الموضوع: تكون محتاج مشورتكم بخصوص السفر برفقة الأطفال

السلام عليكم ورحمة الله وبركاته
أسعد الله صباحكم بالخير


أخواني(يامن سافرتم برفقكة أطفالكم) أبغى رأيكم بخصوص السفر مع الأطفال
أنا سفرتي بعد شهرين ونص إن شاء الله لمدة 14 يوم
وعندي بنت (جنى) "الله يحفضها " رح يكون عمرها وقت السفر 8 أشهر إن شاء الله
المهم أنا وأمها متعلقين فيها لدرجت أني وديتهم يوم الثلاثاء لجدتها في الديره واليوم رحت أشوفها
والكل يقول لاتأخذونها معكم وأمها رافضه الفكره وماعندها مشكله تكنسل السفره ولا تخلي البنت هنا
سؤالي هو : هل السفر مع طفل بهذا العمر فيه تعب عليه او علينا؟
وش رأيكم بهالموضوع؟؟
تكفون أشيرو علي جزاكم الله ألف خير.

مواضيع عشوائيه ممكن تكون تعجبك اخترناها لك:

• استفسار يالغالين
• برنامج سياحي تكفون رحلتي قربت
• مساعدتكم شهر عسل لماليزيا وقفتكم معي الله يجزاكم خير
• إلى ماليزيا لكن كيف ؟
• عاجل افضل عرضين
• رأيككم في جدولي لشهر العسل إلى ماليزيا
• هل فندق راديوس جيد وهل غرفه مطلة على البرجين؟
• عاجل جدا مطلوب فندق جيد وسعره جيد في كوالا وياليت لو يكون قريب من شارع العرب
• اسعار الفنادق والتامين
• اريد جدول عائلي
• مساعده بخصوص التسجيل في اجودا
• إستإجار سيارة من النت مطار ماليزيا الدولي
• أرغب بتقرير عن الباص الإقتصادي هوب هوب
• الله يوفق اللي يرد علي ويفيدني ضروووري
• جدول رحلتي الى ماليزيا ينتظر اقتراحاتكم
• ماوهو وضع مسبق الدفع
• تكفوووووون يا الربع مساعدتي في رحلتي القادمة لماليزيا
• سفير المملكة في ماليزيا يُحذِّر السعوديين
• تعالو نخطط لرحلتي بعد يا اخوان ساعدوني
• ارغب باسامي مدن متطورة في ماليزيا بعيدا عن الطبيعة والجزر

هلا وغلا أخوي ( مودي ) ...

والله ياغالي السفر بالأطفال تحت ( 5 سنوات ) ... عذاب وتعب وهجولة

الطفل في هذا العمر ( يتعب ) من أدنى شيء ... ويحرمكم الحرية والحركة والتنقلات والمتعة

وماليزيا مايخفى عليك أنها بلد أمطار وغيوم ... الناس الكبار أحيان تتعب ... فما بالك بالأطفال

أنا في رحلتي الأخيرة ... كان معي ( عديلي ) ومعاه ولده عمره ثلاث سنوات ...

أقسم بالله ( نكد ) عليه الرحلة ... بس يبكي وينام ويتعب من المشي والخروج ...

هي نصيحة محب ... أترك الطفلة عند الأهل ... أريح لك ولها ...

أنا كل رحلاتي مع زوجتي فقط ... بدون ( هلا ) وهي بنتنا الوحيدة ... لكن هذا الحل الأفضل بصراحة

http://img541.imageshack.us/i/83032903.png/

الله يحفضلك جنى ويخليها لكم ان شالله
انا لي وجه نظر في هذا الموضوع
انا عندي بنتي
اش اقولك عنها شقية ودلوعه وصرخه منها تصحي اهل مكه وجده بعد
بس ما اقدر استغنى عنها ابد وعمرها سنتين ونص
واذا انت ما تحب تبعد عن جنى اقولك خذها
والله ما تسوى تروح وتلعب وتتمشى وبالك مشغول بيها
خذها معك وعمرها حلو جداً تقدر تتحكم فيها
من ناحية نومها واكلها وماراح تتعب من المشي لنك راح تحطوها في عربيه اكيد
وعادي لو تتنازلوا عن شي ع حساب شي اخر
اهم شي يرتاح البال ........وهي معكم

ممتاز هذا الي كنت بقولك عليه
بس ما ادري انت علق عندي وارسل ردي متقطع
الاستخاره هي الافضل
الله يسهل امرك ابو جنى

اصدقك القول السفر مع طفل بعمر بنتك هلاااااااااااااااااااااااااك
لكن الراحة النفسية لا زم منها خاصة انكم متعلقين فيها

خذوها وربك يكون بالعون

اهم شي بشنطة اليد وانتم بالطيارة خذوا لها خافض حرارة ومسكن للآلام قبل تقلعون اعطوها
ومضاد وحليبها الخاص والبامبرز وقطرة للانف وللاذن بالمختصر صيدليه متنقلة لازم تكون معاكم

تذكرت تجربتي مع ولدي .. والله جلست أضحك على نفسي ..
السالفة إني قررت السفر لماليزيا وكان عمره ثلاث سنوات وقلت خلاص ماراح أخليه يسافر معاي لأني ما أبغاه يتبهذل ..
وبنفس الوقت جلست ثلاث شهور قبل الرحلة و أنا تفكير و ضيقة وأحيانا بكاء .. تعذبت جدا .. لأني راح انحرم منه ..
بس لما ركبت الطيارة ... هههههههههه نسيت كل شي حتى ولدي ..
وكنا رايحين عشر أيام .. ما تذكرت إن عندي ولد إلا قبل رحلة العودة بيووووم ...
صدقني .. من الأفضل لكم تخلوها .. هي وين جالسة يعني أكيد عند أهلها وراح يكونوا حنونين عليها .. أنتو مو مخلينها بالشارع ..
و جلستها أريح لها بعد .. لأنها راح تتعب من التنقلات ... حتى لو كانت بعربية ..
وراح تكون جلستكم بالفندق أكثر من طلعتكم .. يعني عمر ثمان شهور جدا متعب ..
حبيت أنقل لك تجربتي بس و الله يوفقكم لك خير ..

وعليكم السلام ورحمة الله وبركاته
أخي ( مودي ) سفرا سعيدا وعودة حميدة ان شاء الله , تجربتي مع الصغار في السفر ان من النوع اللي مايرتاح في سفرياته الا وعيالي جنبي وقدام عيوني وامهم كذلك , انا سافرت كثير بالطيارة وبالسيارة لكن عن وجهة نظر فيني احسها متعة السفرية بعيالك , وربما الوضع عندك يختلف شوي , والله يعينك , وانا رأيي انه اذا بنتك الله يحفظها لك ويخليلكم هيا من النوع الهادي وغير بكاء اتوكل على الله وخذها اهي تجربه ويمديك تتحكم في طلعاتك وراحاتك .
مسافر شغوف

من يوم ما انولدت ماعمري اخذتها معي في سفره خارج مدينتي الا مره وحده وكنت رايح من الطائف لجدهوجلست يوم في مكه ويوم في جده وطول اليومين واحنا نلف على محلات الأثاث والديكورات والكهرب بحكم اني كنت اشطب بيت العمر والحمدلله ماحسينا بوجودها معنا بس نعطيها رضعتها ونغير لها وكانت نايمه على طول فهذا الشيء مطمني نوعا ما.
لا وابشركم اليوم رحت وطلعت لها جواز سفر :012:
ومن هنا الى وقت السفر ويحلها ربكم
بس لو فكرت اخذها وش الي رح احتاجه غير الحليب وغيارها والعربيه؟؟؟؟؟؟؟

وكيف رح اتصرف لو امطرت واحنا برا وعانا البنت؟؟؟

السلام عليكم أخوي ...
الله يحفظ لك بنيتك و يخليها لكم ... أقول توكل على الله و سافر و خذها معاكم و إن شاء الله بتنبسطون ..
بالإضافة للعربية حقت الأطفال ... خذ لك الحاملة اللي توضع على الصدر لحمل الطفل لإنه في بعض الأمكان ممكن العربية ما تخدمك كثير
و راح تتعب و أنت شايل طفلك علي يدك و لكن الحاملة اللي تربط على الصدر تساعدك و حتى تريح الطفل .....
و هذي صورة للحاملة .....

مشكور اخوي بس حاب اعرف كم سعر الحامل؟
وسمعت انه في نوع يستخدم على الصدر والضهر
هل هذا صحيح؟ من الموبايل

المشاركة الأصلية كتبت بواسطة mode_04
http://www.arabtravelersforum.com/tr...2/#post7642372

مشكور اخوي بس حاب اعرف كم سعر الحامل؟
وسمعت انه في نوع يستخدم على الصدر والضهر


هل هذا صحيح؟ من الموبايل



صحيح أخوي متوفر الشكليين على الصدر و على الظهر ... ويبدو لي إن اللي يتركب على الصدر بيكون أحسن علشان يكون وجه الطفل مقابل لحامله
و يكون الإنتباه له أكثر في حال إن الطفل نام أو في حال بكاءه و إسكاته و ملاعبته ...
و يبدو لي إن الحامل اللى علي الظهر بيكون مناسب و أحسن كلما كبر الطفل
أما الإسعار و الله ما عندي علم فيها و ممكن تلاقيها موجودة في محلات Mother Care أو تبحث عنها في النت أو تشتريها من ماليزيا أكيد متوفرة هناك






و بالتوفيق الله يسهل أمورنا و أمورك