+ الرد على الموضوع
صفحة 1 من 5 123 ... الأخيرةالأخيرة
النتائج 1 إلى 60 من 242

الموضوع: ذكرياتي اليومية لرحلتي الايطالية

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    ذكرياتي اليومية لرحلتي الايطالية


    [align=left][/align]
    بسم الله الرحمن الرحيم

    رحلتي الى ايطاليا
    العرب المسافرون
    .
    .
    .

    إخواني وأخواتي أعضاء المنتدى الكرام
    السلام عليكم ورحمة الله وبركاته

    قبل ما ابدأ بالموضوع أحب اشكر كل اللي ساعدوني على الحصول على معلومات عن السياحة في ايطاليا من خلال تقارير السفر الى ايطاليا وساعدوني بعد إن رحلتي الى ايطاليا تصير حلوه ومريحة . وأتمنى إن الموضوع يعجبكم وسامحوني لأني أبكتب بالعامية.
    وبسم الله نبدأ:
    كيف اخترنا ايطاليا؟
    أنا من زمان ودي أروح لايطاليا وبأحد الأيام جت من الله وطلع عند زوجي شغل بميلانو وقررنا نكملها بعد ما ينتهي الشغل ببقية المدن الايطاليه وكان خط السير كالتالي:

    ميلانو 6 أيام ومرينا فيها على كومو وقاردا لاند.
    فينيسيا 2
    ريميني 3
    روما 3
    وبكذا يصير مجموع الرحلة 14 يوم

    بعد ما قررنا خط السير قررنا إننا نحجز مباشرة من الخطوط السعودية عشان ما نرتبط بمكتب معين واتصلنا على الرقم الموحد للخطوط السعودية وهو: 920022222 وفعلا لقينا حجز بسهوله لايطاليا بس للأسف كانت المقاعد المخفضة محجوزة كلها اللي سعرها 3150 :55654:
    وبكذا طلعت علينا تكلفة السفر الى ايطاليا التذكرة ب3450
    بعدها بدينا ندور بالنت عن الفنادق المناسبة(واللي بذكرها إن شاء الله حسب روحتنا لها) وكان زوجي على اتصال بمكتب العربية للسفر والسياحة عشان تصير الحجوزات من عنده والفنادق اللي ما نلقاها عنده كنا نروح نسال الطيار والفرسان عنها واكتشفنا إن الفنادق اللي عندهم متشابهة وحتى الأسعار بعد.
    بعد ما حددنا خيارات الفنادق بدينا نفكر عاد بالفيزا.

    الفيزا:
    قبل ما نقدم طلب الفيزا كنت شايفه موضوع بالمنتدى عن التقديم للفيزا وبحكم إني ما رحت أوروبا إلا قبل 11 سبتمبر فأكيد القوانين كلها تغيرت وفعلا قريت الموضوع وعرفت وش الأوراق المطلوبة مننا وهي:

    تعبئه نموذج طلب الفيزا وتوقيعه من صاحب الجواز
    (النموذج ممكن تطبعونه من موقع السفارة الايطاليه وتعبونه أو تستلمونه من السفارة وتعبونه بنفس الوقت مثل ما سوينا)
    الجواز ولازم يكون موقع من صاحبه
    صوره من الجواز
    صورة جديدة وملونه لمقدم الطلب
    صوره من بطاقة الأحوال
    تامين صحي(يقولون ما يطلبه إلا السفارة الايطاليه؟؟؟ الاسبانيه والفرنسية لا.. والله اعلم:114: )
    إثبات وجود سكن على الأقل للأيام الأولى
    كشف حساب من البنك لمدة 6شهور سابقة
    مبلغ 158 ريال لكل شخص قيمة الفيزا

    الشي اللي ما درينا عنه انه لازم ناخذ موعد قبل ما نروح للسفارة ويكون بالاتصال رقم السفارة 4881212 وحنا يوم شفنا نفسنا فاضين الخميس الصبح قلنا خل نروح نقدم الطلبات على بالنا هم ما عندهم إلا حنا؟؟؟:106:
    يوم رحنا كاشخين للسفارة وزين كنت رايحه مع زوجي قال لنا السوداني عندكم موعد؟؟ قلنا وشوووو؟؟ وش موعده؟ مسكين جلس يضحك وقال أبدخلك بس عشان المدام معك.. ويومها حسيت اني :kashkhah: .
    يوم قدمنا الاوراق قالنا لازم تجيبون تأكيد لحجز السكن لان الورقة اللي معنا ما بعد تأكدت.. قلنا ابشر. وطلعنا..

    للمعلوميه تقديم الطلبات من الساعة 9- 12 الظهر بس (حسب الموعد اللي بيعطونك إياه)
    واستلام الجوازات من عند السكيورتي اللي عند الباب من الساعة 9- 4 العصر


    بعد يومين أخذت أنا ورقة السكن لان زوجي بالشغل ورحت مع خواتي للسفارة و طبعا أنواع التعقيد يوم جينا ندخل حي السفارات وأنواع الاسئله: وش جايبكم؟؟ وش تبون بالسفارة الايطاليه؟؟ وليش بتسافرون؟؟ وليش كلكم جايين وهي وحده اللي بتسافر؟؟ ووووو:ranting2:
    المهم رحمونا ودخلونا بالأخير. يوم دخلت وقدمت الورقة لوحده من اللي يشتغلون وقلت لها: خلاص اوكي؟؟ قالت:اوكي. بعد أسبوع تعالوا استلموا الجوازات.
    طبعا هم فيه ورقه يحطونها فوق الجواز إذا صار فيه ورقه ناقصة. نست الأخت تشيل الورقة يوم جينا نستلم الجوازات مالقيناها عند السكيورتي يوم دخلنا نسال قالوا ورقة السكن ناقصة يوم نادينا الأخت شكلها توهقت قالت تقدرون تجون بعد يومين وتلقون الجواز جاهز حنا ما حبينا نعقد الموضوع لان باقي على سفرتنا أسبوع وقلنا ما صار إلا الخير.
    وفعلا جينا بعد يومين وكان الجواز جاهز.

    الاستعداد للسفر:
    بديننا بتجهيز الشنط قبل بثلاث أيام تقريبا وكانت قبل بليلة كلها مصكوكة ومن الأشياء المهمة للي اخذنانها معنا :

    سجاده للصلاة/ بوصلة لتحديد القبلة /شاحن الجوال /كاميرا ديجتل مع ميموري إضافي وشاحن / فرشة أسنان ومعجون /كريم طارد للناموس / مظلة / جاكيت /كريم حماية من الشمس / حذاء مريح /شنطة يد تنصك بسحاب عشان ما تنفتح بسهوله/ فاوتشرات الفنادق/صورة من الجواز/ أدوات حلاقة رجالية /ادوية للضرورة مثل بنادول او اسبرين دوا للكحه (البندول اخذناه من هناك ب4,5 يورو):110:

    واهم شي تكون الشنط صغيره و مهب مره ثقيلة عشان ما تزعج وقت التنقل بالقطارات.

    اسفه على الاطاله وانتظروا اليوم الاول للسفر..

    مواضيع عشوائيه ممكن تكون تعجبك اخترناها لك:

    فنادق عطلات


    التعديل الأخير تم بواسطة safaa1984 ; 06-19-2017 الساعة 08:27 PM

  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    سجليني من اوائل الحضور لاني أعتقد اننا راح نكون مع موعد مع المتعة

    كبيان

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    ونا بعد وياكم

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    ما شاء الله شكلها رحله ممتعه

    نستنا البقيييه

    لاتطولين علينا







    المشاركة الأصلية كتبت بواسطة shoo sho


    [CENTER]/كريم طارد للناموس /..



    حتى هم عندهم ناموس...:114:

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    وأنا اسجل متابعة
    حيث ساتفرغ قريبا لقراءة بعض المواضيع يسعدني ان يكون موضوعك احدها بعدما انهي موضوعي عن مصر.
    تحياتي

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    يالله بسررررررررعه ترانا تحمسنا ...من جد موضوع حمااااس:113:
    بس لاتطولين علينا تسوين فيها تشويق:109:

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    اخوي كبيان
    هلا وسهلا فيك ولي الشرف انك اول المارين والمعلقين على الموضوع
    واتمنى يكون الموضوع على قد توقعك

    تحياتي

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    اخوي مشاري الكويت
    حياك الله واتمنى يعجبك الموضوع

    شكرا على المرور

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    هلا والله بفنو
    ياختي الحذر واجب.. ومن خاف سلم:24:
    اخاف يطلع لنا ناموس مثل حق المالديف
    ما يقرص.... يـــــــــــــعض:36_1_15:

    فنادق عطلات


  10. #10
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    هلا والله بكش مش
    لالا لاتخافين
    انا مع احلام يوم تقول::
    يقولون الثقل صنعه وانا اقول التقل بعدين:109:

    فنادق عطلات


  11. #11
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    هلا والله وغلا بنصراويه
    شكرا انك مريتي وعلقتي وحنا بانتظار موضوع مصر بحماس:icon_fara
    وانا بانتظار رجعتك للاجزاء الباقيه
    حياك الله

    فنادق عطلات


  12. #12
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    هلا وغلا باسوله
    شكرا على المرور
    وان شاء الله ما راح تستنين كثير

    تحياتي

    فنادق عطلات


  13. #13
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    اس اس السلاموعليكو:115:
    اختي العزيزه الحمد لله على السلامة:surf
    بالنسبة للموضوع بداية حلوه :24: وفي انتظار باقي الرحلة
    بصراحة بقول مشالله تبارك الله عشان ماتقولين عطتني عين
    ايطالي احد امنيات حياتي لكن للاسف الوالد يخاف من المافياااااااااااااا:109:

    فنادق عطلات


  14. #14
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    رفيقة الدرب شوو شو .

    أنا أيضا عدت من أقل من أسبوع من ميلانو .

    وبما أننا كنا في فترة متقاربة / يسعدني أن أقرأ إنطباعاتك عن المدن الإيطالية .

    بداية التقرير مشوقة .

    أنتظر باقي التفاصيل .

    وأكيد مواضيعنا بتكون مكملة لبعض.

    والأهم في النهاية أن نخرج بمادة تعود بالفائدة لكل العرب المسافرين للشمال الإيطالي مستقبلا.

    تحياتي لك.

    فنادق عطلات


  15. #15
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    اهم حاجه طارد الناموس بالفعل احتجناه هنالك كثير اما بالنسبه لسعر البنادول هذا شجعني اشتري علبة باندول قبل ما اروح

    متابعه

    فنادق عطلات


  16. #16
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    هلا وغلا فيك يا اختي السيده درجه اولى
    يشرفني والله اني كنت انا وياك بنفس الوقت في ايطاليا
    وان شالله اننا نفيد ونستفيد

    ويهمني انك تتابعيني

    فنادق عطلات


  17. #17
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    هلا والله فيك اختي الفرزدق
    الصراحه انتي لك شكر خاص لان معلوماتك ساعدتنا كثير برحلتنا

    وعلى طارد الناموس حنا جانا تحذير من قبل ما نروح مع ان الناموس ما شفناه كثير بس يقولون الحذر واجب

    تحياتي لك

    فنادق عطلات


  18. #18
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    اليوم الاول:
    اليوم الخميس 11-5-2006 رحلتنا متجهه لمطار ميلانو الساعه 2,5 الفجر و الرحله متجهه لميلانومباشرة وبعدها بتكمل لباريس..
    طلعنا من البيت تقريبا الساعه 12 ونص تحسبا لاي مشكله بالطريق ووصلنا تقريبا الساعه وحده وكان المطار مليان باكستانيين ..دخلنا العفش بسهوله وكملنا الاجراءات وبعدها قررنا نصرف الفلوس الباقيه معانا لاننا خفنا يصير الصرف بايطاليا مش ذاك القد وكنا صارفين بالبنك قبلها بيوم وكان سعر الصرف لليورو 4,8ريال وبالمطار كان صرفهم مررره شين صرفوا لنا اليوروبـ 5,05 ريال وكان ايامها اليورو مرتفع:112: ..
    المهم يوم خلصنا رحنا نستنا الرحله عند القيت وشوي الا اعلنوا عن الرحله وركبنا الطياره واقلعت الحمد لله بوقتها وبهدوء. وبصراحه انا من الناس اللي يحبون السفر وقت الفجر لان الطياره تصير مره هاديه.
    بالطياره الناس اللي نايم ويشخر بعد واللي عيونه بالتلفزيون واللي ما يصدق احد يمر من جمبه عشان يتلهى به واللي يقرا ..بس اهم شي انهم هادين.
    وصلنا الحمد لله مطار ميلانو الساعه 7 وربع يعني 6 وربع بتوقيت ايطاليا وهذي مناظر من الطياره..








    اول ما نزلنا ورحنا للجوازات ما كانت مره زحمه بس اللاين حقنا كان بطئ واخذت الوقفه مننا تقريبا ساعه الا ربع ومرينا بسهوله وبدون اي تعقيد وبعدها رحنا واخذنا عفشنا بسرعه وكنا متوجهين للانفورميشن بس بالصدفه شفنا واحد مصري تبع الخطوط السعوديه يدور ويساعد العرب سالناه وش احسن طريقة نروح بها للاوتيل قال الباص ارخص بس ابطأ واذا ما يهمكم خذوا تكسي بيكلف تقريبا 80-90 يورو قلنا خل نجرب الباص .. بس وين نلقاه ؟؟ قال: اطلعوا من هالصاله وروحوا لبوابه 6 مكتوب عليها bus




    وهو بياخذكم لمحطة القطار الرئيسيه ومنها يا تاخذون المترو او تاخذون تكسي وفعلا طلعنا ولقينا الباص كبير ومرتب مره ومن عنده تاخذ التذاكر وسعر الاثنين 11 يورو واحسن شي العفش ينحط بمكان مخصص تحت الباص.







    اول ما امتلا الباص مشينا وكانت الساعه تقريبا 8 ونص وبنص الطريق نزلوا نص الركاب وركبوا باص ثاني ..سالناهم ننزل؟؟ قالوا لنا لا تنزلون . وهذي صوره للطريق اخذتها من الباص



    ويوم صارت الساعه 9 ونص وصلنا السنترال ستيشن وفيها ستيشن القطار ومواقف الباصات وكانت الباصات كثيره وواقفه بالمواقف نزلنا واخذنا العفش ورحنا لمواقف التكاسي واخذنا تكسي وكان السواق مره حليل بس مايعرف انجليزي ووده اننا نفهم عليه بس حنا كنا مبلمين نفهم كلمه وعشره لا بس اللي فهمناه انه يمدح الفندق وانه قريب من كل شي..وربع ساعه تقريبا وصلنا للفندق وهو (دي كافليري) واخذ مننا التكسي 10 يورو و80 سنت.

    الغريبه ان المصري اللي بالمطار قال يمكن يكلف المشوار 30-40 يورو من الستيشن للفندق:114:

    وصلنا الفندق الساعه 10 وثلث والفندق اسمه دي كافليري Hotel Dei Cavalieri وهو 4* وقريب من الدومو
    يوم وصلنا كنا متوقعينهم ما يعطوننا الغرفه لان الوقت بدري بس كانوا متعاونين وعطونا اياه علطول .. الفندق كان على ساحه فيها التقاء الترام وجمبه علطول محطة مترو اسمها ميسوري وهو اسم الشارع اللي عليه الفندق اما المدخل كان نظيف واللوبي مرتب مره اما الرسبشن صغير نوعا ما بس الموضفين مررره متعاونين ووسيعين صدر.
    وهذي صوره للرسبشن




    وهذا اللوبي



    الاصنصيرات 2 وواحد للعفش

    اما الغرف صغار بس اثاثها نظيف ومرتب وفيها كل شي تحتاجه






    وهذا المنظر اللي تطل عليه الغرفه



    الحمام اعزكم الله حلو ومجهز بالاساسيات .





    (الصراحه مدخل الفندق وشكله الخارجي افضل وانظف من غالبية الفنادق الـ4* اللي حول الدومو)

    دخلنا غرفتنا ورتبنا العفش ويقال اننا بنريح اثرنا نمنا من 11 الى 1 ونص وكانت النوم بدون مكيف بس الشباك مفتوح والجو خيااااال.بعد ما صحينا قررنا نروح للدومو وكانت المسافه تقريبا 100 متر .
    رحنا ولقينا العالم تخترش اللي جالس يتقهوى واللي يتسوق واللي يتمشى واللي جالس على درج الدومو

    ملاحظه 1: اكثر شي لاحظناه حب الايطاليين للايسكريم(الجيلاتي على قولتهم).. شي غريب .

    دخلنا السوق اللي بجمب الدومو وكانت مبانيه مره حلوهوالسقف احلى واحلى وكان كله ماركات xماركات. درنا شوي وقررنا نتغدا بمطعم قبال قوتشي كافيه وطلبنا 2 باستا و2 كولا وكان الحساب 30 يورو.

    ملاحظه 2: الشعب الايطالي مره بشوش وطيب ولا عندهم مشاكل مع الحجاب نهائيا:24: .

    بعد ما خلصنا غدا قررنا نتمشى شوي ونتفرج على المكان زين بس ما قدرنا نقاوم ريحة الكابتشينو الايطاليه وجلسنا بكوفي شوب وطلبناها مع تيراميسو وكان الطعم مثل الريحه واحلى.

    بعد ما جلسنا تقريبا ساعه قررنا نروح نصلي المغرب والعشاء بالفندق ويوم صارت الساعه 9 ونص طلعنا نتعشى وسالنا عن مطاعم حولنا قالوا فيه هندي وصيني قراب من الفندق يوم رحنا عند الهندي لقينا ناس بالشارع اعزكم الله (يستفرغون):yuk: حامت اكبدنا وهجينا ورحنا للمطاعم اللي عند الدومو وتعشينا وكان الجو مره بارد :11ld: ورجعنا بعدها للفندق ونمنا بدون ما نحس:thumb_ico .

    انتظروا اليوم الثاني في دسنزانو و قاردا لاند.

    فنادق عطلات


  19. #19
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    توقيت رحلتكم ممتاز ....لا زحمة ولا غلا ...
    بس ما شاء الله قدرتوا تتعشون بعد مشاهد الاستفراغ ...الان ومن الكلام بس .. حامت كبدي على قولتج .... يمكن علشان أول ليلة لكم وبعدكم جوعانين ...
    سبحان الله أنت والسيدة درجة أولي نفس التوقيت ونفس البلد ..بسوي مقارنة ...
    متابعين معاج عزيزتي ....

    فنادق عطلات


  20. #20
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    بالضبط بصراحه زي ما قالت الاخت المهاجره انتو رحتو في وقت التاكسي فيه واسعار التذاكر اقل من ايام الموسم الي هي 6 - 7 - 8 يعني ما تتخيلي كيف تكون الاسعار بهذا الوقت استغلال خيالي وزيادة في الاسعار حتى قوائم المطاعم تتغير اسعارها في هذا الوقت

    متابعين لرحلتك المشوقه والسلسه مشاء الله وياليت اختي تزودينا باسماء مطاعم جربتيها وكانت كويسه والقهاوي الي رحتي لها واسماء الشوارع بالضبط ولا عليك امرررررررررر

    فنادق عطلات


  21. #21
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    شكر اختي العزيزة على طرحك الرائعه والسلس:x1: والمزود بالصور ونتظر منك المزيد عن رحلتك الشيقة.

    لكن بحكم خبرتي في العملات اعتقد ان سعر صرف اليورو اللي حصلتي عليه من المطار كان جدا عالي 5.05:112: ولو انك صرفتي دولار ولما رحتي ايطاليا حولتيه يورو لكان افضل عموما اللي فات مات:101: .


    وكلنا شوق للمزيد من رحلتك:114:

    فنادق عطلات


  22. #22
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    مشاء الله تقرير مميز وجميل ووافي
    سجليني معاك من المتابعين حتى النهايه

    :x1: :x1: :x1: :x1: :x1: :x1:
    :x1: :x1: :x1: :x1:
    :x1: :x1:
    :x1:

    فنادق عطلات


  23. #23
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    هلا و غلا shoo sho

    ما شاء الله بداية كما توقناها أكثر من رائعة و الأجمل من ذلك وضعك للأسعار و جرصك على أدق التفاصيل

    و تقبلي تحياتي

    كبيان

    فنادق عطلات


  24. #24
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    وأنا كذلك ..من المتابعين باذن الله..

    فنادق عطلات


  25. #25
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    استحضرت جميع حواسي لتستمتع معي بهذا التقرير

    بداية رائعة

    فنادق عطلات


  26. #26
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    هلا والله فيك يا سلامو عليكو
    الصراحه ما بعد مر البخار علي
    بس شكله راح يتمشى ويدور موضوع ثاني يتفرج عليه:109:

    فنادق عطلات


  27. #27
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    هلا والله فيك يا سلامو عليكو
    الصراحه ما بعد مر البخار علي :109:
    بس شكله راح يتمشى ويدور موضوع ثاني يتفرج عليه:114:

    شكرا على الرد
    تحياتي

    فنادق عطلات


  28. #28
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    بداايه ممتازه :11ight: :11ight:

    نسانا البقيه:114: :114:

    فنادق عطلات


  29. #29
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    هلا والله فيك اختي مهاجره
    الصراحه انتي صادقه
    وقتنا مره حلو خاصة ان ايطاليا يقولون انها حاره بالصيف
    ووقتنا كان الجو رووووووعه:24:

    واذا على العشاء.. يا ختي الجوع كافر:109:

    فنادق عطلات


  30. #30
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    اختي الفرزدق
    حنا ما جربنا التكاسي الا قليل وحطينا حيلنا بالمترو للاماكن البعيده
    واذا المكان قريب نمشي لاننا ما نصدق تجي فرصه نمشي فيها لاننا بالرياض ما نعرف المشي ابد:108:
    والمطاعم اللي بميلانو خاصه اللي عند الدومو ما انتبهت لاساميها بس اعرف اماكنها
    واللي اعرف اسمه ابكتبه من عيوني:106:

    فنادق عطلات


  31. #31
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    هلا بك يا fu1 1moon
    الصراحه الصراف اللي تبع الراجحي مره صرفه شين
    بس المشكله لقينا الصرف بايطاليا اشين
    تخيل ال 500 ريال يصرفونها 66 يورو في روما عند السبنش ستيبس:112:
    يعني سرقه عينك عينك
    حنا بس سالنا للاستطلاع وزين اللي صرفنا اليورو بـ 5 ريال
    ارضى بقردك لا يجيك اقرد منه

    فنادق عطلات


  32. #32
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    الاخ fw-kw
    حياك الله
    ولي الشرف انك متابع للموضوع:101:
    واتمنى انه يعجبك
    تحياتي

    فنادق عطلات


  33. #33
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    الاخ كبيان
    اتمنى من كل قلبي انكم تستمتعون بالموضوع
    وتلقون فيه اللي يفيدكم:106:
    تحياتي

    فنادق عطلات


  34. #34
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    هلا فيك يا الدار
    واتشرف بمتابعتك:101:

    لك الشكر

    [line]

    الاخ نسيم نجد
    حياك الله انت وحواسك
    واتشرف بمتابعتكم لي:115:

    الف شكر

    [line]

    فنو هلا فيك
    وانا بعد استنا المتابعه:101:

    تحياتي

    فنادق عطلات


  35. #35
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    رووعه شوشو

    واصلي تقرير موضوعك

    اذكر ذبحني البعوض وايديني تورمت في الدومو والمطاعم والكافيهات المجاوره في الصيف الماضي

    فنادق عطلات


  36. #36
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    اليوم الثاني:

    صحينا اليوم السبت الساعه 8 الصبح روقنا ونزلنا افطرنا وكان الفطور لا بأس يعني كونتننتل بريكفاست على شكل بوفيه ولما خلصنا رحنا للغرفه وبدينا نستعد للطلعه وكنا مقررين من امس اذا ربي احيانا نروح لقاردا لاند.
    توجهنا للرسبشن حق الفندق وسالناهم عن المترو وعن محطة القطار اللي بالسنترال واسمها(ميلانو شنترالي) وكنا من امس مشيكين على جدول رحلات القطار لباسكيرا وسيرميوني(سيرميوني مالها خط مباشرلازم تنزل في باسكيرا او دسنزانو)
    رحنا بالمترو من محطة ميسوري مباشرة لمحطة السنترال ووصلنا لمحطة القطار..

    وهذا مدخل المحطه




    وهذي صوره داخليه للمحطه




    وهذي السلحفاة المملوحة تستقبلكم وانتم داخلين




    توجهنا لكاونتر التذاكر وكان فيه جهتين وكلهم زحمه بس مرتبين اخترنا وحده منهم,,

    وهذا اللاين حق التذاكر




    ولما جا دورنا سالنا اللي تشتغل كيف نروح سيرميوني (لان ودنا نتمشى فيها شوي قبل ما نروح قاردا لاند) قالت روحوا دسنزاونو دي قاردا قلنالها: اي قطار قالت:المتوجه لفيرونا.
    يوم رقينا لمواقف القطار طلع علينا فجاه واحد مصري واسمه سيد سالنا وين تبون تروحون قلنا نبي سيرميوني قال تذاكركم هذي غلط المفروض تروحون لباسكيرا واخذنا للانفورميشن وحنا ما ندري وش الطبخه وسالهم قالوا له:هذي القريه جمب سيرميوني وما بينهم غير 10 دقايق,, توكلنا على الله وركبنا القطار.
    كان سعر التكت 6,5 يورو للشخص ومشينا الساعه 12,5 ووصلنا الساعه 1,40 ونزلنا بدسنزانو وكانت قريه مره حلوه ومنظمة وتقع على بحيرة قاردا,,

    وهذي اللوحة الموجوده عند محطة القطار





    اول ما وصلنا اخذنا تكت للرجعه تحسبا لاي ضرف وقررنا ما نروح سيرميوني ونتوجه مباشره لقاردا لاند بعد ما نتمشى بدسنزانو.
    قررنا نمشي ونتفرج على القريه ومشينا ومشينا الين وصلنا للسنتر وكان فيها ساحه حلو وهاديه عليها مطاعم وكوفي شوبز ومحلات ماركات (طبعا اي مكان تروح له تلقى الماركات كانهم ما يعيشون من غيرها)

    وهذي صورة الساحة




    وهذي صورة لجهه ثانيه من الساحه وتطل على جزء من البحيرة




    قررنا نتقهوى وبعدها نطلع نتمشى على البحيره . قلنا الحمد لله اللي جيناها حتى نشوفها وصارت رمية من غير رامي.
    سالنا: كيف نتوجه الحين لقاردا لاند؟ قالوا:تروحون لباسكيرا وفيه 4 طرق:
    1- تكسي. 2- سفينه. 3- القطار. 4- الباص.
    وبعد ما تاصلون لمحطة القطارتاخذون باصات مجانيه تودي لقاردا لاند.
    فكرنا بالسفينه طلع مافيه الا بعد ساعتين والباص ما نبغاه والقطار وا لنا خلق نرجع مره ثانيه له ,,قلنا مافيه غير التكسي اسرع واسهل,, توكلنا على الله واخذنا تكسي وسالناه اذا بالميتر او نتفق قال لا بالميتر وبيكلفكم يمكن 25 يورو وبنمر بسيرميوني.

    وصلنا سواق التكسي لمحطة القطار بباسكيرا وما اخذ الا 25 يورو مع ان العداد كان 27 يورو ,, وكانت مدة المشوار 15 دقيقه,,وقالنا استنوا الباص اللي يودي لقاردا لاند مجانا .
    اول ما وصلنا جا باص قاردا لاند وركبنا معه واقل من 10 دقايق وحنا واصلين.

    دخلنا واشترينا التذاكر وكان سعرها للشخص 25,5 يورو للشخص وتشمل كافة المناطق في الملاهي غير عروض الدلافين وعطتنا مع التكت خريطة للملاهي ... وبسم الله دخلنا..
    كانت الملاهي مليانه مره لانه كان ويك اند .. بدينا نتفرج وندور ونلعب بس اللاينات كانت مررررره زحمه.

    وهذي صوره من احد الالعاب وكانوا راكبين فيها شله وخويهم يشجعهم من تحت






    هذا خويهم يشجعهم:109: :109:



    الصراحة ملاهي روعه وتوسع الصدر..

    بس نصيحه:اللي تبي تلعب تجيب شنطه تنصك زين لان صار لي موقف :بغت شنطتي تطير مني بالرولر كوستر لولا ان الله خلا زوجي ينتبه لها ويمسكها والا كان طارت اغراضي منها.

    وركبنا بعد لعبه حلوه يركبونها مجموعه كبيره من الناس وترتفع شوي شوي الين تاصل 15 متر تقريبا وتشوف منها قاردا لاند كلها من فوق
    وهذي صور من فووووووق ومبين جزء من البحيره ..روووووعه:24: :24: :24:



    وهذي صورة واضحه فيها بعض الالعاب




    وهنا البحيره واضحة بشكل اكبر



    لما قرب الوقت ينتهي وقربت الساعه 6,5 قلنا نطلع علشان يمدينا الوقت على الباص قبل الزحمه .. اثر كل الناس طالعين زينا وحنا بالطريق كان فيه حديقه صغيره حلوه قلنا بنصور عندها ولقينا واحد جالس(ايطالي) وطلبنا منه يصورنا المسكين قام بسرعه اثر رجله مكسوره ومجبصه :sad1: قلنا له لا خلاص اجلس .. قال: الا باصوركم. وصورنا عندها..
    يوم طلعنا من الملاهي ورحنا مكان الباص ولقينا العالم متجمعين فجاه جا الباص ونزل منه مره ورجال بس,, قلت لزوجي: مساكين توهم جايين ما يدرون الملاهي صكت.
    بدوا الناس يركبون وركبنا معهم وامتلا الباص مررررره وبعدها مشى ما درينا الا وقف عند قاردا لاند هوتيل ونزلوا كل الناس الا حنا ورجالين,, سالنا السواق هذا الباص ما يروح لباسكيرا؟؟؟ قال: لا انا بس اروح للفندق .. ذيك الساعه درينا ان المره والرجال اللي نزلوا من الباص كانوا مضيعين مثلنا.
    المهم نزلنا من الباص عند الملاهي واستنينا الين جا باص باسكيرا وركبناه وكان زحمه وما فيه كراسي جيت انا باتمسك بحديدة وحده من الكراسي الا تهاوشني البنت اللي جالسه عليه تحسبني باجلس عليه لانها ماسكته لصديقها :110: :110: .
    المهم يوم وصلنا لمحطة القطار بباسكيرا سالناهم نقدر نستخدم التذاكر اللي اخذناها من دسنزانو؟؟ قالوا :ايه تستخدم بدون تغيير.
    المهم ركبنا قطار الساعه 8 ويوم وصلنا المحطه ركبنا المترو ونزلنا عند الدومو وتعشينا هناك.. وبكذا كملنا 13 ساعه برا الاوتيل ..
    وحنا راجعين سالنا الرسبشن عن كومو لاننا ودنا نروح لها بكرا..
    وبعدها رحنا لغرفتنا ونمــــــــــــــــــــــنا:thumb_ico

    انتظروا اليوم الثالث في كومو الرائعه..

    فنادق عطلات


  37. #37
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    تقرير اكثر من رائع , واحسن شىء فيه اهتمامك بالتفاصيل الدقيقة , بانتظار باقى التقرير بكل شوق

    فنادق عطلات


  38. #38
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية






    وبكذا كملنا 13 ساعه برا الاوتيل ..



    يوم متعب أختي ..
    بس شكلكم تحبون اللعب والملاهي وأكيد أستانسوا عليها ...
    متابعة معج عزيزتي ....

    فنادق عطلات


  39. #39
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    الله يعطيك الف عافيه على الشرح الجميل ما قصرتى والله
    لكن انا عندى سؤال كيف تتفاهمون معاهم والانجليزى عندهم ضغيف جدا؟؟؟
    وهل البلد تصلح لسياحه العائليه؟؟؟

    فنادق عطلات


  40. #40
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    عيني عليكم باردة يا أهل ايطاليا أول التقارير تقاريركم

    و بالنسبة لليوميات ممتعة و مفيدة و خصوصا اللي يبي يروح الاماكن اللي رحتوا لها

    بالتوفيق و في انتظار الجزء القادم ،،،

    كبيان

    فنادق عطلات


  41. #41
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    تقرير رائع ووقته مناسب جدا ... خاصه أنه يحتوي علي معلومات قيمة يستفاد منها المسافر ... تحياتي وفي أنتظار المزيد.

    فنادق عطلات


  42. #42
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    مشكورة أختي حسيت أني معكم في الرحلة ....................... تصدقين

    فنادق عطلات


  43. #43
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    هلا والله فيك يا boby
    حنا حذرونا من الناموس قبل ما نروح
    قالوا لازم تاخذون كريم طارد للناموس معكم
    ولا كان جانا اللي جاك:105:

    [line]

    MCSEman هلا وسهلا فيك
    ومن جد فرحتني انك متابع وان شاء الله تتابع للاخير
    وتلقى بالموضوع اللي يعجبك:101:

    تحياتي

    [line]

    saeed20061 هلا بك
    واتمنى انك تستفيد من الموضوع ويعجبك بعد
    سعيده بمتابعتك:101:

    [line]

    هلا بك اختي مهاجرة
    من جد ما تتخيلين كيف يطير الوقت وانتي ما تحسين من كثر ما ان المكان حلو ومتتع
    حتى تحسين نفسك ودك تجلسين اكثر واكثر:115:

    تشرفني متابعتك

    [line]

    jemi_soul هلا وغلا فيك
    الصراحه ايطاليا مره حلوه خاصه للعوايل
    انا الحين انصح الاهل يروحون لها السنه الجايه ان شاءالله
    واحلى مافيها ان شعبها مره ودودين وطيبين ويحبون الفزعه
    وبالنسبه للغه
    في كل مكان يطلع لك واحد يفهم لو كم كلمه انجليزي(على قده) انت بس تعطيه الكي وورد
    وهو يعطيك اللي عنده
    واحيانا لغة الاشاره تنقذك:109: :109:

    (الصراحه انا توقعتهم اردى من كذا بالانجليزي قبل ما اروح)

    [line]

    اخوي KABAYAN
    هلا فيك وشكرا على الاطراء:106:
    من جد ردودك تفرح:24: :24:

    تحياتي

    [line]

    اختي أميرة دبي
    حياك الله
    والف شكر على مرورك وتعليقك

    تحياتي لك

    [line]
    اختي 7ayat
    حتى انا حسيتك معنا بالرحله وانبسطت معك بعد:109:

    حياك الله
    واتمنى انك تتابعن الاجزاء الباقيه

    فنادق عطلات


  44. #44
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    [QUOTE=shoo sho]هلا بك يا fu1 1moon
    الصراحه الصراف اللي تبع الراجحي مره صرفه شين
    بس المشكله لقينا الصرف بايطاليا اشين
    تخيل ال 500 ريال يصرفونها 66 يورو في روما عند السبنش ستيبس:112:
    يعني سرقه عينك عينك
    حنا بس سالنا للاستطلاع وزين اللي صرفنا اليورو بـ 5 ريال
    ارضى بقردك لا يجيك اقرد منه[/QUOTEليش وافق

    شكرا لك بس معقوله وافقتي يصرفون لك في ايطاليا بي 7.5 مره نصب استغلال فاضح لاجل ذلك دائما انصح لمن لم ياخذ يورو معه لاوربا يصرف دولار من السعودية ويحوله هناك.

    مررررررره حلو صور الملاهي:24: ذكرتني اللعبه بالعبه اللي في ملاهي توفولي في بينا المدينه (ملقا- اسبانيا) صراحه ركوبها مررره ممتع .

    في انتظار مزيد من صورك المبدعه

    فنادق عطلات


  45. #45
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    الله يعطيك العافيه ياشوشو
    صراحه سفرتينا معاك وحنا ببيوتنا
    واحسن مافي الموضوع اننا مادفعنا ولا قرش:109:

    فنادق عطلات


  46. #46
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    اليوم الثالث:

    كنا مقررين من امس نروح لكومو وفعلا صحينا الصبح الساعه 8 وافطرنا وروقنا وتوجهنا لمحطة القطار عن طريق المتروكالعاده وقطعنا تذاكر كومو وكان سعر التذكرة 5,60 يورو تقريبا للشخص الواحد طبعا ون واي.. انطلقنا من المحطة الساعة 12,25 ,, والساعه 1,05 كنا بكومو.

    الطريق كان نص ساعه وهي على طريق زيورخ يعني وانت رايح تاخذ القطار المتوجه لـ zurego.

    وصلنا للمحطه وسألنا كيف نروح للبحيره وللسنتر؟؟
    قال لنا واحد بريطاني يستنا الباص:تعالوا معاي بنفس الباص اللي باركبه والتذاكر تاخذونها من البار اللي بمحطة القطار.

    وفعلا رحنا واخذنا التكت بيورو واحد للشخص وركبنا مع البريطاني ووصلنا للسنتر,, وكان عباره عن ساحه كبيره على البحيره عليها كوفي شوبز مطله على البحيره مباشره او مطله على الساحه ولقينا الناس زحمـــــــــه عليها:bounce8: ,, اللي يشرب كوفي واللي ياكل واللي يتمشى على البحيره:gathering ..

    وهذي صورة الممشى اللي على البحيره




    وقلنا خل نتقهوى ونروق وبعدها ناخذ لفه جلسنا في قهوه مره حلوه وتقريبا هي احلى وحده على الساحه واسمها monti طلبنا كوفي وايسكريم وكان الحساب 11 يورو.

    هذي صورة الكوفي شوب



    وهذي صورة الطلب




    بعدها اخذنا لفة وتفرجنا على البحيره الرايقه ودخلنا للشوارع الداخليه وكانت المحلات مصكوكه لانه يوم الاحد .
    وحنا نتمشى لقينا واحد سنقالي مسلم جلس يسولف مع زوجي وسالناه وين ممكن نصلي؟؟ قال فيه حديقه بتلقونها على البحيره تقدرون تصلون فيها.. لقينا الحديقه وكانت روعه ومطله على البحيره وقررنا نصلي الظهر والعصر فيها .

    وكانت الحديقه فيها اكشاك لبيع السوفونيرز وبعض الملابس وبعض الجلديات وفيها العاب للاطفال منها المجانيه ومنها اللي بفلوس وفيها قهاوي صغيره..

    وهذي صوره للحديقه




    يوم خلصنا لقينا فيري يركب فيها الناس وتدور فيهم على البحيره منها اللي مفتوح من فوق ومنها اللي مصكوكه ,, قررنا نركب المفتوح لانه احلى وكان سعر الركوب 5 يورو للشخص.
    وقفنا بالكيو واول ما جا الفيري من رحلته ركبنا فيه وبسرعه رقينا فوق لان المكان روعه:24: :24:

    هذي صورة للفيري




    وهذي صور للساحه من فوق




    وهذي صوره للكوفي شوب اللي تقهوينا فيه (monti) من فوق




    استمرت الرحله تقريبا 45 دقيقه وكان الجو روعه شوي تطلع الشمس وشوي تغيم وحنا نلف ورونا منطقة قصر الممثل جورج كلوني وبعد ما خلصنا نزلنا وحنا ما ودنا ننزل:surf .

    وهذي صوره من الفيري




    بعد ما خلصنا اخذنا لفه بالمكان وقررنا نركب القطار اللي يطلع لقمة الجبل وكان عبارة عن عربات تطلع لاعلى كومو وتاصل فوق لقرية ثانه ما اتذكر اسمها وكان سعر الشخص 4.20 يورو.
    يوم وصلنا فوق لقينا فيه مطعم صغير فيه اكل وايسكريم وبيوت وكنيسه وفندق ومحلات لبيع السوفونيرز,, درنا فيها شوي وتفرجنا عليها وهذي الصوره اللي اخذناها من فوق




    بعد ما خلصنا ونزلنا قررنا نتغدا لاننا حسينا بالجوع وكانت الساعه 5 العصر وكل ما جلسنا بمطعم قال الحين مافيه اكل ,, الاكل نقدمه من 12-3 ومن 7-12 وهالوقت ما يقدمون الا ايسكريم ومشروبات.
    :55654:
    ومالقينا قدامنا غير مكدونالدز وطلبنا وجبتين ميديم بقيمة 12 يورو تقريبا. ويوم خلصنا اخذنا جوله على البحيره وجلسنا على كوفي شوب مره حلوه قدام البحيره مباشره وعندها محل ايسكريم مره حلو.

    وهذي صورة الكوفي شوب




    ويوم صارت الساعه 8,15 قررنا نروح لمحطة القطار لان رحلات ميلانو تنطلق كل ساعه الا عشر يعني مثلا 8,55 او 9,55او .....

    سالنا كيف نروح للمحطه قالوا بباص رقم 7 اخذنا التذاكر ووقفنا عند موقف الباص وما جا الا باص واحد رقمه 7 وعيا يركبنا قال خلص دوامي:36_1_29:
    وجلسنا نستنا الين صارت الساعه 8,45 وما جا احد وبكذا فاتنا قطار الساعه 8,55 وبكذا جلنا ساعه زياده .
    وقتها رحنا جلسنا في الحديقه اللي صلينا فيها واخترنا مكان على البحير عشان نشوف غروب الشمس

    وهذي صوره اخذتها وقت الغروب




    في هالوقت قررنا نروح للمحطه مشي :097: :097: لاننا مالقينا تكاسي ووصلنا قبل وصول القطار بعشر دقايق بس الحمد لله لحقنا عليه وركبنا متوجهين لميلانو.

    يوم وصلنا توجهنا للدومو وتمشينا هناك وجلسنا على احد المطاعم وطلبنا باستا ودجاج بالمشروم والبطاطس و2 سبرايت وكان سعر الوجبه 38 يورو واكتشفنا ان هذا المطعم ما يصك غير الساعه 1 بالليل وكان الجو باااارد:11ld: .

    بعدها رجعنا للفندق الساعه 12 بالليل ونمنـــــــــــــــــــــــــا:thumb_ico

    فنادق عطلات


  47. #47
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    أنا بجانبكم في رحلتكم من خلف الشاشة...حديثك يجعلنا كأننا على الهواء مباشرة

    فنادق عطلات


  48. #48
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    اختي العزيزه شوشو موضوع مشوق مثل ماتوقعنا
    اتمنى لك مزيد من التقدم والتفاصيل:101:
    المهم الحمد لله على سلامة ردي اللي مادري وشلون رجع :114: شكل الاسهم ارتفعت وغصبته يرجع للارض
    على فكره احلى شي بالتقرير النهاية المكرره في كل جزء
    :106: ورجعنا للاوتيل ونمنا

    فنادق عطلات


  49. #49
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    رائعة يا أختي شوشو
    متابع تقريرين عن إيطاليا بالتوازي .. انتي والسيدة درجة أولى :24:
    ومن الصور والكلام يبدو أنني سأغير حبي للندن إلى إيطاليا :109:

    أول مرة أعرف أن جورج كلوني له قصر في إيطاليا !
    ياريتك كنتي صورتيه :106:

    تسلمي أختي شوشو ومنتظرين الأيام الباقية

    فنادق عطلات


  50. #50
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    واااوو موضوعج خلاني ارجع في ذكرياتي لأيطاليا صج ووواااايد حلو الموضوع

    بس في نقطه صغيره ماشرحتي عن جاردا لاند وايد لأن فيها مناطق وايد حلوه مثل التلفريك اللي يوديج اعلي قمم جبال الألب والشلال اللي تشوفينه وتيودينه بيدج وايد كانت اشياء هناك ليش مارحتو؟

    فنادق عطلات


  51. #51
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    صارلي فترة اسال اقدر اقعد بميلان واروح قاردا وارجع بنفس اليوم واروح كومو وارجع بنفس اليوم ولكن لم اجد الاجابة

    بس مع تقريرك لقيتها وزيادة

    شكرا جزيلا

    فنادق عطلات


  52. #52
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    هلا فيك fu11m00n
    لا حنا ماصرفنا بايطاليا بس سالنا عشان الفايده وعشان اكتب بالمنتدى اذا فيه فرق ولا لا

    حتى انت ذكرتك بالملاهي اللي عند ملقا
    انا اقول كذا بعد:109:


    [line]


    هلا بك يا كش مش
    شكلي باحط حصاله عند بوابة الموضوع
    و اللي بيدخل يحط 5 ريال كودنا نطلع لو شي من اللي دفعناه بالسفره:109:


    [line]


    هلا فيك يا اميرة دبي
    اجل بيني وبينك توارد خواطر:24: :24:

    تحياتي


    [line]


    هلا فيك يا نصراويه
    وكلي شرف انك متابعه

    تحياتي

    [line]


    اخوي نسيم نجد
    اتمنى انك مستمتع ومتابع بنفس الوقت

    تحياتي

    [line]


    اهلا بك يا سلامو عليكو
    والحمد لله على سلامة ردك ورجعته بالصحه والعافيه:109:

    واهم شي اعجبتك النهايه لان لها هدف-------توهقت:114:


    [line]


    اخوي قطري
    انا من جد مررره مبسوطه انك متابع وان الموضوع عجبك


    تحياتي لك

    [line]


    اخوي MCSEman
    شكرا لمتابعتك المميزه
    واذا على قصر جورج كلوني فهم ما ورونا اياه بس قالوا انه بهذي المنطقه المطله على البحيره
    وانا فتحت عيوني ادور هالقصر وما عرفته:110:

    اما لندن انا مابعد شفتها بس ايطاليا روعه:24:

    تحياتي لك


    [line]

    هلا والله فيك اختي ناريمان

    الصراحه حنا مامعنا وقت لان شغل زوجي كان بيبدا وودنا نلحق نشوف كل شي
    بس ان شاء الله اذا ربي احيانا لنا رجعه لايطاليا

    تحياتي:101:

    [line]

    هلا فيك يا Halo
    واذا على كومو وقاردا تقدر تروح لها بنفس اليوم بالراحه خاصه ان الطريق ما يتعدا ساعه ونص لقاردا وما يتعدا نص ساعه لكومو


    تحياتي :115:

    فنادق عطلات


  53. #53
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية


    ما شاء الله من تميز الى تميز أختي shoo sho

    و انا احب التقارير اللي مفصلة تفصيل يعني لو الجاهل سلك طريق رحلتك بيلقى الجواب من تقريرك ووضعك للخطة و القيمة ،،،

    كملي أختي فنحن في شوق للقادم ،،،








    ويوم صارت الساعه 8,15 قررنا نروح لمحطة القطار لان رحلات ميلانو تنطلق كل ساعه الا عشر يعني مثلا 8,55 او 9,55او .....



    ادري ان التقرير مميز لكن ابي اطلع حاجه غلط وشلون ينطلق كل ساعة الا عشر وما تخصمين الا 5 دقايق يعني مو الصح انك تقولين 8:50 دقيقة او 9:50 و الا انا غلطان

    مازلت متابع

    كبيان

    فنادق عطلات


  54. #54
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    صراحه تقرير كومو يجنن خصوصا ان اغلب الاماكن الي رحتي لها رحت لها العام الماضي وكانت جدا رائعه ولكن لا اعلم ان كنتي قد تمكنتي من زيارة القرى المجاوره لكومو ؟؟؟ او تسلقت القمم المرتفعه حول البحيره ؟؟؟


    الله يعافيك على الموضوع الشيق

    فنادق عطلات


  55. #55
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    اخوي KABAYAN

    يؤ يؤ يؤ ما ادري من اللي حط الساعه 8,55 و 9,55 مهب انا

    فنادق عطلات


  56. #56
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    أحنا في انتظار الجزء اللي بعده ..........................سردك للرحلة مرة ممتع :::::::::::::::: تحياتي

    فنادق عطلات


  57. #57
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    [QUOTE=MCSEman]رائعة يا أختي شوشو
    متابع تقريرين عن إيطاليا بالتوازي .. انتي والسيدة درجة أولى :24:
    ومن الصور والكلام يبدو أنني سأغير حبي للندن إلى إيطاليا :109:
    أول مرة أعرف أن جورج كلوني له قصر في إيطاليا !
    ياريتك كنتي صورتيه :106:
    اخوي ... لندن مال أول :109: راحت عليها من زمان :109: عليك وعلي دهاليز أيطاليا :36_1_37: ولاتنسانا بالتقارير:106:

    فنادق عطلات


  58. #58
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    بسيط ومرتب .. هذا ما استطيع قوله

    هذان السببان اهم مقومات نجاح التقرير .. ويجعلانه مريحا للقراءة ..

    بالتوفيق ..

    فنادق عطلات


  59. #59
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    :113: :113: :113: :113: :113: :113:

    موضوعك رائع واسلوب اروع

    الفكرة اللي عندي عن الايطاليين انهم عرابجة والنشالين بالكوم (سبق ان قريتها هنافي المنتدى)

    وصعب التفاهم معهم .

    على العموم متابعين معاك

    تحياتي

    فنادق عطلات


  60. #60
    عضو مسجل
    تاريخ التسجيل
    Dec 2014
    المشاركات
    1,962,485

    رد: ذكرياتي اليومية لرحلتي الايطالية

    ( تعليق علي رأي الأخ مصعب )

    موضوعك رائع واسلوب اروع
    الفكرة اللي عندي عن الايطاليين انهم عرابجة والنشالين بالكوم (سبق ان قريتها هنافي المنتدى)
    وصعب التفاهم معهم .

    أخي الكريم ... في كل مكان في العالم تجد المستويات بين البشر وتجد أيضا الزين والشين ... ولايوجد مكان علي وجه الأرض خالي من النشالين ولاكن بنسب ... والمثل يقول ( حرص ولا تخون ) أما الشعب الأيطالي ودود وطيب ومن خلال تجربتي شعرت ان في قاسم مشترك بينا وبينهم وماأدري بالضبط شو هو يجوز شي ما ... في الجينات :109: مجرد رأي خاااااص .

    فنادق عطلات


+ الرد على الموضوع
صفحة 1 من 5 123 ... الأخيرةالأخيرة

المواضيع المتشابهه

  1. ميلبورن هل سأنسى ذكرياتي فيك
    بواسطة Robot في المنتدى بوابة السفر إلى أستراليا Australia
    مشاركات: 30
    آخر مشاركة: 02-02-2015, 05:37 PM
  2. سوريا من ذكرياتي
    بواسطة Robot في المنتدى بوابة السفر إلى سوريا Syria
    مشاركات: 36
    آخر مشاركة: 01-30-2015, 03:25 AM
  3. ذكرياتي المصورة
    بواسطة Robot في المنتدى بوابة السفر إلى بريطانيا UK وإيرلندا Ireland
    مشاركات: 115
    آخر مشاركة: 01-23-2015, 10:39 PM
  4. ذكرياتي في صيف من مدينة إب بعدان
    بواسطة Robot في المنتدى بوابة السفر إلى الدول العربية و الاسلامية الأخرى
    مشاركات: 25
    آخر مشاركة: 01-15-2015, 06:48 PM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X