( الحلقة الاولى )
... ( شفتك ولا صدقت ! )
........
........
من هذة المدينة الحجازية الكريمة تفوح رائحة النعناع وينتشر الطيب على الوجوه فكأنك ترى غيوم تكاد أن تمطر رحمةً وحباً ..
اتجول في شوارعها هنا طفولتي وبداية حياتي هنا أهتز قلبي لاول مرة قبل أن يسكته وجة أمي ! وكم يصبح قلب الام عنيفاً في زمن الاخطاء !
أذهب الى عملي الجديد ( كم أشعر اني مراهق ؟ ) هل ستعبر معي الى عشرينات العمر ؟؟ كم كنت أبحث عن الحب حتى في أدراج مكتبي ؟!!
بداء زملاء العمل بالتقاطر والنوم الذي يعلو ملامحهم لا يترك للحماس في قلبي نبض ! ( وحده فيصل ) هذا الوسيم الذي لم
تنال الايام من طلته ورشاقة حيويته شيئاً ؟ أنه يسهر أكثر من الجميع وياتي الى العمل فتسمع صوته من بعيد وحينما تراه لا ترى سواء النشاط ؟؟!! ( أنه سحر الكيمياء ) ... يجلس بجوار مكتبي ويردد : ( وخا تعذبني ومن توب؟ وخا تعذبني ومن توب ؟ ) اتطلع فية قائلاً : ماعاش اللي يعذبك يابو سامي ! بس قولي ( وش معنى : وخا ) قالي ( وخا ) كلمة مغربية معناها بلهجتنا الحجرية ( طيب ! ) قلتله بس انت انسان انيق و دايم مظهرك ( كويس ) ليه تشتكي من التعذيب ؟ ) قالي : ياما ( الهدوم ) بتخبي ؟
قلتله في يوم : قربت الاجازة وشكلي بسافر ! قال وين تبي تروح قلت والله ماحددت ؟ بس شكلي بروح اي بلد أوربي أشوف شي مو عندنا اشوف الناس كيف وصلوا بالعلم والصناعة والنظام وزيد الطبيعة والجو الجميل !
ضحك من قلبة وقال بتهكم : الأخ عبدالقادر خان؟ (عالم ذرة باكستاني)! قلت بعفوية : لية ؟ قال : انت كم عمرك قلت واحد و عشرين قال : العمر كلة ( روح ياوليدي بلد عربي تفهم ناسة وتوسع صدرك وعيش أجازتك زي الناس ) بدل ماتروح وسط عالم تظهر كانك حاجة غلط فية !!!
قلت وين ؟ قال أنصحك بالمغرب! قلت المغرب يتكلمون عربي !!! قال : على شوية فرنسي! ( طبعاً الأن أحنا في بداية التسعينات ( قبل الجوال ) !! وما اعرف عن المغرب غير ( بادو الزاكي والتيمومي ) من ريحة كاس العالم !
قلت انت رحت قال رحت كثير لدرجة ان مرت على أيام شنطتي مانزلها من السيارة !! قلت طيب لية قال ليه هذي ماتنجاوب بشي بسيط قلت طيب اوصف لي المغرب خصوصاً اني اسمع انه بلد السحر قال ( سحر؟ ) والله الناس الشي اللي مايفهمونه يقولون عنه سحر ؟ ياخي الكلمة الحلوه سحر النظرة المدهشة سحر الحياة الفاتنة سحر وهذا الشي اللي طير عقول البشر ويوم ماقدرت تستوعبه قالوا سحر ! قلت طيب انت وش تقول عن المغرب ؟ قال انا أوصفه بكلمتين ( بلد الممكن )! قلت طيب الان أش وضعك قال زمان من يوم ماتزوجت وجاء الاولاد وانا منقطع وماظن بروح !! قلت طيب لية تقول وخا ومدري تعذبني .. وكذا لية ؟ قال مستكثر علي كلمتين ارطب بها الروح لا تيبس وتتكسر ؟؟
رجعت البيت ولقيت الوالد جالس ينتظرني قال تغداء وتعال ابغاك ؟ رحت عنده قالي : أنت ماودك تمسك الارض وتبطل حركاتك هذي قلت وش مسوي ؟ قال : أنت تعرف وش مسوي ؟ فكرت قلت أكيد الوالدة ( طاجة الهرجة ) مشكلة الوالدة عندي ذاك الوقت انها تتقرب للوالد بالوشاية بي ؟ اعتقد اني قدمت ( بر ) لها من نوع خاص وجديد وحصري !!
قال بدون مقدمات : نبي نخطبلك وتتزوج بعد مانخلص من بناء الارض اللي عندك ؟ قلت بدري ! قال : لا العمارة تجلس سنتين على بال ماتخلص ؟ وهي فرصه تتعب معاي في متابعة بيتك وهو يتعمر ؟ أحسن من دجتك ؟ ولا ابغي يوم يجيبك واحد لي بقصة جديدة ولا يشوفونك الناس راكب جمس الهيئة ؟ بغير صفة عملية !!!
تغير وجهي غصب عني وطالعت في كل شي غير وجه ابوي ! قلتله ماتوصل لها الدرجة! قال يعني النية موجوده عندك انك تشتغل على خفيف !!! اسمع الكلام اللي اقولك عليه ( أمك ) عندها ثلاث اسماء مقترحة للي بنخطبها لك فيهم وحده بنت عمك اختر منهم وخلك رجال ! أنت اكبر اولادي واللي بنسوية يريحني كثير ويطمني على اخوانك اكثر مايطمني عليك !
قلت يصير خير وتقابلت مع الوالدة اليوم الثاني واخترت بدون اقتناع وبدون ايضاً ندم او حسرة وللحقيقة انهم كانوا الثلاثة قمة في الاختيار من ناحية الذوق والادب والجمال ولكن كانوا يشتركون في صفه واحده اني اجهلهم تماماً ولا اشعر اني مستعد لهذي الخطوة ! ولكن حيل الله اقوى ! تمت الخطبة وفي نفس الوقت بدا ألتعمير بالارض ونا صرت قدام سنتين من الوقت بدل الضايع ! لازم اتاهل او اخرج من البطولة بصورة مشرفه !!
قابلت زميلي ابو سامي وقالي كيف اوضاعك قلت بخير ( ماحكيت عن خصوصياتي معاه ) وقبل مايتكلم قلتله انا نويت اعيش اخر سنتين من ( عمر الشقاء ) بالطول والعرض ! قال جانا الصيف وماعندي شي اسوية قلت اش رايك نروح المغرب قال ماعاد لي قلب بالحب يرمى ؟ لا والله حيلي ضعيف لكن انت ليه ماتجرب انا بشوف ردة فعلك بعد ماتجي قلت : اروح لحالي ؟ قال المغرب ماينفع لها غير انك تكون بوحدك ؟ قلت طيب اذا رحت هناك وين اروح قال بالنسبة لك اول مرة انصحك لا تخرج من الدار البيضاء عشان تفهم المغرب قلت طيب فية مكان تقترح اني اسكن بية قال اذا تبغي ترتاح خذ فندق لانك لوحدك وانا اقترح عليك ( اطلنطس) في عين الذياب قلت عين الذياب هذي وش فيها قال ( عيون وذياب ) وش فيها هذي البحر والفلة والموج اللي عمرك ماشفت مثلة قلت طيب الفندق هذا بس هو اللي فية قال لا بس رايق وفية فندق ثاني أسمة ( طارق ) وانشالله راح تنبسط قلت طيب الرحلة قال تبي توصل المغرب وانت في السعودية قلت حلوه هذي قال اجل عليك بالخطوط المغربية ! خلك مغربي وانت في جدة واهتم باناقتك وشكلك وعطورك ولا تبخل على نفسك بشي فوالله ان كل ريال توفرة وتذدخرة سيذهب في يوم من الايام لمن لايستحقه!
قلت يصير خير وفي يوم خميس هادي دخلت مكتب سفر واشتريت تذكرة بمبلغ الفين وثلاثمة وخمسون ريال وكانت التذكرة توصل من مكتب الخطوط المغربية بعد يومين ولونها غريب حتى تعليمات السفر عليها شفتها غريبة وتشم منها رائحة عالم ثاني مختلف تماماً ؟
كان موعد السفر يوم اثنين على الساعة الرابعة والنصف فجراً ( الغريب في الموضوع اني لم اخبر اي كائن على وجه الارض باني مسافر ) ؟؟؟
جهزت حقيبة و ( استريوا ( مسجل ) !!! ) واشتريت بعد وصولي جدة ملابس شبابية جداً وتعمدت ان اخذا من ماركة كاتربلير كل اغراضي !
نمت في فندق في جدة بعد ان تركت سيارتي في مكان أمن على اساس اني الساعة الثانية عشر بالليل اخذ تاكسي واذهب للمطار !!
...... اه كم اشعر وانا اكتب هذه الكلمات بالطيش والفرحة والرهبة اللتي كنت امر بها ؟
كانت الحياة بسيطة نوعاً ما والناس اطيب نوعاً ما ؟
كانت الاحلام اكبر من العقول والفرحة بعمل شي جديد تصيب بالغرور وتتوغل داخل الجسم حتى يخيل لك انك لا تمس الارض يقدميك وانت تمشي !
.................................................. ......
.................................................. ......
* نلتقي قريباً
تحياتي للجميع
أرهاب عاطفي
المفضلات