الموضوع: حجزنا وخلصنا باقي سواليف بسيطة مع خبراء مايزيا

السلام عليكم ورحمة الله وبركاته اتمنى ان تكونو في احسن حال
في البداية اقدم شكري ووافر دعواتي الى :
المغادرون
وافي في زمن جافي
عاشق ماليزيا
كان لهم دور في مساعدتي على تنسيق الرحلة







توقعت اني لماخلص حجوزاتي راح ارتاح وانبسط
لكن حصل العكس احس بتوتر وقلق من خياراتي خصوصا في الفنادق


لكن ان شاء الله ماراح تقصرون وبعطيكم التفاصيل وانتو احكمو
وان كان فيه اي ملاحظة وجهوها لي ان شاء الله يمديني اعدل


طبعا الحجوزات كانت عن طريق مكتب
ولاحد يغلط غلطتي الحجوزات من النت سهله جدا لكن كان عندي ضغوطات عمل ومطلوب انهي بعض الاشغال قبل الاجازة
والحجز من النت يتطلب روقان وفضاوه عشان تمخمخ وتدور عن افضل شي


لكن الحمد لله واحد الله يسعده من زملائي نصحني بمكتب صاحبه قريب ووعدني خير
وفعلا المكتب حجزلي طيران وفنادق بسعر معقول جدا


يبدوا اني كثرت الهرج


ماعليه تفاصيل رحلتنا نسأل الله التوفيق والسداد


رحلتنا بتكون في 10 مارس الى 24 مارس
14 يوم
يوم 11 ماس الساعه 7 صباحا راح نكون في مطار كوالا

من 11 الى 13
سيلانجور فندق صن واي ريسورت
غرفة يلو برميد


من 13 الى 16 مارس
لنكاوي فندق لانكاوي لاقون
دبلو دلوكس مطله عالبحر
كنت ارغب بفندق الويستن لكن للاسف غالي جدا مقارنه بلنكاوي لاقون


من 16 الى 19 مارس
كاميرون فندق ايكاتوريال هاي لاند دبلو دلوكس
الفندق هذا نصحني فيه عاشق ماليزيا الله يوفقه

من 19الى 22 مارس
كوالا لمبور
فندق ايبس ستايل

الفندق هذا مدري كيف اخترته لكن غرني السعر
شفت له تقرير واحد وخزنته عندي ما ادري وش رايكم

من 22 الى 24
كوالالمبور
فندق رويال شولان
راح يكون خروجنا من الفندق الساعة 8 صباحا موعد رحلتنا وعودتنا للوطن

بالنسبة لكوالا ندمت اني اخذت الثلاث ايام الاوله في ابيس واليومين الباقين في ويال
لو عكست كان افضل صح

ثاني شي بالنسبة لمدة اقامتنا في كوالا خمس ايام فقررت انو يكون يوم منها رحلة لجنتنق بحكم قربها من كوالا تقترحون اي يوم

ثالث استفسار..بالنسبة للفنادق لو فيها عيوب تعطوني عنها خبر من الحين اعمل احسابي واحتياطاتي

بالنسبة لفندق لنكاوي لاقون فت بعض الاعضاء يذمونه وش رايكم فيه بصراحة
ما ادري افكر الغيه واحجز في الوستن حتى لوكان فرق السعر الضعف
الي شجعني احجز فيه انو الغرفة الي اخترناها مطله عالبحر


واخيراا

ياليت جدول بسيط عن افضل الاماكن الي تستحق الزيارة وبجدارة يعني ماتتفوت

من خلال التقارير لاحظت زيارات لحديقة الفراشات والطيور والشاي وغيره

بالنسبة لي اشوف انها ما تستحق الزيارة وتضيعة الوقت

الي شافها عالطبيعه يقول رأيه وانطباعه هل فيها شي مميز

بالنسبه للمدينة الالعاب الي في سلانجور شكلنا بنروح لها وامرنا لله

ياليت تعطوني تفاصيل عنها من ناحية التذاكر من وين اقدر اشتريها وش افضل شي فيها

كم تتوقعون تكاليف الحجوزات التذاكر بالفنادق كل واحد يقول السعر التقريبي انا متأكد راح تنصدمون لو اقولكم كم كلفتنا
وأخيرا الله يسعدكم ويوفقكم ويجعل نصائحكم وتوجيهاتكم في ميزان حسناتكم

مواضيع عشوائيه ممكن تكون تعجبك اخترناها لك:

• عندي مشكلة تكفون ابي حل ؟؟
• استفسار بخصوص مطار كوالالمبور و مطاعم كوالالمبور
• لو سمحتم ياجماعة ساعدوني
• عاجل دروست رجينسي او فريزر
• عريس محتاج مساعدة النشامى
• الفيزا
• فندق لنكاوي اتعبني
• بعد ماحجزت ودفعت قيمه الطيران اكتشفت المشكله
• استفسار
• بخصوص كوالا
• ماليزيا شهر أكتوبر
• فنادق
• طريقة عمل البوردنق أو "check-in " لطيران AIR ASIA "*
• جدول سياحي مميز للعرسان بماليزيا 15 يوم 4 نجوم 2018
• استفسار عن رحلة العودة من كوالا الى مطار جدة
• ارجو منكم الإفاده
• وش افضل المقاعد في الطائره ؟ مرفق صوره
• ارجو المساعده
• المتشابهات في ماليزيا
• استفسار عن الحجز من موقع ومشكلة اواجهها

أهلا بك.. حقيقة إذا تبغى تغير غير أكوتاريال في كاميرون هايلاند مو مناسب
خذ فندق كاميرون هايلاند ريسورت وإذا غالي عليك خذي دي لي فرانس لكن أكوتاريال مش ولابد


فندق كوالا هذا ما أدري من وين جبته ؟!! حقيقة أول مرة أسمع فيه وأنت وحظك


بالنسلة لجنتنق أختر لها يوم مايكون ويك إند يعني لاسبت ولا أحد لأنه في الويك إند زززززززحمة

اختي كم كلفك الى الان قولي لنا انا بعد بكرا راح احجز

كم ؟؟ حمستينا من الموبايل

المشاركة الأصلية كتبت بواسطة المغادرون 2007
http://www.arabtravelersforum.com/tr...6/#post7576046

أهلا بك.. حقيقة إذا تبغى تغير غير أكوتاريال في كاميرون هايلاند مو مناسب
خذ فندق كاميرون هايلاند ريسورت وإذا غالي عليك خذي دي لي فرانس لكن أكوتاريال مش ولابد


فندق كوالا هذا ما أدري من وين جبته ؟!! حقيقة أول مرة أسمع فيه وأنت وحظك


بالنسلة لجنتنق أختر لها يوم مايكون ويك إند يعني لاسبت ولا أحد لأنه في الويك إند زززززززحمة





هلا بك


معليش بس ماوضحت فندق الكامرون اوكوتاريال وش مشكلته بالضبط الله يجزاك خير عشان احدد لاني لو غيرت راح يخصم مني نسبة 10%لكن لو كان السبب ستاهل كيفها اهم شي راحتنا في الرحله


وبالنسبة للفندق في كوالا غريبة الفندق له موضوع كامل في البوابه فندق ابيبس ستايل




وانتظر البقية لعل وعسى احد فيكم يريح بالي

اخي العزيز الغالي
انا اكن كل تقدير واحترام لاخي وصديقي الغالي المغادرون . والاختلاف في الرئي لايفسد للود قضيه ولكل شخص ذوقه ونظرته.
اما بالنسبة لفندق الاكتريال فهو روعه بكل ماتعني الكلمة وهو اعلى فندق في قمم جبال الكامرون هاي لاند . ومنه تذهب مشي الى السوق اليلي ومزرعة الورود.
صحيح الفندق الذي رشحه لك هو جميل جدأ ولكن بالنسبة للمكان ليس في روعة فندق الاكتريال.
تقبل تحياتي وتحياتي الى اخي الغالي المغادرون

المشاركة الأصلية كتبت بواسطة عاشق ماليزياء
http://www.arabtravelersforum.com/tr...2/#post7576522

اخي العزيز الغالي
انا اكن كل تقدير واحترام لاخي وصديقي الغالي المغادرون . والاختلاف في الرئي لايفسد للود قضيه ولكل شخص ذوقه ونظرته.
اما بالنسبة لفندق الاكتريال فهو روعه بكل ماتعني الكلمة وهو اعلى فندق في قمم جبال الكامرون هاي لاند . ومنه تذهب مشي الى السوق اليلي ومزرعة الورود.
صحيح الفندق الذي رشحه لك هو جميل جدأ ولكن بالنسبة للمكان ليس في روعة فندق الاكتريال.
تقبل تحياتي وتحياتي الى اخي الغالي المغادرون

الله يسعدك ويوفقك ريحتني وفعلا انت ذكرت لي انو مكانه مميز لكن هل يعتبر فندق 5 نجوم

ياجماعة الخير فيه احد معي عالخط

وش صار على باقي استفساراتي

وفيه موضوع بعد استجد
بالنسبه للنكاوي مااش ما ارتحت لفندق لنكاوي لاقون
وش رأيكم يا اهل الخبرة ترى يمدي اعدل وابدل
وش رأيكم باحد المنتجعات من جربها وش فرقها عن الفندق

وتتوقعون لنكاوي وكامرون تغني عن بينانج
اغلب التقارير الي مرت علي لازم بينانج في القائمة يعني باختصار وش رأيكم بالجدول واقتراحتكم عليه

الله يشرح صدوركم طمنوني وريحوا بالي

في انتظاركم من الموبايل

ياغيوم الفندق خمس نجوم وروعه
الفرق بين المنتجعات والفنادق= الفنادق في العاصمة كواه قريبة من الاسواق والمنتزهات. المنتجعات على البحر ياغاليه.
كامرون مالها علاقه لانها مرتفعات جبلية وباردة
اما لنكاوي وبينانق بينهم تشابه. بس لنكاوي اهدء ومناطقها السياحية اكثر. بينانق جزيرة كبيره صاخبة ومنتزهاتها السياحية اقل.
انا عن نفسي اذا رحت لبينانق او لنكاوي استغني عن وحده منهم.
تحياتي لك

عاشق ماليزيا ماقصرت تعبناك معنا

يعني جدولنا تمام ومثل ماتفضلت ان بينانج ولنكاوي يتشابهون

لان لي نية اغير الخطة
بحذف يوم من سلانقور ويوم من كولا
يعني
يوم سلانقور
3ايام لنكاوي
يومين بينانج
3ايام كامرون
3ايام كوالا
كذا افضل
ولا بلا ما الخبط نفسي وخليني عالقديم
الدعوه تمشية وسعة صدر والي عنده وجهة نظر ورأي ثاني ياهلا به من الموبايل

هلا أختي الكريمة ...

لو بغيتي رأيئ المتواضع ... هذا الترتيب الأجمل :

يوم سلانجور - ثلاثة لنكاوي - يومين بينانغ - يومين الكاميرون - أربعة كوالا

في انتظار الاجابة عن بقية الاستفسارات

هلا اختي غيوم انا بفيدك عن فندق لنكاوي لاقون بنسبه لاثاثه عادي ونظافة الفندق تشرهين عليها بس عليهم فطور روعه جدا جدا ولي اعجبني فيه على شاطى رملي والجلسه فيه حلوه في اليل شي لايوصف ونا تمنيت لو اني قضيت اكثر الايام في لنكاوي احسن مافيها رحلة المنقروف والتلفريك وفي كوالاللمبور تكفيك ثلاث ايام فيه زوري حديقة الحيوان السوق الصيني كل شي فيه اما مصنع القهوه والشوكلاته عادي جدا اما الفنادق الي جربتها دورست ريجسي وفندقين ماتحضرني اسماهن بس دورست ريجنسي روعه وجراند ميلنيوم فخم جدا وسفره سعيده

مرحبا ابو سعود ماقصرت الله يوفقك
بالنسبة للنكاوي لاقون سويت بحث عميييق وعرفت عيوبه واهمها الشاطئ حسب ماذكروا ان فيه حاجز وعلى حسب كلامهم ان الشاطئ راكد بسبب الحاجز وتتجمع فيه الحشرات بعكس الشواطئ الثانية
وبالنسبه لنا اهم شي اللبحر والجلسات النظيفة
وعلى هالاساس احتمال كبير نغير الفندق حتى لو خصمو منا ماعليه اهم شي الراحة
بالنسبة لفندق الويستن ممتاز بس يعيبة السعر مرتفع اليلة ب1300
وفيه فندق اشوف عليه مدح كثير اتوقع اسمة بيتش
المهم ياليت ترشحون فندق راقي وشاطئه مميز واقتصادي في نفس الوقت
تحياتي من الموبايل

هلا أختي الكريمة ...

نصيحتي وأنا أخوكِ ... طالما حجزتوا ( لنكاوي لاقون ) ... أعتمدوه

الفندق راااقي جدآ ونظيف ... وكل من سكن فيه يمدحه ... والشاطيء رووعة وحيوي

هذا رأيئ المتواضع ... أسأل الله لكم التوفيق بالدنيا والآخرة

احسن شاطي شاطى فندق لنكاوي لاقون بصراحه والحشرات منتشره اصلا في لنكاوي وبعدين اي حاجز الي تقولينه انا انصحك بسكن فيه لوليله واحده وبنسبه للفنادق الي ذكرتيها الويستن وبيتش من افضل الفنادق وفندق بيتش الي يميزه جميع الخدمات قريبه منه من اسواق ومطاعم وصرافات

أصعب شي في الحياة الحيرة
وهذا ما أعاني منه الأن
تقولون لنكاوي لاقون جميل والويستن وبيتش ممتازة ومن افضل الفنادق

لو اضمن انو لاقون نظيييف وملحقاته ومنها الشاطئ نظيفة وراقية كويس
وتقولون الحشرات في لنكاوي كلها..يالله المشكلة
على قول المثل الزين مايكمل
عالعموم وش تنصحون فيه عشان نتجنب ضرر الحشرات

ويا ابو سعود الله يسعدك بالنسبة للحاجز في شاطئ لنكاوي والله هالكلام من تقرير عن الفندق وذكر ان هذا مشكلته حاجز في الشاطئ وسبب ركود وتجمع حشرات واوساخ
المشكلة اني سويت بحث وقريت تقارير كثيره لو لقيت التقرير بحط الرابط

نصيحة للي بيحجز يبحث ويدقق ويسأل قبل قبل الحجز
مب اذا حجز وخلص ونشب يبحث زي بعض الناس
الحمد لله والشكر
تحياتي من الموبايل

ياختي غيوم والله ترى الدعوه ماتستاهل كل هالحيره انا عندي تقرير مصور فيه فندق لاقون وشاطى ولبي حق الفندق ومصورالفندق من الخارج شاطي الفندق نظيف ورملي ولايوجد حشرات على الشاطى ومثل ماقلتلك نظافة الفندق وسط واذا كنتي متردده اسكني يومين في لاقون والباقي في فندق بيتش