الموضوع: البحرين في العيد

السلام عليكم أخواني بوابة مملكة البحرين

(1) الصراحة أنا حابه اسئل وين أقضي وقت حلو ألحين بالشتاء في البحرين لأنه مقررين أنا وزوجي وبنتي 5 سنوات وولدي 2 سنه نروح إجازة العيد يعني شنو ممكن نسوي هناك بالفتره هذي؟

(2)وإحنا حجزنا في فندق Best Western AL-Juffair شرايكم فيه؟ هل حواليه مطاعم أو أماكن ممتعه؟

وشكرا

:106:

مواضيع عشوائيه ممكن تكون تعجبك اخترناها لك:

• الحمد الله اليوم رجعت بالسلامة من بلدي الثاني البحرين
• سؤال عن فندق
• جو البحرين
• عــــــــــاجـــــل للأهـــــــــل البحرين او الفاهمين
• ابي سكن مناسب في الحرين
• الخطوط السعودية
• والله أحترت مابين منتجع إليت و دراجون
• الجديد في البحرين
• سؤال تجاري ارجوا المساعده
• وجبات في رحلات
• ساسافر للبحرين لاول مره وعندي كم استفسار
• استئجار سيارة من المنطقة الشرقية وتسليمها لمطار البحرين
• اسأل النصيحة منكم يا اخوان؟
• عاجل موقع مجمع يم يم بشارع المعارض؟؟
• سكي البحرين مشروع جديد سيحطم سكي دبي
• ✿ ✿
• الفنادق
• هاني سويتس تجربتي في أكبر الأجنحة بالصُور
• متى تبدأ التحفيضات عندكم؟
• واخيرا بعد طول انتظار تسيير رحلات بحريه سياحيه داخليه

المشكلة أن المحلات في البحرين قليلة ومرتاديها كثر، منطقة الجفير حيوية وبها شارع الشباب الذي يحوي العديد من المطاعم والمقاهي كـ شيليز وهارديز وبيتزا كومباني وستاربكس. الازدحام سيصل أقصاه أيام العيد خصوصا أن منطقة الجفير ليس لها إلا منفذ واحد على شارع الفاتح السريع فقط.

احنا بعد بإذن الله بتكون بالعيد بالبحرين

المراكز التجارية تفتح بالعيد ؟؟؟

وشنو المحلات اللي بالسيف القسم اليديد؟

كل المحلات تفتح أيام الأعياد والمطاعم تظل عاملة لوقت متأخر، تم افتتاح مقاهي ومطاعم مثل: دولسي، فاير أوف برازيل، كوستا كوفي، باول وغيرها في القسم الجديد بالإضافة إلى محلات كثيرة مثل: ميس 21 وأديداس وغيرها الكثير من محلات الملابس النسائية في القسم الجديد

شكرا أخي mhd 85 علي التوضيح وإحنا يمكن نقعد العيد كله في الفندق دام يمنا كل المطاعم والكوفي شوبز المهم التغيير

الفندق نظيف وحلو ومناسب للعوائل
اتوقع ثلاثة ايام كافية للسكن بالبحرين الا اذا كان هناك تخطيط للذهاب لبعض الجزر او السكن بالشاليهات.

بالتوفيق ،،،

شكرا Awal_7abib علي النصيحة وإحنا مقررين بس 3 أيام

تقدرون تروحون مجمع السيف .. ومجمع العالي ... ومجمع الدانة ... أو حتى تتمشون على كورنيش شارع الفاتح ... فيه ألعاب حلوة لليهال ... وفيه مطعم كورال بيتش له قعده تجنن على البحر ...

تقدرون تحضرون أفلام في السينما .. فيه اختيارات عديدة من الأفلام ....

وحياكم الله ...

مشكورين على التوضيح

فديت اهل البحرين

المشاركة الأصلية كتبت بواسطة Pink GirL Q8
http://www.arabtravelersforum.com/tr...6/#post1716046

احنا بعد بإذن الله بتكون بالعيد بالبحرين

المراكز التجارية تفتح بالعيد ؟؟؟

وشنو المحلات اللي بالسيف القسم اليديد؟



المطاعم والكوفي شوبس : بول , فاير اوف برازيل , فرجنانو , مايا ( عجيب مثل تشوكلت بار )

الثياب : GAB , بنانا ريبابلك , ووايد محلات الصراحه ما اتكر لكنه قسم حلو ..

التوسعه الجديده في السيف مليانه كوفي شوبز على كيف كيفكم بس اكيد راح تكون زحممممممه
اذا تحبون الشوكليت جربو مايا صدق صدق عجيييييييييب يمي يمي

يا هلا اختي حياج في البحرين
وبالنسبه لسؤالج عن الاماكن عندك المجمعات (السيف،العالي،الدانه،البحرين) اكثر وانسب مكان تقضون فيه وقتكم
المطاعم والكوفي شوبات مليااااانه في الجفير والمعارض ويم السيف
وعندك ابل بيز في مدخل مجمع البحرين وشيليز عند السيف ومطاعم اخرى
وفي منطقة سند فيه شارعين مقابلين بعض كلها مطاعم مليان مثل الابراج وفيدريكرز
والابراج له عدة افرع في العدليه وسند والمحرق ...الخ
وفيه عروض مسرحيات للعيد واظن فيه مسرحيه للأطفال بعد
وعندكم السينماااات فيه بالسيف والدانه
مطعم مرمريز مقابل مجمع البحرين اكله حلو ونظيف ويمه كوفي شوب اسمه اريزونا تابع له
وجلسته روعه فيه مكشوف او غرف والغرف احجام واسعار وفيها تلفزيونات يعني تكيفون وتاخذون راحتكم

وتوسعة السيف فيها محلات وااااااااااااااااااايد
عندك فور ايفر 21 وسيفورا (محل مكياج) وومن سيكرت وبيندون (ملابس داخليه)
واويشو oysho بجاماته رووووووووعة و gap وووايد محلات فوق وتحت ناسيه اسمها
غير الكوفي شوبات ومحل الكترونيات كبير

ورحله سعيده وتتهنون فيها....

شكرا أخواني اللي ردوا وجزاكم الله ألف خير

يعطيكم الف عافية
وسيشل يمكن نصادفج بالبحرين

حياكم الله في البحرين

و نتمنى ان نشوف تغطية لهذه الزيارة

Pink GirL Q8 والله أتمني أشوفج أنا بكون في إجازة العيد هناك وشرف لي التعرف عليج

DELL_bh إن شاء الله راح أكتب تجربتي في هالإجازة القصيرة علشان أتدرب علي تقرير إجازة الصيف اللي إن شاء الله يكون ممتع في أوروبا

سيشل
بعد قلبي ويزيدني شرف والله

دل
ان شاء الله بيكون فيه تقرير مفصل بعد ويرضيكم

يا هلا وغلا ..

في البداية راح يكون الجو حلو في العيد يعني لا بارد ولا حار حسب توقعات الأرصاد الجوية درجة الحرارة العظمى 24 والصغرى 16 درجة.

بالنسبة للفندق بست وستران سمعت ناس يمدحونه ، بس ماعندي أي خبر عن الفندق نفسه ، موقع الفندق رائع طبعاً منطقة الجفير غنية عن التعريف فيها مئات الفنادق وشارع متخصص في المطاعم والمقاهي بالإضافة إلى الأسواق الموجودة في أكثر من موقع في منطقة الجفير مثل أسواق ميغا مارت وأسواق الجزيرة.

على بعد أقل من 5 دقايق من منطقة الجفير مناطق العدلية وفيها مجموعة كبيرة من المقاهي الراقية سواء تلك اللي خلف فندق الخليج مباشرة أو تلك اللي على شارع القصر أو حتى اللي في داخل ، من المقاهي اللي ارتاح لها في منطقة العدلية ( دونفيتو - الفارندا - جيز - فرندز ) طبعاً هناك مقاهي اخرى كثيرة مثل لاميزون دو كافيه وبتيتس وغيرها ..

في منطقة القضيبية الملاصقة لمنطقتي الجفير والعدلية هناك شارع المعارض وهو غني عن التعريف لكنه لا يطاق أحياناً من كثرة الازدحام لكن فيه العديد من المرافق والفنادق والمقاهي والمطاعم والأسواق العامة والخاصة الأخرى.

ضاحية السيف تعتبر مثال حديث للمناطق السياحية وهي تبعد بالسيارة مع الزحمة التقديرية عن منطقة الجفير من 15 إلى 30 دقيقة ..
في ضاحية السيف هناك مجمعات السيف/ العالي/ البحرين / الدانة / وقريباً سيتي سنتر ثاني أكبر مجمع في الخليج العربي ولكن يبي له 6 أشهر بعد ..
في ضاحية السيف فنادق فخمة كثيرة ، مقاهي ومطاعم أخرى ، نينو / لاميزون دو كافيه / ومقاهي ومطاعم أخرى تابعة لأجنحة السيف / مجمع العالي من الخارج / مجمع السيف من الخارج أمثال روما كافيه.

في منطقة جنوب المنامة توجد العديد من المطاعم والقاهي كذلك ، مثال الفرندا في عذاري + مقاهي كثيرة على شارع توبلي الجديد + مجموعة مطاعم عند تقاطع الخريطة القديمة.

اذا تحبون المواقع التراثية والأثرية هناك عشرات هذي المواقع وعلى رأسها متحف البحرين الوطني الواقع بالقرب من المنطقة الدبلوماسية في المنامة وراح يفتتح أيام ثاني وثالث ورابع العيد من الساعة 10 صباحاً الى 8 مساء وطبعاً فيه عدة أقسام تروي حضارات البحرين والمنطقة العريقة بالصور والمجسمات وغيرها.

اذا كنتوا تحبون الفعاليات هناك العديد من المسرحيات اللي تقام في البحرين في العيد ، هذي المرة على راس المسرحيات مسرحية ( بادي جارد ) للفنان ( عادل إمام ) وراح تعرض في ثاني وثالث ورابع أيام العيد في مركز البحرين الدولي للمعارض.

دور عروض السنما منتشرة في مختلف أرجاء البحرين ، اذا كنتوا تتحاشون زحمة المجمعات التجارية هناك سنما ( الجزيرة ) في المحرق ، وسنما ( سار ) في منطقة سار على سبيل المثال.

إذا كنتوا من هواة البراري منطقة الصخير البرية فيها العديد من الفعاليات الشتوية ، تكلمت عن البر بحكم أن الشاليهات والشواطئ قد تكون باردة بعض الشيء هذي الأيام ، إلا أن هناك العديد من النوادي المنتجعات اللي بإمكاننا نفيدكم إياها اذا تحبون ، بس مسامحه على الإطالة ..

أخوي بحريني غير شكرا وايد وايد وايد علي هالمعلومات القيمة والبحرين طول عمرها غير :101:

فندق بيست ويسترن الجفير من أفضل وأنظف وأريح الفنادق التي سكنتها بالبحرين

الفندق أربعه نجوم، نظيف، وغرفه واسعه جداً وأثاثها راقي وسعره مناسب، وتتوفر في الغرفه والفندق بأكمله خدمة Wi/Fi وايرلس انترنت مجاني، وله مواقف جانبية خاصة لنزلاء الفندق، الفندق يسكنه بالغالب أجانب، وخدمة العاملين فيه جداً ممتازة، أنصح بالسكن فيه.

وبجانب الفندق مطاعم عديدة وكثيرة ومتنوعة، وسوبرماركت كبير.

شكرا شكرا شكرا يا مروق البال والله ريحتني الله يريحك دنيا وآخره