الموضوع: هل من المجدي ؟؟؟ دراسة بعشرون ألف ريال

اخواني نريد استفتاء بسيط في هذه القضية و الكل

يطرح رأيه إما من خلال تجربته أو سؤاله أحد الدارسين أو العارفين بالموضوع

هل من المجدي دراسة شهر أو شهرين في نيوزلاندا

مع وجود اساسيات بسيطة , علما بأن مبلغ الشهرين شاملا لكل شيء 20،000 ريال سعودي

وهل حجم الفائدة من شهرين يدفع بها عشرون ألف يستحق ؟؟؟

مواضيع عشوائيه ممكن تكون تعجبك اخترناها لك:

• إلى من يعرف أو يستطيع المساعدة للسفر لنيوزيلاند
• كانت كالحلم واصبحت حقيقة لم يكتمل
• تجربتي مع دار الحضانه وتحذير
• روتوروا نيوزيلندا
• نيوزيلاندا الحلم الذي تحول إلى واقع
• أسئلة استفسارات سفر
• ▒░ خبراء نيوزلندا يجيبون على جميع أسئلتكم من الألف إلى الياء ░▒
• ارجوا المساعدة العاجلة
• رحلة الدكتورة ام ابراهيم الى بلاد الكيوي
• طب الاسنان في نيوزلندا
• ريــح المطــر وتحدي العجوز الشمطاء
• تكفون يا اخوان ابتعثت لاوكلند بعد شهر
• استفسار بسيط
• أيش أسوي ؟؟
• اللغه في نيوزيلندا
• أفيدوني الله لا يحرمكم الأجر
• نيوزلندا
• هل الف ريال تكفي للدراسة في نيوزلاندا ؟ وسؤال آخر ؟
• اوكلاند فندق الويستن لا يفوتكم
• بجي اشتغل في الملحقيه السعوديه الجديده وش تنصحوني فيه

مساكم الله بالخير جميعاً ...

مشكورة ( 1 dana ) لطرحك لهذا الموضوع .. في الحقيقة ,, انطرح لي هذا السؤال اكثر من مرة وباشرت بالاجابة عليه من وجهة نظري ..


انا طالب مبتعث الآن في دولة نيوزلندا للبكلوريوس .. وصار لي الىن تقريبا شهر ونصف .. ولكن جيت نيوزلندا قبل كذا قبل سنة ونص تقريبا على حسابي الخاص لمدة شهرين ../،،

والله القضية ماهي قضية فلوس ؟؟.. لكن لا بد انك تعرفي حاجات اولية لدراسة اللغة الإنجليزية ..

ا اللغة هواية وموهبة .. فتختلف من شخص لاخر من مدى الاستيعاب والتقاطك للكلمات ومدى سماعك وفهمك للمحاداثات من اللي اللي حوله , وكمان برضو لازم تعرف انو اللغة انها ممارسة اكثر من انها دراسة .. صحيح الدراسة لها دور كبير لكن لابد من الممارسة خارج المعهد .. لانو المعهد يعطيك أسس فقط .. في القواعد ( القرمر ) ويحاولون يقوون عندك الاستماع ( الليسنيج ) ويدربونك على الكتابة والقراءة ( الرايتنق والريدينج ) لكن ,, لاتخلي اعتمادك على المعهد وبس .. لابد من ممارسة اللغة ممارسة ..محادثات وحوارات .. وتقويها من خلال نفسك اما الاستفادة لمدة شهرين .. فهذي ترجع برضو للشخص ؟؟؟

كيف وليش ومتى ولمذا وكيف كان مستواه ؟؟

ليش؟؟ يبغى اللغة هوا هل لتاهيل علمي ؟ أو فقط يريد المحادثة ؟؟

كيف تكون الاستفادة ؟؟ طبعا شهرين غير كافية لتكوين شخص متمكن في اللغة .. لكن بتسأل هل تستفيد .. اقول .. نعم راح تشعر بالفائدة .. فقارن نفسك اول ماتبدأ وحينما تنتهي .. .. كيف تكون الاسفادة تختلف من واحد لآخر ..

هل دراسة اللغة عند اهلها افضل من دراسة اللغة في المعاهد في البلدان العربية ؟؟ نعم .. هناك فارق كبير ..
فوضع المال في دراسة اللغة ومبلغ 20000 ريال سعودي سعر مناسب جداً.. لشهرين تتكفل بها جميع المتطلبات .

.. لكن توجيه مني |:

.. لايعتقد الشخص اذا جا شهرين ودرس حتى لو ضغط على نفسه .. في الدراسة انه راح يحصل ناتج كبير .لالا .. المسألة مسألة وقت في اللغة .. وتذكر انها هذي لغة ماهي مادة تدرسها وتذاكرها وتحفظها وتقدم فيها اختبار ؟؟ لا ..

وفي ملاحظة احب اطرحها كمان : اذا جيت لدراسة اللغة هنا لشهريين . ثم بعد كذا ترجع لبلدك وتنقطع عن اللغة راح تضيع 60 - 70 % اللي درسته ..

كيف تحافظ على اللي درسته لمدة شهرين ؟؟

اول شيء انا انصح فيه اذا كنت تشاهد الافلام والبرامج الانجليزية في التلفزيون . فهذي راح تساعدك كثير .. ثانيا حاول انك تقرا الكتب البسيطة باللغة الانجليزية بقدر المستطاع ., ثالثا .. حاول بقدر ماتمكن انك تتكلم وتمارس اللغة مع اي شخص يتكلم ويتحدث اللغة الإنجليزية ..

انا عندي خبرات عديدة في اللغة الإنجليزية لدي صداقات في دول اللغة كلها ... امريكا - كندا - بريطانيا - استراليا - نيوزلندا . واشخاص لهم خبرات لعدة سنوات ماهي يومين ولا شهرين .. دراسة اللغة يحتاج لها طويل فعلاً..

وذا اردتم اي تفاصيل .. عن اي شيء حول اللغة او غيرها .. فأطرحو أسئلتكم مباشرة على صفحات المنتدى .. والا يحتاج استفسارات خاصة يراسلني على الايميل ..

متمنين للجميع بالتوفيق والسداد ... وفقنا الله واياكم .. والسلام عليكم ..


تحيااتي

اخوي اللواء ماقصر

شهرين ماتكفي بصراحه

يعطيك الـــــــــــــــــــــــــعافية أخوي حسْاس .. وشكراً على مرورك ,,

تـــــــــــــــــــــــــــحياتي ,,,

انا رحت شهر واسبوع واستفدت شوي وانا ناوي اروح الصيف الجاي شهرين مهما كان تراها تفيدك

ما قصر اخوي اللواء ..

والله فعلا اللواء ماقصر

الله يوفقه ويوفقنا جميعا

بس برضه زي ماقال شهرين ماتكفي المتمرسين انهم يتقدموا كثير فما بالك المبتدئين

تحياتي

ياشباب انا شهرين تتوقعون تكفيني لاني اترجم اكثر الاغاني والفلام يعني لو اسافر من دون حجز المكتب

اتوقع ادير نفسي واعرف اتفاهم معاهم وهل تتوقعون 20الف شاملة كل شي من تذاكر الى..الخ..

تكفي لشهرين.


تشااااااااااو

نسيت شي عيبي اني مأاعرف اقراء انجليزي

يمكن عندك حصيلة كلمات جيدة
لكن القواعد والقراءة
؟؟

طبعا راح تخارج نفسك بالكلمات لكن كنظام تعليمي وانك رايح تتعلم
اللع اعلم
وان كنت ارى انك راح تطلع بنتيجه مرضية

طيب وش رايكم فيني أنا سبق ودرست في مركز اللغه هنا في السعوديه لمدة ثمان شهور

استفاده طيبه لابأس بها ...... كل الكلمات اللي أخذتها حفظتها جيدا ... بعد ماسويت أحصائيه

للكلمات طلعت تقريبآ 500 كلمه ,

بعد ماخرجت من المعهد .... بدأت أقراء كتب وأحفظ منها جمل , حفظي للجمل كون عندي كلمات

أخرى جديده من نفس الجمل اللي أحفظها ,

يعني ممكن وصلت 700كلمه ...........؟

المشكله تدرون في ماذا في ( الاستماع) اذا تابعت أفلام أو أخبار بالانجليزي .. صدقوني ماأفهم الا كلمه

من سطرين تقريبا.

لو سافرت شهرين أقول شهرين ...... هل تكمن الفائده ... ويتحسن السمع لمن هم في وضعي بالذات؟

أخوي اللواء

أخوي حساس

أخوي المايسترو


أبي أراءكم .... بكل مصداقيه ؟

ملاحظه

أموت وأتعلم انقليزي ( علما بأنني هاوي وراغب .... فقط لاغير)

هلا عزيزي
طالما درست هنا 8 شهور

راح تستفيد استفادة كثيره خلال شهرين ان شاء الله
توكلّ على الله

توكل على الله وروح وصدقني الدراسة ماهي بالمدة مثل ماتقول شهر اوشهرين ,فيه شباب راحوا 6شهور ولم يستفيدوا الا (ون مور)! وفيه شباب راحو مدة 50 يوم واستفادوا ,, عموما تعلم اللغة يختلف من شخص لشخص اخر :101:

اخوي / حساس

شاكر ومقدر وياليت تقلي استخراج الفيزا لا بريطانيا وشلون سهله والا صعبه


اخوي/ عزيزه

والله أتمنى في شهرين وربي يسمع منك

ولكل مجتهد نصيب

يأخوان انا جلست مع واحد نيوزليندي في السعودية لهجتة غريبة مره وغبية مره ابي ادري كيف تتعلمون لغة الانجليزية
ولهجتهم كذا يقطعون الكلمات وكأنة يهمس..

مأقول الى الله يعينكم؟؟؟
.


تشااااااااو

اخوي حزام الامان
لبريطانيا ماعندي خلفيه

//
اخوي عبدالله
اللهجه النيوزلنديه = اللهجه البريطانية
لازم ياكلوا الكلام وماينطقوا الـ r

وتقريب هم اسرع الشعوب تحدثا بالانجليزية

مـــــــــــــــهلاً مهلاً يا شباب ...

اللغة الانجليزية للدراسة الاكاديمية هذا شيء .. واللغة الانجليزية للدراسة العادية شيء آخر .. واللغة الإنجليزية في الافلام اللي تسمعوها شيء آخر .. واللغة الإنجليزية العامة اللي يتكلمو بها الشعب شيء آخر ..

شكراً على آراكم وطرحكم لها وأنا أأيد اكثر اقوالكم اللي تفضلتكم وطرحتوها بس عندي اضافات ...


....... فعلاً مثل ماتفضل اخوي عبد الله آل عبود .. ترى لهجة النيوزلديين العامة بينهم فيها صعوبة في الاستماع اذا تكلمو بللهجة الانجليزية العامة .. وخاصة لكنتهم لكنة بريطانية معقدة شوي مو مثل الامريكيين ؟؟؟ّ!

لك يااخوي .. حزاام الأمان .. اذا انت اخذت اللغة بهواية ان شاء الله راح تستفيد .. مو لازم تعرف تتكلم مع الشعب بطلاقة ترى هذي محد يجيبها الا واحد مجتهد جداً جداً والدراسة والممارسة ويختلط بالناس كثير ,
ومو لازم تفهم كل شيء يقولوه؟؟ لانو هذي مسألة وقتية يحتاج لها سنين مو شهور ؟؟ .. لانو انا اخويائي هنا لهم سنتين واكثر ولا يتكلمو بطلاقة قوية .. تخيل ؟؟؟! وشيء طبيعي هذا؟؟ لانو هذي مو لغتك ؟؟

لكن راح تستفيد كلمات جديدة . راح تستفيد بعض النطق الصحيح في اللغة ذاتها للكلمات اللي انت تعرفها واللي راح تعرفها وتحسن معانيها ونطقها اكثر..
راح تستفيد من القواعد ( القرمر ) بشكل افضل . .. تستفيد تقوي سماعك شوي .. يعني ترجع السعودية راح تحس بفايدة .. لكن اهم شيء اذا رجعت حاول تمارس اللغة بقدر ماتسطيع وتتفرج افلام كثير كثير كثير وتركز في الكلام .. مو تركز في البنات ؟؟؟!!!!!!!!!!!!!!!!!! ههههههههههه عذرا على المداخلة ؟!! لكن شهرين بتحصل شيء بسيط يعني وتختلف برضو من شخص لاخر لكن 8 اسابيع فترة قصيرة برضو ..

لو تقدر تجي 6 شهور وانت ماخذ قبلها 8 شهور .. حتصل فايدة وفارق كبير انت راح تشعر فيه ..

لكن برضو راح تحس بمرحلة ضعف في اللغة بعد رجعتك بفترة وهذا شيء طبيعي جداً
لكن حسب ممارستك لها انت راح تحفظها بقدرك .. طبعاً وتختلف من شخص لآخر في ناس ضيعوا اللغة 90% ... وفي ناس ماضيعوا الا 20 % .. فهذي ترجع للشخص نفسه
فانت استخير واستشير . واذا عزمت فتوكل على الله ...

انا اشجعك واحمسك دام عندك اللغة هواية .. واذا جيت هنا حاول تتكلم وتمارس مع اي احد لا تخجل ابدا ..
don not be shy

هذي نقطة ممتازة ماشاء الله تبارك الله .. راح تفيدك ... خذها مني انا مجرب .انااخذت اللغة هواية قبل كل شي ..


تمنى انو يكون كذا وصبلتك المعلومات ان شاء الله اللي تستفسروا عنها .. واذا احتجتو اي شيء اطرحوه أرضاً ..!!ههههههههههه

اي اضافات واستفسارات أخرى انا حاضر ؟؟؟

شاكرا لكم .. وتمنياتي للجميع بالتوفيق والسداد .. @:24:


تحياتي

أخوي / اللواء

ربي يسعد حياتك ويوفقك يارب

شكرا على الاضافات , وأسعدني ماكتبت , وأخذت الفائده من كلامك مافي شك.

أنا لو بيدي جيت ست شهور ماعندي مانع نهائي , لاكن ياعزيزي , أنا موظف ولا أستطيع الا في حدود شهرين

كما تعلم وهذا حكم القوي على الضعيف.

باءذن الله سوف أكون هناك في بريطانيا في شهر 6/7 جون وجولاي 2008م

وأنا من شهر تقريبآ مااسمع الا الببي سي نيوز أخبار بريطانيا طول ماأنا في( موتري )

وفي البيت أبد على الأفلام حتى طفشوا مني الأهل .

ولا تشيل هم ترى الكلمه الزانه (الحلوه) مسمعها الا من بنات الافلام (ههههه)

بس ياليت تقول لي كيف طريقة استخراج الفيزا وأفضل معهد بعيد أو يقل فيه العرب

في الفتره اللي ذكرتها.

شاكر ومقدر وحفظكم الله

افضل تروح للبنك ويعطيك جميع الاجوبة المتخصصة في الفيزا والشيكات السياحية وجميع الاشياء المتعلقة بهاذا..
بالتوفيق.



تشاااااااااو

صــــــــــبحكم الله بالخير ... ومسااكم الله بالخــــــــــــير ...

لانو انا عندي صباح .. وانتم عندكم مسااء ...!!!!!!!!!1111


والله اخوي حزاام الله يوفقك يارب ... خذ العلم مني وانا اخوك ...


اولاً انت بتجي شهرين صح ؟؟؟ نيولندا 3 شهور واقل مايبغالها فيزا ولا شيء ؟..

فيزا سياحيه هذي ماتخذها من مكان ولا من سفارة ولا شيء .. هذي سلمك الله ورقة أو استبيان راح يعطونك اياه في الطائرة تعبيه فقط !!

ثانياً .. والله المدن الا فيها قلة عرب .. الا انا اعرفها ... 1 نايبيير 2 هيستنق 3 هاملتون .. ماعندي خلفيات كبيرة تقدر تستفسر من المعهد اللي تراسله وتسالهم ؟؟ افضلك ..

والمعاهد تقريباً اسعارها متقاربة .. لكن انت دور وابحث اكثر .. وانصحك تبعد عن اوكلاند مرررة ... دامك شهرين .. تعال ادرس في مدينة كذا هادئة او ريف بعيد عن زحمة المدن وزحمة العرب والسعوديين ..

تحـــــــــــــــــــــياتي ..

يا اخوان انا في هذا الصيف اخذت معي الى اوكلند لمدة شهرين كانت كلفة الطالب دراسة وسكن مع عائلة ووجبة غذاء ورحلة نهاية الاسبوع .

كانت كلفة الطالب فعليا في حدود 18500 ريال في معهد Ef .

وحصل الاتي : الطالب الي عنده خلفية بسيطة عن اللغة ( الاول والثاني ثانوي تصور هذا ) استفاد بعض الشيء . الي عنده لغة متوسطة استفاد اكثر . الى ماعنده شيء ماسح ما استفاد شيء .

الوضع هناك في المعهد يختلف عندك جاليات من بلاد كثيرة رجال ونساء . وهذا يساعد كثيرا في تحصيل اللغة .

اذا كان راح تتاخر في الذهاب حاول زيادة محصلتك للغة . حتى تكون الفائدة اقوى وابلغ .

ملاحظة انتبه كثير من المعاهد هناك تركز على المحادثة وطريقتها مثل ( المناظرة . التلخيص ) .

المعهد هل فيه عرب كثر هذا مشكلة بالنسبة لتعلم اللغة .