأهميتها .







ومن هذه البحيرة تستطيع ان تستقل رحلة بحرية تطوف بك البحيرة و القنوات المائية ، إما رحلة سريع سريع او رحلة طويلة التي تنطلق الساعة " 8مساءً " ومدة ساعتان ... بس الصراحة ملل ومجربه من قبل برحلات سابقة وعليها قلنا ياولد كافينا ابو ساعة وزين بعد لا نمل ونكره الوضع ... قيمة الرحلة ساعتان للعائلة " 50يورو " وإليكم الموقع بالشبكة العنكبوتية

مواضيع عشوائيه ممكن تكون تعجبك اخترناها لك:

• خبراء ميونخ عطوني رايكم بالفنادق
• من يوروبا بارك تقترحون ستراسبورغ او الغابة السوداء
• رشح لي فندق بموقع متميز
• السياره والموصلات
• انا متواجد في فرانكفورت
• بليز ساعدوني
• رأيكم بطيران عمان الانتقال من رست الى زيورخ
• مخطط رحلتي الى المانيا والنمسا وايطاليا آمل توجيهات الخبراء في الخطه
• حالات الطقس
• استفسار عن اهم الفنادق في ميونخ وانترلاكن
• ارحو دخول من لديه معلومات عن مدينة دورتموند
• أهم أسواق {المانيا }
• رست قارمش
• فندق 5 ايام في دوسلدروف
• محتارة بين فندقين بميونخ أفيدوني بارك الله فيكم
• تأشيرتى لسويسرا وانا رايح لالمانيا ادخل؟؟؟
• ضروري لازم نحجز كيف تنصحوني ارتب رحلتي ألمانيا النمسا سويسرا باريس
• إستفسارات عن الغابة السوداء
• ابي فزعتكم يا المكائن الالمانيه ضروري جدا
• من ميونخ مرورا بإنترلاكن ووصلاً لباريس مساعدتكم يالطيبين

السلام عليكم ورحمة الله وبركاته

الحمدلله على السلامة يا مشرفنا , وأتمنى قضيت وقت سعيد في بلاد الجرمان , والله يعطيك العافية على هذه المشاركة المتميزة , واللي مانقصها ألا اللوبي في الفندق

تحياتي

ما شاء الله تبارك الله

والحمد لله على السلامه ... هذا وانت كنت ناوي انك ما تسافر بهالاجازه !

انا من رجعتي من السفر وانا فاقد طلتك الرائعه

عموماً انت مبدع ... ولديك حس رائع في العرض و ممتع للغايه .. ...

هذا اقل ما يقال في مشاركاتك الرهيبه...

وانا في استعراضي ينتابني حس اني معك خطوه بخطوه

تقبل وافر تحياتي

السلام عليكم
الحمد لله على السلامة أخي الكريم ياماس ... و شكرا على المعلومات القيمة و الصور الرائعة ...
و تمنياتي لكم برحلة ممتعة و موفقة .

السلام عليكم ورحمة الله وبركاته
حمدالله على سلامة الوصول
اخوى
ya-mas

شوى شوى ارفق على حالك وش فيك على الديره والله من الصور
تحس انها رهيبه وممتعه

وكفايه ان فيها مطعم العمه
على فكره هى نفسها حقتنا ولا غيرها


بس انا عارف اللى مضيق خاطرك اللوبى الكبير حق الفندق
الله يسامحك
يامعجب


عموما اشتقنا لهالاطلاله الحلوه
وان شاء الله ننتظر عودتك سالم غانم
والله ييسر كل امورك
بهالديره

اخوك
ابومضاوى

وعليكم السلام ورحمة الله وبركاتة

هلا والله وغلا بطلتك يالغالي...

مشاء الله تقرير رووعه...وطريقتك المتميزة والمبدعه دائماً في طرحك...

تقبل تحياتى...واتمنى لك التوفيق في باقي الرحلة

ابولمى

الحمد لله على السلامة ،، وانشاءالله استمتعتم كثيرا..... بصراحة يبدو انك لم تستعد جيدا للرحلة والتحضير لم يكتمل 100% لان عنصر المفاجاة يتكرر في رحلتك ويبدو لي ان الضروف لم تخدمك كما كان متوقع ... بس اكتسبت خبرة ، والحمد لله على السلامه ...

الحمد لله على السلامه ...

استوقفني انك كلامك ( قيمتها " 89يورو " أول ليلتين وبعدها أخذناها من طريق الأنترنت بمبلغ " 69يورو " فارق " 40يورو ) .... افهم من كلامك انك حجزت من اقرب محل انترنت في نفس هامبورغ ؟؟ هل وافقوا على ذلك هم ؟؟ وممكن اسم الموقع اللي حجزت عليه؟؟ يعني كل موقع ينوثق فيه او لا؟؟

وشكرا لك

السلام عليكم ورحمة الله وبركاته

حياك الله اخوي معجب ومشكور حبيبي ولي وقفه معك مع لبيات بلاد الجارمن وماجاورها ... بس خلنا نرجع ان شاءالله

هلا والله غلا حبيبي واخوي AlSahab العذر والسموحه على عدم التواصل معك مسبقاً وانت اعلم بحالي .. وكلامك الجميل كشخصك الكريم وماتفقد عزيز اخوي ...

الأخت الغالية سحر الشرق مشكور على إطلالتك وهذا من لطفك ..

حبيب الملايين ابو مضاوى ياهلا ياهلا وصدقني البلد حلو ورهيب لكن كثرة الأيام هي اللي خلتني اقول... والعمه الله لا يعوقب شر مريته وأكلت منه ... لا وبعد فيه صوره لمطعم العمه في امستردام لكن خله يجي موضوع امستردام ونعطيك اياها .. واللوبي لنا وقفه معه وتبي نخاويني لمعجب يالله

مشرفنا الكبير وحبيبي الأكبر ابولمو يكفيني اطلالتك ومشكور كثير وان شاءالله الجاي بيعجبكم تكفون

اخوي يزيد الخير وكلك خير وبركة والحمدالله الأستعداد مافيه مشكله وطالما الواحد يعرف يدبر عمره ماراح يضيع وخاصه هذه البلاد قمة بالترتيب .. الضروف مافيها مشكله الحمدالله المده مفتوحه .... وشغلنا الأهم في هامبورج وبكرا بأذن الله راجعلها ومتحير وين نروح بعدها إما الدنمارك أو الرجوع لمنطقة دوسيلدورف ومنها إلى لوكسمبورق ...

اخوي ابوفهد الجريح حياك الله ... بالنسبة لأستفسارك فهو تسطيع اخذ هذا السعر من طريق موقعهم الرسمي كما أوضحته مسبقاً ... وللعلم اليوم عندما أردت ان احجز من طريق النت لقيت ان سعرهم رجع لقيمتة العادية لكن يمكن فيه شي هاليومين وفي هذه الميدنة خلاهم يرجعون السعر الرسمي ..

واي شي تراني بالخمه اخواني اليوم في دوسيلدورف وبكرا راجع على هامبورق ومنها ماندري

تحية وتقدير للجميع

الله يعطيك العافية أخوي وييسر دروبكم على هذا الشرح الكافي والوافي والمتميز.

بارك الله فيك و نفع بك الاسلام و المسلمين.

وإلى الامام دائما.

الحمد الله على سلامتك لكن عندي سؤال
هل يوجد مضايقات في الدول إلي رحت لها

الحمد لله على السلامة

ان شاء الله انك انبسطت بالرحلة ؟

ومشكور على التقرير المميز كالعادة منك والصور الرائعة ..........

هلا هلا هلا هلا هلا هلا هلا هلا هلا

أولاً مشكور على رسالة الجوال وأنا بلغني عنك أخوي ابو ريان أنك بالمانيا ،،،

وأنت ما تصدق على الله أول ما غبت عن المنتدى كم يوم الا أجي والقاك ما شاء الله مقلع لا وبعد لألمانيا

على العموم ترجع بالسلامة

وأعذرني ذاك وذاك جبت لك كم حبه بس الشكوى لله أستعملتهم كلهم حتى أني بآخر الأيام صرت أحطه مع القهوة من زين ريحته ،،، تصدق الوالدة تدعيلك أنك أرشدتنا لهالأشياء الحلوة ،،،

تقولي أول مره تجي وتجيب معك شي ينفع

على العموم كف خلي مشكور على العرض والأخراج الأكثر من رائع وكذلك السرد ،،،

أبدعت حبيب قلبي ،،،

ترجع بالسلامة و لا تتأخر بسرد باقي رحلتك ،،،

[color="#990033"]ومع صانسيلك شعرك يصير لماع ومابه قشره :surf

هلا بابو عبدالله

ما شاء الله عليك فرييييت الديرة

أما قصة اللوبي هذي يبي له موضوع خااااص

عجل علينا حبيبي بباقي المواضيع ... الوعد تروبيكانا سيتي

مشكووووووووووووور اخووووي واللهـ .. ننتـــظر باقي الرحلــــه ..

لاهنتـ

..

الحمد لله على السلامه ولا تعبت
ماشاء الله عليك على الابداع في اخراج الموضوع الرائع

مساء الخير اخوي ياماس الالماني

ان شاء الله رحلتكم كويسه ومرتاحين وماشاء الله الصور روعه

ان شاء الله تكون باقي رحلتكم ممتعه ومشاكلها اقل.

مشكووووووووور على التفاصيل واعجبني تحديد لون الخط طريقه تناسبني جداً,,,,,,, ولا اوصيكم باسواق هولندا
احلى منها مافيه لاميونخ ولا سويسرا ولا ميلانو ولا فرنساء

[align=center]مشرفنا الكريم

ياماس الألماني

حمدالله على السلامة ..
تقرير رائع وصور أروع ..
الله يوفقكم في باقي الرحلة وتنبسطون أكثر ..

في حفظ الرحمن[/align]

السلام عليكم ورحمة الله وبركاته
تحياتي لك أخوي العزيز Ya-mas..
مفتقدينك في المنتدى وإن شاء الله تكون بخير وعافية إنت والعائلة وترجعون بالسلامة وبحفظ الله
قلت ألحق أكتب لك وإنت ألماني قبل ما تصير هولندي .. ما شاء الله تغطية ألمانية شاملة للمناطق التي زرتها وشرح وافي و أسلوب محبب للناس لتكملة القرآة ودائماً كالعادة ترتيب وصور جميلة وتفاصيل نستفيد منها من ناحية ذكر المميزات والعيوب نشكرك ونقدر إنك أخذت من وقتك وإنت مسافر لكي تزودنا بإخبار جديدة تفيدنا وتثري المنتدى وأتمنالك التوفيق في بقية الرحلة
وعلى طاري العائلة والأطفال كنت أتمنى لو رحتوا سويسرا بس إنشاء الله السنة الجاية لأن كلنا كبار أو صغار ننبهر بالطبيعة هناك تقول دروس جغرافيا في كل مكان وهي ترى أرخص من بقية دول أوروبا على عكس ما يقال عنها إنها غالية وإن شاء الله أعملك برنامج رحلات يغطي كل شيء وإنت مرتاح ونسمع عنك دائماً كل خير..موفق والله معاك

اخي ياماس من فضلك راجع الخاص

مشكووور اخوي YaMas
على هالشرح الوافي والله وهالصور الحلوه
يعطيك ألف عافية
وبانتظار عودتك اخي الكريم

بسم الله الرحمن الرحيم

تحية وتقدير للجميع وقبل كل شي أحب أن اعتذر على عدم ردي بالسريع العاجل نظراً لأني أستخدم كمبيوتراتهم ويصعب الرد بواسطة الكيبورد العربي لأنه ماراح يفي بالغرض ... وألف ألف شكر لجميع الخوه والأخوات ...

عموماً .... سوف أستكمل ما توقفت منه وأتبع هذه المدينة بالمرور على " المسجد والمركز الإسلامي " أيضاً الذي ذكرتها سابقاً المطل على البحيرة ...:

هذا المركز و المسجد مفتوح للجميع من الخارج ولكن مغلق من الداخل إلا بأوقات الصلاة .. رأيت الكثير من السواح يقفون عند سور المسجد ويأخذون بعض الصور ومنهم من دخل باحة المسجد التي تتوسطها نافورة ...



هذه الصورة تبين المركز و المسجد أجمع .. وفي زاوية الصورة وضعة اللوحتين اللتين في المدخل ... العلوية كتابات وكتيبات باللغة الألمانية عن الإسلام والمسلمين وقد وضع ملصق يسار اللوحه تبين أنه يمنع دخول الكلاب " أعزكم الله " ... الصورة التحتية تبين أسم المركز " المركز الإسلامي في هامبورق " و المسجد " مسجد الإمام علي كرم الله وجهه " وذلك باللغة " العربية - الألمانية - الفارسية " ...

وعليه اختتم حديثي عن هذه المدينة ولي وقفات عن المناطق القريبة منها ...

تحية وتقدير
ياماس

ماشالله روعه شكلها ونيسه البلد سمعت عن هامبورج الكثير

شكلها تستاهل ان شالله نروح لها في المستقبل

سلمت يداك على الصور الرائعه.

[align=center]الأخ القدير ياماس

ألف الحمدلله على السلامة
وتشكر على مجهودك العظيم لنقل المعلومات أول بأول

الله يوفقكم في هالسفرة

مع التحية[/align]

أخوي Great Britain الغالي ياهلا فيك معنا اخ عزيز علينا وبارك الله في كلامك وان شاءالله مانعمله لهو للجميع ونبتغى دائماً رضاكم ..
حيا الله اخوي sheraze ياهلا والله فيك .. وابداً اخوي والله ماشفنا أي مضايقات بل بالعكس في مدينة بون كأنك في بلد خليجي ترا العبائة والغتره والشماغ الزي الخليجي وبكل رحابة صدر ... النظره عن مثل هذه الماضيقات وخلافه معدومه ...
خبيرتنا طيف الورود ياهلا فيك ومشكور على إطلالتك والحمدالله أكيد مبسوطين والبلد بسيط موب مثل ماتوصرنا وخاصه بأستخدامنا السيارة ...
حبيبي KABAYAN لا تفضحنا الله يهديك ابد كله ولا الوالده تتهنى فيه لكن لو بقالنا لو صبه كان زين ...
مشرفنا العزيز أبو ريان اللوبي بالتروبيكانا والمواضيع نزلناها ...
اخوي a_tourist ياهلا فيك وكل ماعندي نزلته دفعه وحده ...
أخي الكريم مصعب الشكر لك وان شاءالله يستفيد الجيمع ...
اختي الكريمة البرنسيسه الحمدالله على كل حال وان شاءالله كويسه وخاصة بعد مازان الجو وشفنا الأمطار وحسينا بالبروده وماناقصنا غير الثلوج ...
اختي الغالية غروب مشكورة على النصيحه ومادري والله عن الأسواق لكن أشوف أن كولن بعد زيارتنا لها ماعلهيا ... طبعاً رأي الحريم هو الأوضح ..
خبيرتنا اماراتيه الله يسلمك ويخليك وهذا من ماعندكم ... ومشكور على هذا التشجيع ..
خبير الخبراء راعي سويسرا ياهلا والله والف مسهلا والله انا اللي فاقدك لايكون مسافر بس ولا خبرتنا ... وعلى طاري سويسرا والله يمدحون لوكسمبورق أكثر لكن والله الوقت والوضع ماخلنا نروح ولا كانت في بالي .. لعلنا بباقي الوقت " 3 لأاسبيع " نقدر نروحلها ونجيب العولم الزينه .. والف شكر لك
اخوي العزيز مشعل الف شكر لك وان شاءالله باقي المواضيع بين يديكم ولو فيه زياده ومدن أخرى راح أضعها بين يديكم وكلنا لكم ... وعلها تنال على رضاكم ...
أختي غموض الغد مشكور على أهتمامك والبلد جميل نوعاً ما ويزيد جماله لو نرى الإبتسامه لدى اهلها فهم عمليين جداً ولا وقت لهم للأخذ والجذب ... عموماً قريب منها بلدان ومدن جميلة تكون هي النقصد أكثر من المدينة " هامبورق نفسها " .. وان شاءالله السفرات الجايه لكم تكون هي المحك الصلي ...

أختي القديرة المسافرة الشكر لكم ولمعلوماتكم القيمة ... وان ذاءالله مواضيعنا فيها المفيد وهذا مانبحث عنه ...

تمنياتي للجميع بتمام الصحه والعافيه

الحمدلله على السلامه

صور رائعه وتقرير مفصل
تسلم يديك

رائع رائع رائع أخووووووووووووووي الغالي ياماس ،،

أبدعت الصراحة

والحمد لله على السلامـــة ،،

وياريت لو انك رايح فرنســا ، كان بتنبسط أكثر من ألمانيــا ،،

تحياتي لك

السلام عليكم ورحمة الله وبركاته

اخي الغالي مهاجر جزاك الله خير ويسلمك ربي ..

حبيب قلبي بومحمد أنت الأروع حبيبي ومشكور على هالنصيحه لكن اللي بنفسي لوكسمبورق أكثر من فرنسا ... وان شاءالله الجايات أكثر ..

والله يوفق الجميع
تحية وتقدير

ماشاء الله موضوع مرتب وحلو
وحمد لله على سلامتك

[align=center]

وعليكم السلام ورحمة الله وبركاته

ما شاء الله تبارك الله شهالشي الحلو مشرفنا عساك على القوة

يعطيك العافيه أخوي ياماس شرح رائع وصور جميله

و من المؤكد اننا ما راح نستغني عن كل معلومه أدرجتها بموضوعك في حال لو قررنا أن نقلع يوما الي

المانيا او النمسا وسنضع كل ملاحظة ادرجتها بعين الاعتبار ,,

والله يعينك على القروب الي معاك وشناطهم ...

تحياتنا لك وللأسره الكريمه و بالسلامه إن شاء الله و تمنياتنا لكم برحلة سعيده



تحياتي ................ [/align]

[align=center][glow=000000]وعليكم السلام ورحمة الله وبركاتة

هلا والله وغلا بطلتك يالغالي...

الله يعطيك الف عافيه
على الشغل العد ل
تسلم يمينك[/glow][/align]

سلمت يداك يا مشرفنا العزيز على التقرير والصور والإبداع في طرح الموضوع


تحياتي ،،،

السلام عليكم ورحمة الله وبركاته

مشكور اخوي fms وياهلا فيك ..

مشرفتنا الغاليه الباحثة ابشري باللي يسرك وخاصه ألمانيا بس انتي اشري واحنا نقشر .....

الله يعافيك اخوي البدر وتسلم على وقتك الثمين وقرائتك لهذه لتقارير السفره وتعليقك الجميل ...

حبيبي Awal_7abib يامال العافيه والله وان شاءالله لنا رحله مع بعض بس ماتقول الشرق ...

والف تحية للجميع

)حقيقى يا ياماس بعد المدح الى انحكى فيك من الاخوان ما فية غير اقولك انة بعد ماشفت صورك وموضوعك تستاهل تتعادل بالالماس ترى مانى شاعرة لاتصدق عموما مشكررررررررررررررررررررر