مسائكم ياسمين دمشقي
أولا : أبارك لكم شهر رمضان وتقبل الله منا ومنكم الصيام والقيام..جت متأخرة..
ثانيا : أهنئكم برجوع ملك القلوب ألى أرض الوطن سالما ..الله يحفظه ويطول بعمره..
ثالثا : أخبركم بشيءأنه صار لي تقريبا ثلاث سنوات ما زرت مملكة البحرين
لأني من شمال المملكة والمسافة بعيدة وأيضا قرب (الأردن وسوريا)سحبت بساط السياحة..
رلبعا : هو أني تفاجأت بما رأيته بالعاصمة من تطور عمراني رهيب أبراج وأسواق وشوارع
يعني بالعربي تغيرت علي المنامة (مثل ما يقولون) 360 درجة..
خامسا : وهو الأهم هو ما لقيناه من ترحيب وبشاشة ومثل ما يقولون حسن إستقبال
من بعض شباب البحرين اللي صراحة كانوا قمة بالأخلاق والتعامل وكرم الضيافة :113:
كانت بالأمس رحلة خطافية وسريعة ودخلنا المنامة وإحنا ما ندل فيها أي شيء
وأول واحد سألناه عند إشارة عن سوق السيف قالنا الوصف صعب عليكم وما راح تدلون
لكن إلحقوني وأنا أدلكم عليه وبالفعل وقفنا عند السوق اللي قبل السيف نسيت أسمه
وقال وقفوا السيارة هنا لأن ما راح تحصلون موقف عند السيف وتفاجأنا إنه نزل معنا ودخلنا
هالسوق اللي يمكن إسمه العالي وطلعنا من الجهة المقابلة وقالنا هذا سوق السيف تبون
أي شيء أوخدمة قلنا لا بس إنت ما تبي تروح للسوق قال لا أنا مشغول شوي بس
حبيت أساعدكم وأدلكم على السوق لأن واحد له ثلاث سنين ما زار البحرين واحد أول مرة
يزورها وإن شاء الله تتكرر زياراتكم للبحرين..شكرناه على المساعدة ورحنا للسوق..
أدري فيه كثير راح يقول عادي واحد فاضي وحب يساعدكم بس انا أقول اللي مو عادي إنه
واحد شباب وأكيد عنده مشاغله وبعدين شكله ( مقرش ) ما شاء الله يعني وش يبي فينا
يعطل نفسه ويمكن مصالحه عشان يدلنا على سوق..
اللي عرفته وفهمته وتأكدت منه إن الشعب البحريني قمة في كل شيء في إستقباله
وتعامله وأخلاقه وكرمه طبعا ومو بس هالموقف صار لنا كذا موقف تأكدنا من هالشيء..
وقفنا سواق تاكسي وسألناه عن خيمة رمضانية زينة قال بدل ما آخذ منكم مبلغ كذا راح
أوصفها لكم وأنتم تدلونها وبالفعل دلنا على خيمة جراند توليب قال أحسن وهادية..
ووقفنا واحد وسألناه عن مطعم وأيضا دلنا يعني بصراحة أخذنا إنطباع مهم عن أهل وشباب
البحرين إنهم أشقاء وجيران وحبايب ورااااااقين نعم شباب البحرين أعطونا صورة رائعة عن هالبلد
وهذا قل أن تجده عند بعض الشباب العربي..
صراحة إستمتعنا بالسفرة وأقول شكرا لكل اللي ساعدونا ووصفوا لنا الأماكن الزينة والله
يعطيهم العافية وكل الأمنيات لمملكة البحرين التقدم والتطور ولملك القلوب الصحة والعافية
ولشعب البحرين والشباب البحريني مشكورين والله يحفظكم ويخليكم لأهلكم ولبلدكم.....
كلمة صادقة من قلب شمالي صافي....
وتقبلوا تحياتي...
:113::113::113::113::113::113::113::113::113::113:
:24: ذيب الشمال :24:مواضيع عشوائيه ممكن تكون تعجبك اخترناها لك:
- ماهي اجراءات الدخول للبحرين
- موقع الديوان الملكي
- سؤال ؟؟ عن فندق الخليج
- احداثيات مملكه البحرين
- تقرير عن اجنحة الراية سويتس
- افضل مكان للصرف في البحرين
- ارتفاع ضحايا العبارة البحرينية الغارقة إلي قتيلا
- سكن قريب من جامعة الخليج العربي
- مساعده يابنات
- كافيه ليلو بمجمع العالي
- رحلتي الى جز حوار
- للخبراء البحرين أين الطريق إلى مجمع ذا لجون الخور ؟
- ابي افضل فندق في البحرين شارع المعارض من ناحية النظافة و الخدمة
- الشراع ومارينا
- ابي رايكم يا اهل البحرين
- استفسار مستـــــــــــــعجـــــــــــــــل
- همتكم معاي يا اهل البحرين
- مسرحيات البحرين
- طالبه فزعتكم يا اهل البحرين لقضاء ليله خاصه فيها
- البحرين تستضيف الجولة الأخيرة من بطولة بي ام دبليو فورمولا
المفضلات