السلام عليكم ورحمة الله وبركاته
اخواني واخواتي بما اني توني واصله امس من المانيا وكانت زيارتي من مطار فرانكفورت التعيس..:112:
اول ماوصلنا المطار وعند الجوازات قعد الشرطي فاتح عينه تقريبا ربع ساعه وهو يقلب في جوازي وجواز زوجي..وقاعد يبربر مادري شيقولون عن الفيزه وعقب اسحبونا في غرفه بعيده وانا ايدي على قلبي..وحطو جوازاتنا في مكينه وقعدوا يشوفون الفيزه بالمنظار حتى..وانا قاعده ادعي عليهم..وعقب عطونا جوازاتنا وقالوا خلاص..يعني مادري ليش..المهم رحنا نستلم السيارة من شركة سكست وكان الباركن بعيييييييييييد
وبعدين الله يسلمكم رحنا الى كولون اللي مافي حد مامدحها لنا..وسكنا في فندق انتر كونتننتال كولون..
قعدنا في كولون 7 ايام من ظمنها زرنا دوسلدورف الكئيييييبه من وجهة نظري..وزرنا بلجيكا وهولندا..
بصراااحه كولون ما فيها اماااااان..نشوف السكارا في كل مكان والمحششين في كل زاويه مع كلابهم الله يعزكم..
كل يوم لازم يمسكنا سكران..يانهم يطرووون او يهاوشووون..انا اشوف هالمنطقه مب عالوصف ولا الجمال..:110:
احنا دايما نزور ميونخ..وبصراااحه ميونخ هي شيختهم..
ودوسلدورف اللي ماقعد حد والا مدحها..وشارع الملوك اللي ماشاف الملوك مافيه غيره في دوسلدورف وفيه ناس قالو هالشارع يشبه شارع الشانزلزيه..
اسم الله على شارع الشانزلزيه من شارع الملوك..وش جاااااب لا جااااااب...وقالو عند شارع الملوك يمر نهر الراين..وقعدت ادور نهر الراين الا هو في جفره..:109:
وعقب كملنا سفرتنا في ميونخ..صدق ليقالوا عنها شرحه شرحه..والامان ماشالله مايحتاج..نتمشى لين الساعه 1 فليل..ماقد صار لنا موقف كل واحد في حاله..:24:
هذا من وجهة نظري وياريت محد يزعل:106:مواضيع عشوائيه ممكن تكون تعجبك اخترناها لك:
- خرائط المترو والمواصلات فى دوسلدورف وميونخ
- استفسار بسيط
- مهم جدا عن السفاره الألمانيه
- اول رحلة الى المانيا ميونـخ برلين بادن بادن و فرانكفورت
- الى الخبراء معلومه هامه للجميع وعاجله
- استشاره
- قرب موعد الرحله وانا ماعندي احداثيات
- ميونخ
- ارجوا المساعدة في مخطط الرحلة
- عااااااااااااااجل مطلوب سكن في باد غودسبيرغ
- تعبت ابغى قطار ستراسبورغ لميونخ
- ماهي مواعيد عمل الاماكن السياحية بألمانيا
- ساعدوني ، ألمانيا
- مالفرق بين وبين ؟
- مدة التأشيرة الألمانية المعتادة؟
- الطيران الاقتصادي بين ميونخ و جنيف
- ابي مرشد سياحي في المانيا
- ارغب باستجار سيارة من بادن بادن
- طلبتكم ي النشامى تكفوووون
- افضـل الفنــادق
المفضلات