الموضوع: النية السفر لسوريا أيام لأجل الآثار والطبيعة

السلام عليكم ورحمه الله .،

شكرا على دخولكم للموضوع ، أعدك أن أبذل الجهد و الوقت اللازم للتخطيط لرحلتي القادمة بإذن الله :24:

و بالمقابل ، أتمنى إرشادي و مساعدتي للوصول إلى خطة جميلة وبرنامج ممتع و جميل في سوريا الحبيبه


بدون مقدمات طويلة ، سأبدأ بـ :

1. التعريف بنفسي بشكل مختصر ، ثم التعريف بالمرافقين في الرحلة .
2. الحديث حول الهدف من الرحلة + الوقـت .
3. الميـزانيـة ( المبدئية ) .
4. برنامج الرحلة ( المبدئي ) .

وبعد ذلك يبدأ دوركم بتوجيهي و تصحيح الأخطاء ، و إرشادي إلى الأمكان الجميلة التي غابت عني .




حلو الكلام ؟؟ :8888:



لكان يلا ، على بركة الله نبدأ ، بسـم الله :wink:

مواضيع عشوائيه ممكن تكون تعجبك اخترناها لك:

• لسا جاي من سوريا وجاهز لاي إستفسار
• من سوريا إلى تركيا كيف؟؟؟
• إنترنت لاسلكي بسوريا
• صور من معلولا و جبعدين
• الأسعار في الشام
• دليل حضارة ديرمارجرجيس من الآثار السورية المهمة ويشتهر بكنيسته القديمة ومخطوطاته
• عندي استفسار لو سمحتوا
• رحلة سياحية من نوع آخر من دفتر ذكرياتي
• بحيرة زرز صيف صور
• تزايد العراقيين بسوريا وتنصل المانحين يفاقم المشكلة
• الشقق في دمشق
• اجمل وقت للسفر الي صلنفة وكسب
• اريد سيارة ايجار
• رحلتي الى الخالة بلاد سوريا الحبيبة
• ريف الشام طبيعة ساحرة
• طلب مساعدة
• الاتصال من سوريا لأمريكا على الأرضي
• استفسار
• أرجوا أعطائي معلومات عن الاذقيهكسبصلنفه لأني مسافر بعد يومين
• سوريا هل فيها مغاسل ملابس؟

هلا والله اخــــوي نـــاصر ...

تــوكل ابــدأ على بــركه الله ...

نحـــن في انتظـــارك ...

متـــابعينك...

حلو سكر
اهلا وسهلا بك اخي الكريم وان شاء الله لن نخذلك..
ابدا باسم الله..

مرحبا بالعضو الجيد نصر وأهلا وسهلا بك بين أخوانك وأخواتك أعضاء المنتدى ونصيحتي لك أخي الكريم التفاعل مع التقارير المتنوعة بالمنتدى والرد عليها قدر إستطاعتك لكي يكون التميز ثم بعد ذلك تتحفنا بتقرير مصور يحدد مسيرتك بالبوابة السورية . كما أدعوك للإطلاع على تقارير الأعضاء بالمنتدى والتقارير المصوره لكي تستفيد بما يلي :
1 - إكتساب خبره عن الأماكن الجميلة التي يمكن زيارتها بسوريا .
2 - معرفة إعداد التقارير وتنزيل الصور .
3 - التعرف على أخوانك وأخواتك المشاركين بالمنتدى من خلال الردود .سفره سعيد ولك تحياتي .

الأخــوه الأكــارم : ( النـورس العـربي - الـعـربي السـوري - أبــو ألاء ) ، سعيد جدا بتفاعلكم الجميل والمشجّع :24:

رح ابدأ على طول بـ ( بسـم الله الرحمن الرحيم ) :101:







التعـريف بـنفسي :



الاسم : نصـر محمد أديب .
العمر : 13-12-1987م ( 21 سنة ) .
الجنسية : سـوري ، مقيم في الكويت منذ ولادتي ( أسافر لـ سوريا كل سنتين تقريبا ) .
الدراسة : ثانوية عامة + ICDL + دبلوم هندسة كمبيوتر + سنة تانية - تخصص برمجه .
العمل : سكرتير في لجنة خيرية تقدم مساعدتا في قارة أفريقيا .


المرافقون :

ما رح اذكر غير شخص من المرافقين ، وقد ينضم إلينا أشخاص آخرون ، ولكن المهم الآن هو التعريف بالمرافق الأول ، لأنه هو صاحب فكرة الرحلة والسياحه في سوريا .

الاسم : عبدالهادي
العمر : 26 سنة
الجنسية : فلسطيني ، لم يقم بزيارة سوريا ، و متشوق جدا للتعرف على سوريا و على سحـر وجمال سوريا .
الدراسة : ماجستر إدارة اعمال .
العمل : وظيفه مرموقة في نفس اللجنة الخيريه ( زميلي في العمل ) .






الهدف من الرحلة :



الترويح عن النفس + الراحـه النفسيـة + التمتع بالطبيعة + التعرف على الآثار + أخذ طاقة إيجابية + التعرف على جمال خلق الله

و السباحه و ركوب الخيل ، رغم اني لا افقه شيئا لا بركوب الخيل ولا بالسباحه :8888:


و بالنسبة لي سأقوم بـ صلة الرحم و زيارة الأقارب :24::24::24:






الزمــان والـوقـت



الفترة هي من [ 17-9-2009م ] إلـى [ 26-9-2009م ]

لا لا مافي خطأ ، ايوه شهر 9 - سبتمبر .. بعرف أنو لسه بدري ، ولكن التخطيط شيء جيد

الإنطلاق في يوم 16 أو 17 ( حسب موعد الطيارة ) ، والعودة إن شاء الله في ( صباح 26-9-2009م ) .

عيد الفطر رح يكون في يوم 20-9-2009م ، وهاد سبب جعل موعد الرحلة بهالتوقيت ، مشان نستغل إجازة عيد الفطر ، خاصة أنه رح يكون قبلها خميس وجمعه وسبت ، وبالتالي إجـازه حلوه وطويله :24:







3. الميـزانيـة ( المبدئية ) .



بعد قراءة سريعه ، و بخبرتي الشخصية المتواضعة ، وضعت ميزانية مبدئية ، و طبعا نحن شباب رايحين ننبسط ونرتاح ، ما بدنا نسكن في سكن مقرف و أي كلام ، و أيضا ما بدنا نبذخ ونضيع مصارينا على أي شي .

يعني ممكن نتغدى بمطعم راقي جدا جدا ، و ممكن ناكل سندويشه فلافل أو شاورما ، حسب الجودة وحسب المزاج ، ما رح نحرم أنفسنا من شيء ، وبالمقابل ما رح نطلق لها العنان :11ight:


لذا ، الميزانية المقترحة ( بغض النظر عن تذاكر السفر ) هي ( 240 دينار كويتي ) للـشخص الـواحـد ، وهي كالتالي :

1. السكن ( فندق أو شقق محترمه - الاجمل - ) : 80 دك
2. المواصلات ( تكاسي و باصات وسرافيس وقطار ) : 40 دك
3. الاكل والشرب ( مطاعم راقيه و سندويشات و فطاير و شغلات خفيفه ) : 60دك
4. الهدايا ( حلويات سورية للعائلة والمقربون جداً ، وأمور أخرى خفيفه و مميزة ) : 20دك
5. مصروف الجيب وتكلفة الأماكن اللي ح نزورها ( تذاكر دخول وما شابه ) : 40دك

أكيد في شي غلط ، أو في شي ناقص ، يمكن الميزانية قليلة والمفروض رفعها ، أو أن توزيعها غلط :110:


للأسف ماني عارف سعر الصرف ، لذلك إذا تدلوني على موقع لمعرفة أسعار صرف العملات ، بكون ممتاز







4. برنامج الرحلة ( المبدئي ) .



البرنامج مكون من ثلاث مراحل :

----------------------------------------------------------------------------------------------------------------------

المرحلة الأولى : ( من 16 إلى 19 ) ( 4 أيـام ) :

سيكون الاستقرار في فندق في دمشق أو ما يتبع لها ( حسب الجمال والتكلفة ) ، و سيتم زيارة مناطق الشام ، وما يتبع لها من مناطق .

المرحلة الثانية : ( يـوم العيد 20-9-2009م ) :

صلاة العيد مع المرافقين في المسجد الأموي ، ثم سيعودون هم إلى الفندق ، وسأذهب أنا بجولة سريعة لزيارة أقاربي ( حلب - جسر الشغور - اللاذقية ) ، و هنا سنكون أمام خيارين :

1- إما أن ( المرافقين ) سيأتون بمفردهم إلى الاذقية ، وسنلتقي هناك ( حيث المرحلة الثالثة والأخيرة ).
2- وإما أني سأعود مرة أخـرى إلى الشـام ، و سنذهب سويا في نفس اليوم إلى اللاذقية ( اختيار ضعيف وغبي :106: ) .

المرحلة الثالثة والأخيرة : ( من 21 إلى 25 ) ( 5 أيــام ) :

سيكون الاستقرار في فندق في اللاذقية أو في شقة في كسب أو سلمى أو منقطة جميلة قريبه منهم ، و سنقوم بزيارة المناطق الجميلة التابعة لـ اللاذقية في هذه الفترة .

----------------------------------------------------------------------------------------------------------------------


الآن خطرت على بالي فكرة ، لماذا لا تكون المرحلة الأولى في ( اللاذقية ) ثم نتجه إلى الشام في( المرحلة الثالثة ) و من الشام إلى الكويت .

رغم أن الجو في اللاذقية يصعب فيه الصيام ، سنفطر في اليوم 100 مره بدون قصد :109:




---------


هذا كل ما لدي ، الآن سأكمل قراءة مواضيع القسم ، وانتظر آراءكم وتوجيهاتكم :24:


دمتم بخير

للرفع ............ز

الله يوفقك وتروحون وترجعون بالسلامة ان شاء الله

و انا ناطــر يا حبيبي ,,,,,,,,,,, ناطر منك جواب

تشرفنا بمعرفتك اولا
تانيا هي موقع لحساب سعر الصرف
http://www.cbs-bank.sy/exchangerate.php
بس ما بيفيدك لانو السعر عميتغير بين كل يوم والتاني لهيك بدك تحط ادنى سعرحتى ما تتخبص حساباتك بموعد النزلة
مثلا متل هلا على السعر الحالي فيك تحسب انو 160 الدينار
التكلفة المبداية للشخص بظن انها مناسبة بما يعادل38الف ليرة يعني
الفندق فيكم تنزلوا بفندق 4نجوم لهيك لا بتكونوا نزلتوا بمستوى سئ ولا كمان تكلفتوا كتير على فنادق 5نجوم
ففيك تدخل هي المواقع لفنادق 4نجوم وتحسب ميزانية الفنادق بظن افضل
http://www.omayad-hotel.com/
http://www.carltonhotel-syria.com/

بظن تكلفة المواصلات قليلة بمايعادل6400ليرة ل9ايام تنقل وسفر محافظات مابيكفوا بدك ترفعها لان الاسعار كلها مرتفعة وخاصة التكاسي

الاكل والشرب بترجع الكم ولاختياركم للمطاعم والوجبات مثلا مو معئول تطلب سمك وواكلات بحرية بالمطاعم وتتوقع يكفوا انما هالمبلغ بيكفي كحد متوسط

بخصوص توزيع برنامج الرحلة بظن اقتراحك الاول هو الافضل انك تروح اللاذقية وتزور اقاربك وهنن يلحئوك او يطلعوا معك وانت بتروح لاقاربك وهنن بيضلوا بينزلوا يتجولوا لحالهم هنيك وتروح انت حلب وترجعلهم للاذقية بدل ما تتركهم بالشام

وسفرة موفقة وتروح وترجعوا بالسلامة وكلكم نشاط بجمعيتكم

اخوي ناصر

اولا انا معجب بسردك للموضوع والشكل الاجمالي له
ثانيا اذا كنت مخطط من الان للرحلة فأتوقع ان تكون رحلة مثاليه باذن الله

اتمنى لك رحلة موفقه ومثاليه زي صاحبها:24:


تقبل مروري المتواضع

والله كان عندي حكي كتير قلك ياه بس كل ما اقرأ زيادة ضيع وانسا , رح شفلك شو المناسب برأيي ورد خبر باقرب وقت
بس في معلومة اذا حاطط ببالك 80 دينار (13000)ل.س للاقامة وغيرو ما بكفو منوب بين الشام وبين اللادقية بأوتيلات أو شقق
وانا بنصحك تزور اللادقية وتقعد فيها يومين وتخلي يومين لكسب ويوم ل صلنفة وتنسى سلمى لانو ما فيها شي منوب
وبرأيي باليوم التاني من قعدتك باللادقية برأيي ما تتكلف يعني انزل باوتيل يوم واحد باللادقية واليوم التاني من الصبح طلاع على الشاطئ الازرق انت ورفيقك وعندك خيارين يا بتاخد كبين (شاليه صغير ولا يسمح به النوم) على البحر وقضي نهارك انت ورفيقك من الصبح حتى المسا وبكلفك بحدود ال 4000 ليرة بيرجع على الشخص 2000 ليرة (يعني مشان تحطو غراضكن) أو عندك حل تاني حاكيني وبحطلك الغراض تبعاتك عندي :d او شوف اي طريقة تحط الغراض فيها وقضي نهارك بالشاطئ من الصبح للمسا بتكلفك 1000 ليرة على الشخص
وبتمنى انك تزور روتانا أفاميا اذا كان معك وقت , لانو عنجد شي خيال
موفق