الموضوع: الذ حلوى في البحرين؟ وين ؟

السلام عليكم يا اهل الحلوى اللذيذة

ان شاءالله الاسبوع القادم بزور البحرين تقريبا عشان الحلوى :24:

فاحتاج معرفة اسم و مكان افضل حلوى موجودة اللي سمعته انه حسين شويطر هي الافضل:114:

و اذا ما عليكم امر احتاج اما الوصف من اول ما ادش البحرين من الخبر او المنطقة و الشارع عشان احطه بالنافقيتر


و مشكووورين وااايد

مواضيع عشوائيه ممكن تكون تعجبك اخترناها لك:

• شقق نظيفة ماتتعدى دينار بحريني
• استفسار من أهل البحرين الطيبين
• حضوري لسباق القدرة للخيول بتشريف جلالة الملك حمد
• ضروووري مالي غيركم
• ماهي الاوراق المطلوبه لسفر السائح المصري الى البحرين
• أريد السياحة لمدة أيام في البحرين من يضع لي وعائلتي برنامجا وأكون له من الشاكرين
• برنامج سياحي للعزاب فقط
• ابي اروح للبحرين ولاول مره
• فخامه الاقامه في فندق إليت سبا البحرين
• سبعة أيــام في مملكة البحرين
• بطاقات التخفيض والاشتراكات
• عاجل الرجاء الافاده مطلوب مكان للسهر عوائل
• اهل البحريين اخباركم
• الستي سنتر وين مكانه
• هل يشترط دفتر العائلة في فنادق البحرين مهم جدا لذوي الخبرة
• بسّ استفسآر الله لآ يهينكم
• مطلوب صور لقرى البحرين وشوارعها
• شـــــــــارع العدليـــــــــــة
• التخفيضات السنوية
• مشاريع ضخمة في البحرين، البحرين دبي

أهلا وسهلا فيك أخوي في البحرين ... وحيا الله أهل الكويت ..

ألذ حلوى في البحرين تلاقيها في المحرق ... حسين شويطر ... جاسم شويطر هم أشهر اثنين وتلاقيهم جنب بعض .. وتلقى عندهم كل أنواع الحلوى ...

والعنوان: مبنى 287 .. طريق 53 .. مجمع 215 .. المحرق ...

وحياكم الله ...

بويوسف في جيان تحت او السيف

عندك حلوى المروج او مروج المحرق بعد وايد وايد لذيذه, وعن العنوان تكتب في النافقيتر اول المجمع 215 وبعدين مسافه وبعدها الطريق 53 ولا تكتب رقم المبنى لأنك ماراح تشوفه في النافقيتر , وعلى فكره ترى حلوى المروج وشويطر على نفس الشارع مقابلين بعض , وتقدر تتذوق واللي يعجبك اكثر خذ من عنده واذا تبي وصف من الجسر الى محلات الحلوى نحن في الخدمه والسلام .

ما اتقصرون انا بسوي برنت حق اللي كتبتوه و اروح المحرق و اكيد السيف ان شاءالله ... والله يعطيكم الف عافية و يارب تاكلون من حلوى الجنة

أخوي محلات حلويات شويطر يمكن 4 محلات بس عند مدخل سوق المحرق ..

سوق المدخل تدخل له أول لفه يمين بعد عبور جسر الشيخ حمد ( الجسر اللي عليه منتجع الدانة نوفيتيل ) ..


ويا هلا فيك ..

مثل ما قالت لك الغالية حسين شويطر اللي بالمحرق

ان شاءالله اروح له الاسبوع الياي و استمتع باكل حلوتكم

يعطيكم الف عافية اخوي البدوي و بحريني غير و ام دليم و الغالية و بنت ديرتي كويتيه30

من تجربة جاسم شويطر هو الافضل وبعده حسين شويطر

يقولون كلهم يم بعض فانا بذوقهم كلهم و بعدين نشتري حقنا و حق الاهل و مشكوور اخوي فهد على المساعدة في الاختيار

انا أعتقد الافضل حلوى الخلود بعدها المروج ثم الشويطر من تجربه شخصيه

حسين شويطر وانت مغمض وكمان خدمتهم ممتازة تغليف وشغل عدل خاصة للى بيروح بالطيارة

مروج المحرق الافضل

احنا دايما نشتري من "حسين محمد شويطر"
بالمحرق..

و اخذوا بعد سمبوسه حلوة مقليه
لذيذه...

الخلود و المروج وين مكانهم؟ مع السطرة اللي فيها حسين شويطر؟
ومشكورين كلكم

المروج مقابل حلوى الشواطره في المحرق يعني لو الشواطره على يمينك طالع يسار بتشوف المروج وبالعكس واما الخلود الصراحه ما ادري يمكن مشرفتنا الغاليه تقول لك او احد الاعضاء .

المشاركة الأصلية كتبت بواسطة honeyMooner
http://www.arabtravelersforum.com/tr...6/#post1838276

الخلود و المروج وين مكانهم؟ مع السطرة اللي فيها حسين شويطر؟
ومشكورين كلكم

هلا فيك أخوي .. مثل ما تفضلت أختي ام دليم ... المروج مقابل محلات الشواطره .... والخلود جنب المروج على طول ...

وحياكم الله ...

خوووش عشان ما انحوس وايد... يعطيكم الف عافية

من تجربة شخصية .. مروج المحرق .. جاسم شويطر .. حسين شويطر .. تحياتي :101:

انا ذقت حسين شويطر كانت خيااال عجيبه و راح اشاركم اب رايي ان شاءالله قريبا بعد ما اذوقهم كلهم يعطيك العافية المدير العام

الأفضل حسين الشويطر

من وجهة نظري الافضل جمال شويطر اللي بالمحرق

عجيييييييييييييييييييييبة


خصوصا الحلوى الملكية كل مااروح لازم اجيب للاهل حتى صارو يعرفوني من كثر ما اخذ منهم

سلام

المشاركة الأصلية كتبت بواسطة zico202
http://www.arabtravelersforum.com/tr...6/#post1845096

من وجهة نظري الافضل جمال شويطر اللي بالمحرق

عجيييييييييييييييييييييبة


خصوصا الحلوى الملكية كل مااروح لازم اجيب للاهل حتى صارو يعرفوني من كثر ما اخذ منهم

سلام



جزاك الله خير

كنت داش على شان اكتب اللي قلته

افضل حلوى على الاطلاق جمال شويطر حلوى ملكيه بقيمة 5 دنانير

قوطيها حديد قليلة الدسم وقليله الشيره ( السكر)

اسهل مكان هو شارع المعارض مقابل مجمع التأمينات يمين مطعم اليمن السعيد

مال المندي والبخاري

اجلنا روحتنا للبحرين للاسبوع القادم ان شاءالله ... حسين شويطر عنده ملكية و قليلة الدسم؟
و يعطيكم الف عافية

حلويات شويطر حلوووووووه
فية في مجمع الدانة تحت

الخلود كأن في مدينة عيسى بس ما اعرف الشارع وهالاشيا

بس لما جبت للأهل قالوا انها احلى حلوى في العالم لول

أنا أفضل حلويات حسين شويطر في سوق المحرق ، وطبعاً عندكم حلويات مروج المحرق في مدخل سوق الرفاع ..

..

(((تم تعديل المشاركة من قبل الإدارة)))

ينظر في امر الحلوى بعد شوي انشاءلله عندهم ........
غريبه فاتت على
مشكورين

مروج البحرين افضل حلوى بالبحرين ذقتها على الاطلاق

أفضل حلوى

بو يوسف


جمال شويطر


جاسم شويطر


وأهم شىء تكون ملكية أبو 50 ريال

الحمدلله الاسبوع الماضي رحنا ابحرين لساعات معدودة و ذلك من اجل الحلوى و دلينا بسرعة و رحنا شارع الشواطرة الصراحو و ناااسة اندش و انذوق و نشرب قهوه هذا احلى شي و نسمع لهجة البحرينيين اتونس...
رايي ان احلى حلوى حسين شويطر بس مو اي وحده, في حلوى اب علبه box دوائر دوائر على ورق cups الصراحة لذييييذة و زدت كيلوويين اب سبتها و حلوى الخلود هم وااايد حلوه اللي تكون بالعلبه المعهوده اللي مثل بادية .. و حسافة نسيت امر الحلوى الملكية.. ان شاءالله بالمستقبل
و مشكووورين كل اللي عطوني رايهم و دلوني

فيه واحد متفرع من شارع المعارض جربته اتوقع حسين شويطر المهم واحد من عائلة شويطر واحلى شئ تأخذها الصباح تجي ممتازة وطازجة

انصحك بحلوى الخلود تجدها في الرفاع والمحرق والبديع ومدينة عيسى والمنامة

اما شويطر تراها بس اسم قديم كل واحد من العائلة فتح محل له وقال حلوتي احلى بس ما نعرف من هو الصاج منهم