الموضوع: ابغي فندق في البحرين 4 نجوم

أخوي أفضل الفنادق الأربع نجوم ،،
(ميركوري جراند السيف، إليت سويتس، نوفوتيل الدانة، فندق بايسان الدولي..إلخ) ،،

فندق ومنتجع نوفوتيل الدانة جميل جدا، وفيه شاليهات وشاطئ خاص وعدد من المطاعم ،،

المجمعات:

- مجمع السيف ،،
(أكبر المجمعات حاليا، ويوجد فيه عدد كبير من المطاعم والمحلات، ومجمع صالات سينما، ومركز ترفيه "مجك آيلاند"، وقد تم افتتاح التوسعة مؤخرا ،،

- مجمع الدانة ،،
(يحتوي على عدد كبير من المحلات، وهايبرماركت "لولو"، ومجمع صالات سينما، ومركز ترفيهي للصغار والكبار "شاكازولو" ،،

- مجمع البحرين ،،
(مجمع حجمه جيد، وجميل جدا، وفيه عدد من المحلات والمطاعم، وهايبرماركت "جيان"، يعتبر مجمع عائلي)

- مجمع العالي ،،
(مجمع هادئ، ولكنه مجمع كبير وجيد، يحتوي عدد من المطاعم، ومركز ترفيه "نسيت اسمه")

- مارينا مول ،،
(يعرف بإسم "سنتربوينت" أيضا، وفيه عدد من المحلات المشهورة "سبلاش، لايف ستايل..إلخ"، وفيه مركز ترفيه "مجك آيلاند"، وعدد من المطاعم بالإضافة إلى بوفيه)

أفضل المطاعم:
- زيارة، مطعم متنوع يقع في ضاحية السيف، وهو قريب من مجمع السيف ،،
- جسميز، مطعم وجبات سريعة مضمون وحلال، ويوجد له فروع في أغلب المجمعات ،،
- يم يم تري، مطعم وجبات سريعة مضمون وحلال، ويوجد له فروع في بعض المجمعات، وأفضل فرع الي يقع بالقرب من خليج توبلي ،،
- الأبراج، يوجد له عدة فروع في البحرين، ويعد أحد أكثر مطاعم البحرين شعبية ،،
- أصفهاني، يقدم أشهى المأكولات الفارسية، وله فرع في شارع المعارض، مجمع الدانة، مجمع البحرين ،،
- مرمريز، مطعم يقدم مأكولات منوعة وفارسية، له فرع واحد مقابل مجمع البحرين ،،
- لنترنس، مطعم يقدم مأكولات هندية يقع على شارع البديع، بالقرب من مطعم برجر لاند ،،

المشاركة الأصلية كتبت بواسطة Don Medo
http://www.arabtravelersforum.com/tr...2/#post1632144

السلام عليكم

انا بعد جم رايح البحرين فبغيت مساعدتكم بالفندق الي اسكنه بس بغيت انه يكون 4 نجوم

و بغيت المجمعات الي ازورهم

و الاماكن السياحيه من جزر و غيرها

و المطاعم الحلوه من ايرانيه و هنديه و غيرها

يعني انه تضبطوني بجوله سياحيه بس بعيده عن المتاحف و الاماكن التراثيه و الاسواق الشعبيه


و يعطيكم الف الف عافيه مقدما



فنادق 4 نجوم :
1- ميركيور جراند ( قرب مجمع العالي والسيف )
2- اليت سبا ( جديد ويطل على البحر بالقرب من المتحف )
3- اليت جراند ( ضاحية السيف )
4- فندق السفير ( الجفير )
5- فندق رمادا ( العدليه )
6- كراون بلازا ( الدبلوماسيه )
المجمعات :
مجمع السيف ( ضاحية السيف - اكبر مجمع في البحرين )
مجمع العالي ( بالقرب من مجمع السيف )
مجمع البحرين (في الجهة المقابله لضاحية السيف )
مجمع الدانه ( في السيف بعد !!!)
مجمع الشيراتون ( مجمع فيه مجوهرات ووكالات الساعات و ملابس ماركات مب وايد بس زين )

المطاعم :
الايرانيه : اللي في فندق الخليج - فندق الشيراتون - اصفهاني في شارع المعارض
الهنديه : اللي في فندق الريتز - لانترنس على شارع البديع - ببر في العدليه بالقرب من ديوان الشيخ خليفه وفي صفة صالون دي سانج - كوبر تشيمني في ام الحصم.
الصيني : مطعم هونج كونج الصيني في ام الحصم - فندق الخليج .
ايطالي : مطعم تشيكو في العدليه بالقرب التحقيقات الجنائيه - فندق الريتز .
برازيلي : برازيل في مجمع السيف - برازيليا في العدليه .
مطاعم متفرقة :
-تريدر فيكس في فندق الريتز مطعم ممتاز وقعدته وايد حلوه واكله ممتاز .
-نينو خارج مجمع العالي.
- ميت كوبني في العدليه .
-مطاعم متفرقه في منتجع بنيان تري .
- اكلات بحريه : فش ماركت ( في منتجع البندر ) - ويفز (فندق كراون بلازا)
قهاوي ( كوفي شوب) :
1- (لي لو ) في العدليه.
2- كوكوز في العدليه .
3- لا شكولا في ضاحية السيف .
4- ستار بكس ( سار)
5- كاراميل يم ستاربكس ( سار)
6- مايا في مجمع السيف وايد حلو

منتجعات وجزر وترفيه :
1- جزر حوار (في مكتب يم كورنيس النادي البحري تحز منه او خل فندقك يحجز لك) .
2- منتجع البندر (فيه شاليهات والعاب بحريه ومطاعم وبولنج ).
3- جزر الدار (تقدر تروح لها عن طريق منتاجع البندر )
4- نوفيتيل الدانه (في شاطي حلو فيه العاب بحريه وتقدر تروح له حتى لو ماكنت ساكن هناك) .
5- جنة دلمون المفقودة ( حديقة مائيه فيها زحلاقات عملاقه وااااايد حلوه بالقرب من حلبة البحرين الدوليه للفورمولا 1/2 ساعه من المنامه .

موفق ( :

مشكووووورين و ما قصرتوا مساعدتكم هذي ما راح انساها

انزين سؤال اخير شنو المنتجع الي تنصحوني اسكن فيه

و الفندق الزين الي يصير بوسط السوق

المشاركة الأصلية كتبت بواسطة Don Medo
http://www.arabtravelersforum.com/tr...5/#post1632865

مشكووووورين و ما قصرتوا مساعدتكم هذي ما راح انساها

انزين سؤال اخير شنو المنتجع الي تنصحوني اسكن فيه

و الفندق الزين الي يصير بوسط السوق



شوف اخوي :
افضل مكان تبي فيه بحر شغل عدل هو فندق الريتز بس اغلاهم ..
بعدين ايي منتج نوفيتيل الدانه فيه شاطي حلو والعاب بحريه وناس وايد تروح له بين المحرق والمنامه بينه وبين الاسواق 5 دقايق بالسياره ..
وعندك منتجع البندر في ستره وايد حلو بس يبيلك 20 دقيقه لمنطقة الاسوواق في السيف ..

الافضل لك في رايي نوفيتيل الدانه ..

ماعليش اخوان بس بكم اسعار الغرف وهل هي للعوائل او اعزوبيه انا رايح عزوبي

سعر الغرفتين مايقل عن 750 ريال والغرف لك عليها

اخواني سؤال اخبر لو ما عليكم امر

منتجع الندر من وين احجزله و جم سعره تقريبا

و جزر حوار هم من وين احجزله و جم سعره تقريبا


شنو احسن فندق 4 نجوم اسكن و تنصحوني فيه

و آسف تعبتكم معاااي

اخواني سؤال اخبر لو ما عليكم امر

منتجع الندر من وين احجزله و جم سعره تقريبا



اسمه منتجع البندر وفيه اربع اونواع من الشاليهات .. واحد صغير عباره عن صاله صغيره فيها الفراش و وكراسي وتلفزيون .. الشاليه الثاني طابقين صاله ومطبخ تحت وغرفه فوق .. والثالث نفسه بس غرفتين .. والرابع مافي منه الا ثلاثه كبير وطابقين وفيه بركه .. سعره متغيير من وقت لي وقت لكن هاذي رقمه 97317701201+





و جزر حوار هم من وين احجزله و جم سعره تقريبا



جزر حوار فيه نوعين من المواصلات لي حوار في البانوش و فيه طراد كبير وانا انصحك بالطراد احسن يفداك الجذب ما اعرف سعرهم لكن فندق ممكن يحجز لك ..
اما عن حوار في فندق وشاليهات وكلن له سعره وهاذي رقمهم 97317849111+






شنو احسن فندق 4 نجوم اسكن و تنصحوني فيه



في وايد وطالما تبي تروح حوار ماراح تحتاج البحر في الديره فاحجز في منطقة السيف عندك ( مركيور ) وعندك ( جراند اليت ) يم المجمعات

مشكوووووووووورين و الله ما قصرتوا

و تعبتكم معاااي وايد

الله يعطيكم العافيه

نوفوتيل الدانة كشخة واجد ،،

بس انتبه عند حجز لحوار، في كورنيش المارينا يوجد مكتب فيه لافتة كبيرة مكتوب عليها "حوار" وبخط صغير "الحجز والمغادرة"، وهذا المكتب يطل على البحر مباشرة وهو مخصص لفندق ومنتجع حوار ،،

ومكتب آخر لونه أزرق مخصص لشاليهات أخرى "منتجع دانات حوار، منتجع المها"، وما أنصحك بها أبدا، راجع تقرير الأخ De99 وبتعرف السبب ،،