الموضوع: ماليزيا او اندونيسيا ابي رأيكم

وعليكم السلام ورحمة الله وبركاته

حياك الله

انا سافرت إندونيسيا ورح اسافر ماليزيا إن شاء الله قريب

بصراحه من جد انبسطت انا وزوجتي في اندونيسيا جو وطبيعه وفنادق جدا راقيه وبأسعار مغريه ماعمرك بتحصلين مثلها في ماليزيا

وإذا على الترفيه عندك شاطيء انشول في جاكرتا ويحتوي على ( مدينة العاب اسمها دنيا فانتزي- واكواريوم عالم البحار - وسومدرا الي هي مدينة عروض ترفيهيه - وحديقه مائيه اسمها اطلنطس)
وعندكم بونشاك السكن فيه يرد الروح وجوه بارد وضباب
وبرضه مدينة الضباب باندونق من اروع مازرت في اندونيسيا
وفيه حديقة الحيوانات ( سفاري) وحديقة الزهور وكل وحده يبغالها يوم كامل
واذا تبغون التسوق عندكم مجمع اسواق منقا دو في جاكرتا ووهي عباره عن خمس اسواق تقريبا بجنب بعضها
الي ارخصها مجمع منقا دو بسار باقي
يوم وااحد مايخلص السوق
وبصراحه انا ندمان اني حجزت على ماليزيا مو اندونيسيا
بس يالله نستكشف دوله جديده

شكرًا الله يعافيك ما قصرت يعني اندونيسيا حلوه محتارين كثير بس آراء اكثر عشان نقرر من الموبايل

طيب على ايش حجزت طيران وكيف أسعاره من الموبايل

حجزت على الخطوط السعوديه
وكان السعر تقريبا 2200 ريال للشخص
وكانت رحلة شهر عسل
وحجوزاتي كانت كلها عن طريق موقع بوكنق واسيا ترافل
بس فيه واحد من حجوزات الفنادق تكنسل لاني وصلت من السعوديه متأخر تقريبا على الساعه 6 المغرب
وماكنت عارف انه لازم اكتب في الملاحضات اثناء الحجز ( تسجيل دخول متأخر)
الاعضاء هنا يمدحون ماليزيا وناس من اصحابي راحو لها بس انا باقي مارحت
عشان كذا قلت بزورها إن شاء الله
انتم استخيرو الله وربك بيكتب لكم الي فيه خير.
بس من ناحية الطبيعه فكلهم حول بعض ونفس الجو تقريبا بس ماليزيا اغلى من اندونيسيا وهذا شيء لاحظته في حجوزات الفنادق والمواصلات
على العموم الله يكتب لكم الخير
واسفين على الإطاله

اعتقد ان اندونيسا ارخص من ماليزيا
الاسعار في ماليزيا أغلى من السعودية في كل شي سواء تكاسي أو فنادق أو مطاعم أو أسواق حتى البقالات

اما التذاكر فراقبي انت الاسعار باستمرار , عندك العمانية والامارتية والقطرية , تنزل احيانا عروض حلوة أنت بس راقبي الاسعار

وعليكم السلام ورحمة الله وبركاته

أنصحك تاخذين لفة في القسم الماليزي و القسم الأندونيسي وراح تتضحلك الفكرة وبتعرفين الدولة اللي تودين زيارتها واكتشافها , الدولتين رائعتين.


موفقين بإذن الله

يعطيكم العافيه 'سماء الحزن كيف أراقب اسعار الطيران عن طريق النت فيه موقع لهم ياليت تعطيني فكره وجزاك الله خير من الموبايل

موقع skyscanner اكثر من رائع لمراقبة الاسعار
يقارن لك السعر في جميع خطوط الطيران الي تروح لوجهتك.
وهذا شرح له
http://www.arabtravelersforum.com/travel515438/

لو عجبك سعر محدد وحبيتي تحجزين انتبهي تحجزين عن طريق المواقع الوسيطه
احجزي عن طريق موقع شركة الطيران مباشره
لان صارت مشاكل لاحد الاعضاء مع المواقع الوسيطه وخسر حول 18000 ريال على التذاكر فقط

المشاركة الأصلية كتبت بواسطة يامور اوزدان
http://www.arabtravelersforum.com/tr...0/#post7649374

السلام عليكم ' عندي كم استفسار واتمنى ألقى الرد عندكم وانا متابعه من زمان للمنتدى بس اول مره اكتب موضوع ناويه ان شاء الله ع السفر باول ايام عيد الفطر 15يوم انا وزوجي ابي رأيكم ايهم افضل ماليزيا او اندونيسيا من ناحيه الطبيعة والأماكن والأسعار المناسبة يعني وش يميز اندونيسيا عن ماليزيا وش افضل طيران من ناحيه السعر والخدمات ابي رأيكم عشان اقدر انسق برنامج من المنتدى وشكرا مقدما' من الموبايل



وعليكم السلام


اختي انا عن نفسي سافرت ماليزيا 3 مرات قبل كذا والسنة الي راحت كنت حاب اغير وسافرت اندنوسيا


اذا كانت اول سفرة لكم لماليزيا او اندنوسيا انصحك تروحي ماليزيا واذا رحتو قبل كذا ماليزيا روحو اندنوسيا


ماليزيا تتفوق على اندنوسيا بانها مرتبة وبلد سياحي وبنية سياحية تخلي السايح مرتاح في سكنة وتنقلاتة وتمشياتة


عكس اندنوسيا جدا متعبة في التنقلات والتمشيات زحمة والمسافات بعيدة


الفنادق البلدين نفس الشيئ


اندنوسيا تتفوق على ماليزيا بكثرة الانشطة السياحية والفعاليات بس مع كذا ماليزيا انشطتها كثيرة


الاكل في اندنوسيا والتنقلات اغلى بكثير من ماليزيا عموما انا اشوف ان اندنوسيا اغلى من ماليزيا
(لايجيني واحد ماطلع الا جاكرتا وما حوليها ولا طلع مع شباب يتكلم يقول اندنوسيا ارخص)


على العموم لو رحتي اندنوسيا ضروري تروحو بالي ولمبوك وباندونق لان الروعة هناك


انا السنه هذي رايح ماليزيا ان شاء الله


تحياااااااااااااااتي

اندونيسيا أفضل من عدة نواحي

الاسعار ، التسوق ، طيبة الشعب ، تعدد الخيارات

ماليزيا أفضل من عدة نواحي

البنية التحتية ، صناعة السياحة و الرقي

لو علي اختار اندونيسيا

شكرا لجميع اللي رد علي كنت ابي مساعده احترت اكثر انا رحت قبل لسريلانكا ابي بلد يختلف عنه شوي كنوع من تغير اعتقد من الآراء ماليزيا افضل وأرقى من اندونيسيا وان الأسعار متقاربه طيب كيف التنقل بماليزيا واندونيسيا يعني ماليزيا المدن قريبه من بعض بسياره نتنقل واندونيسيا كيف التنقل بين الجزر ؟؟؟ وكيف احجز سواق ؟؟والشعب كيف ؟؟؟ من الموبايل

Mode_04 الله يعافيك ممكن اسأل الحجز عن طريق موقع شركه الطيران بالنت افضل من الحجز عن طريق مكتب سياحي لاني بكل سفراتي احجز التذاكر من المكتب ماجربت النت وخايفه بالنسبه للفنادق احجز دايم من البوكنج فيه موقع افضل منه لحجز الفنادق والله يوفقك يارررب ما قصرت '' من الموبايل

بالنسبة للتنقل في ماليزيا . بين المدن

لديك اكثر من خيار ..

الطيران
او التاكسي
او الباصات الفخمة ( فيها شاشات ترفية ومضيفات ووجبة افطار او غداء ) خصوصا باصات ايرولاين
او القطارات
او العبارات المائية بين بينانج ولنكاوي
وداخل كوالا لامبور ممكن تستخدمون المترو

طبعاً خيار حجز سائق معك طوال الرحلة غير متوفر في ماليزيا وان توفر يكون اسعارة باهظة.

بخصوص اندونسيا ..

لايوجد الا طيران الى جزيرة بالي اوبعض المدن الاخرى ..
او التاكسي للتنقل من جاكرتا الى بونشاك او باندوق او غيرها..

طبعاً في اندونيسيا ممكن تحجز سائق يقلك الى ما تريد بسعر ثابت يومياً .. يعني ممكن ياخذ منك 400الف روبية في اليوم او اكثر

بخصوص الحجز الفنادق الافضل والارخص انكم تحجزون عن طريق النت من المواقع المشهورة مثل بوكنق او اجودا او اسياترفل او غيرها ..

وممكن تحجز الباصات ( ايرولاين ) للتنقل بين المدن من النت الان طبعاً في ماليزيا فقط
وممكن تحجز بعد العبارات البحرية من النت الان في ماليزيا

بالنسبة لاندونيسا وضعها مشابه الى سريلانكا ممكن تتصل على مكتب هناك يوفر لك سائق او تتصل على سائق وتتفق معاه

بالنسبة للشعب بشكل عام الشعبين طيبين لكن الفرق انه في ماليزيا ما راح تصادف احد يطلب منك هدية او اكرامية ..
مثل اندونيسيا لانك راح تسمع كلمة هدية اكثر من اي كلمة اخرى وفي كل مكان بداية من المطار ..

^^ شكراااا ابي اسأل عن حجز الطيران كيف أحجز من النت هل هو مضمون لأني خائفه تروح الفلوس علي. من الموبايل

انا دايم احجز كل شي من النت
وادفع التذاكر واصدرها من النت بدون ما امر اي مكتب اريح وارخص بكثيييير
قبل فتره اتصلت ابغى اضيف بنتي على التذكره لان وقت الحجز ماطلعت للحياه بعد
المهم اول ما اعطيت الموظف رقم الحجز تعجب وسألني من وين جبت الحجز
فقلت له من النت
لاني حجزت لشخصين ذهاب وعوده دايركت لماليزيا على الخطوط السعودية بسعر 2555 ريال فقط لاغير
يعني1254 ريال للشخص الواحد
وطلعت تذكرة بنتي ب 129 ريال بس
اهم شي تجنبو المواقع الوسيطه
احجزو من موقع الخطوط دايركت
واسفين على الاطاله من الموبايل