الموضوع: مقبل ع الزواج مساعدتكم الله يرضى عليكم

السلام عليكم ورحمة الله وبركاته ..

بعد عناء طويل تمكنت من التسجيل باالمنتدى مدري ايش المشكله عندي حساب قديم بس مو راضي يشتغل ..

نجي للمهم ي اخوان انا زواجي بيكون ان شاء الله بشهر 9 انقليزي والفكره بتكون يومين بفندق واليوم الثالث بالطياره لماليزيا ..

اخوكم بحياته ما طلع من السعوديه ف ما اعرف اسوي ولا شي ف محتاج فزعتكم ..

المطلوب ي اخوان جدول ل 13 ليله بيكون تاريخ الاقلاع بإذن الله يوم 7-9-2013 والرجوع بتاريخ 20-9-2013 اذا لقيت حجز بذي المواعيد وان شاء الله القى ..

ابغى جدول يكون بالمدينه والفنادق الي معها والاماكن السياحه ..

انا صراحة رحت لمكتب سياحي واعطاني سعر خورافي ف مالي الا بوكنق وي ليت طريقة الحجز منه ..

وكم بتكون الصرفيه هناك .. ؟؟

وان شاء الله ما نسيت شي ..

مواضيع عشوائيه ممكن تكون تعجبك اخترناها لك:

• وصلت اليوم ماليزيا واستعجبت
• خطة سفر من سيلانقور الى ريدانغ طيارة الى كوالاترينجانو
• رأيكم بخصوص السواقة في ماليزيا
• كم سعر التكسي من فندق البريميد الى مطار اير اسيا
• القليل من الأسئله تنتظر اجوبتكم
• مساعده لو تكرمتو الله يجزاكم الجنه
• بينانج لايوجد بها مكان
• ارجو منكم الإفاده
• الانتقال من مطار كوالالامبور الي الفندق هل توجد خدمة متوفرة في فنادق ماليزيا ؟
• اخوي ××××× اذا ممكن مساعدتك
• رايكم يهمني في وضع جدول سفري
• أرجو المساااااعدة لو سمحتوا
• ارجو منكم المساعدة في ترتيب جدول في ماليزيا
• استفسارات
• ماليزيا ومرتفعات جينتنغ
• رحلة الى ماليزيا ارجو المساعدة
• جدول سياحي مميز 15 يوم 14 ليلة للعرسان
• جدآ مهم مساعدة في حجز الفنادق
• بليز االكل يدخل استفسار جداااا بسييييط
• ارجو منكم المساعده باسرع وقت

هلا بك اخوي الف مبروك مقدماً اخوك عانا من نفس المشكلة في الحساب القديم وتوني سجلت بحساب جديد
وانا باذن الله زواجي بالصيف هذا ورتبت جدولي على ماليزيا ومرتب جدول ارى بأنه ممتاز والفضل يعود بعد الله عز وجل لهذا المنتدى وخبرات اعضائه الكرام .
اخوي عندي جدولي لو تحب تشاركني فيه برسل لك نسخه منه مسويه عل الوورد لكن شوف طريقة للتواصل لأنني لا استطيع ان ارفعه على هذا المنتدى الا بعد الانتهاء منه بالكامل .
ولكن في معلومة مهمه استفدت منها كثيراً تفيدك كثيراً بحكم ان باقي على زواجك فترة انصحك بالدخول لتقارير الاعضاء والاطلاع بنفسك لكي يكون عندك معلومات كافية عن ماليزيا ..

بضعك لك جدول مبدئي بسوي نفسي معلم من اول مشاركة الله يسعد قلبك ي اخوي وافي هههههههههههه
يومين في سيلانجور بالنسبة لي اخترت فندق الصن واي لاقون
اربع ايام في جزيرة لنكاوي بالنسبة لي اخترت فندق ويستن لنكاوي ,
يوم واحد في بيانغ بالنسبة لي اخترت فندق باي فيو بيتش وبيانغ فقط للراحه استعداد للذهاب لمرتفعات الكاميرون
يومين في كاميرون هيلاندز فندق ديلا فيرنس
اربعة أيام في العاصمه كوالالمبور فندق رويال شولان

* التنقل الى لنكاوي عبر الطيران مطار اير اسيا او الخطوط الماليزية
التنقل من لنكاوي الى بيانغ عبر الطيران او العبارة الافضل الطيران لأن العبارة تاخذ تقريباً 3 ساعات
التنقل من بيانغ الى الكاميرون عبر الباص او استئجار سيارة خاصة المدة في حدود 3 ساعات ونص
التنقل من الكاميورن الى كوالالمبور عبر الباص والمدة تقريباً في حوالي الثلاث ساعات او أقل

اتمنى اني افدتك اخوي ولو اني ماعندي مشاركات ولكن بحكم تواجدي بكثرة في هذا الصرح استفدت كثير

اخوي اضيف لك معلومات ثانيه حاول تحجز التذاكر من الان لأنه كلما اقترب موعد السفر كلمات ارتفع سعر التذكرة
انا قبل شهرين كان سعر التذاكر على الخطوط السعوديه حوالي 5 الف ولكن بعد تاخري لمدة شهر اضافي كان الحجز بـ 6100 وهكذا ارتفاع

بالنسبة للفنادق احجزها من موقع بوكينق بالنسبة لي سويت حجز موقت طلعت علي بقرابة الـ 8500 الف ريال شامله الضرائب
يعني الصرفيه احسب حسابك في حدود الـ 25 الف ريال وهذا يعتمد على الصرف هناك

الله يجزاك كل خير اخوي جدول بسيط ووافي واشكرك على تفاعلك ..

بالنسبه للحجز ع الخطوط اسعارهم غاليه مرا قبل شوي مشيك طلع علي شخصين ب 7000 ريال ي ليت لو عندك طريقه احصل سعر اقل من كذا ..

وبإنتظار بقية الاعضاء للتفاعل وما نستغني عنكم

متى موعد الرحلة اخوي بالميلادي

بالنسبه للتذاكر راقب اسعار التذاكر كم حصل لي وكان سعر التذكره الواحده 3500
وحجزنا على الخطوط السعوديه التذكره الواحده 1800 وكسور طلعت علينا 3700 حق شخصين
ولا اقدر اضيف رابط الموقع لان مشاركاتي قليله
لكن تستطيع ان تجده في هذا الموقع الرائع ومشرفينه الطيبين

انا الي ودي فيه يكون الاقلاع بتاريخ 7-9-2013 والعوده بتاريخ 20-9-2013

اخوي في نفس الموعد من جده الى كوالالمبور في 7/9/2013 والعوده في 20/9/2013 في بسعر 5786 وفيه بسعر 6183

للمعلومية الايام الي بتصفى لك من غير ايام السفر 12 يوم

بيكون الاقلاع من الدمام 12 يوم بس بزيدها يومين ان شاء الله

اخوي على الخطوط السعوديه الاقلاع يوم 7 /09/2013 والعوده يوم 21/09/2013 بـ 7000 وعليها
الخطوط الاماراتية في نفس الموعد ارخص بكثير وافضل لك من الخطوط السعوديه صحيح ترانزيت يعني 12 ساعة بـ سعر (5538) ريال

طيب وش رايك بالقطريه

القطرية حلوه سعرها 6324 ريال وانت ادخل جميع مواقع الخطوط وقارن بين الاسعار

الخطوط السعوديه حطيت عليها اكس اسعارهم عاليه ..

طيب اخووي وش تنصحني فيه افضل شي من ناحية الخدمات والراحه

اختار الخطوط الاماراتية وربي ييسر امورك اهم شيء احجز التذاكر من بدري لاني تأخرت شهر وارتفعت الاسعار بحوالي 1000 ريال زياده الخطوط السعوديه وكذلك الاماراتية
وانصحك بقراءة تقارير الاخوان الاعضاء وادخل موقع بوكينق واحجز الفنادق بنفسك اهم شيء يكون عندك بطاقة فيزا وهذي تقدر تطلعها من اي بنك ( روح لهم وقول ابغا بطاقة فيزا انسان ) وهم يطلعونها لك وتحط فيها مبلغ وتقدر تستخدمها في حجوزات الفنادق وتقدر تستغني عن المكاتب بسهوله لأن هذا المنتدى سهل علينا الكثير الله يوفق العاملين عليه ويجزاهم خير الجزاء

الله يجواك كل اخوي اسير .. وان شاء الله لي رجعه بعد ما احجز التذاكر

والحجز بياخذ وقت بس ان شاء الله القى الشي الطيب والرخيص