الموضوع: استفسار عن أفضل منتجع أو شاليهات في البحرين

مساكم الله بالخير اخواني الأعضاء انا ناوي أروح للبحرين انا وعائلتي الكريمة يوم الأحد ومحتار أسكن وين لذلك انا ابغى اعرف افضل منتجع أو شاليه في البحرين

وللمعلومية انا حجزت في sealoft وحجزت عندهم شي مكون من 3 غرف بحوالي 4000 ريال سعود طبعاً حجز مبدأي لكن السؤال هنا هل المنتجع هذا كويس وفخم ومريح وفيه جت سكي ولنشات ونادي صحي وترفيه.

لأنني حتى الآن محتار

لذلك انا ابغى منك المشورة في المسكن

وعندي سؤال آخر ماهو افضل مول أو مجمع تجاري من حيث المساحة وتعدد المحلات والماركات والمطاعم والترفيه.

مواضيع عشوائيه ممكن تكون تعجبك اخترناها لك:

• الفزعه
• أماكن الإفطار والسحور في رمضان
• وين القا شقق راقية ونظيفة لـ أشخاص شباب وتكون محترمة ؟
• افتتح المطعم السياحي العائم بالبحرين
• يا محبي مملكة البحرين ما رأيكم
• ما رأيكم بفندق Pearl Bahrain Suites
• وين الاقي مايلي؟؟
• ممكن تفيدوني يااهل البحرين
• وين اسكن
• استفسار بخصوص أوتيل هولدي ان إكسبرس
• افتتاح انصار جاليري
• تطبيق البصمة بـ«الجسر» عقب عيد الأضحى المبارك
• استفســــار عن مخبز ليلوو
• السفر الى مطار البحرين
• يا اهل البحرين ممكن خاطة تفصيلة لمملكة البحرين
• استفسار
• سؤال لو سمحتو ؟
• طلب وصف سوق المحرق ومتحف البحرين ومحمية العرين
• أحبابي في مملكة البحرين الشقيقة
• كم المسافة من المدينة المنورة إلى البحرين؟

هلا اخوي
عندك الدانة نوفتيل احسن الشي بس لازم تتصل وتسالهم يمكن ما تلقى حجز
وطبعا اتصلنا احنا بنحجز عندهم غرقة بي 950 ريال وعلى الانتظار بعد
والمجمعات عندك السيف احلى الشي وفيه سينما ومطاعم حلوة وبترتاح فيه وكبير
ارجو اني اكون فدتك هذا رقمهم اتصل واسالهم

17298008 00973

مشكور وماقصرت

Sealoft والله ما عرفه...

بس عندنا منتجع البندر وايد حلو و هادئ و بعيد عن العاصمة، فيه شاليهات طابقين و في كابينات...بس حاليا بركة السباحة صاكينها للتجديدات بيفتحونها في اغسطس، بس البحر و الشاطئ مفتوح، وفيه العاب مائية مثل البنانا و الجت سكي وفيه عدة مطاعم اشهرها الفش ماركت و فيه ساحة العاب للأطفال و بولنج و نادي صحي، بأختصار لتغيير الجو انصحك بزيارته.

واذا تبين منتجع صحراوي عن جد رهيب في منتجع اسمه بنيان تري (هي شركة عالمية فندقيه فتحت لها مقر بالبحرين مؤخرا) سعر الليلة في المنتجع 500 دينار بحريني (5000 ريال سعودي) شاملة الفطور والمساج.

بالتوفيق.

حياك الله عندنا بالبحرين
بالنسبة للمنتجعات
افضل المنتجعات اهي
النوفيتل ويقع عند المتحف وجسر المحرق القديم والاغلبية تثني على هالمنتجع وراحته وتوافر كلشي فيه
وفي منتجع الريتز كارلتون هذا يقع في ضاحية السيف وهذا افضل منتجع من حيث الموقع لأانه يقع في قلب السيف اللي يوجد فيها كل مجمعات البحرين
السيف والعالي والبحرين والدانه وقريباص الستي سنتر وقربة من كل مكان
وفي منتجع بنيان تري وهذا من افخم واجدد المنتجعات بالبحرين واحلاها بكل شي وهذي شركة عالمي والمنتجع اخد اجازئة كبيرة من اول سنة افتتح فيه
لكن عيبة بعده عن العاصمة وهو يقع في العرين قريب الفورميلا لكن ما رحا تلقى يمه شي من المجمعات والاسواق

انا اقولك اختار بين النوفيتل او الريتز كارلتون

انشالله اكون افدتك بردي

هلا Blacknight

الصراحه sealoft مكان هادئ داخل امواج في بركة سباحه ويكون مع الفطور وفيه جاكوزي بس جت سكي لا ما في.

تري هو عباره عن فيلا جميله جدا 3 طوابق وفيها كل شئ مجهز واحسن شئ فيه البركه تتطل علي البحر وان في مكان هادئ

اي استفسار انا حاضره

أخوي عن تجربه اقولك

منتجع الدانه نوفتيل جميل ورااااائع

انا جربت النوفتيل وريتزكارلتون وكذلك بنيان تري
وبصراحه بنيان تري هو الافضل بس عيبه انه بعيد عن الاسواق والمطاعم يعني اذا سكنت فيه تقعد لين تسوي شك اوت
تحياتي