السلام عليكم..
شلونكم و شخباركم..
باك ويا تقرير جديد و فريش
كانت لي رحله لـ مملكة البحرين الشقيقه
لمدة 4 ليالي
(من يوم 29-1 الى يوم 2-1)
كانت الرحله بالسياره
ويا العايله الكريمه..
طلعنا من البيت 2.30 الظهر
ماكدونالدز استراحة الأدعمي :24:
وصلنا حدود النويصيب 3.30
خلصنا من حدود النويصيب و الخفجي 4.15
عقب ما خلصنا من حدود الخفجي اب 10 دقايق لقينا استراحه جان نوقف عندها
و نصلي العصر
و شربنا جاي (شاي - Tea )
و كلينا شوكولا :109:
طاعو اشمكتوب على الاستراحه لول
المشكله انها يديده ما انفتحت :108:
عقب ما مشينا جان اطلع روايه و اقعد اقراها اضيع وقت
للكاتبه السعوديه : قماشه العليان
اسمها : "انثى العنكبوت"
خلصتها قبل لا نوصل البحرين اب نص ساعه لول
حدي اندمجت فيها
وصلنا حدود البحرين تقريبا الساعه 8
ماكان وايد زحمه
نسيت متى خلصنا بالضبط
ماكنا حاجزين للسكن قايلين اذا وصلنا بنروح
إليت سويت
بس مالقينا قالوا لنا FULL
فأتصلنا بريّل خالتي اهما كانوا سابقينا و قلنالهم حجزولنا وياكم غرفتين ابـ فندق
Crowne Plaza
اللي في المنطقة الدبلوماسية
وصلنا و نلقى غرفنا جاهزة و ريّل خالتي بأنتظارنا و مسوي ال Check in و خالص ";p~
عاد نزلنا اغراضنا و اخذناهم للغرفه
صور الغرفة :
الضيافه :
^
^
الهوت تشوكليت مو طبيعي.. :24:
الحمام (تكرمون) :
ريحنا شوي و عالساعه 9.30
طلعنا رحنا تعشينا ابـ فندق يحبونه خالتي اسمه
SEA ROCK - بحر النجوم
نوعه كباين و اكله مو وايد حلو بس احلى شي عندهم شوربة العدس
لول تخيلوا ما تبرد كلش و الله قعدنا ثلث مادري نص ساعه نشرب فيها و ما ابردت حاره حيل !
صورة طلباتنا (Sorry ظلمة)
شوربة العدس + رز و شيش طاووق + سباجتي
بس اسغفرالله - الله يزيد النعمه
كلش مو زين =
احسن شي الشوربه !
طلعنا تقريبا 11
سيدا الفندق و نمنا من تعب الطريج
يتبع ;~)
ان شاء الله هالجزء يحوز على اعجابكم ^^
و نطروا الجزء الياي ^^
~{ SEE YA L8r }~مواضيع عشوائيه ممكن تكون تعجبك اخترناها لك:
- الخبيرين بالماركات يدخلون بلييييز
- زهقت ابي شقق فندقيه
- فندق عائلي
- سؤال لاهل البحرين الكرام
- بعض من فنادق مملكة البحرين
- ابغى محلات لبيع الجلابيات
- فندق هوليدي فيلا
- أرجو ترشيح فندق
- المواقع الأثريه في مملكة البحرين
- مطاعم للعرسان
- بغيت فندق جديد يكون برج نجوم
- بليززز ابي سكن عائلي في منطقة ستره
- فيـــــلا فخمه بايجـــار يومي في البحرين
- استفسار عن جامعة الخليج العربي
- اتمنى احد يفيدنا
- الجو ومحلات الاثاث
- زياره خاطفه الى
- وش رايكم بفندق سوفتيل الزلاق و الطريق المؤدي له ؟
- لدي رحلة من دبي إلى البحرين فهل يلزم الجواز
- أين تذهب في البحرين ؟؟
المفضلات