المشاركة الأصلية كتبت بواسطة تميم الكويت
http://www.arabtravelersforum.com/tr...6/#post1892821
بسم الله الرحمن الرحيم ..
الأخت الكريمة ( الغالية ) أتمنى تفيديني بالموضوع هذا مثل ما استفدت منج بمواضيع وايد
أخوج مغرم بحرين لأن العرج دساس مو مني 
فكل أكل بحريني وشغل بيت أموت عليه ( عقدة بعيد عنج أمي العودة بحرينيه الله يرحمها )
أبي تعطيني ما عليج أمر كل اللي تعرفينه عن شغل البيت، من بهارات، وعطور، وحلويات، وأجار ( طرشي + مخلل ) وغيره المهم ينوكل 
فأخوج عنده رقم وحده ينقالها أم دلال من المحرق ( قلالي ) تسوي حلو وخذت منها وزين ماشي حاله بس ما تسوي كل شيء، تسوي حلو اسمه جوزية، والطرشي بس مو ناضي وايد ، والبهار بس ما ينفع للمجابيس : )
وكان عندي رقم وحده ينقالها أم محمد من الرفاع تسوي السمبوسة الحلوه بس غيرت عنوانها وتلفونها وما عرفت شلون أوصلها ولا سمبوستها ما عليها كلام خفيفه مشوية بدون دهن ولا شيره
وعندي من الحالة أم رائد أظن اسمها اللي هي صاحبة محلات المنار ويسوون في بيتها الحلو رحت لها واخذت منها بس السمبوسة الحلوه تحط فيها جوز الهند ما اعجبتني وايد
فأبي وحده تسوي السمبوسة الحلوة شغل بيت بس شي متعوب عليه
ووحده تسوي بهار شغل عدل
ووحده للطرشي أو الأجار
وكله شغل بيت ما عليج أمر
وطيب وبخور هم شغل أول
أدري طلباتي صعبه لكن أتمنى أنج ما ترديني خايب لأني مسجل وربي عشان هالطلبات وخاصة يوم شفتج تتجاوبين مع الجميع بروح طيبة وخدمة ولا أروع، ولا وفوق هذا توصيف ولا نفيقيتر يخليج ربي : ) عيني عليج بارده
ولي طلب خاص راح ادزه الحين بالخاصة إذا تتكرمين.
وسلامتج هذي طلباتي : )
هلا ومرحبا فيك أخوي تميم ... والنعم فيك ..و اسمح لي على التأخر في الرد عليك ..
طلباتك أوامر والله .... بس المشكلة أن ما عندي خبرة بهالأمور ...
أنا أعرف ثنتين ... والنعم فيهم ...
وحده تسوي بخور بحريني وايد حلو ... اسمها أم خليفة ... بيتها في الحورة ... خلف محلات كنتاكي في شارع المعارض ... لو تسأل عنها هناك أكيد بيدلونك بيتها ...
وحده ثانية .. أسمها أم أحمد ... هذي شغلها البهارات ... وشغلها وايد حلو ... وهذي بعد في الحورة .. بس داخل الحورة.... خبرني اذا تدل عدل عشان أوصف لك بالضبط ...
اسمح لي من أي قصور ... اخوي ... وحياكم الله :101:
رد مع اقتباس
المشاركة الأصلية كتبت بواسطة تميم الكويت
المفضلات