الموضوع: هذا مخططي في إيطاليـــا أرغب فقط في وضع النقط على الحروف

السلام عليكم والرحمه

بعد دراسه مطوله للمواضيع وتقارير الأخوان
بروح إيطاليا ان شاء الله انا وزوجي
تاريخ 2 يوليو- 8 يوليو
وقررت اظل في ميلان من 2-6 يوليو
حجزت مبدئيا فندقين ومحتاره بينهم

acca palace & antares hotel rubens

ايش رايكم ؟؟

ثانياً
أنا كنت ناويه من 6-8 يوليو اروح فينيسيا

بس لاحظت اغلب الأعضاء ما ينصحون في فينيسيا مبيت
ليش؟؟
وهل يكفيها ذهاب واياب من ميلان ؟؟
للعلم اني اريد اطلع من فينيسيا لزيلامسي
فأيش رأيكم ؟؟

بالنسبة لفترة مكوثي بميلان
هل اقدر اطلع منها لجاردا ولوقانو وروما ؟؟
وكلهم ذهاب واياب نفس اليوم
او متعب؟!

محتاره اول مره اروح ايطاليا
وطالبه مساعدتكم واشكركم بعنف

مواضيع عشوائيه ممكن تكون تعجبك اخترناها لك:

• ملعب الجوزيبي مياتزا
• اضراب عام في مطارات ايطاليا
• سؤال عاجل عن الوقت
• مشوره
• وش رايكم بالهذي الفنادق
• شهر عسل في ايطاليا و باريس ارجو افادتي
• ميلانو في مارس
• تكلفة السياره مع السائق؟
• ايطاليا ليست بهذا السوء و لكنكم انتم السبب
• اول مرة اسافر ايطاليا لغرض السياحة طلب استفسار بسيط منكم
• والله كل إيطاليا على راسي
• عاجل فنيسا البندقية
• معارض ايطاليا
• مساعدة عاجلة الله يخليكم
• أنا بكره مسافر على ايطاليا أغسطس
• أي تاريخ بالضبط تغلق اسواق ميلانو؟
• ايطاليا في اسبوع
• أهم أسواق ايطاليااااااااااا
• تكفون ياخبراء سيرموني مساعد
• هل اقدر استخرج فيزه قبل السفر ب اشهر وبدون حجز السكن

اعاني من مشكلة الحجز في البوكنج
متعوده احجز اي فندق بالفيزا مالي
الا فندق acca كل مره يرسلون انه في خطأ في البطاقه
رغم انه الحجز كونفيرم
واعدل البيانات واسوي تحديث بس لا زال
واللحين اقترحوا عليي ارسل بحسابهم حتى يتأكد الحجز
مع شرط انه يكون non refundable رغم اني مختاره اللي فيه امكانية الالغاء
ايش الحل؟؟

فندق انتوني بالاس

فندق انتوني بالاس في منطقة ماركون بالقرب من فينيسيا
يبعد عن المطار بالسياره ربع ساعه ومن فينيسيا تقريبا نص ساعه او اقل. موقع ممتاز منطقه هادئه.
.
فندق جيد جداً, والغرف معقولة المساحة ونظيفة, والحمام روعة , خاصةً للمسلمين, يوجد في الفندق مواقف سيارات مجانية, يوجد مطعم جيد مقابل الفندق, وكذلك مول قريب وكارفور أيضاً ,,,ويبعد تقريباً 25 دقيقة بالسيارة الى فينيس وساعة وربع من فيرون

تبعد محطة القطار حوالي عشر دقائق. 1.8 يورو للشخص الى فينيسيا اتجاه واحد.

الفندق يوفر مواصلات (فان 8 أشخاص) من الفندق للمطار ومن الفندق الى فينيسيا والعكس 4 يورو للشخص اتجاه واحد. من المطار للفندق يجب الحجز مسبقا والتاكد من المواعيد من موقع الفندق بالنت. احرص على الحجز لان التاكسي يكلف 34 يورو تقريبا نفس المشوار.

السكن في فينيسيا غالي ومتعب لكثرة المشي وعبور الجسور.
خاصة للي عندهم شنط كبيره.

الفندق جديد تم افتتاحه في 2006 يعني مبنى جديد. غرف كبيره, انترنت واي فاي مجانا في اللوبي, افطار متنوع ممتاز.

الحمام كبير و يتناسب مع متطلبات المسلمين ( عاد فهموها )
دفع الماء قوي وهذا شي مهم لا تجده في معظم الفنادق.

بالقرب من الفندق مجمع فالي سنتر 10 دقايق مشي. الاسعار عاديه محلات متنوعه ومطاعم بالطابق العلوي منها ماكدونالدز وغيرها.
كارفور جزء من المجمع حيث تجد كل ماتريد. يمكنكم شراء المياه المعدنيه من هناك ( 4 حجم الكبير 0.92 يورو لاحظ الفرق في الفندق او فينيسيا الوحده 2 يورو ) تأكد انها مياه معدنيه وليست غازيه.

ايضا بالقرب من الفندق 5 دقايق مشي محل العاب كبير اسمه تويز ستور. مثل تويز ار اس واسعاره عاديه. كما يوجد العديد من المحلات الكبيره في المنطقه نفسها لكن اكثرها منتجات صينيه.

مقابل الفندق مطعم اسمه بافاريا فيست يفتح في المساء فقط. احلى بيتزا وأحلى سعر.

واذا كنت رايح كروز باص الفندق يوصلك لمحطة فينيسيا
ومن هناك تاخذ القطار ( بيبول موفر ) يوصلك للميناء 1 يورو للشخص تقريبا 4 دقائق.

انصح وبشده السكن بهذا الفندق والذهاب الى فينيسيا بالفان التابع للفندق. السعر تقريبا 35 دينار للغرفه ( سعر خيالي بالنسبه لفينيسيا)

http://www.antonypalace.it/

أخي السكري أشكرك جدا على مساعدتك واقتراحك الجميل بحطه بالاعتبار
وجدت ايضا فندق ثاني اسمه Duca D'Aosta Hotel 4 ستار
وسعره ممتاز
وقرأت الآراء يمدحون موقعه وقرب من فينيسيا
فأيش رأيك ؟؟
واذا احنا نجي من ميلان لهالبلده كيف بيكون ؟
هل نروح اول فينيسا ونتمشى فيها ونرجع هالبلده والا كيف؟؟

فينسيا رائعة جداً لكن يومين كثيرة عليها
عن نفسي طلعت لها بالمترو من سيرميوني اللي هي جاردا
من 4م الى 8م تقريباً
لأن مافيها شي غير الجندول بمجرد انك تركبين فيه ياخذك فيك لفه ع المدينة تكفي
وغير كذا اثناء بحثي بموقع بوكينق وجدت فنادقها سيئة جداً واسعارها غالية!
فما انصحك بالمبيت فيها

عزيزي جوست شكرا لردك ونصيحتك

فعلا لاحظت انه فنادق فينيسيا غاليه جدا عشان كذا بدأت اشوف المناطق المحيطه
راح اكون بميلان تقريبا تاريخ 2 يوليو
عندي اسئله مهمه حتى أرتب جدولي

((1))
2 يوليو ------ مطار MXP 6ونصف مساءا
حجزت فندق ِACCA HOTEL
كيف ممكن اوصل بالمترو لفندقي؟؟ للعلم محطة AVORI قريبه من الفندق
يعني من المطار وين اتجه وهل بيكون مباشره لهالمحطه ؟؟

((2))
تاريخ
3 يوليو
4 يوليو
5 يوليو
6 يوليو
4 أيام كاملين
كيف استغلهم بميلان ؟؟
اليوم الأول ازور المنطقه المحيطه والدومو واليوم الاخير بروح اوتليت سيرفيالي
اريد ازور فلورنس وروما وبحيرة جاردا
من اي محطه اقص تذاكر؟ وهل يفضل قبل بيوم؟ وهل عادي ذهاب واياب لهالاماكن
ام يفضل مبيت ؟؟


((3))
تاريخ 7 يوليو اطلع من ميلان لفينيسيا
وحجزت هالفندق Duca D'Aosta Hotel في منطقه قريبه جدا من فينيسيا
ايش رأيكم بالفندق ؟
وكيف اطلع من ميلان لفينيسيا اي محطه اقص بها التذكره وهل يفضل قبل بكم يوم؟
ومن ميلان لهالفندق ؟؟

((4))
تاريخ 8 يوليو اطلع لزيلامسي ان شاء الله
أقدر اقص التذكره من وانا في ميلان ؟؟؟ اللي هي فينيسيا-زيلامسي


واشكركم بعنف

من خلال قرائتي للتقارير
خطر لي هالسؤال
هل افضل من ميلان اذهب لفينيسيا ذهاب واياب
ولروما مبيت ؟؟
وهل الانطلاق لزيلامسي افضل من روما ام فينيسيا؟

بعد إذن صاحب الموضوع
ليش ما اقدر أضيف موضوع جديد

تفتح الصفحة بس ما اقدر اكتب في خانة الكتابة

بالنسبة للاماكن من ميلان

يوم جاردا
يوم فينيسيا
يوم فيرونا روميو وجوليت
يوم لوقانو
يوم لوقانو بس مشوار شوي

تحياتي

او بسبب الاي باد

اخوي انت جرب تدخل بموضوع جديد وراح يتم الفتح للموضوع طبيعي

بالنسبة لصاحبة الموضوع
فنيسيا زيارة بيوم من ميلان كافية او انك تباتي فيها يوم وتتجهى لروما
بالتوفيق

شكرا أخي أبو طلال عالرد

بس بغيت استفسر بحجة اني بروح زيلامسي
وين احسن نقطه انطلق منها ؟؟

وهل روما تستحق الزياره ام لا؟؟
ويكفي اطلعها من ميلان وارجع ؟؟ وفينيسيا بعد اطلع وارجع ؟؟
والا ضروري أبات فيها علشان اروح زيلامسي؟؟

زيلامسي تقصدين الانطلاق لها من مدينة ايطالية
عالعموم روما صعب تزورين منها فنيسيا وميلان بنفس اليوم احسك كذا بتنحرمين من اشياء كثيرة
خلى مخططك روما 3ليالي
فنيسيا 2ليلة وميلان 3ليالي والسفر الى ستالزبورغ طيران
ومنها الى زيلامسي باقل من ساعة

شكرا أبو طلال
انقطعت فتره شفت ما احد متواصل معي ليشرح لي خطتي

اشكرك جدا
اسمع خطتي ما تصير؟؟
روما احس ما فيها الا بيزا كمعلم شهير لا غير
عشان كذا انا بس عندي بين 2-8 يوليو
ما اريد اقضي الفتره كلها بتنقلات متعب جدا
عشان كذا اريد اقضي من 2 -7 في ميلان
ومنها انطلق لجاردا ولوجانو صح كذا؟؟
وتاريخ 7 اروح فينيسا حسب ما عرفت يكفيها يوم فقط
من قرائتي لتقارير الأعضاء هنا
اتمشى بفينيسا واليوم الثاني انطلق لزيلامسي
بس لاحظت وانا اتمشى بالبوكنج والفنادق
انه بعضهم يقولوا من فينيسيا يروحوا يزوروا بيزا ويرجعوا
يصير كذا؟؟ ما عارفه وين روما بالضبط
اذا كذا حلو وكم بتكون المسافه ؟؟ في واحد كاتب ربع ساعه

خصوصا اني افضل اتنقل بين البلدان بالقطار ما بالطياره

وايش رايك بهالفندق Duca D'Aosta Hotel

اذا احجزه قريب من فينيسيا
لاني قريت بالتقارير ما ينصح نحجز فينيسيا نفسها واسعارها نار

اذا تسمعين رايي وانا اخوك احجزي بميلان او كومو ومنها روحي وارجعي بنفس اليوم للمكان اللي تبين واغلب المدن اللي قلتي عنها تراها اقل من عاديه عندك من ميلان وشمال هي الخيال والروعه انا الحين بميلان ويعد بكرى راجع صراحه بديت امل مع اني يوميا اروح لمكان وجدولي يوميا يبدأ الساعه 8 ودايم احجزي خارج المدن