الموضوع: اشكالية بانتهاء تاريخ جواز السفر

السلام عليكم ورحمة الله وبركاته ,,


اعضاء الموقع الكرام ,, هل هناك اشكالية باختلاف انتهاء جواز السفر في تذكرة السفر ؟؟

لاني قبل اسبوع لقيت عرض حلو بالخطوط السعودية ,, واضن لازال موجود والعرض يقول بشهر (سبتمبر - اكتوبر) شخصين من جدة لماليزيا دايركت رايح جاي بـ 3558 ريال ..
المشكلة جواز زوجتي بينتهي بعد ثلاث اشهر ,, وموعد السفر بيكون بعد سبع اشهر وقلت خليني الحق واشتري التذكرة,, اثناء عملية شراء التذاكر ,, لقيت صفحة تقول تاريخ انتهاء جواز السفر ,, قلت بحط تاريخ مبدئي من بكرة لمدة خمس سنوات يعني على اساس اني راح اصدر تجديد الجواز وتنضاف خمس سنوات تلقائية ...

ياليت تفيدوني راح احصل اشكالية بالمطار او بماليزيا ؟

مواضيع عشوائيه ممكن تكون تعجبك اخترناها لك:

• شوية أسئلة
• الحجز عن طريق رحلة لماليزيا
• استفسار بخصوص حجز الخطوط و الفنادق بليز
• استفسار بسيط
• البكج النهائي
• استفسار بخصوص مواقع حجوزات الفنادق
• معلومات فرش عن فندق نوفوتيل؟؟؟؟
• احبابي لا استغني عنكم اتمنى الاجابه
• استفسار ضروري وعااااجل تكفون
• ارجو المساعده مستجدات
• ماليزيا باقل التكاليف
• ممكن شوية مساعده
• نويت السفر إلى ماليزيا
• استفســـــــــارات
• رحلتي بعد ثلاثة ايام اريد نصائحكم وتحذيراتكم اريد الجميع ان يشارك
• سعر تذاكر ايراسيا
• الهوليدي فيلا هو نفسه هوليدي إن
• أستفسار عن موقع لحجز الفنادق، أتمنى الأفادة
• اول سفره لي لماليزيا ابي مساعدتكم
• ترتيب جدول التمشيات الله يعافيكم

عادي ياخوي انا شريت تذكرة السفر لي ولزوجتي وبعد شهرين اكتشفت ان موعد وصولي لماليزيا راح يبقى شهر على انتهاء جواز زوجتي رحت وجددت الجواز
لان التذكره مايكتب فيها تاريخ انتهاء الجواز

وبعدين فيه نقطه لازم تاخذ بالك منها وهي السبيلينق حق زوجتك لازم يكون مطابق تماما للجواز القديم وبس

وامورك في السليم

لكن لو السفر الى امريكا اتوقع بيقروشك شوي

بس مثل ما قلت لك وضعك زي وضعي بالضبط

واليوم رحلتي دعواتك يالغلا

نسيت اقول لك شي
بالنسبه للجواز لازم يكون باقي على الاقل ست اشهر على نهاية الجواز فاذا كان موعد سفرتك ونهاية الجواز بينهم مده اقل من ست اشهر جدد جواز زوجتك وتوكل على الله

مثل ماقلت التذكره يكتب فيها الاسم بس واحتياط خذ معك صورة من الجواز القديم بس ما اتوقع بتحتاج لها

هلا بأخوي الغالي ...

ماقصروا الأحبة ... كفوا ووفوا ... وأحب أوضح نقطة بسيطة :

تاريخ صلاحية الجواز ( ماله علاقة ) بالتذاكر ...

أهم شيء لما تدخل ماليزيا ... يكون باقي على أنتهاء الجواز ( أكثر من ستة شهور )

يعني الأن أحجز عادي بأي جواز ... لو باقي منه يوم ... وبعدين جدده عشان تدخل ماليزيا

ومن باب الأحتياط : خذ صورة من الجواز القديم قبل التجديد ... وخله معاك ... ممكن يطلبونه عشان التذاكر بس

http://img46.imageshack.us/i/77354865.png/

أبو حور ,, جزاك ربي الف خيير وريحتني كثثيير يوم قلت ان حالتلك مثل حالتي ,, علمنا بالتفاصيل اول باول يالغلا

توصل بالسلامة والله يهنيكم ويسعدكم بسفرتكم ووييسرها لكم ..



وحبيت انبهك لشغله مهمة مالها علاقة بالموضوع لكنها من باب الاخوة .... وهي اسم بنتك الله يحفظها لكم حور .. كنت مثلك بسمي بنتي حور ,, لكن اثناء دراسة الانجليزي صادفت كلمة بالانجليزي تنطق (هور) لكن كتابتها غيررر .. ومثل ما تعرف برا ما ينطقون حرف الحاء يقلبونه هاء .. ومعنى الكلمة اللي نطقها (هور ) هو Whore ومعناها جدا قبيح (عاهرة) بعيد عنكم ..ورا تتعب مستقبلا اذا حبيت تسافر برا لتغير الجو او دراسة او ايً كان ... راح تواجه احراجات بخصوص نطق الاسم ,,

اعذرني كنت براسلك خاص بخصوص موضوع الاسم لكن مشاركاتي قليل ماسمح السيستم وان شاءالله تكون افاده عاامه

ماقصرت اخوي وافي وفعلاً اسم على مسمى وانا من المتابعين لكم ولمساعدتك للزوار والاعضاء الله يعطيك العافية وتكون بميزاان حسناتك