الموضوع: اجازة نص السنه في فرانكفورت

نقول بسم الله ...

اتفقنا حنا والعائله الكريمه ان نقضي اجازة نص السنه من 19 فبراير الى 2مارس في المانيا الجميله لا المريحه

بما اني ما اتكل على معقب ولا على رجل ولا على ولد (لان يومهم سنه ) وبتخلص الاجازه وحنا نستني المعقب قررت انا مع ثنتين من العائله نجمع الجوازات والاوراق ونتجه للسفاره في الرياض ....


اول شي طبعا سألنا عن احسن خطوط.. وبما اننا عندنا ديموقراطيه في البيت وبعد نقاشات عده ..

وفلسفات ما لها داعي قررنا على السعوديه (سعرها مناسب ووقتها مناسب )

جا دور الاوتيل احترنا بين الانتر كوننتننتال والماريوت والفرانكفورتر هوف

الانتركونتننتال والماريوت عندنا كروت لها اللي يسمونه (امباسدور )

والفرانكفورتر ممتاز وراقي وجنب (قوتى شتراسى) احسن منطقة تسوق ...

كلمنا الانتر والماروت والفرانكفورتر وقارنا من حيث المميزات والسعر (حيث اننا ما شاء الله قروب )

على قول الالمان (اوه فري قروسي فميليا ) يعني عائله كبيره ...

حجزنا بالماريوت

قطعنا التذاكر وحجزنا الاوتيل ... حجزنا في ماريوت لعدة اسباب :

1- كارت الماريوت يحق لنا ناخذ غرفتين من الغرف سويت

2- عطونا سعر ممتاز في احسن دور عندهم

رحنا للسفاره مع الجوازات , والفورم مع الصور .والتذاكر , وحجز الاوتيل . والتامين ....


يتبع

مواضيع عشوائيه ممكن تكون تعجبك اخترناها لك:

• فندق انتركونتينانتال فرانكفورت
• الى مشرفنا ابو عمر
• دوسلدورف الكئيبه
• اللمسات الأخيرة الله يفرجلكم كل الأعضاء و ابو طلال و الغالي و
• لمزانية اقتصادية الى متوسطة
• ارجو المساعده بخصوص العمل مع الدراسه
• ارجوا مساعدتي في حجز فندق بميونيخ
• هانوفر
• ميونخ زلمسي
• مسافر لشراء شاحنات ومحتاج مساعدة
• مساعدتكم يا اخوان ويا اخوات
• اقتراحاتكم بالنسبه لسفرتي
• عازم اسافر الى دوسلدورف
• خبراء فنادق فرايبورغ رايكم
• أحبتي محتاج نصيحتكم بخصوص السكن ومخطط الرحلة
• حبه حبه يابوعمر ابيك تشرحلي عسى والديك الجنه
• مدينة فرايبورغ
• إخواني أصحاب الخبرة أنا مسافر بإذن الله الإثنين إلى ميونيخ غارميش فوسن
• يامشرفين المانيا
• استفسار ضروري جدا بخصوص التاشيرة الالمانيه الشنغن

بالانتظار

هههههه بدايه التقرير عجيييييييييييبه ع الجرح



في الانتظار((((((((((((((((((((:

لسى متابعين

نكمل :bounce8:


اخذنا كل الاوراق المطلوبه وتوجهنا الى السفاره الاْلمانيه يوم الاثنين الساعه السابعه والنص :24:

كان فيه ناس يمكن 20 شخص .... يوم شافونا وصلنا قالو انتم اول ناس (احترام للمرأه) ..


قلت الحمد لله تساهيل .. الساعه 8 فتحو الباب ودخلونا .. وكنا اول ناس عند الشباك ...


قلت للبنات انا لازم اقابل القنصل عشان يعطينا سنه لان السنه الماضيه عطونا بس ثلاثه شهور ولا مدانا

نروح:105: رحنا لبنان و امريكا وجا رمضان (يمكن لان جوازاتنا بقى فيها سته شهور وتنتهي ) بس الحين

جوازاتنا جديد ...:24:


الموضف اللي على الشباك شاف الاوراق وكل كل شي كامل .... السبت اللي بعد القادم تستلمونها


قلت : ودي اقابل القنصل الجوازات لازم تخلص السبت لان الاحد عندنا موعد بالسفاره الامريكيه (مقابله)


وبعدين لازم يطول لنا بالفيزه شوي السنه الماضيه ما امدنا نستخدمها ....


كان الموظف متفهم قال : استريحو اذا جا القنصل تقابلونه ... قلت الحمد لله ...


جلسنا يمكن ساعه وطلبو منا التوجه للشباك الثاني كان القنصل واقف ....


سلم علينا قلت له : انا لو اني مسؤله واعرف ان احد يحب بلدي زي ما انا احب بلدكم كان اعطيه فيزه

لصلاحية الجواز :109:

ضحك القنصل:109: سألني وين رحتو في المانيا و اعطانا عناوين الاوت لت في فرانكفورت وبعض الاماكن


السياحيه هناك واكدت عليه انه لازم ناخذ جوازاتنا السبت لان الاحد عندنا مقابله في السفاره الامريكيه


السبت تاخذونها :24:


يوم السبت بعد 12 يوم بالضبط استلمنا الجوازات والحمد لله فيزه لسنه :24:


يتبع

نكمل لكم مع اني ما اشوف هالحماس :upset:

كانت طيرتنا يوم الخميس فجر الجمعه 19 فبراير ...

وكانت (خط البلده ) يعني ما بقى مدينه الا مريناها (يقولون الخطوط السعوديه بالشتا ما تروح دايركت):112:

الشكوى على الله ...


المهم وصلنا الحمد لله وكأننا رايحين نيويورك ....

كنا ناويين ناجر سياره اول ما نوصل المطار ...بس كنا مرررررررررررررررره تعبانين .. قلنا ناخذ تاكسي وبكرا ان شاء الله ناجر السياره

وصلنا الاوتيل وهذي ثاني مره نسكن فيه لان الخدمه ممتازه

وهذي صورة الاوتيل :

http://www.arb-up.com/


منظر فرانكفورت من الاوتيل

http://www.arb-up.com/

يعطيك العافيه

متابعين معاك

مره حلو سردك عزيزتي



متابعه معك ..

متااااااااااااااااااااااابع ,, وش قصة الكرت حق الاوتيل ؟

المشاركة الأصلية كتبت بواسطة روبان السفينه
http://www.arabtravelersforum.com/tr...2/#post2734972

متااااااااااااااااااااااابع ,, وش قصة الكرت حق الاوتيل ؟




كرت الماريوت يعتبر مثل العضويه كل ما سكنت اكثر تاخذ عليها نقاط ... مثل كرت الانتركونتننتال البيورتي كلب .... اكثر الاوتيلات تعطيها لزباينها ...

ان شاء الله افدتك ..

عددنا كبير .... وعفشنا كثير اخذنا 3 تكاسي :baaa2:


ودي اسالكم على طاري العفش :ليش حنا عفوشنا كثير ؟؟؟؟؟؟:114:

ان سافرنا اسبوع او اسبوعين او شهر او شهرين .... العفش كثثثثثثثثثثثثثثير كاننا مهاجرين ...

هذا نبيه وهذا نحتاجه ...

صراحة في المطار فرجه !!!! وفي الاوتيل فرجه!!!! يعنا سينما ببلاش .... ما غير هاعالم تطالع فينا


المهم كان الجو بررررررررررررد ومطر والشوارع فيها شوي ثلج :15:

استقبلونا استقبال ممتاز وعطونا الغرف حسب الايميل اللي ارسلو لنا فيهم سويتين :21:

وارسلو لنا للغرف ساندوتشات صغيره مع بسكوت وعصير .... صينيه مرتبه لكل غرفه :x1:

المهم تطمنت على كل واحد انه غرفته تمام التمام وقلنا ناخذ 4 ساعات راحه وبعدين نقرر وش نسوي


صور اللوبي


http://www.arb-up.com/




صورة الغرفه


http://www.arb-up.com/



صورة السويت

http://www.arb-up.com/


صحينا الساعه 4 عصرا وبدينا نتجمع عشان نتفق وين نروح ناكل الله يعين كل واحد يجيب من راسه صوت :108:

يازين ايام زمان انا وابو الشباب نطلع على كيفنا وناكل اللي يجوز لنا لكن الحين لا كل واحد له راي

مو عندنا (دميوقراطيه ) مثل ما قلت لكم :bounce8:


نكملللللللللللل

Boby نورFROM قطر عمر قمر فتاة الخليج ربان السفينه mzoon


شرفني مروركم ......

جميل جدا" متابعين للأخر

هههههههههههههههههههههههههههههه والله شكلك ديكتاتورية

لكن فيه في هالتقرير ابداع احس جاي بالطريق لان البداية رائعة على اني احس انكم مستعجلين شوي حامي حامي

وبعدين وش دخل لبنان وامريكا في سفرتكم

تسلمي على الرد .. متاااااااااااااااابع .. وعلى موضوع " العفوش " :109: , ودي احد يجاوب عليه لاني فكرت كثير ولا عرفت وش السبب :114:

خبيرة سفر شكرا لمرورك ....

المشاركة الأصلية كتبت بواسطة مستعجل
http://www.arabtravelersforum.com/tr...4/#post2736914

هههههههههههههههههههههههههههههه والله شكلك ديكتاتورية

لكن فيه في هالتقرير ابداع احس جاي بالطريق لان البداية رائعة على اني احس انكم مستعجلين شوي حامي حامي

وبعدين وش دخل لبنان وامريكا في سفرتكم




اخوي مستعجل ..... انا ماني ديكتاتوريه بس قلبي حار واحب السنع واحب كل شي مرتب ....ولا احب


احد يسوي لي شي ....



وحنا مستعجلين لان ما معنا وقت ... ايامنا قليله ... وعددنا كثير ... شوف لما يتجمعون ....


سالتني وش دخل لبنان وامريكا السنه الماضيه اخذنا فيزا لالمانيا وما قدرنا نروح لانهم عطونا ثلاثة شهور

ورحنا لبنان وامريكا ورجعنا للسعوديه انه جانا رمضان وخلصت الفيزا وما استخدمناها ...


شرفني مرورك ....

روبان السفينه ... اذا لقيت احد يفيدك بالنسبه للعفوش لا تبخل علينا ....:101:

كل سنه نقول كل اثنين بشنطه ... وبالاخير كل واحد معه شنطتين غير شنط اليد ...

ودي ادري الاجانب كيف ما معهم شنط ...:108:


تذكرت قصه على طاري الشنط ابي اقولها لكم بعدين ان شاء الله ....


شكرا لك

نكمل.....

بعد ما صحو من النوم وصلو تجمعو عندنا بالسويت بعد جهد ومكالمات وتعب قدرنا نلتم الساعه 6 ...:108:


( صار عشى ماهو غدا ) وبدت الاقتراحات اللي يقول ننزل المدينه واللي يقول ناكل بالاوتيل .. والعجاز


يقول روم سيرفس :114: المهم وش لكم بالطواله قررنا ننزل تحت بالمطعم الياباني حيث انهم يمدحونه



وهذا المطعم

http://up.arabseyes.com/
http://up.arabseyes.com/



نزلنا للمطعم الياباني وكان مرتب واكله ممتاز انصح فيه وبقوه ...


بعد ما اكلنا وعينا خير قلنا نطلع فوق باللونج يصير ليله مفتوحه :109:

اللي يشتغل على النت واللي يشرب شاهي او عصير ونسولف ونضحك عشان اليوم خلص ما فيه شي

نسويه .:24:


وهذا للونج


http://up.arabseyes.com/
http://up.arabseyes.com/



http://up.arabseyes.com/
http://up.arabseyes.com/



يوم صارت الساعه العاشره تقريبا كل احد راح للغرفه على ان نتقابل ان شاء الله الساعه 9 صباحا على

الفطور

من شروط الرحله ممنوع الروم سيرفس لانه لو صار فيه روم سيرفس ما نطلع الا العصر :24:

ايش رايكم ؟؟؟؟ :114:

:623: ودكم تسمعون باقي الرحله او صجيت روسكم ؟؟؟

لا و الله و دنا

شكرا اختي mzoon لمرورك ....

بسم الله الرحمن الرحيم ....


بدينا بالتجمع الساعه 10 على الفطور وكان فطور الاوتيل ممتاز:24:

اكتمل العدد وخلصنا فطور الساعه 11 تقريبا ... سالنا بالفندق عن تاجير سيارت ما لقينا الطلب ..قالو




في المطار تلا قون طلبكم :108: حجزنا سيارتين ... من المطار و استلمنا السيارت كانت ممتازه :24:


ورجعو الاوتيل واخذو باقي الحموله وقررنا نروح اليوم لهايدلبرج الرائعه ...


هايدلبرج مدينه سياحيه رائعه (كل ما رحنا المانيا لالالازم نمر عليها )

تبعد تقريبا عن فرانكفورت 80 كيلو ....


صوره لمدينة هايدلبرج الساحره


http://up.stop55.com/


وصلنا لهايدلبرج جزء من المجموعه قال ابي اتمشى في الشارع الرئيسي وجزء قال ابي اقعد بالقهوه


فيها قهوه مشهوره لها 100 سنه بس ما فيه احلى من قهوتها وكيكها اذا تبي تشرب قهوه وتاكل كيك

اسمها ( شفارتس نملا) بالشارع الرئيسي ....

http://up.stop55.com/


ومجموعه قالت ابي اروح للقصر او القلعه ..... في هايدلبرج قلعه قديمه ومشهوره يطلع لها من المديه

قطار ...بعدين تغير القطار وتكمل لاعلى قمه ... مره حلو بالنسبه للصغار والكبار :106:


http://up.stop55.com/


صورة المدينه من فوق

http://up.stop55.com/




صور الثلج فوق

http://up.stop55.com/


http://up.stop55.com/



http://up.stop55.com/








تجمعنا في الساعه 3 وتغدينا بالمطعم الايطالي كا ن عنده بيتزا وشربه ياسلامممممممممم:24:


تمشينا بالمدينه وتسوقنا الساعه 8 رجعنا فرانكفورت بعد يوم جميل وناجح :24:

vielen dank
موضوع ولا اروع

موضوع جميل وشيق بس ياليت كان كله في في جزاء واحد عشان الردود تاتي بعدين


بارك الله فيك ويعطيك العافيه

المشاركة الأصلية كتبت بواسطة Binkaddas
http://www.arabtravelersforum.com/tr...3/#post2749163

موضوع جميل وشيق بس ياليت كان كله في في جزاء واحد عشان الردود تاتي بعدين


بارك الله فيك ويعطيك العافيه





ودي انزلها مره وحده بس تنزيل الصور والكتابه تتعبني :105:ودي اعطي اكثر قدر ممكن في التفاصيل


عشان الكل يستفيد في منتدانا الرائع .....


شكرا لمرورك

حلووو ماشاء الله بــــــــس ما اظن بعض الصور من تصويركـ وهذي نقطة ماتعجبنـــي اذا لم يسطـــر الكاتب سطورة بيدة وصورة بيدة

اتمنى ماتزعلين مجرد وجهة نظر

تحياتي لكـ ,,,

نكمل ...


في اليوم الثالث ... صحينا متاخرين :105: وتا خرنا اكثر في تجمعنا ... كنا ناوين نطلع على منطقه تزلج


تبعد ساعتين تقريبا عن فرانكفورت بس الشكوى على الله تاخرنا .... قلنا خلينا نمضيها داخل مدينة


فرانكفورت نتمشى ونتغدا ونتسوق ......


صور المدينه

http://up.stop55.com/





http://up.stop55.com/



تغدينا في المطعم الصيني اللي بقوته شتراسى وكان اكله جيد

جلسنا في قهوه كانت بنفس الشارع معموله مثل الخيمه البلاستيكيه وفيها دفايات طويله وكل كرسي


عليه بطانيه كانت قعدتها حلوه ....:24:


الساعه 9 رجعنا الاوتيل وبعد ما صلينا طلعنا للونج ليله مفتوحه الى الساعه 11

وبعدين سمينا بالرحمن ونمنا ....

أعجبني سردك للموضوع سجليني متابع

اهلا وسهلا بك يالرحاله :101:

نكمل ...

في اليوم الرابع الحمد لله الكل جهز بدري وتجمعنا حول الساعه 10 صباحا باللوبي :24:

وكنا من الليل مجهزين شنطتنا اللي فيها ملابس التزلج (على بالنا حريفين تزلج ) ....


حملانا اغراضنا وتوجهنا لمنطقه اسمها (فاسر كوبا )تبعد ساعتين تقريبا من فرانكفورت .... منطقه جبليه

جميله جدا جدا ... انصح فيها شتاء او صيف


صورة السياره وتبين درجة الحراره ...

والله العظيم تصويرنا ...


http://up.stop55.com/




وصورة الطريق

كيف اصغر الصور ؟؟؟؟؟؟

مررره كبيره

السلام عليكم ورحمة الله وبركاته..
أعجبني الموضوع وجزاك الله الف خير

الله يعطيك العافية موضوع جميل سجلني متابع

اهلا بكم يا عبدالله الخالدي و المسافر العربي

تصويرك وسردك للموضوع رائع اكملي ..متابعين معاك.. وسلميلنا على فرانكفورت

ماشاء الله تقرير روعه ,, لاتطولين علينا ,, في انتظار التكملة
بس بليز واصلي الشرح بالتفصيل يعجبني اسلوبك ,,
واعجبتني فكرتك في الزنجبيل :109:

miss_nouf *** nice name شكرا لمروركم ومديحكم للموضوع ....

بسم الله الرحمن الرحيم .....

في اليوم الخامس بدا العد التنازلي (للعوده) :110: الله يعين ...


كنا مقررين نروح للفرسبورج مدينه 100 كيلو عن فرانكفورت مدينه جميله جدا ....


يوم فطرنا وعينا خير ما لنا من الشيطان طريق .... الى البنات مخططين يروحون يتسوقون ....


قلنا خير وبركه توكلنا على الله اليوم يوم مفتوح على ان نجتمع وقت الغدا (خبركم الرجال ما يحبون


التسوق) بعد الحريم ما لهم( ملقه .) ... اذا دخلو السوق نسسسسسسسسسسسسسسسو

نفسهم وانا منهم ..... مع الاسف كن الواحد جاي من صحراء ... الله يكون بالعون ....


اقترحو الرجال يجلسون بالاوتيل وبعض الشباب والامهات والبنات ما رادهم الا( القوته شتراسى) :115:





قالو نبدء بالقوته شتراسى وننتهي بالهوبت فخا ....


المهم تسوقنا صراحة .... صراحة ... ما فيه مثل سوق الالمان :24:


لا تقول فرنسا ولا ايطاليا ولا امريكا .... انا من رأيي ...


المشكله ماهو بالتسوق المهم بشيل الاكياس :114: انا قلت لهم قبل ما تطلعون شيلو معكم شنطه من


الشنط اللي تنسحب .... بس ما سمعو كلامي (بيني وبينكم احسن لانهم ما حسو بالوقت الا يوم تعبت


ايديهم من شيل الاكياس )


في سلسة مطاعم اسماك سريعه اسمها (النورد زي) ممتازه لازم ناكل فيها كل ما رحنا المانيا ...


تغدينا فيها وعينا خير .....(لان الرجال قالو بنتغدا بالاوتيل ) ....


صورة النهر في فرانكفورت


http://up.stop55.com/



صوره من اسواق فرانكفورت


http://up.stop55.com/



صورة الكاوف هوف


http://up.stop55.com/


الغدا وتغدينا بس المشكله هالاكياس تعبتنا .... وتونا بدري بقى 3 ساعات ويقفل السوق اقترحنا احد


يروح الاوتيل ويودي الاكياس ويرجع بالتاكسي ... كانت فكره ممتازه ...


كملنا تسوق الى يوم جت الطرده :110: (سكر السوق )


رجعنا للاوتيل (طبعا لازم من الهوشه ) ليش تا خرتو ؟؟؟ ضفيتو السوق كله ؟؟؟ كان نمتو بالسوق؟؟؟

ومن هالكلام .....


المهم بعد ما توضينا وصلينا وارتحنا شوي لسنا ونزلنا نتعشى في ستيك هاوس (طبعا ما نقدر نقول لا لاننا


ما حسينا برجولنا من التعب بس حكم القوي )

ما صدقنا نرجع الاوتيل ونغط في نوم عميق ......

المشاركة الأصلية كتبت بواسطة *عمر قمر*
http://www.arabtravelersforum.com/tr...4/#post2748984

vielen dank
موضوع ولا اروع



توني انتبه يا عمر القمر vielen dank .....

اقول لك bitte

تقرير رائع........متابعينك

صوت القطار

تشرفت لمرورك .....

بسم الل نبدء......

صحينا في هذا اليوم الجميل وكانت الشمس ودها تطلع وما ودها ... ا

قلنا اليوم بنروح الاوت لت ونروح لفرسبورغ لانهم نفس الاتجاه .. مع انهم ما نصحونا بالأوت لت يقولون ما فيه شي بس قلنا بنشوفه ....

الى الان ما شفت الا اثنين يستاهلون العنوه في العالم ... اوت لت اورلاندو , واوت لت نيويورك (مع انه بعيد)

الاوت لت يبعد تقريبا 70 كيلو عن فرانكفورت ... وبينه وبين فورتسبورغ 30 كيلو ... يعني نرمي عصفورين

بحجر...



خريطة الموقع

http://up.stop55.com/

وصلنا للاوت لت في حوالي الساعه 12 تمشينا فيه كان مثل ما قالو ما يستاهل العنوه ...ما فيه كل

الماركات والبضاعه ماهي حلوه ....

المهم تمشينا فيه يمكن ساعه ونص وجلسنا في قهوه تقهوينا وتوكلنا على الله لفرسبورغ ..


اول ما وصلنا فورسبورغ توجهنا للقصر القصر كان في وسط المدينه ..


هذي صورة القصر من الخارج

http://up.stop55.com/


القصر كان اكثر من خيالي من النقش والرسم اللي بالسقف والجدران ...

اترككم مع الصور ..

http://up.stop55.com/



[URL=http://up.stop55.com/]




فيه حدائق القصر مع الاسف ما قدرت انزلها يقول الملف كبير ... ابي احاول اصغرها وانزلها لكم في نهاية التقرير :101:


اخذ منا القصر حوالي الساعتين وكان سبحان مالك الملك ....


المهم يوم خلصنا وندورلنا على مطعم ولقينا مطعم قدام القصر يوناني كان اكله ممتاز تغدينا فيه وعينا خير


ورحنا للمدينه تمشينا شوي وتسوقنا وجلنا لنا بقهوه ما اتذكر اسمها لكنها قديمه وممتازه :24:


في حوالي الساعه 9 مساء توكلنا على اللي عينه ما تنام ورجعنا لفرانكفورت .. وكان طول الطريق


مطططططططططططططططططططططر ....



وصلنا يمكن 10 ونص الاوتيل .... بعد يوم نااااااااااااااجح ولله الحمد :24:

متابعين سرد جميل

يعطي العافيه اختنا modh


تقرير رائع وفعلا حنا متمتعين مع هذا التقرير


تمنى منك مواصله الابداع

لاني براسي بداية الصيف النمسا والمانيا


تحياتي...........................

Prince travelle شكرا لمرورك

هاه وش جاب الطلاينه عندنا :108:

شكرا لك اخوي الليث الايطالي لمرورك

بسم الله الرحمن الرحيم ....

جا يوم الخميس :105: البعض منا طيارته الجمعه ... والباقين الاحد ان شاء الله..

وما اخفيكم بدت( الغلقه ) يعني ضيق الخلق او ضيق الصدر تجي البعض منا .....



فيه مدير فرع للدويش بنك صديق لنا هو وزوجته طبعا المان من جينا وهم ما غير كل يوم يكلمون يبونا نجي

لبيتهم نشرب معهم القهوه على قولهم وحنا ما ودنا نفوت شي :108: كل ما كلم صرفناه الى يوم استحينا

من كثر ما يلزم .... قلنا فرصه نشوف منهايم لانه ساكن فيها ونوجب لهم ....


قررنا نروح لهم الساعه 2 قلنا نتمشى ونمر عليهم ...


منهايم مدينه جميله (ما شفت مدينه غير حميله في المانيا ) يمكن 40 كيلو عن فرانكفورت


صور منهايم ..


http://up.stop55.com/



هذا برج الماء Wasserturm

http://up.stop55.com/



http://up.stop55.com/



وصلنا عندهم حدود الساعه 2ونص .... يو م وصلنا استقبلونا استقبال حلو .... ما شاء الله عليهم


حاطين القهوه والكيكات اشكال وانواع والعصيرات عشان الاطفال ... وجلسنا عندهم يمكن ساعتين


ودعناهم ورحنا وسط المدينه في منهايم وتغدينا في المطعم الصيني كان اكله روعه


وتمشينا مع ان ذاك اليوم كان مرررررررررررررررررره برد


وما تاخرنا على الساعه 7 رجعنا الاوتيل ... طلعنا فوق باللونج الى الساعه 10 ....


سمينا باللي عينه ما تنام ونمنا .......

يوم الجمعه .... صحينا من الصبح وودعنا اللي بيسافرون وراحو المطار حدود الساعه 9ونص ..


قلنا اليوم بنكمل تسوقنا في فرانكفورت لان ما معنا وقت ... الجمعه والسبت ....


والاحد راجعين بمشيئة الله ...


المهم قضينا اليوم تسوق .... والرجال راحو للمسجد لصلاة الجمعه .. وتواعدنا في الستيك هاوس الساعه



4 عشان نتغدا سوا .... بعد ما تغدينا مجموعه قالو بيروحون للنهر يتمشون ومجموعه وانا منهم فضلت


تكمل تسوق :24:


يوم سكر السوق اخذنا تاكسي ورجعنا الاوتيل ...



مدحولنا مطعم طلياني في هاوزن نواحي فرانكفورت


الساعه 10 رحنا للمطعم كان مررررررررررررررره راقي وجلسته حلوه ومرتب اكلنا عنده شرمب مشوي


كان مررره لذيذ ....


في حدود الساعه 12 رجعنا الاوتيل ...


جا السبت اخر يوم من غير شر ..... اتفقنا نروح هايدلبرج ....


وصلنا لها في حدود الساعه 11 .... تمشينا على النهر (كان الجو غيم بس الحمد لله ما مطرت )


اللي يروح لهيدلبرج مره خلاص ما وده يروح غيرها ...


تمشينا بالمدينه القديمه ... ودخلنا قهوتنا المعتاده شفارتس نمله وصارت هي نقطة التجمع


نروح شوي ونرجع الى الساعه 5 رحنا تغدينا في الماريوت على النهر وكانت الجلسه ممتازه


وجلسنا الى الساعه 8 وتوجهنا الى فرانكفورت


بدينا نسكر الشنط لان رحلتنا للرياض ان شاء الله بكرا الاحد :105:


يوم الاحد كانت الطياره تطير الساعه 8 مساء اول مره نطلع من فرانكفورت بالليل .....


طلبنا من الاوتيل اننا بنتاخر الى الساعه 5 قالو ما فيه مشكله ...


وصلنا المطار حدود الساعه 6 ودخلنا العفش الا طبعا شنطتين التاكس فري ... وديناها للتاكس فري


اخذ الاوراق وختمها على طول ... ودخلنا القيت ... المطار متجدد ومره كبير


وركبنا الطياره حدود 7 ونص وقرينا دعاء السفر وتوكلنا على الله .... ووصلنا الى قواعدنا سالمين في


الساعه 4 الفجر تقريبا ......


وسلامتكم ... ان شا الله ابي انزل لكم تصويرنا .... كامل

وان شاء الله ما صجيت روسكم بالهرج :110:


اتقبل تعليقاتكم واستفساراتكم


شكرا للجميع

يعطيك الف عافيه .. حلو سردك ماشاء الله .. بس نستنى الصور

رحله جدا رائعه

ماشاء الله لفيتوا كل المناطق اللي حول فرانكفورت

لكن لو انكم طلعتوا لاوت لت ميتزينقن اللي جمب شتوتقارت كان أحسن

بانتظار الصور

اختي اولا حمدا لله على السلاااامه،

تقريرك راااائع جدا جدا ورجع لي ذكريات جميله:
سنة 2000م سافرنا مع العائلة الكريمة كاملة بالاضافة الى جميع اعمامي وعماتي وانسبائي واولادهم وبناتهم
كان عددنا 64 شخص بالتمام والكمال ( قولي ماشاء الله).
لما وصلنا الفندق لقينا مدير الفندق واقف عند الباب ينتظر وصولنا وبصراحه ما الومه .. ما خلينا عندهم غرفه فاضية.
والاحسن من كذا ان وقت الافطار كان محجزو لنا ثلثين المطعم

كانت زفه .. قصدي رحله غير طبيعيها !! لما كنا نطلع مع بعض تشوفين التكاسي موكب ههههههههـ
وفعلا كانت تواجهنا مشكلة الغدا الجماعي برى لان ما فيه مطعم كان يستوعب عددنا الكبير لذلك من 3 يوم قسمنا انفسنا الى قروبات سياحية لا يتعدى عدد احدها عن 15 شخص


شــــــــــكرا لك مره ثانية على الذكريات الجميله

mzoon يا هلا وسهلا بك حبيبتي ...

ويعافيك ربي ....

المشاركة الأصلية كتبت بواسطة Boby
http://www.arabtravelersforum.com/tr...1/#post2780501

رحله جدا رائعه

ماشاء الله لفيتوا كل المناطق اللي حول فرانكفورت

لكن لو انكم طلعتوا لاوت لت ميتزينقن اللي جمب شتوتقارت كان أحسن

بانتظار الصور




حنا لو اننا وقتنا طويل كان ما قعدنا في فرانكفورت ... بس تعرف كثيرين وما معنا وقت حنا نحب ديسلدورف

ونحب بادن بادن بس الجايات اكثر....

بالنسبه للأوت لت ميتزينقي سمعنا عنه كان ودنا نروح .... بس قالو بعيد (ما كانو واثقين فينا نسوق

بالثلج مع ان معضمنا اقصد الحريم معهم رخص ) بس المره الجايه ان شاء الله ........

شرفني مرورك يا مشرفنا الكريم .....

المشاركة الأصلية كتبت بواسطة mbc54321
http://www.arabtravelersforum.com/tr...8/#post2781398

اختي اولا حمدا لله على السلاااامه،

تقريرك راااائع جدا جدا ورجع لي ذكريات جميله:
سنة 2000م سافرنا مع العائلة الكريمة كاملة بالاضافة الى جميع اعمامي وعماتي وانسبائي واولادهم وبناتهم
كان عددنا 64 شخص بالتمام والكمال ( قولي ماشاء الله).
لما وصلنا الفندق لقينا مدير الفندق واقف عند الباب ينتظر وصولنا وبصراحه ما الومه .. ما خلينا عندهم غرفه فاضية.
والاحسن من كذا ان وقت الافطار كان محجزو لنا ثلثين المطعم

كانت زفه .. قصدي رحله غير طبيعيها !! لما كنا نطلع مع بعض تشوفين التكاسي موكب ههههههههـ
وفعلا كانت تواجهنا مشكلة الغدا الجماعي برى لان ما فيه مطعم كان يستوعب عددنا الكبير لذلك من 3 يوم قسمنا انفسنا الى قروبات سياحية لا يتعدى عدد احدها عن 15 شخص




شــــــــــكرا لك مره ثانية على الذكريات الجميله





ما شاء الله ولا اله الاالله ..... اجل صرتو سينما بلاش :109:

مره حنا سويناها في واشنطن بس ما كنا كثركم كنا 27 شخص يوم ضربة 11 سبتمبر وكانت جوازاتنا بالسفاره الالمانيه علشان قررنا نروح المانيا قبل ما نرجع الرياض ...

يوم 11سبتمبر كنا المفروض تطلع جوازاتنا من السفاره الالمانيه ونسافر لفرانكفورت ....

كانت مشكله كبيييييييييييييييييييييييره السفارات سكرت وجلسنا في واشنطن 11 يوم كرهنا شي اسمه ا

لريتس كالتون .... يوم فتحت السفارات واخذنا جوازاتنا وجينا بنسافر... الحمد لله كان عندنا الحجز القديم (11سبتمبر) قالو اللفت هانزا لا عددكم كبير وانتم عائله وحده لازم نفرقكم على اربع ايام ... ما كان عندنا حل ثاني .... وسافرنا على اربع ايام .... الله لا يعيدها من ايام ....


شرفني مرورك ....

ماشاءالله عليكم رحله جميله .. الرحلات الجماعيه وناسه ..شكرا على التقرير الممتاز

شكرا يا خطوه لمرورك ....

الحمدلله ع السلاااااااااااامه

روعـــــه

نزلت الصور بسم الله ......




صور ه من الغرفه في فرانكفورت

http://up.stop55.com/

مهرجان في فرانكفورت ....

http://up.stop55.com/


هذا يشون اللحم ....

http://up.stop55.com/

مدينة فرانكفورت من فوق



http://up.stop55.com/










l]