الموضوع: سأزور البحرين لمدة أسبوع برنامج مميز لو سمحتو

أخواني وأخواتي أعضاء ومشرفين في هذا المنتدى الرائع

سأزور مملكة البحرين الغاليه على قلوبنا جميعاً

ونحن عائلتين مكونه من 4 أشخاص كبار و4 أطفال

علماً بأن السكن محجوز من الآن وسبق أن زرنا البحرين أكثر من مره

وعلشان أكون أوضح معاكم

أنا سبق لي وزرت مجمع السيف والعالي وجيان والمرينا مول

وسوق المحرق وسوق واجف بمدينة حمد وكذلك سوق المنامه

وأيضا محمية العرين وشاليهات البندر وزرت الكثير من المطاعم أيضاً

مثل كل أفشان والبندروزا والأبراج وزياره وغيرها الكثير

ولكن سؤالي لأخواني وأخواتي في مملكة البحرين الحبيبه

أرجو وضع جدول مميز لمدة اسبوع لأنني لاأريد أن أحتار في يوم من الأيام أين أذهب ؟

ويكون الجدول من الفترة الصباحية لغاية الفترة المسائية

آسفه جداً جداً على الإطاله

وشكراً لكم جميعاً

مواضيع عشوائيه ممكن تكون تعجبك اخترناها لك:

• سؤال وطلب لاهل الخبرة والمعرفة
• من تصويري فندق ماجيستيك ارجان روتانا المنامة
• ممكن وصف طريق
• أفضل الاسواق في البحرين؟؟؟
• اهل البحرين عندي استفسار
• النيكون والكانون في البحرين؟؟
• معلومات عن عذاري
• اعتمد على النقل العام من الدمام استفسارات
• تكفوووون
• أفضل لوبي فندق
• لحالي جاي للبحرين
• سؤال عاجل سرعته ألف
• اسئلة عن رويل مريديان البحرين
• جزيرة حــــــــوار
• هل أنا مضطر للحصول على تأشيرة ترانزيت
• طريق جامعة البحرين ضروري
• شقق قريبة من سيتى سنتر
• نيو لوك
• استفسار بسيط عن الاوضاع الحالية
• سؤال

اختي الولهانه , في البداية اتمنى لك رحلة سعيدة ,,

واضح من موضوعك انك زرتي افضل الاماكن التي يجب زيارتها في البحرين , ومن واقع تجربة فإنه من الصعب وضع برنامج محدد وخاصة ان من يضع البرنامج لايعرف رغبات وأهواء من يضع لهم البرنامج ,, وانا انصحك ان تأخذي جولة في المواضيع المثبتة وأيضا على مواضيع الاعضاء , وتضعين برنامجك بنفسك , وأي شئ يصعب عليك اسألي عنه والاخوان مابيقصرون معاك , واذا تبين تدلين الطريق لأي مكان لاتترددين بسؤال العضوة الاخت ( الغالية ) :24: فهي تمتلك قدرة عجيبة على التوصيف :109:


وبالتوفيق للجميع

المشاركة الأصلية كتبت بواسطة صغير المتداولين
http://www.arabtravelersforum.com/tr...9/#post1762969

اختي الولهانه , في البداية اتمنى لك رحلة سعيدة ,,

واضح من موضوعك انك زرتي افضل الاماكن التي يجب زيارتها في البحرين , ومن واقع تجربة فإنه من الصعب وضع برنامج محدد وخاصة ان من يضع البرنامج لايعرف رغبات وأهواء من يضع لهم البرنامج ,, وانا انصحك ان تأخذي جولة في المواضيع المثبتة وأيضا على مواضيع الاعضاء , وتضعين برنامجك بنفسك , وأي شئ يصعب عليك اسألي عنه والاخوان مابيقصرون معاك , واذا تبين تدلين الطريق لأي مكان لاتترددين بسؤال العضوة الاخت ( الغالية ) :24: فهي تمتلك قدرة عجيبة على التوصيف :109:


وبالتوفيق للجميع



شكراً أخي صغير المتداولين

والله يعطيك العافيه على ردك الراااائع

وإن شاء الله نتواصل أنا وأختي الغاليه وتفيدني بإذن الله ببرنامج رائع كروعتها

مع العلم بأنني زرت البحرين مع عائلتي أكثر من مره

الله يعطيك العافيه ومشكور على ردك ومرورك

مع تحياتي وتقديري

المشاركة الأصلية كتبت بواسطة الولهانه
http://www.arabtravelersforum.com/tr...5/#post1762985

شكراً أخي صغير المتداولين

والله يعطيك العافيه على ردك الراااائع

وإن شاء الله نتواصل أنا وأختي الغاليه وتفيدني بإذن الله ببرنامج رائع كروعتها

مع العلم بأنني زرت البحرين مع عائلتي أكثر من مره

الله يعطيك العافيه ومشكور على ردك ومرورك

مع تحياتي وتقديري

العفو اختي الولهانه وبانتظار تقريرك عند رجوعك بالسلامة

المشاركة الأصلية كتبت بواسطة صغير المتداولين
http://www.arabtravelersforum.com/tr...8/#post1762998

العفو اختي الولهانه وبانتظار تقريرك عند رجوعك بالسلامة



إن شاء الله أخي صغير المتداولين وبيكون تقرير دسم جداً ومميز

وشكراً لإهتمامك

مع تحياتي وتقديري

البرامج كثيره بس إن شاء الله أهل البحرين ما يقصرون معاج أختي الكريمة

أختي الولهانه .... حياج الله في ديرتج البحرين ... ونتشرف بكل أهلنا والله ....:101:

بالنسبة للبرنامج اللي تبينه ... يعتمد على الوقت اللي بتشرفينا فيه ... وشاللي تحبونه انتوا والأهل ... وحاضرين لج في أي شي حبيبتي ...:101:

وغذا تأخرت فيالرد فاعذريني .. :108: لكني بإذن الله اكيد اني برد عليج :101:

المشاركة الأصلية كتبت بواسطة صغير المتداولين
http://www.arabtravelersforum.com/tr...9/#post1762969

واذا تبين تدلين الطريق لأي مكان لاتترددين بسؤال العضوة الاخت ( الغالية ) :24: فهي تمتلك قدرة عجيبة على التوصيف :109:


وبالتوفيق للجميع

أخوي ... :101: ... شكلك في خاطرك شارع تبي تسأل عنه .. :109: ...

حاضرين لكم ياخوي ... بأي شي نقدر نساعدكم فيه ... :101: .. وحياكم الله

المشاركة الأصلية كتبت بواسطة الغالـــية
http://www.arabtravelersforum.com/tr...4/#post1766774

أختي الولهانه .... حياج الله في ديرتج البحرين ... ونتشرف بكل أهلنا والله ....:101:

بالنسبة للبرنامج اللي تبينه ... يعتمد على الوقت اللي بتشرفينا فيه ... وشاللي تحبونه انتوا والأهل ... وحاضرين لج في أي شي حبيبتي ...:101:

وغذا تأخرت فيالرد فاعذريني .. :108: لكني بإذن الله اكيد اني برد عليج :101:

أختي العزيزة الغالـــية

مشكوره وماقصرتي على الترحيب وماهو غريب على أهل البحرين أهلنا وأخواننا

الوقت اللي بكون موجوده فيه أنا والعائله آخر الشهر هذا إن شاء الله

وبصراحه نبي نرتب جدول على ذوقج بحيث ما نوقف في يوم ونقول وين نروح :114:

وأنا خصصت صباح يوم من الأيام لمحمية العرين علشان الأطفال يستانسون

وبعد حاطه في بالي أوديهم السيف منطقة ألعاب الأطفال

وودنا نروح قهوه شعبيه أو شي جذيه وودنا نتمشى في الأسواق نتسوق قبل مانرجع

وطبعاً هذا راح يكون أخر يوم بس إذا ممكن تساعديني في ترتيب الجدول

لأني آنا المنسقه للرحله ومعتمدين علي في ترتيبها

ومشكوره وماقصرتي مقدماً

شكرا ً لك على موضوعك ..

وإن شاء الله الأخوة والأخوات يفيدونك ..


فضلا ً أختي الكريمة بعد عودتك بالسلامة إن شاء الله ننتظر منك تقرير مصور ؛ لنستفيد من زيارتك ..

تحياتي

المشاركة الأصلية كتبت بواسطة الولهانه
http://www.arabtravelersforum.com/tr...7/#post1766957

أختي العزيزة الغالـــية

مشكوره وماقصرتي على الترحيب وماهو غريب على أهل البحرين أهلنا وأخواننا

الوقت اللي بكون موجوده فيه أنا والعائله آخر الشهر هذا إن شاء الله

وبصراحه نبي نرتب جدول على ذوقج بحيث ما نوقف في يوم ونقول وين نروح :114:

وأنا خصصت صباح يوم من الأيام لمحمية العرين علشان الأطفال يستانسون

وبعد حاطه في بالي أوديهم السيف منطقة ألعاب الأطفال

وودنا نروح قهوه شعبيه أو شي جذيه وودنا نتمشى في الأسواق نتسوق قبل مانرجع

وطبعاً هذا راح يكون أخر يوم بس إذا ممكن تساعديني في ترتيب الجدول

لأني آنا المنسقه للرحله ومعتمدين علي في ترتيبها

ومشكوره وماقصرتي مقدماً

هلا والله فيج أختي ...

عذراً حبيبتي بس بعد بسألج ... هل بتجون بسيارتكم والا بالطيارة؟ .. ووين بتسكنون ان شاء الله .. يعني بالتحديد أي منطقة؟ عشان أعرف أخطط لج :101:

المشاركة الأصلية كتبت بواسطة الغالـــية
http://www.arabtravelersforum.com/tr...6/#post1768266

هلا والله فيج أختي ...

عذراً حبيبتي بس بعد بسألج ... هل بتجون بسيارتكم والا بالطيارة؟ .. ووين بتسكنون ان شاء الله .. يعني بالتحديد أي منطقة؟ عشان أعرف أخطط لج :101:

أختي العزيزه الغالـــية

أحنا بنجي بالطائره إن شاء الله وبنأجر سيارتين من المطار لأننا عائلتين

وحجزنا السكن بمنطقة الجفير وبنقعد في البحرين اسبوع إن شاء الله

وشكراً على إهتمامك

1-بالنسبه عن المطاعم والكوفي شوبس انصحج ب ليلو كوفي شوب ممتاز واكله حلو وفرش وكيكاته اتينن (تهبل ) بالكويتي
2-وعندج مطعم ( كوكوز ) يمه وايد ممتاز والقعده بره في هالجو روعه واكله ممتاز .
3-وعندج مطعم كافيه ايطاليا في العدليه .

4-مجمع الشيراتون حليو وفيه قسم يديد فيه ماركات فتح فيد( فندي) وماادري اذا فتحت المحلات الباقيه ..
5-ستار بكس سار يقع في سار وفي ارض مسوره فيها مطاعم وكوفي شوبس المكان وايد حلو .
6- مجمع جواد اليديد في سند اللي كان اسمه مجمع العلوي حليو بعد وفيه محلات حلوه .

المشاركة الأصلية كتبت بواسطة الولهانه
http://www.arabtravelersforum.com/tr...8/#post1768438

أختي العزيزه الغالـــية

أحنا بنجي بالطائره إن شاء الله وبنأجر سيارتين من المطار لأننا عائلتين

وحجزنا السكن بمنطقة الجفير وبنقعد في البحرين اسبوع إن شاء الله

وشكراً على إهتمامك

هلا بج حبيبتي ... ان شاء الله بكره بقول لج البرنامج :101:

أختي الولهانه .... البرنامج التالي ... قابل للتبديل والتغيير حسب رغبتكم ... وحسب ظروفكم ... وأي شي ثاني تبغينه .. عيوني لج ...:101:

نبتدي بسم الله الرحمن الرحيم....

اليوم الأول : بيكون إن شاء الله وصولكم بالسلامة من الكويت .. أنا افترضت انكم بتوصلون العصر ... يعني على بال ما تاخذون السيارة من المطار وتوصلون شققكم في الجفير ... بيكون الوقت عقب المغرب ...

طبعا تصلون وترتاحون شوي .. بعدها ... تطلعون في شارع المطاعم في الجفير ... وفيه سوبر ماركت كبير اسمه (ميغا مارت) .. اكيد محتاجين شوية أغراض للشقة ... تختارون لكم مطعم حلو من هالمطاعم وتتعشون فيه .. أو تاخذونه البيت ..

لو حبيتوا مطاعم ثانية .. عندكم منطقة العدليه ... غاصة بالمطاعم طبوا وتخيروا ... أو ممكن تروحون كورنيش شارع الملك فيصل .. اللي جنب جامع الفاتح .. فيه هناك مطعم اسمه CORAL BEACH .. قعدته حلوه وأكله حلو ... يطل على البحر .. ممكن تقضون سهرتكم هناك ... وفيه في هالمنطقة بعد مكان ألعاب للأطفال .. بيفرحون فيها ....:101:

بعدها الرجوع للبيت .. والنوم ...


اليوم الثاني: بعد ما تصبحون بالخير ان شاء الله ... تتريقون ... وأقترح عليكم تزورون متحف البحرين الوطني ... فيه شغلات حلوه .. ومفيده تاريخيا ... بعد المتحف .. تروحون تتغدون في مطعم الصواني اللي جنب المتحف ... هو مطعم يقدم اكلات شعبية بحرينية .. بس أسعاره شوي غالية .... لكن اكله حلو ..

العصر ..أقترح تروحون مجمع اللؤلؤ في وسط المنامة ... بتلقون فيه جلابيات وشيلات .. واكسسوارات .. هو مجمع نوعا ما شعبي ...
وعقب ما تخلصون منه ... جنبه فيه محلات رامز .. أشوف أهل الكويت يحبونه وايد ... :101: انا عن نفسي احب اروح له واتمشى .. مواعين ودلال وفناجين واستكانات .. أشكال والوان .. وكله بدينار! ... يعني تسوق على خفيف ...

ممكن بعد ما تخلصون .. إذا ما تعبتوا ...تروحون المارينا مول .. وهذا جنبهم على طول ... هذا فيه HOME CENTRE . وسبلاش وشوية محلات ثياب لكل الأعمار ...
بعدها تاخذون لكم عشا خفيف مثل: شاورما من شاورما اكسبرس .. موجوده في الجفير ... وترحون تتعشون بالبيت وتريحون ... وحرية الاختيار متروكة لكم ..


اليوم الثالث: بعد ما تتريقون ... تتوكلون على الله وتروحون محمية العرين ... مثل ما انتوا مخططين ... تقضون الصبح هناك ...
بعد ما تخلصون من العرين ... تنزلون الرفاع ... فيه مجمع اسمه THE CENTRE مجمع حلو وهادي ... ممكن تتغدون هناك .. تتسوقن لو حبيتوا ... فيه محلات مثل كمايو .. ألدو الاكسسوارات .. الخ ... يعني بتلقونهم بعد في السيف هالمحلات ..
لو حبيتوا بعد ما تخلصون من المجمع تروحون سوق الرفاع ... أو شارع البوكوارة .. دامكم في الرفاع ... بعد حلو .. سوق الرفاع شعبي .. مثل سوق المحرق ... بس المحرق فيه خيارات أكثر .. وأسعاره احلى ...
بعدها الرجوع للبيت ... والعشا مثل ما تحبون ..:101:


اليوم الرابع : اشرايكم تتريقون برا اليوم (للتغيير) ... مثلا ستاربكس .. أو عندكم محلات الفاست فود اللي حواليكم عندهم ريوق ... حتى chilis اللي هناك عنده ريوق ...

بعد الريوق ... أقترح عليكم تروحون معرض الأسر المنتجة ... هذي الله يسلمج موجود في منطقة كرباباد (منطقة مقابلة التوسعة الجديدة لمجمع السيف) .. مبنى كبير لون بيج ... ومحطوطه اللافته عليه ... هذا بتلقون عنده الأشيا اللي تسويها بعض الأسر البحرينية ...مثال: ( بخور – بهارات – مخللات – بعض الملابس للأطفال – مصنوعات خشبية ... الخ) .. أشياء وايد حلوة ...:24:

بعد ما تطلعون ... روحوا مجمع البحرين (جيان هايبر ماركت) ... تغدوا هناك ... وفيه شوية محلات لو حبيتوا ... وممكن تتمشون في جيان (هايبر ماركت) عشان بكرة ...

أو ممكن تروحون مجمع الدانة .. قريب عليه .. هناك فيه ألعاب شاكازولو لليهال ...وفيه (لولو هايبر ماركت) .. مثل جيان .. بس أجدد ... ممكن تتقضون منه الأغراض... وفيه ساحة للمطاعم ...

وهني ...تركت لكم فترة المغرب مفتوحة .. ممكن تروحون أي مكان .. تفترون .. أو تتعشون ... أو ممكن تتمشون في سوق المنامة لو حبيتوا ... يعني على راحتكم ..


اليوم الخامس: أقترح عليكم تقضونه في الصخير (بر البحرين:101 .. طبعا تكونون مجهزين الأغراض اللي محتاجينها من جيان أو من لولو ... من بسطات مؤقته .. مناقل للشوي (فيه انواع ممكن ترمينها بعد ما تشوين) لحم، دجاج، خبز، سلطات ... الخ من اغراض الرحلات ..

أول ما تقعدون .. تسوون لكم دلال شاي بالحليب وقهوة وحليب زنجبيل لو كان الجو بارد ...وتمرون على مطعم البيروتي للفول والحمص والفلافل :24:... هذا موقعه في المنامة ... شارع القصر القديم .. ولا تحاتين اذا ما دليتيه .. أوصفه لج وبتدلينه ...
عقب ما تاخذون الريوق تتوجهون للصخير ... يوم مفتوح في البر .. ريوق .. غدا .. شوي .. لعب .. هناك بتلقون كل شي ... البحرين نصها هناك في إجازة الربيع ... وان شاء الله بتستانسون ...


اليوم السادس: بافتراض انه اليوم الأخير قبل السفر... تروحون مجمع السيف ...:101: هناك عاد ما يحتاج أقول لج ... تقضون يومكم هناك .. غدا .. تسوق .. سينما .. ألعاب أطفال ... قهاوي ... واقترح عليكم تتغدون او تتعشون في المطعم الايطالي اللي جنب الحواج .. البيتزا جدا لذيذة .. على طريقة إيطاليا ..

وممكن بعدها تروحون العالي ... هناك بعد شوية محلات (أرقى) خاصة في التوسعة الجديدة ... وفي الطابق الأخير .. فيه ألعاب للأطفال Mariam Land .. وممكن تتعشون في المطعم الايراني اللي هناك ... اكلوا من عنده تكة .. وشربوا شاي بالنعناع ...


اليوم السابع : لو كان سفركم في الليل .. أقترح عليكم تروحون سوق المحرق ... وتتسوقون هناك على كيفكم ... وطبعا ما تنسون الحلوى البحرينية .. والسمبوسة الحلوة ... لاااازم ... وبعدها تتوكلون على الله ... وتسافرون بالسلامة ان شاء الله ....
لو ما كفاكم الوقت .. وكان سفركم الصبح ... ممكن تروحون في اليوم الرابع ...

سامحيني أختي على أي تقصير .... بس حاولت أغطي لج أكثر المناطق ... وأنوع لكم ... وأي شي أنا حاضرة ..:101:

هلا وغلا بالغاليه

مشكوره ما قصرتي والله وفيتي وكفيتي تعبتك معاي

ان شاء الله تكون السفره موفقه مثل ما توقعت

واوعدكم في الصوره الجميله لديرتي الثانيه الغاليه علي قلبي البحرين

واشكر مره اخري واشكر اخواني واخواتي علي اهتمامهم وتوضيحم لي

تحياتي لك ,,

الولهانــه

تعبج راحة ياختي .. وان شاء الله تنبسطون في بلادكم البحرين ... وحياكم الله

كفو وكفو وبعد كفو والله يالغالية انتي اكبر مثال لطبع واخلاق اهلنا في البحرين , اهل الطيب والكرم والشهامة ,, فنشاطك في المنتدى وحرصك على خدمتنا يدل على ذلك , اتمنى لك التوفيق والسعادة في الدنيا والاخرة ..



اخوك ابو فيصل

ماشاء الله عليك يالغااليه

والله تخطيط رهييييييييييب

شكلي انا بسويها اذا سافرنا لكم

طيب سؤال اذا شفتي الموضوع

اتذكر فيه عين عذاري هل فتحت عندكم؟

والمدينه المائيه بعد؟

والف شكر لك اسم على مسمى غاااااااااااليه

:101:





المشاركة الأصلية كتبت بواسطة ياقوته 2007
http://www.arabtravelersforum.com/tr...5/#post1786685

ماشاء الله عليك يالغااليه

والله تخطيط رهييييييييييب

شكلي انا بسويها اذا سافرنا لكم

طيب سؤال اذا شفتي الموضوع

اتذكر فيه عين عذاري هل فتحت عندكم؟

والمدينه المائيه بعد؟

والف شكر لك اسم على مسمى غاااااااااااليه

هلا وسهلا فيج أختي ياقوته ....

تسلمين عالمدح اختي ... ولو اني ما سويت الا واجبي .. انتوا اهلنا وحبايبنا ...

باانسبة لأسألتج ... عين عذاري ليلحين ما فتحوها ... باقي لها شوي ..

والمدينة المائية فتحوها واسمها (جنة دلمون المفقودة) وموقعها في الصخير ... اذا كانت هي اللي تقصدنيها (لأن ما عندنا غيرها :108

ويشرفني انج تتبعين الرنامج .. وأتمنى من كل قلبي انكم تنبسطون في بلادكم البحرين ... وحياكم الله:101:

معلومات مفيدة

تسلمين يالغالية

المشاركة الأصلية كتبت بواسطة أخو بدوى
http://www.arabtravelersforum.com/tr...0/#post1795400

معلومات مفيدة

تسلمين يالغالية

تسلم أخوي .. وحياك الله :101:

ماقول الا بيض الله وجهك يالغاليه

ماقصرتي ع هالبرنامج

ان شاء الله طالعين عقب اسبوعين انا والاهل

وان شاء الله بنتبع برنامجك المميز

دمتي بود

اخوكِ

بندر الخالد

المشاركة الأصلية كتبت بواسطة بندر الخالد
http://www.arabtravelersforum.com/tr...3/#post1802193

ماقول الا بيض الله وجهك يالغاليه

ماقصرتي ع هالبرنامج

ان شاء الله طالعين عقب اسبوعين انا والاهل

وان شاء الله بنتبع برنامجك المميز

دمتي بود

اخوكِ

بندر الخالد

هلا بيك أخوي .... حياكم الله انت والأهل في بلادكم البحرين ...

ولي كل الشرف انكم تاخذون بهالبرنامج ... وحاضرة لكم في أي شي ... الدار داركم ...:101:

خوش برنامج يعطيج العافيه الغاليه

احنا احتمال بعد بكره نجي البحرين

ما يحتاج عندنا اهلنا و ربعنا اهناك و بيودونا كل مكان

والله برنامج حلووو
بس عندي استفسار يالغالية
ابي اروح الى صالة البلياردو الي قريبة الى مقهى ايام زمان
كيف اروح لها اذا كنت اني عند الشارع الرئيسي الي على الكرنيش يسار
ويمين بابا البحرين
؟؟؟؟؟؟؟

المشاركة الأصلية كتبت بواسطة Hambka Q8
http://www.arabtravelersforum.com/tr...8/#post1802898

خوش برنامج يعطيج العافيه الغاليه

احنا احتمال بعد بكره نجي البحرين

ما يحتاج عندنا اهلنا و ربعنا اهناك و بيودونا كل مكان

والله نتشرف فيج حبيبتي ... بتنور البحرين بج وبهلج .... حياكم الله ...

المشاركة الأصلية كتبت بواسطة برواز الحب
http://www.arabtravelersforum.com/tr...2/#post1805642

والله برنامج حلووو
بس عندي استفسار يالغالية
ابي اروح الى صالة البلياردو الي قريبة الى مقهى ايام زمان
كيف اروح لها اذا كنت اني عند الشارع الرئيسي الي على الكرنيش يسار
ويمين بابا البحرين
؟؟؟؟؟؟؟

والله اسمح لي أخوي .. ما فهمت أي مقهى بالضبط تقصد..

اذا كنت تقصد مقهى ليالي زمان ... فهو مكانه على كورنيش الفاتح ... يعني تروح لي عند جامع الفاتح ... وتلف u turn (تكوع) .. وترجع تدخل على الكورنيش .. هناك بتلاقيه ..

اذا كان غيره .. حدد لي أكثر عشان أقدر أوصف لك ...

وحياك الله ...

ماشاء الله بس مطعم كورال بيتش هل هو نظيف حلو جلساته اكلاته وشي وشكرا

المشاركة الأصلية كتبت بواسطة asaa1386
http://www.arabtravelersforum.com/tr...8/#post1811788

ماشاء الله بس مطعم كورال بيتش هل هو نظيف حلو جلساته اكلاته وشي وشكرا

مطعم كورال بيتش .. مطعم لبناني ... نظيف وأكله حلو .. . جلساته مباشرة على البحر ... .. وعنده بوفيه غداء يومي ...

تفضل رقمهم اذا حبيتوا تسفسرون عن أي شي ... 17312700

وحياكم الله ..

الله يجزاك الجنة يا اختي الغالية

انا اشهد انك نشميه

المشاركة الأصلية كتبت بواسطة tgre
http://www.arabtravelersforum.com/tr...8/#post1812038

الله يجزاك الجنة يا اختي الغالية

انا اشهد انك نشميه

الله يجزيك الجنة ياخوي ... وما عليك زود ....

ما سويت شي ... والله اني ما اتمنى غير هالدعاء ....