الموضوع: اختكم الكويتية تحتاج معلومه

السلام عليكم ....

اول مره رح اسافر البحرين الحبيبة مع الاهل عن طريق البر ... :106:


ويمكن نقعد في شقق بمنطقة الجفير

سؤالي هل الجفير منطقة بعيده عن المجمعات مثل السيف والعالي وغيره ... ؟؟؟ ولا قريبة منها ؟؟

وشكثر بعيده عنها بالسياره جم دقيقه يعني ؟؟؟


وسؤالي الثاني شلون ندل الطرق بالبحرين ؟ اول مره نروح ورايحين بسيارتنا فاذا نبي نروح مكان شلون نعرف نوصل له ؟؟؟ :114:



مشكوووووووووووووووورين مقدما :24:

مواضيع عشوائيه ممكن تكون تعجبك اخترناها لك:

• أسماء ومعاني المدن والقرى البحرينية
• أماكن ترفيهيه للأطفال في البحرين
• أريد أحجز غرفة في فندق أو شقق فندقية بالقرب من برج المؤيد
• الى اهل البحرين الافاضل ارجو افادتي عن شقق رانيا ؟؟
• البحرين ليلاً صور روعة لا تـفـوتـكم
• رخصتي منتهية من اسبوع اقدر ادخل البحرين ؟
• اسعار الشقق ولإيجار في البحرين حالياً؟
• استشاره عااااااااااااجله يااهل البحرين
• نشره جويه خليجيه
• انا هناااا الحلو يدخل يرد على استفساري
• البحرين لؤلؤة تزين خليجنا
• منتجع
• مساعدة من اهل ديرتي الثانيه البحرين
• الرجاء المساعدة
• فعاليات حلبة البحرين للفورملا ـ
• اشلون الجو بالبحرين هل يومين؟
• تنبيه لزوار مملكة البحرين في الفترة الحالية بعد سلسلة الانفجارات البسيطة
• الي راح للبحرين باوقات الاعياد يفيدنا
• تميز المملكه بالخيول العربيه الاصيله
• الله يخليكم ممكن افظل فندق بالبحريين وتسلموون

ويييييييييييييييييييييييينكم يا اهل البحرين شدعوا محد يرد ؟؟؟؟


او اي احد رايح البحرين بلييييز جاوبوني ؟؟

المسافة بين الجفير ومنطقة المجمعات بين 15 إلى 20 دقيقة مع الزحمة .. اما بالنسبة للسؤال الثاني فالبحرين صغيرة وكل مناطقها قريبة من بعض و اللوحات الإرشادية منتشرة بكثرة فماراح تضيعون إن شاء الله وبإمكانكم سؤال أي شخص بحريني وراح يدلكم .

اذا بغيتوا منظر عجيب سكنوا في سمرست الجفير واطلبوا غرفة شمالية او شمالية غربية في طابق عالي علي البحر.

Messi 19 شكرا على الرد

بلادي البحرين هل عندك صور لهذه الشقق الله يعافيك ؟؟ وجم سعرها ؟؟
اذا عندك رقمهم اكلمهم احسن ... مشكوووووووووور

البحرين جزيرة، يعني مستحيل تضيع.

يا هلا وغلا ..

منطقة الجفير تبعد عن ضاحية السيف حوالي 20 دقيقة بالسيارة ..

ما راح تضيعون ان شاء الله في البحرين ، واذا صارت وضعتوا سألوا أي بحريني ان شاء الله راح يدلكم واحتمال كبير يوصلكم الى المكان اللي تبونه ..

بالنسبة للجفير منطقة سكنية فخمة فيها فنادق وشقق سكنية مفروشة بالاضافة الى شارع الشباب المليء بعدد كبير من المطاعم والكوفي شوبس ..

كيفية الوصول الى منطقة الجفير ؟

أول ما تنزلون من جسر الملك فهد ( جمارك البحرين ) تواصلون المسير الى الامام ( تعدون 4 جسور تحتهم ) بعدها توصلون الى اشارة جانب ماكدونالدز بعد واصلوا بعدها الى الامام حتى تشوفون أعمال حفريات وأشغال عملاقة لاقامة جسور وأنفاق ، واصلوا بعد هذي الأعمال المسير الى الامام حتى تصادفوا اشارة تقريباً بعد كيلومترين ، اخذوا الاشارة يسار بعدها ثاني إشارة على اليمين ..

وراح تلاحظون وقت الوصول الى ثاني اشارة عدد كبير من الفنادق بالاضافة الى جامع الفاتح ( جامع ضخم / أكبر مساجد البحرين ) الواقع عند تقاطع هذي الاشارة ..

أما الجفير من الداخل فما تضيع أبد لأن تخطيط الطرق فيها على مستوى عالي من الدقة ، شارع واحد رئيسي يدخل ويخرج من الجفير ( كون منطقة الجفير شبه جزيرة يحط فيها البحر من ثلاث جهات ) ..

وان شاء الله اذا في أي معلومات تحتاجونها حاضرين ..

الطرق وايد سهله وكل الاماكن يم بعض

ومن الجفير الى السيف اتوقع اقل من 10 دقايق

بس اهم يحسوبنها وياد

ما راح تضيعيون مو مثل الكويت

mhd85 شكرا لمرورك

بحريني غير ... صراحة كفيت ووفيت صج انك غير .... يعطيك العافية

poor_man شكرا .. اي والله الكويت تضيع شوي

برونزيه ماميش شي بعيد في البحرين .. السيف والعالي 10 الى 15 دقيقه بالسياره وبدون الاشارات 5 دقايق .
الجفير منطقه حييه وفيها مطاعم ويمها العدليه اللي فيها مطاعم وكوفي شوبات حلوه .

اي سؤال او استفسار حاضرين

المشاركة الأصلية كتبت بواسطة بلادي البحرين
http://www.arabtravelersforum.com/tr...6/#post1837286

اذا بغيتوا منظر عجيب سكنوا في سمرست الجفير واطلبوا غرفة شمالية او شمالية غربية في طابق عالي علي البحر.





ممكن أرقام التلفون .. والموقع


وإذا فيه رابط أو صور .....



شكـــــــــــــــــرا

السلام عليكم
صحيح كلام الاخوان اختي برونزية وترى شعب البحرين وايد حبوبين وخدومين من تسالينهم عن شي ما يهدونج الا متاكدين انج دليتيه
بس اسمحيلي اسال في موضوعج في مجمعات يديه غير السيف والعالي ؟
انا اخر مرة رحت في 4-2007 تغير شي من ذالك التاريخ مع خالص الشكر